Our Health

Archive for ఫిబ్రవరి, 2013|Monthly archive page

పని సూత్రాలు. 13. మీ స్మైల్ తీసుకు వెళుతుంది, మిమ్మల్ని వేల మైళ్ళు !

In మానసికం, Our minds on ఫిబ్రవరి 28, 2013 at 9:55 సా.

పని సూత్రాలు. 13. మీ స్మైల్   తీసుకు వెళుతుంది, మిమ్మల్ని,  వేల మైళ్ళు ! 

 
సదా చిరునవ్వు చిందించండి ! :నవ్వు !  చిరునవ్వు ! సృష్టి లో మానవులకు మాత్రమే  ఉన్న అతి  ప్రత్యేక  లక్షణం ! ఉదయం  మీ ఉద్యోగం లో ప్రవేశించ గానే మీ ఇతర ఉద్యోగులకు మీ అమూల్యమైన చిరునవ్వు చూపించండి ! కరచాలనం , అదే హ్యాండ్ షేక్ , చేసే సమయం లో కూడా మీ ఇతర ఉద్యోగులతో , చిరునవ్వు నవ్వండి ! మీరు చేసే పని కష్టం అవుతున్నప్పుడు , నవ్వండి ! , మీ చుట్టూ ఉండే సమస్యల వలయాన్ని కూడా ఛే దించ డానికి , ఏకైక మార్గం, మీరు చిరునవ్వు చిందిస్తూ, ముందుకు పోవడమే !  అది అనేక  సూర్యోదయాలకు సమానం !  మీ నవ్వు , మీలో ఏదో తెలియని నూతనోత్సాహం నిండుతుంది, మీలో ఒక కొత్త కాంతి జనిస్తుంది !  మీరు చేసే పని ని ఏకాగ్రత తో చేయ గలుగుతారు ! మీ రోజు హాయి గా మొదలై హాయిగా పూర్తి  కూడా అవుతుంది ! 
మరి అసలు సిసలైన మీ చిరునవ్వు ఎట్లా ఉండాలి ?:
మీ చిరునవ్వు , స్నేహ పూర్వకం గా ఉండాలి ! మీలో ఏ  భేషజాలు లేకుండా నవ్వినట్టు ఉండాలి , అంటే మీలో ఇతర వ్యక్తుల మీద అసూయ  కానీ, మీ ఆఫీసు లో మీ స్థానం అంటే మీ పొసిషన్  గురించి గానీ ఏమాత్రం మీకు గర్వం కానీ, అహం కానీ లేకుండా నిర్మలం గా నిష్కల్మషం గా ఉండాలి ! అభం శుభం తెలియని ఓ చిన్నారి చిరు నవ్వు ఎట్లా ఉంటుందో , అట్లా మీ చిరు నవ్వు ఉండాలి ! మీ చిరునవ్వు  సిన్సియర్ గా ఆనెస్ట్ గానూ , ఫ్రాంక్ గానూ ఉండాలి ! సంతోషం గానూ ఉండాలి !
కొందరు వ్యక్తులతో మనం కలిసినప్పుడు ,  ” పొద్దున్నే వీడి మొహం చూడాల్సిన ఖర్మ పట్టింది నాకు ! ఇక రోజంతా ఎట్లా ఉంటుందో ఏమో ” అనుకుంటూ నవ్వినట్టు గా ఉంటుంది  వారి నవ్వు ! ఇంకొందరు  ఏడిచినట్టు  నవ్వుతారు, చక్కటి చిరునవ్వును  వారి  మనసు ఉక్కు గోడలలో దాచేసి ! కొందరు  పురుషులు ఉద్యోగం లో తమ తోటి పురుష ఉద్యోగులతో ” వీడెక్కడ దాపురించాడు రా ,ఆఫీసు కు రాగానే అన్న విధం గా ఓ పొడి నవ్వు వారికి ” పడేసి ” వారినుంచి దూరం గా ” పడతారు ” ! అదే వారి తోటి స్త్రీ ఉద్యోగినులతో , వారి మొహం అంతా  సూర్యకాంతి పుష్పమంత చేసుకుని మరీ కృత్రిమమైన నవ్వులు అనేకం ” పండిస్తూ ” ఉంటారు ! స్త్రీ ఉద్యోగుల ముందు వారు నవ్వే ప్రతి నవ్వూ చిలిపి తనం తో  ఏదో ఒక నిగూఢమైన కోరిక తో  నిండి ఉంటుంది !  ఏదైనా పబ్లిక్ ఆఫీసు లో క్యాష్ కౌంటర్ దగ్గర ఉండే క్లర్క్  ను ఎప్పుడైనా గమనించారా ? వారి చూపులు ఎప్పుడూ మీ చేతుల మీదే ఉంటాయి ! మీరు చిరునవ్వు నవ్వి  మీ పనిని త్వరగా చేయమని వివరించి చెబుతూ ఉంటే  ” ఎవడ్రా వీడు నాకు కహానీ లు చెబుతున్నాడు ? అన్నట్టు మీ మొహం వంక తేరి పార చూస్తూ , వారి చేతులలో ఉన్న నోట్లు అతి వేగం గా లెక్క పెడుతూ ! అదే మీరు ”  మీరు కట్ట వలసిన డబ్బు కాకుండా విడిగా ఓ పదో ఇరవయ్యో నోట్లు ఇంకో చేత్తో పట్టుకుని క్యాషియర్ వైపు చూడండి ! వారి మొహం ఒక్క సారి గా వెలిగి పోయి , వారు చేస్తున్న పనిని ఆపి మీ విషయం చూస్తారు ! క్షణాల్లో పూర్తి  చేస్తారు ! 
మీ నవ్వు  మీలో ఎదుటి వ్యక్తి  మీద ఏ విధమైన అసూయా , ఈర్ష్యా ద్వేషాలు , క్రోధాలూ లేనప్పుడు , సహజం గా, నిర్మలం గా , ప్రశాంతం గా , సంతోషకరం గా ఉంటుంది!  అటువంటి మీ చిరునవ్వు  అతి శక్తి వంతమైనది !   మిమ్మల్ని  మీ జీవిత పధం లో అనేక వేల మైళ్ళు ముందుకు తీసుకు వెళుతుంది, అతి వేగం గా ! అందుకే మీ అమూల్యమైన చిరు నవ్వు సదా నవ్వుతూ ఉండండి !  మీ జీవితాలకు ” జీవం ” పోస్తూ ఉండండి నిరంతరం ! 
 
వచ్చే టపా లో ఇంకో పని సూత్రం ! 

పని సూత్రాలు. 12. ఉద్యోగాలలో వనితల వస్త్ర ధారణ.

In మానసికం, Our minds on ఫిబ్రవరి 27, 2013 at 11:00 సా.

పని సూత్రాలు. 12. ఉద్యోగాలలో వనితల వస్త్ర ధారణ. 

