స్త్రీ హింస – శాస్త్రీయ విశ్లేషణ :

లింగ పరంగా ( అంటే కేవలం స్త్రీ అన్న కారణం గా ) జరిపే ఏ చర్య అయినా , శారీరకం గా కానీ , మానసికం గా గానీ , కామ పరంగా కానీ ( అంటే సెక్సువల్ వయొలెన్స్ ) స్త్రీ ( ల ) కి హాని కానీ చెరుపు కానీ కలిగించితే దానిని స్త్రీ హింస అనబడుతుంది. కేవలం ఈ చర్యలే కాకుండా , స్త్రీని లింగ పరం గా  భయ పెట్టడం , వారి స్వేచ్చా స్వాతంత్ర్యాలకు భంగం కలిగించడం జరిగినా అది స్త్రీ హింస గానే పరిగణించ బడుతుంది ! ఈ చర్యలు ఆ స్త్రీ వ్యక్తిగత జీవితం లో జరిగినా , లేదా బహిరంగం గా జరిగినా కూడా అవి స్త్రీ హింస గానే పరిగణించ బడతాయి !  ( ఐక్య రాజ్య సమితి ( UNO ) నిర్వచనం ! )

ఇటీవల భారత దేశం లో ” బయట పడుతున్న ” అనేక స్త్రీ హింసా సంఘటనలు విజ్ఞాన వంతులను, పామరులను కూడా కలవర పెడుతున్నాయి !

” నీ జర్క్ రియాక్షన్ ” లాగా ( అంటే ఒక రకమైన వైద్య పరికరం తో సున్నితం గా మోకాలి చిప్ప పై భాగం లో కొడితే ఆ కాలు చటుక్కున అంటే వెంటనే ముందుకు ఎగురుతుంది. దీనిని నీ జర్క్ రియాక్షన్ అంటారు వైద్య పరం గా . ఇట్లా , ఒక సంఘటన జరిగిన వెంటనే పూర్వా పరాలు ఆలోచించకుండా తీసుకునే నిర్ణయాలను కూడా నీ జర్క్ రియాక్షన్ అంటారు ) కేవలం స్త్రీ హింస కి కారణమైన వారిని శిక్షించితే నే స్త్రీ హింస మాయ మవదు !

స్త్రీ హింస గురించి శాస్త్రీయం గా తెలుసుకోవడానికి ప్రయత్నిద్దాం వచ్చే టపా నుంచి !