డ్యాష్ డైట్ ప్రత్యేకించి  అధిక రక్త పీడనం  ఉన్న వారికీ,  లేక అధిక రక్త పీడనం  వచ్చే ముందు లక్షణాలు ఉన్న వారికీ ( ఆంటే ఈ  దశను  ప్రీ హైపర్ టెన్షన్ లేక Pre Hypertension  అంటారు ) రికమెండ్ చేయబడుతుంది.

DASH డైట్  సరిగ్గా ఆచరిస్తే  పద్నాలుగు ( అంటే 14 ) రోజులలోనే  అధిక రక్త పీడనం , ఆంటే హై బీ పీ , కంట్రోలు లోకి వస్తుందని శాస్త్రీయం గా రుజువు అయింది.  కానీ గుర్తుంచుకోవలసిన విషయం ఏమిటంటే,  ఈ డైట్  ప్రారంభ దశలోనూ, మధ్య దశలోనూ హై బీ పీ ఉన్న వారికి ప్రత్యేకించి లాభదాయకం.

అంతే కాకుండా,  అధిక రక్త పీడనానికి మందులు వాడే వారిలోనూ,  ఈ డైట్   ను ఆచరిస్తే, వారి మందులను బాగా పని చేసేటట్టు చేస్తుంది. అంటే , మందులను తీసుకుంటున్న వారు , ఈ డ్యాష్ డైట్ ను కూడా తీసుకుంటుంటే , వారిలో అధిక రక్త పీడనం చక్కగా కంట్రోలు అవుతుంది.

1. ఈ డైట్   మన రక్తం లో కొలెస్టరాల్ ను తగ్గించ గలదు.

2. అట్లాగే  మన శరీరం లో వివిధ అవయవాలకూ , కండరాలకూ , ఇన్సులిన్  కు ఎక్కువగా స్పందించే టట్టు చేసి , తద్వారా మధుమేహ వ్యాధి నివారణ కు కారణమవుతుంది.

3. ఈ ప్రత్యేకమయిన డైట్ , అధిక బరువును కూడా తగ్గిస్తుంది.

వచ్చే టపాలో  డ్యాష్ డైట్  (DASH )వివరాలు చూద్దాము !