 
క్రితం టపాలో మనం ఉద్యోగాలలో స్త్రీ పురుషులు అసందర్భ వస్త్ర ధారణ  చేస్తే  ఎట్లా అనిపిస్తుందో చూశాము !  ఆధునిక స్త్రీ పురుషులు చాలా పురోగమించారు. పని సరిగా చేసినంత కాలం  ఎవరు ఎట్లా డ్రస్ చేసుకుంటే ఏం ? హూ కేర్స్ ? అనే భావనలో , స్వేఛ్చా భావనలతో , స్వతంత్ర భావనల తో ఉంటారు అది మంచిదే ! ఆధునిక  మేనేజర్లు కూడా వారి వారి స్వేఛ్చా  స్వాతంత్ర్యాలను  గౌరవించుతూ ,  వారి ఉద్యోగస్తులకు తగిన స్వతంత్రాన్ని ఇచ్చే వారు కూడా ఉన్నారు ఈ కాలం లో ! కానీ , స్వేఛ్చా స్వాతంత్ర్యాలు, ఆధునిక భావాలు ఉన్న స్త్రీ పురుషులు వారి వారి స్వంత ఎంటర్ప్రైజెస్ లో వారికి ఇష్టం వచ్చిన రీతి లో వస్త్ర ధారణ  కూడా చేయ వచ్చు ! కానీ ఇంకొకరి కార్పోరేట్ ఆఫీస్ లో పని చేస్తున్నప్పుడు , ఆ కంపెనీ యొక్క ఇమేజ్ ను వారి వస్త్ర ధారణ  ఏ  విధం గా ప్రభావితం చేస్తుందో  ఆలోచించి తదనుగుణం గా ప్రవర్తించాలి ! గుర్తు ఉంచుకోండి !  పని సూత్రాలలో ముఖ్యమైనది ,  మీరు పని చేసే చోట మీరు కేవలం అదే సీటు కు అతుక్కు పోకుండా , మీ దీర్ఘ కాలిక లక్ష్యాన్ని విస్మరించ కుండా, పురోగమిస్తూ ఉండాలి ! అందుకు  మీ వస్త్ర ధారణ కూడా అందుకు ఒక ముఖ్య మైన విషయం ! మరి వనితలకు వస్త్ర ధారణ ఎట్లా ఉండాలి ? ఈ విషయం లో ప్రముఖం గా వనితలు పరిశీలించ వలసిన విషయాలు , ప్రయాణం చేసే సమయం లోనూ ( అది మళ్ళీ వారి ప్రయాణ వాహనాన్ని బట్టి కూడా మారుతుంది కదా ! ముఖ్యం గా స్కూటర్ మీదా , సైకిల్ మీదా ప్రయాణం చేసే యువతులు చీర కొంగులూ , సల్వార్ చెంగులూ చక్రాలలో ఇరుక్కోకుండా జాగ్రత్త తీసుకోవాలి ! ) , ఇంకా వారి వారి ఆఫీసులోనూ వారికి , అక్కడి వాతావరణానికీ , ఉష్ణోగ్రత లకు తగినట్టుగా , వారికి వీలైనంత అనుకూలం గా ఉండేట్టు చూసుకోవాలి !  వారు పని చేసే సమయం లో కూడా వారికి ఎక్కువ కంఫర్ట్  కలిగిస్తూ ఉండాలి ! 
 
( పైన ఉన్న చిత్రం లో ఆధునిక పాశ్చాత్య యువతుల నమూనా  ఆఫీసు వస్త్ర ధారణ చూడ వచ్చు. )
 
వచ్చే టపాలో ఇంకొన్ని సంగతులు ! 

పని సూత్రాలు. 11. వేష ధారణ ముఖ్యం !

In మానసికం, Our minds on ఫిబ్రవరి 25, 2013 at 9:14 సా.

పని సూత్రాలు. 11. వేష ధారణ ముఖ్యం ! 

పని సూత్రాలలో రెండవ అధ్యాయం. మిమ్మల్ని మీరు పని చేసున్నంత కాలమూ , అంటే మీరు మీ ఉద్యోగం చేస్తున్నంత కాలమూ ,  అంచనా వేస్తూ ఉంటారనే విషయం మర్చి పోకూడదు !  యు అర్  బీయింగ్ జడ్జ్ డ్  ఎట్ ఆల్ టైమ్స్ !  మిమ్మల్ని అంచనా వేస్తున్న వారు, తమ తమ అభిప్రాయాలను ఏర్పరుచుకుంటూ ఉంటారు మీ మీద !  ఆ అభిప్రాయాలు సదభిప్రాయాలు గా ఏర్పడడానికి , మీరు  మీ వంతు ప్రయత్నం చేయాలి !  ఇతరులు మనలను పరిశీలించడానికీ,మన మీద తమ తమ అభిప్రాయాలను ఏర్పరుచుకోడానికీ , మన  అనుమతి ఏమీ అవసరం లేదు కదా !  కానీ మన వేష ధారణా , భాష తీరు , ఇంకా ప్రవర్తనా , ఇట్లాంటి  లక్షణాలు మనం అశ్రద్ధ చేయకుండా ,  మనదైన తీరు ను ఎప్పుడూ ప్రదర్శిస్తూ ఉంటే ,  మన మీద ఏర్పడే అభిప్రాయం, ఉన్నతం గా ఉంటుంది. 
అందుకే ఈ ప్రక్రియ లో మొదటి సూత్రం మీ వేష ధారణ. మీరు మీ ఆఫీసుకు కానీ వర్క్ ప్లేస్ కు గానీ వెళుతున్నప్పుడు మీ వస్త్రాలను అశ్రద్ధ చేయకూడదు. అతిగా డ్రస్ చేసుకోకూడదు. అట్లాగే మరీ కక్కుర్తి గానూ  మీ వేష ధారణ ఉండ కూడదు ! మీరు  ధరించే బట్టలలో, మీ మీద మీకు ఉన్న శ్రద్ధ కనిపించాలి ! మనం ఇతరులను చూడగానే ప్ర ప్రధమం గా వారి వేష ధారణ పరిశీలిస్తాము !  ఒక పురుషుడు ఆఫీసుకు , మల్లె పూల లాంటి తెల్లటి బట్టలు వేసుకుని వస్తే , ” పూల రంగడు ” లా ఉన్నాడు ! అనుకుంటాము ! అదే ఒక స్త్రీ  తెల్లటి సల్వార్ కమీజ్ వేసుకుని , తన పొడవాటి శిరోజాల లో ఉయ్యాల లూగుతూ ,  ఘుమ ఘుమ లాడుతూ  ఉన్న మల్లె చెండు  తో ఆఫీసు కు వస్తే ! !!  లేదా ఇంకో రోజు  తెల్లటి చీర , తెల్లటి రవిక లో ఆఫీసు కు వస్తే ! ? ! ?  ఆఫీసులో ఫైళ్ళు అసలు కదలవు ! అందరి కళ్ళూ ( ప్రత్యేకించి పురుషుల కళ్ళు ! )  టెలిస్కోపు లలా  ముఖం నుంచి ముందుకు వస్తాయి ! 
జయదేవ్  కార్టూన్ అనుకుంటా చాలా కాలం క్రితం చూసినా ఇప్పటికీ కళ్ళకు కట్టినట్టుగా నా కు గుర్తు ఉంది ! ఒక వనిత, ఉల్లి పాయ పొర లాంటి పలుచని చీర, నాభి క్రిందకు కట్టుకుని, తన పాలిండ్లను ఒక పారదర్శకమైన ! పమిట ” చాటున  దాచి ” అలవోక గా  నడుస్తూ వెళుతూ ఉంటుంది. ఆసమయం లో , అక్కడ ఉన్న  ఒక పురుషుడు , ఇంకో పురుషుడి తో అంటూ ఉంటాడు, ” ఈమె మా ఆఫీసు లో పని చేస్తుంది , ఛస్తే ఒళ్ళు దాచుకోదు ” అని ! 
ఈ వస్త్ర ధారణ  ను జెనరలైజ్ చేయడం కష్టం !  ఉష్ణ దేశాలలో , వస్త్ర ధారణ,  టై లూ గై లూ  లేకుండా ఉంటే  హాయిగా ఉంటుంది. అట్లాగే శీతల దేశాలలో టై కట్టు కోకుండా పురుషులు ఆఫీసుకు వెళ్తే , మిగతా వారి దృష్టి లో కొంత తేలిక భావం ఉంటుంది  వారి మీద ! ట్రైనర్స్ , జీన్స్ వేసుకుని ఆఫీసు కు వెళ్ళడం, లేదా హవాయి చెప్పులు వేసుకుని ఆఫీసు కు వెళ్ళడం కూడా ఇతరులకు మీ మీద ఉండే అభిప్రాయాన్ని మార్చేస్తుంది,నెగెటివ్ గా ! చాలా మంది తాము పని చేసే స్థలాలలో  చక్కటి గాలీ, వెలుతురూ లేక పోయినా , సింథ టిక్ వస్త్రాలను తరచూ ధరిస్తారు ! పైకి మడతలు పడనట్టు కనిపించినా, ఆ రకమైన వస్త్రాలు , విపరీతం గా స్వేదం కలుగచెస్తాయి.  చక్కటి నూలు వస్త్రాలలా, స్వేదాన్ని అంటే చెమటను పీల్చలేవు !  దానితో  చాలా అనర్ధాలు ఉన్నాయి ! ఎందుకంటే, అవి వేసుకున్న వారికే  మగ్గి పోయినట్టు ఉక్క పెట్టడమే కాకుండా , మిగతా వారు కూడా వారి దగ్గరకు రావడానికి జంకుతారు ! ఆ పరిస్థితి లో ఒక సమస్య మీద దృష్టి కేంద్రీకరించి, పరిష్కారం కనుక్కోవడం, సులభమో 
కష్టమో ,  ఆ వస్త్ర ధారణ చేసుకునే వారికే ఎరుక !   
 
