పైన చెప్పిన  ‘ శులభ ‘  సూత్రాలు మనం రోజూ మననం చేసుకుని ఆచరిస్తే  అధిక రక్త పీడనం ఇక మనని బాధించలేదు! 

మనం మునుపటి టపాలలో  తెలుసుకున్నాము  చాలా వివరం గా,  అధిక రక్త పీడనం , చాలాకాలం ఉంటే, దాని ప్రభావం గుండె మీదా, మెదడు మీదా, మూత్ర పిండాల మీదా, కళ్ళ మీదా, ఏ విధంగా ఉంటుందో. ( ఈ బ్లాగు మొదటి సారి చూస్తున్న వారు, ఆర్కివ్స్ లో మునుపటి టపాలు చూడ వచ్చు , ఈ సంగతులన్నీ తెలుసుకోవడానికి ) 

ఇపుడు మనం అధిక రక్త పీడనం చికిత్సా పద్ధతులు చూద్దాము. 

బీ పీ కనక 130/80 mm Hg. కన్నా ఎక్కువ ఉంటే,  కేవలం జీవన శైలి లో మార్పులు అంటే ( life style modifications ), ఆ అధిక రక్త పీడనాన్ని  కంట్రోలు చేసుకోవచ్చు. 

బీ పీ కనక 140/90 mm Hg. అంతకు మించీ ఉంటే , అప్పుడు  జీవన శైలి లో మార్పులతో పాటు  అధిక రక్త పీడనం తగ్గించే  మందులు వీటినే  యాంటీ హైపర్  టేన్సివ్ లు అంటారు ( anti hypertensives ). వీటిని కూడా తీసుకోవలసి ఉంటుంది. 

బీ పీ కనక 180/110 mm Hg. కానీ అంతకు మించి కానీ ఉంటే , ఆ పరిస్థితి ప్రమాదకరమైనది. అపుడు వెంటనే తగు వైద్య సహాయం తీసుకోవాలి ఆలస్యం చేయకుండా. ప్రత్యేకమైన పరీక్షలు కూడా అవసరం అవుతాయి ఆ పరిస్థితిలో. 

 

జీవన శైలి లో మార్పులు మనం ఎట్లా తేవచ్చో , వచ్చే టపాలో వివరం గా తెలుసుకుందాము !