వచ్చే టపాలో ఇంకొన్ని సంగతులు ! 

పని సూత్రాలు.10. మీ స్వేదం కనపడనీయకండి !

In మానసికం, Our minds on ఫిబ్రవరి 24, 2013 at 2:48 సా.

పని సూత్రాలు.10. మీ స్వేదం కనపడనీయకండి ! 

 

పని సూత్రాలలో ఇంకో ముఖ్యమైనది,  మీరు చేసే పని లేదా ఉద్యోగం లో మీరు పడే శ్రమను బహిరంగ పరచకుండా జాగ్రత్త పడడం ! మీరు ఆఫీసులలో గమనిస్తే, పై అధికారులు అట్లా కనిపిస్తారు ! ఆఫీసులో తమ సీట్లో కూర్చుని, చాలా ప్రశాంతం గా మౌన ముద్రలో ఉన్నట్టు ఉంటారు ! నిత్యం ఎదురయే సమస్యలను, ఏమాత్రం ఆందోళన, ఆదుర్దా లేకుండా  పరిష్కరిస్తూ ఉంటారు !  చేసే పనిని అతి చాక చక్యం గా చేస్తూ ఉంటారు ! ( ఇట్లా ప్రవర్తిస్తూ ,  తమ హస్త లాఘవం కూడా  ప్రదర్శించే వారి విషయాలు ప్రస్తుతం మనం పట్టించుకోవట్లేదు ! ) 
ఇంకో ఉదాహరణకు ( మన ) ప్రస్తుత  భారత దేశ నాయకులను చూడండి !  అనేక విధాలుగా రోజూ వివిధ మీడియా లో తమ ” ప్రకటనల ” లో  ” ప్రతాపం ” చూపిస్తూ ఉంటారు ! విపరీతమైన హడావిడి చేస్తూ ఉంటారు !  అవి నీటి మాటలే అయినా నిత్యం మీడియా లో కనపడుతూ ఉంటే లేదా వారి మాట వినపడుతూ ఉంటే నే వారు , ” బాగా పని చేస్తున్నట్టు ! ”  అన్ని విధాలా దేశాన్ని దోచుకునే వారు, పల్లె పల్లెలలో కూడా తమ నిలువెత్తు  విగ్రహాలు ప్రతిష్టించుకుంటారు. ఏళ్ల తరబడి తాగే నీటి వసతి లేని ఊళ్లు చాలా ఉన్న మహారాష్ట్ర లో ఈ మధ్య ఒక ” మహా నాయకుడు ” తన కొడుకు  పెళ్ళికి  22 హెలి ప్యాడ్ లను ఏర్పరిచి , ఒక లక్ష మంది అతిథులను ఆహ్వానించి , ఒక అరవై  ఐటమ్స్ తో విందు చేశాడు ! అదీ ప్రస్తుత నాయకుల  ” నిస్వార్ధ ” సేవా జీవితం ! జనాలు కూడా వారికి జే జే లు కొడుతూ ఉంటారు ! మీడియా మత్తులో మునుగుతున్న చాలా మంది జనాలకు, అసంఖ్యాకమైన నిస్వార్ధ దేశ భక్తులు, తమ సర్వస్వాన్నీ త్యాగం చేసి , స్వాతంత్ర్యం తెచ్చిన సంగతి, గుర్తుకు రాదు ! విగ్రహాలు లేక పోయినా , కనీసం వారి పేర్లు కూడా  తెలుసుకునే స్థితిలో వారు  లేరు !  కానీ నిజం గా పని చేసే వారు, కాశ్మీరు లోయలలో, మంచు అంచున ,ఆహార్నిశాలూ సరిహద్దు ను కాపలా కాస్తూ ఉండే సిపాయీలు !  వారికి ఏ  విగ్రహాలో అవసరం లేదు ! వారి స్వేదం కనపడదు మనకు ! నిశ్శబ్దం గా తమ ధర్మం నిర్వర్తిస్తున్నారు ! మనకు అమూల్యమైన స్వేఛ్చ ను అందిస్తున్నారు ! 
అసలు విషయానికి వద్దాము ! 
మీరు  ఉన్నత లక్ష్యాలు ఏర్పరుచుకుంటే , వాటి కోసం మీరు పడే శ్రమను , మీ వర్క్ ప్లేస్ లో ఏమాత్రం చూపకండి ! మీరు మీ ఉద్యోగం లో కానీ , చేసే పనిలో కానీ ,మీ విసుగును కానీ , కోపాన్ని కానీ మీ ఆందోళనలను కానీ చూపించ కండి !  మీ ఇతర ఉద్యోగులతో మీ పని ఎక్కువ గా ఉందనో , లేదా మీకు ఆ పని చేయడం చాలా కష్టం గా ఉందనో  ” నస  ” పెడుతూ ఉండకండి !  ఈ భయాందో ళనలు  అన్నీ  మీ ఉద్యోగం చేయడం లో మీకు ఉన్న శక్తి సామార్ధ్యాలను  మరుగున పరిచి ,మిమ్మల్ని  ఆ పని లో లేదా ఉద్యోగం లో ” అసమర్ధులు ” గా ముద్ర వేసే ప్రమాదం ఉంది ! పని లో కష్టాలూ , జటిల  సమస్యలూ ఉన్నా కూడా , మీరు ” నిండు కుండ ” లా తొణ కకుండా, బెణక కుండా ఉండాలి ! చాలా రిలాక్స్ అయి ఉండాలి ! హుందా గా ఉండాలి !  అంతే  కాక , మీరు మీకు ఇచ్చిన పని గడువు తీరే సమయం లోనే చేయడం అలవాటు చేసుకోవాలి !  ఇతరుల సహాయం సాధ్యమైనంత తక్కువ గా తీసుకుంటూ ఉండాలి !  మీకు ఉన్న పనిని త్వర గా పూర్తి  చేసుకుంటూ మీరు విరామం తీసుకుంటూ ఉండాలి !  
మీ స్వేదం ( శ్రమ )  ఇతరులకు కనపడ నీయకండి !  ( ఇది అక్షరాలా  కూడా నిజమే ! అంటే మీరు ఆందోళన పడుతూ , ఆదుర్దా పడుతూ చెమటలు కారుకుంటూ ఎప్పుడూ కనపడ కండి ! ) ఎందుకంటే, మీరు సమర్ధులు, మీ లక్ష్యం ఉన్నతమైనది !   ఇవే ఇతరులకు మీలో కనపడాలి !  
 
వచ్చే టపాలో ఇంకో పని సూత్రం ! 
 

పని సూత్రాలు.9. సమ దృష్టి ! ( రైట్ యాటి ట్యూ డ్ )

In మానసికం, Our minds on ఫిబ్రవరి 23, 2013 at 9:11 సా.

పని సూత్రాలు.9. సమ దృష్టి ! ( రైట్ యాటి ట్యూ డ్ )

 

క్రితం టపాలో చేస్తున్న ఉద్యోగాన్నీ, పనినీ ఇష్టపడి చేయడం వల్ల  కలిగే లాభాలు తెలుసుకున్నాం కదా ! ఇప్పుడు చేసే ఉద్యోగం లో   రైట్ యాటిట్యూడ్  అంటే సమ దృష్టి కలిగి ఉండడం ఎంత ప్రయోజన కారో తెలుసుకుందాం ! 
సామాన్యం గా  మేనేజ్మెంట్ ఒక గ్రూపూ , పని చేసే ఉద్యోగులు ఇంకో గ్రూపు గా ఉండడం ప్రతి ఆఫీసులో నూ  జరిగే విషయమే ! అంతే  కాకుండా , ప్రతి ఉద్యోగీ మేనేజ్మెంట్  మీద తన అక్కసు వెళ్ళ బోసుకునే వాడే !   మేనేజ్ మెంట్ రూల్స్ వల్ల  తాము పడ్డ లేక పడే కష్టాలూ , ప్రతి కూల  పరిస్థితులూ సహ  ఉద్యోగులకు చెప్పుకునే వారే !  మీరు మీ జీవిత పధం లో పైకి వెళదా మనే కృత నిశ్చయం తో కనక  ఉంటే ,  ఇట్లాంటి సమస్యలు ఉత్పన్నం అయినప్పుడు , సమ దృష్టి కలిగి ఉండాలి ! అంటే రైట్ యాటి ట్యూ డ్ !  మీరు ఇతర ఉద్యోగులు మేనేజ్ మెంట్ వల్ల  తమకున్న సాధక బాధకాలు మీకు చెబుతున్నపుడు , తల ఊపుతున్నా , మీరు మీ అభిప్రాయాలను , ఖచ్చితం గా ఉద్యోగుల తరఫున కానీ , మేనేజ్ మెంట్ తరఫున కానీ వెల్లడించక పోవడం ఉత్తమం ! మీ మనసు లో మీకు నిజం ఏమిటో తెలిసినా ! అదే రైట్ యాటి ట్యూ డ్ !  మీరు మాత్రం మీ సాధక బాధకాలను ఇతర ఉద్యోగులతో చెప్పుకోకండి ! ఎందుకంటే మీకు పని సూత్రాలు బాగా తెలుసు కనుక ! మేనేజ్ మెంట్ వారి పాలసీలు ఏమిటో , వాటి బాగోగులు ఏమిటో కూడా విశ్లేషించి తెలుసుకోండి ! కానీ  మీరు మాత్రం మీ సమ దృష్టి ని వదలకండి ! సమ దృష్టి ,   అంటే  ఉద్యోగులందరితోనూ  మంచి గా స్నేహ పూర్వకం గా ఉండడం , దయా పూర్వకం గా ఉండడం , మానవత్వం తో  సమస్యలను పరిశీలించడం , ఆశావహ దృక్పధం తో ఉండడం అంటే పాజిటివ్ గా ఆలోచించడం ,మీ శక్తి సామర్ధ్యాలను  సరిగా ఉపయోగించుకోవడం !  మీరు ఇతర ఉద్యోగులను ఏ  విధం గానూ వంచన చేయకుండా ప్రవర్తించడం,అంతే  కాక , ఇతరులు స్తబ్దు గా ఉన్నపుడు , కానీ లేదా తప్పు అయినప్పుడు , మీరు ఆ అవకాశాన్ని జార విడుచు కోకుండా సద్వినియోగం చేసుకోవడం కూడా  ! 
ఎందుకంటే , పని సూత్రాలు బాగా తెలిసిన మీ లక్ష్యం  పదోన్నతి ! ప్రధమ స్థానం ! 
 
వచ్చే టపాలో ఇంకో పని సూత్రం ! 

 

పని సూత్రాలు.8. పని లో ఆనందం !

In మానసికం, Our minds on ఫిబ్రవరి 22, 2013 at 6:54 సా.

పని సూత్రాలు.8. పని లో ఆనందం ! 

వంద శాతం అంకిత భావం తో పని చేయడం వల్ల  ఉండే ఉపయోగాలు క్రితం టపాలో తెలుసుకున్నాము కదా ! ఇప్పుడు పని లో ఆనందం విషయం చూద్దాము ! చాలా మంది, ” ఉద్యోగాలు ఎందుకు చేస్తున్నాము రా బాబూ ( చంద్ర బాబు కాదు ! ) ”  అనుకుంటూ, ఆఫీసుకు కానీ పని చేసే చోటకు కానీ వచ్చిన దగ్గర నుండి , గడియారం లో ముల్లులను ఆత్రుతతో గమనిస్తూ , సరిగా అయిదు అవగానే ( చాలా సమయాలలో ఇంకా ముందు గానే ) ఇంటికి ఉరికే పని లో ఉంటారు.  వారి ఉద్యోగాన్ని వారు ఇష్ట పడరు. ఏదో నిమిత్త మాత్రం గా , యాంత్రికం గా తమ పని చేసి బయట పడతారు ! 
చేస్తున్న పనిని ఇష్ట పడుతూ చేసే వారికి, పని లో కష్టం తెలియదు ! వారి దృష్టి అంతా  మనస్పూర్తి గా ఆ పని చేయడం మీదనే లగ్నమై ఉంటుంది కనుక ,ఆ పని సులువు అవుతుంది. వారికి పని వల్ల  కలిగే వత్తిడి చాలా తగ్గుతుంది. వారు ప్రశాంత చిత్తం తో పని చేస్తూ ఉంటారు కూడా ! వారు చేస్తున్న పని ప్రశాంతం గా పారుతున్న ఏరు లా ఉంటుంది అంటే ఫ్లో అన్న మాట ! పాజిటివ్ సైకాలజీ లో కూడా ఇట్లా పని ని ఇష్ట పడుతూ చేయడం వల్ల  అనేక లాభాలు ఉంటాయని తెలుసుకున్నాం కదా ! ( బాగు ఆర్చివ్ లలో చూడండి, పాజిటివ్ సైకాలజీ గురించి వివరించడం జరిగింది ! ). 
ప్రతి ఒక్కరి జీవితం లోనూ అనేక కష్టాలు ఉంటాయి , నష్టాలు ఉంటాయి, ఆనందాలు ఉంటాయి. ఉత్తేజాలు ఉంటాయి ! అత్భుతాలు కూడా ఉంటాయి ! మరి జీవితాన్ని ఇష్టం లేకుండా గడప లేము కదా !  ప్రతికూల క్షణాలు ఎదురవగానే తాత్కాలికం గా ఏర్పడిన అయిష్టతా భావాన్ని , మనం మన జీవితాంతం అన్వయించు కోలేము కదా !  అతి విలువైన జీవితాన్ని , ఆస్వాదిస్తూ , ఇష్టత తో జీవించడం అలవాటు చేసుకుంటాం కదా ! అదే విధం గా మనం చేసే పని ని కూడా ఇష్ట పడుతూ చేస్తూ ఉంటే ,అది మన శారీరిక , మానసిక ఆరోగ్యానికీ , ఆనందానికీ చాలా మంచిది.  ఒక పరిశీలన ప్రకారం ఉద్యోగం నుంచి రిటైర్ అయిన వారు ఆ తరువాత రెండు సంవత్సరాలకే , కుమిలి పోతూ , అనారోగ్యాన్ని , చాలా తరచుగా తమ ప్రాణాలకూ ముప్పు తెచ్చుకుంటున్నారు అని తెలిసింది. తాము ఎంతో  ఇష్ట పడుతూ చేసే ఉద్యోగం నుంచి రిటైర్ అవడం తో వారికి వచ్చే చిక్కులు అవి. ఇంకో విధం గా చెప్పుకోవాలంటే , వారు వారి ఉద్యోగాలు చేస్తున్నప్పుడు, వారి ఉద్యోగాలు వారి ( ఆరోగ్యాని ) కి రక్షక కవచాలు గా పనిచేస్తాయన్న మాట ! 
ప్రతికూలత లు లేని జీవితం ఎట్లా చప్పగా ఉంటుందో , సమస్యలు లేని  ఉద్యోగం కూడా అట్లాగే ఉంటుంది. కొంత మేర మీరు చేసే పని లో చాలెంజ్ ఉంటే, అది మీకు స్ఫూర్తి  నిస్తుంది.  ఒక క్రమ పధ్ధతి లో మీరు మీ శక్తి సామర్ధ్యాలతో , పాజిటివ్ దృక్పధం తో ఆ చాలెంజ్ లను అధిగమిస్తే, మీలో పరిపూర్ణతా , పని చక్కగా చేయ గాలుగుతున్నాననే గర్వం  తొ ణికిస  లాడుతూ ఉంటాయి !  అందుకే మీరు చేసే ఏ  ఉద్యోగం అయినా , పని అయినా  ఇష్ట పడుతూ చేయడం అలవాటు చేసుకోండి ! అట్లాగని మీ హృదయం మీద రాసుకోండి. అప్పుడు మీ మనసూ ( అంటే మెదడూ ) , హృదయమూ కూడా ఆరోగ్యం గా ఆనందం గా ఉంటాయి ! 
 
వచ్చే టపా లో ఇంకో పని సూత్రం ! 

పని సూత్రాలు.7. వంద శాతం-అంకిత భావం !

In మానసికం, Our minds on ఫిబ్రవరి 21, 2013 at 6:54 సా.

పని సూత్రాలు.7. వంద శాతం –  అంకిత భావం ! 

 
పని సూత్రాలలో ఒక ముఖ్యమైన సూత్రం: మీరు చేసే పని లో , అది ఎక్కడైనా , ఎట్లాంటి ఉద్యోగం అయినా , అందులో మీరు వంద శాతం అంకిత భావంతో పని చేయడం నేర్చు కోవాలి ! పని లో అంకిత భావం మీరు మొదటి నుంచీ నేర్చుకుంటే అందువల్ల చాలా ఉపయోగాలు ఉంటాయి ! మీరు చేసే పనిని సమర్ధ వంతం గా చేయ గలగటమే కాకుండా,  ఆ పనిలో మీరు పడే శ్రమను పని చేసే సమయం లో మరచి పోవడం కూడా జరుగుతుంది. కానీ సత్ఫలితాలు మాత్రం మీవే !  
మీరు పని సూత్రాలను తు. చ. తప్పకుండా పాటించే ట్టయితే, మీకు పని లో అంకిత భావం తప్పని సరిగా ఉండాలి. మీరు మీ దీర్ఘ కాలిక లక్ష్యాల మీద తదేకం గా దృష్టి ఉంచాలి. దీనిని ఒక చిన్న ఉదాహరణ తో చెప్పుకొవచ్చు. మీరు స్కూటర్ మీద కానీ , కారు లో కానీ , లేదా సిటీ బస్సు లో కానీ , లేదా రైలు లో కానీ , ఒక ఇరవై మైళ్ళు ప్రయాణం చేసి, ఇంకో చోటు కు వెళ్ళాలను కోండి. మీ గమ్యం చేరుకోడానికి మీ దారి లో ఎన్ని అవాంతరాలు ఎదురైనా , మీరు పట్టించుకోరు. ఒక వేళ చాలా కష్టం గా ఉన్నా బస్సులో ఇబ్బంది పడుతూ కూడా, కొన్ని సమయాలలో ప్రయాణ మంతా కూడా నిలుచునే ఉన్నా న్నా పరవాలేదనే మనస్తత్వం తో మీ గమ్యం చేరగానే బాగా రిలీఫ్ ఫీలవుతూ బస్సు బయటకు ఒక్క సారి గా వచ్చి మీ షర్ట్  పై బటన్స్ తీసుకుని ఒక్క సారిగా ఓపెన్ ఎయిర్ లో మీ ఉపిరి తిత్తులను నింపుకుని, మీరు వెళ్ళ  వలసిన చోటుకు చేరుకుంటారు ! అట్లాగే మిగతా వాహనాలలో కూడా వాటి వాటి ప్రతి కూలత లు ఉన్నా కూడా ఏవీ పట్టించుకోరు , గమ్యం వైపు మీ దృష్టి ఎప్పుడూ ఉంటుంది !  
అట్లాగే మీరు పనిని అంకిత భావం తో చేస్తూ, మిగతా వారిని పట్టించుకో కూడదు ! కొందరు ఆఫీసు లో నిద్ర పోతూ ఉంటారు , ఇంకొందరు వారి ఉద్యోగాన్ని కేవలం వారి ఆఫీసు దగ్గర ఉన్న కాఫీ హోటల్ లో చేస్తూ ఉంటారు !  ఇంకొందరు ఆఫీసు కు వచ్చి, అటెండెన్స్  రిజిస్టర్ లో  సంతకాలు చేసి  చెప్పా పెట్టకుండా బయటకు జారుకుంటారు ! వారితో మీరు మిమ్మల్ని ఎప్పుడూ పోల్చుకో కూడదు ! మీరు మీకు ఇచ్చిన పనిని అంకిత భావం తో చేయాలి ! ఎందుకంటే , మీ గమ్యం మీ ఆఫీసు దగ్గర ఉన్న కాఫీ హోటల్ కాదు కదా !   మీ లక్ష్యం  కూడా ఘనమైనది ! అది మీకు మాత్రమే  తెలుసు !  మీకు, మీరు చేసే ఉద్యోగం, కేవలం మీ జీవిత లక్ష్యానికి చేరుకునే ఒక వాహనం మాత్రమే ! అందువల్ల మీరు ఆఫీసులో  మీరు పని చేస్తునంత కాలమూ, ఏ పొర పాటూ చేయకుండా, మీ తరువాతి గమ్యం చేరుకోవడమే !మీ తరువాతి గమ్యం, మీరు పని చేసే  ఆఫీసు లోనే ఉండవచ్చు ( అంటే ప్రమోషన్ ) లేదా ఇంకో చోట , ఇంకో ఉద్యోగం కావచ్చు !  ఎక్కడైనప్పటికీ  మీ గమ్యం కేవలం కాఫీ హోటల్ మాత్రమే  కాదు కదా !  
ఇట్లా వంద శాతం అంకిత భావం తో పని చేస్తే ఏమైనా ప్రయోజనం ఉంటుందా ? అని ప్రశ్నించుకుంటే , దానికి సమాధానం తప్పని సరిగా ఉంటుందని చెప్ప  వచ్చు ! మీరు చేసే పని మీకు సులువు అవుతుంది. అంతే  కాక మీరు మీ పని మీరు చేసుకుంటూ, మిగతా వారు పని చేయకుండా, కాల యాపన చేస్తూ ఉండడం పరిశీలించండి !  మీకు అది హాస్యాస్పదం గానూ , వినోదం గా కూడానూ ఉంటుంది ! ఎందుకంటే , మీరు గంభీరం గానూ ఆత్మ  విశ్వాసం తోనూ , హుందా గానూ ,నిశ్శబ్దం గానూ , ముందుకు పోతూ ఉన్నారు ! మిగతా వారిలా కాకుండా !  
కేవలం అంకిత భావమే కాకుండా , మీరు మీ పని లేదా ఉద్యోగం చేస్తూ ఉన్నపుడు , జాగరూకత తోనూ , అప్రమత్తత తోనూ , ఉత్సాహం తోనూ , సంసిద్ధత తోనూ చేయడం నేర్చుకుంటే , మీరు చేసే ఉద్యోగమే కాకుండా ,  మీ భావి జీవితం లో మీరు చేసే ప్రతి పనీ , మీకు అదే విధం గా చేయడం అలవాటు అవుతుంది ! ఆ గొప్ప అలవాటు తో మీరు మిగతా వారికన్నా , అనేక వందల మైళ్ళ దూరం వెళ్ళ గలరు ! కొన్ని సార్లు వేల  మైళ్ళ దూరం కూడా !  ఈ మాటలను కేవలం మైళ్ళ సంఖ్య తోనే కొలవడానికి ప్రయత్నించ కండి !  ఉద్దేశం,పనిలో మీకున్న అంకిత భావం తో ,   మీరు ఇతరులు అందుకోలేని  ఉన్నత స్థాయి ని చేరుకుంటారని ! 
 
వచ్చే టపా లో ఇంకొక పని సూత్రం ! 

 

పని సూత్రాలు.6. మీదైన ప్రత్యేకతను చూపండి!

In మానసికం, Our minds on ఫిబ్రవరి 20, 2013 at 8:05 సా.

పని సూత్రాలు.6. మీదైన ప్రత్యేకతను చూపండి.

పని సూత్రాలలో ఇంత వరకూ మనం ఒక్కో సూత్రం తెలుసుకుంటూ వస్తున్నాం కదా ! ఇప్పుడు ఆరో సూత్రం గురించి తెలుసుకుందాం ! 
మీరు ఎక్కడ ఉద్యోగం చేస్తున్నా కూడా ,  అక్కడ , కేవలం మీ ఉద్యోగాన్ని సరిగా చేయడమే కాకుండా , ఇతర విషయాలలో కూడా మీరు జిజ్ఞాస పెంపొందించు కుని, ఒకటో రెండో విషయాలలో మంచి పట్టు సాధించ గలిగితే , అది మీ పురోగతి కి బాగా దోహద పడుతుంది. అంతే  కాక మీరు ఇతర విషయాలను మీ ఆప్షనల్స్ గా పరిగణించి, ఉత్సాహం తో ” ఒక పట్టు” పట్టి , వాటిలో మీరు నిపుణత సాధిస్తే , అది మీకు ఆనంద దాయకం గా కూడా ఉంటుంది, మీరు పని చేసే చోట , మీ మేనేజర్ ను కూడా మీరు మీ ప్రత్యేకత తో    మిమ్మల్ని అభినందించే పరిస్థితి కలిగించ వచ్చు. 
ఉదాహరణకు :  ఉదయ్ ఒక  సాఫ్ట్ వేర్ ఇంజినీర్. తన పని ని తాను అత్యుత్సాహం తో చేస్తాడు. పట్టుదలతో ప్రాజెక్ట్ లు సకాలం లో పూర్తి  చేస్తాడు. సాఫ్ట్ వేర్ రంగం లో వచ్చే తీరు తెన్నులు కూడా  తెలుసుకుంటూ ఉంటాడు ఎప్పటి కప్పుడు.ఏదో సరదాకు ఇంజినీరింగ్ చదివే సమయం లో నే  ఫ్రెంచ్ భాష మీద ఉత్సాహం తెచ్చు కున్నాడు. దానితో పాటుగా  హైదరాబాదు లో ఉద్యోగం చేస్తున్న సమయం లో ఫ్రెంచ్ లాంగ్వేజ్ లో సీనియర్ డిప్లొమా పాసయ్యాడు.  తరువాత ఆ సంగతి మర్చి పోయాడు , ఏదో సరదాకు,  అప్పుడప్పుడూ ఫ్రెంచ్ చానెల్స్ చూడడం, కొంత కొంత  ఫ్రెంచ్ ప్రోగ్రాం లు ఫాలో అవడం చేసే వాడు ! తను ప్రస్తుతం ఉద్యోగం చేసే కంపెనీ లో తనలా ఉన్న సాఫ్ట్ వేర్ ఇంజినీర్స్ కనీసం ఒక పాతిక మంది ఉన్నారు. కానీ ఒక్కరికీ ఫ్రెంచ్ రాదు. దానితో ఉదయ్  పరిస్థితి ” రొట్టె విరిగి నేతి  లో పడ్డట్టు గా తయారయింది ”. ప్రాజెక్ట్ ఒకటి ఫ్రాన్స్ నుంచి వస్తే , వాళ్ళ మేనేజర్ యాక్సెప్ట్ చేసి , ఉదయ్  ను  పారిస్ పంపించాడు. అక్కడ కొంత కాలం  ఉండి , ఆ ప్రాజెక్ట్ పూర్తి  చేశాడు ఉదయ్. అంతే  కాక  తన ఫ్రెంచ్ భాష కు ఇంకా పదును పెట్టాడు !  ఇప్పుడు ఉదయ్ తన కంపెనీలో చాలా పాపులర్ ! తన ఉద్యోగం కూడా  ఆ కంపెనీ లో సుస్థిరం అయింది !  మిగతా ఇంజినీర్స్ కొంత మంది ఉదయ్  కన్నా ఎక్కువ క్వాలిఫికేషన్స్ ఉన్నా కూడా వారికి ఆ అవకాశం రాలేదు ! కేవలం ఉదయ్  ప్రత్యేకత వల్ల ! 
మీరు ప్రత్యేకతలు ఏ  రంగం లోనైనా సాధించ వచ్చు.  కంప్యూటర్స్ లో అంటే సాఫ్ట్ వేర్ ఇంస్ట లేషన్ కానీ , లేదా  హార్డ్ వేర్ విషయాలు కానీ , ఆటల  లో కానీ,  కంపెనీ లా లో కానీ ,యూనియన్  లాస్ లో కానీ , కుకింగ్ లో , బడ్జెట్ లో , ఆడిట్ లో , లేదా ,కార్ మెకానిజం లో ,  సంగీతం లో, ఇట్లా ఎన్నైనా చెప్పుకోవచ్చు. 
ప్రవీణ్ ఒక  అకౌంట్స్ క్లార్క్ .  తన కంపెనీ లో ప్రతి ఉద్యోగి కీ రావలసిన జీతం ,  పై అలవెన్సులూ  పైసా పొరపాటు రాకుండా లెక్కలు కడతాడు. ఒక మూడు గ్రూపులు గా తన కొలీగ్స్ తయారయి , అందులో మేనేజ్ మెంటు కు  వ్యతిరేకం గా రెండు గ్రూపుల వాళ్ళు  ప్రవర్తిస్తూ ఉన్నారు !  మేనేజర్ కు ప్రవీణ్ ఒక మాదిరి గా ” గుడ్ బుక్స్ ” లో ఉన్నాడు !  తన పధకాన్ని  వివరించి , మేనేజ్ మెంట్ చేత ఒప్పించి , మూడు గ్రూపుల వాళ్ళనూ , విశాఖ పట్నం పిక్నిక్ కు తీసుకు వెళ్ళాడు !  ప్రయాణం దగ్గర నుంచి, తనే అరేంజ్ చేశాడు ! సెల్ఫ్ కేటరింగ్  తీసుకుని , మిగతా వారితో కలిసి , రుచి కరమైన  ఫుడ్ కూడా వంట చేసి , చేయించి పెట్టాడు. దానితో , ఒక్కొక్కరికీ చాలా చౌక గా , తక్కువ ఖర్చులో , ఎక్కువ ఆనందం కలిగించింది ఆ ట్రిప్పు ! అక్కడకు వెళ్ళిన మూడు రోజుల్లో, ఒక గ్రూపు లో ఉద్యోగులు ఇంకో గ్రూపు వారితో ( ఇట్లా కలిసిన వారిలో వారిలో స్త్రీలూ , పురుషులూ కూడా ఉన్నారు ! ) పాలు నీరు లా కలిసి పోయారు ! వారి లో పరిచయాలు, చనువులూ పెరిగాయి. ప్రతి ఉద్యోగీ , ఆ రోజులను తమ జీవితాలలో ” మరచి పోలేని క్షణాలు ” గా మిగతా అందరికీ చెప్పుకున్నారు.  తిరిగి వెళ్ళాక , అన్ని గ్రూపులూ మాయ మయి , ఒకే గ్రూపు గా తయారయారు వారంతా !  మేనేజరు ప్రవీణ్ ను ” కొత్త అల్లుడి ” లా చూడడం మొదలెట్టాడు , అప్పటి నుంచీ ! 
 
వచ్చే టపాలో ఇంకో పని సూత్రం ! 
 
 
 

పని సూత్రాలు. 5. తక్కువ సమయం లో, ఎక్కువ పని చేయండి.

In మానసికం, Our minds on ఫిబ్రవరి 18, 2013 at 6:18 సా.

పని సూత్రాలు. 5. తక్కువ  సమయం లో  ఎక్కువ పని చేయండి.

మీ ఆఫీసులో ఒక విషయానికి సంబంధించిన ఫైలు చూడాలంటే లేదా తేల్చాలంటే  , ఒక వారం సరిపోయేట్టు ఉంటే , రెండు వారాల గడువు అడగండి , మీ పై అధికారి నుంచి.అట్లాగే , ఒక  సాఫ్ట్ వేర్ ప్రోగ్రాం కు ఒక నెల పడితే , రెండు నెలలు సమయం అడగండి. ఈ విధం గా చేయడం మీ బాసును కానీ , పై అధికారిని కానీ మోసగించినట్టు కాదు. ఎందుకంటే , మీరు  అనివార్య కారణాల వల్ల , ఆ పని లో అయ్యే ఆలస్యాలను కూడా దృష్టి లో పెట్టుకుని, అట్లా ఎక్కువ గడువు అడుగుతున్నారని , మీ చర్య ను సమర్ధించు కోవచ్చు. అప్పుడు మీ దూర దృష్టి కి మీ పై అధికారి కూడా  అభినందిస్తాడు మీ పని తనాన్నీ, మీ సామర్ధ్యాన్న్నీ ! మీరు ఒక చిన్న ఎంటర్ప్రైజ్ మొదలు పెట్టారను కుంటే , మీ కు వచ్చే ఆర్డర్ లకు ఎక్కువ సమయం తీసుకుని,  మీరు చేయ వలసిన పనిని కానీ , లేదా సప్లయి చేయ వలసిన వస్తువులను కానీ ఎక్కువ నాణ్యత గా చేస్తే, వాటి ఫలాలు మీకు చెందుతాయి. అంతే  కాకుండా , మీరు చేయవలసిన పని కూడా ,అడిగిన దానికన్నా  ఎక్కువ గా చేయండి ! ఉదాహరణ కు : మీరు మీ ఆఫీసులో బోర్డ్ మీటింగ్ కోసం ఒక రిపోర్ట్ తయారు చేయాలని ,రెండు వారాల గడువు మీకు ఇస్తే , మీరు ఒక వారం లోనే ఆ రిపోర్ట్  ను పూర్తి  చేయడమే కాకుండా,  అందులో మీరు ఉంచాల్సిన డేటా కన్నా ఎక్కువ గా అంటే భవిష్యత్తు లో మీ కంపెనీ ప్రొజెక్షన్స్ కూడా వివరం గా పొందు పరచడం లాంటి వి చేస్తే , మీ మేనేజర్ మెప్పు పొందగలరు. ఇట్లాంటి విషయాలలో కొంత జాగ్రత్త కూడా మీకు అవసరం ! అంటే మీరు చేస్తున్న ఎక్కువ పని, మీ మేనేజరు కు ” అతి ” గా అని పించకూడదు ! 
కొన్ని సమయాలలో , మిమ్మల్ని చేయమన్న పని  మీకు తెలియదన్నట్టు ” అమాయకత్వం ” ప్రదర్శించితే కూడా , మీ బాసు మెప్పు పొందగలరు ! 
ఉదాహరణ కు:  కిరణ్  ఒక సాఫ్ట్ వేర్ కంపెనీ లో పని చేస్తాడు. అతని కి జావా ప్రోగ్రాం కొట్టిన పిండి. అంతే  కాకుండా , తన ప్రత్యెక ఉత్సాహం తో , గ్రాఫిక్ డిజైన్ లో కూడా  ప్రావీణ్యత సంపాదించాడు. కానీ తన మేనేజర్ కు ఈ విషయం తెలియదు. అనుకోకుండా , తమ కంపెనీ పాపులారిటీ ద్వారా, గ్రాఫిక్ డిజైన్ కు సంబందించిన ప్రాజెక్ట్ ఆఫర్ వచ్చింది. మేనేజర్ కిరణ్ ను అడిగాడు. కిరణ్ తెల్ల మొహం వేశాడు, ఎక్కువ గా తెలియదు కానీ ప్రయత్నిస్తానన్నాడు !  సందేహిస్తూ నే మేనేజర్  యాక్సెప్ట్ చేశాడు ఆ ప్రాజెక్ట్ ( గుడ్ విల్ పోగొట్టుకోవడం ఎందుకు, ఒక వేళ తమ కంపెనీ ఆ ప్రాజెక్ట్ చేయక పోయినా, ఇంకొకరి చేత చేయించి, తాము కొంత కమిషన్ పొందవచ్చనే ఆశతో ) కిరణ్ ఆ ప్రాజెక్ట్ ను తనకున్న అనుభవం తో ( బాస్ కు తెలియదు కదా ! )  అనుకున్న సమయం కన్నా ముందే పూర్తి  చేయడమే కాకుండా  బాగా కూడా చేశాడు ! దానితో , ఆ కంపెనీ కి గ్రాఫిక్ డిజైన్ లో కూడా ఎక్కువ ఆఫర్ లు రావడం మొదలెట్టాయి. దానితో ,  బైక్ మీద ఆఫీసుకు వెళ్ళే కిరణ్ కార్ లో వెళ్ళడం మొదలెట్టాడు ! మేనేజరు  మహా ఆనంద పడిపోతున్నాడు ! 
 
పైన వివరించిన ఈ పని సూత్రాన్ని అండర్ ప్రామిసింగ్ అండ్ ఓవర్ డెలివరింగ్  అని కూడా చెప్పుకోవచ్చు ! 
 
వచ్చే టపాలో ఇంకో పని సూత్రం ! 
 

పని సూత్రాలు.4. మీ ఉనికి ని సుస్థిరం చేసుకోండి !

In మానసికం, Our minds on ఫిబ్రవరి 17, 2013 at 4:45 సా.

పని సూత్రాలు.4. మీ ఉనికి ని సుస్థిరం చేసుకోండి ! 

 
మీరు చేసే ఉద్యోగం లో మీదైన ఒక ప్రత్యేకత ఏర్పరుచుకోవాలి.  అది లేక పొతే , మీరు శాయ శక్తులా కృషి చేయాలి, మీదంటూ ఒక ప్రత్యేకత మీరు పని చేసే ప్రదేశం లో కలిగించడానికి ! 
ఫలానా బట్టల షాపు కు   వెళ్లార నుకోండి !  అక్కడ ఉన్న ఒక  సేల్స్ మాన్ ” రండి పరంధా మ్ గారూ  , చాలా కాలం తరువాత వస్తున్నారు ఇక్కడికి , మీ శ్రీమతి లక్ష్మి గారు బాగున్నారా ? మీ పాప శ్రావ్య బర్త్ డే  కనుకుంటా మీరు ఇక్కడకు వచ్చింది, మీ పాప కే  కాకుండా , మీ ఫ్యామిలీ కంతటికీ న్యూ  ఫ్యాషన్ బట్టలు చాలా కొనుక్కు వెళ్ళారు !   బాగా ఎండలో వచ్చినట్టు ఉన్నారు !  కూల్  డ్రింక్స్ ఎవైనా తీసుకుంటారా?  అని మిమ్మల్ని షాపు లో కి ఆహ్వానిస్తే , మీరు కూల్ డ్రింక్స్ ఏమీ తాగకుండానే ఐ సయి  పోతారు. ” ఎంత బాగా గుర్తుంచుకున్నాడు వీడు, నా వివరాలు !? ” అని ఆశ్చర్య పడుతూ , రుమాలు కొనుక్కోవడానికి వెళ్ళిన వారల్లా ఒక నాలుగు వేల బిల్లు చేసి గానీ ఆ షాపు బయట కు రారు ! మిమ్మల్ని గుర్తు పట్టి , పలకరించిన సేల్స్ మాన్ ను బయటకు ( ఆ ఉద్యోగం వదిలేసి ) వద్దామన్నా , ఆ షాపు ఓనర్ అతడిని బయటకు పంపడు. పని చేసే చోట మీదైన ప్రత్యేకత ఏర్పరుచు కోవడం అంటే అదే ! నిజానికి ఆ షాపు లో, బట్టలు కొనడానికి వచ్చిన వారి తో ఆ విధం గా పలకరించాలనీ, ఆహ్వానించాలనీ, నిబంధన ఏదీ లేదు ! అందుకే మిగతా సేల్స్ మెన్ అంతా ,షాపు లో కి వచ్చిన వారితో , ఇవేమీ మాట్లాడకుండా, వారు వారికి ఇష్టమైనవి కొనుక్కుంటే , చూస్తూ ఉంటారు.  అందుకే , వారికి మొదటి సేల్స్ మాన్ అంత  జీతం లోనూ ప్రమోషన్ ల లోనూ ‘ఎదుగుదల ‘ ఉండదు !  
మీ ఉనికిని సుస్థిరం చేసుకోవడం అంటే , మీ వర్క్ ప్లేస్ లో మిగతా ఉద్యోగులు ఎవ్వరూ చేయని పనులు మీరు సమర్ధ వంతం గా చేసి , మీ బాసు మెప్పు పొందడమే !అంతే కాక, మీరు చేసే ‘ ప్రత్యెక మైన’ పనుల ద్వారా మీరు కేవలం మీ బాసు దృష్టి లోనే కాక , మీ ఇతర ఉద్యోగుల గుర్తింపు కూడా పొందుతారు. ఇట్లా చేయడం అంత  సులభం కూడా కాదు ! మీరు  పని చేసే చోట, పరిస్థితులు చక్కగా పరిశీలించాలి ! అక్కడ పనులు ఎట్లా జరుగుతున్నాయో ? అక్కడ లోపాలు ఏమైనా ఉన్నాయో లేదో , ఆ లోపాలను మీరు ఎట్లా సరి దిద్ద గలరో , ఈ విషయాలు క్షుణ్ణం గా  పరిశీలించి , మీరు పరిష్కార మార్గాలు సూచించడమో లేదా చేయడమో చేయాలి. అంతే  కాక , ఆ మార్గాలు సులభమైనవి గానూ , ఆర్ధికం గా మీ సంస్థ కు లాభదాయకం గానూ ఉండాలి ! అప్పుడే , మీరు మీ బాసు మెప్పు పొందగలిగేది !  ప్రమోషన్లు పొంద గలిగేది !  వీటన్నిటికీ , మీ ఏకాగ్రతా , సునిశిత దృష్టీ , దూర దృష్టీ , శ్రమా , అన్నీ కూడా సమ పాళ్ళ  లో ఉంటే ,  మీ పురోభివృద్ధి కి ,అవి ఎంత గానో తోడ్పడతాయి !  మీరు మీ ఉద్యోగ జీవితం ప్రారంభ దశ లో ఉన్నప్పుడే ఈ అలవాట్లు ఏర్పరుచుకుంటే,  మీ జీవితం లో అవి మిమ్మల్ని చాలా , చాలా దూరం తీసుకు వెళతాయి ! 
 
 
వచ్చే టపాలో ఇంకొన్ని పని సూత్రాలు !  
 
%d bloggers like this: