పని సూత్రాలు.4. మీ ఉనికి ని సుస్థిరం చేసుకోండి !
మీరు చేసే ఉద్యోగం లో మీదైన ఒక ప్రత్యేకత ఏర్పరుచుకోవాలి. అది లేక పొతే , మీరు శాయ శక్తులా కృషి చేయాలి, మీదంటూ ఒక ప్రత్యేకత మీరు పని చేసే ప్రదేశం లో కలిగించడానికి !
ఫలానా బట్టల షాపు కు వెళ్లార నుకోండి ! అక్కడ ఉన్న ఒక సేల్స్ మాన్ ” రండి పరంధా మ్ గారూ , చాలా కాలం తరువాత వస్తున్నారు ఇక్కడికి , మీ శ్రీమతి లక్ష్మి గారు బాగున్నారా ? మీ పాప శ్రావ్య బర్త్ డే కనుకుంటా మీరు ఇక్కడకు వచ్చింది, మీ పాప కే కాకుండా , మీ ఫ్యామిలీ కంతటికీ న్యూ ఫ్యాషన్ బట్టలు చాలా కొనుక్కు వెళ్ళారు ! బాగా ఎండలో వచ్చినట్టు ఉన్నారు ! కూల్ డ్రింక్స్ ఎవైనా తీసుకుంటారా? అని మిమ్మల్ని షాపు లో కి ఆహ్వానిస్తే , మీరు కూల్ డ్రింక్స్ ఏమీ తాగకుండానే ఐ సయి పోతారు. ” ఎంత బాగా గుర్తుంచుకున్నాడు వీడు, నా వివరాలు !? ” అని ఆశ్చర్య పడుతూ , రుమాలు కొనుక్కోవడానికి వెళ్ళిన వారల్లా ఒక నాలుగు వేల బిల్లు చేసి గానీ ఆ షాపు బయట కు రారు ! మిమ్మల్ని గుర్తు పట్టి , పలకరించిన సేల్స్ మాన్ ను బయటకు ( ఆ ఉద్యోగం వదిలేసి ) వద్దామన్నా , ఆ షాపు ఓనర్ అతడిని బయటకు పంపడు. పని చేసే చోట మీదైన ప్రత్యేకత ఏర్పరుచు కోవడం అంటే అదే ! నిజానికి ఆ షాపు లో, బట్టలు కొనడానికి వచ్చిన వారి తో ఆ విధం గా పలకరించాలనీ, ఆహ్వానించాలనీ, నిబంధన ఏదీ లేదు ! అందుకే మిగతా సేల్స్ మెన్ అంతా ,షాపు లో కి వచ్చిన వారితో , ఇవేమీ మాట్లాడకుండా, వారు వారికి ఇష్టమైనవి కొనుక్కుంటే , చూస్తూ ఉంటారు. అందుకే , వారికి మొదటి సేల్స్ మాన్ అంత జీతం లోనూ ప్రమోషన్ ల లోనూ ‘ఎదుగుదల ‘ ఉండదు !
మీ ఉనికిని సుస్థిరం చేసుకోవడం అంటే , మీ వర్క్ ప్లేస్ లో మిగతా ఉద్యోగులు ఎవ్వరూ చేయని పనులు మీరు సమర్ధ వంతం గా చేసి , మీ బాసు మెప్పు పొందడమే !అంతే కాక, మీరు చేసే ‘ ప్రత్యెక మైన’ పనుల ద్వారా మీరు కేవలం మీ బాసు దృష్టి లోనే కాక , మీ ఇతర ఉద్యోగుల గుర్తింపు కూడా పొందుతారు. ఇట్లా చేయడం అంత సులభం కూడా కాదు ! మీరు పని చేసే చోట, పరిస్థితులు చక్కగా పరిశీలించాలి ! అక్కడ పనులు ఎట్లా జరుగుతున్నాయో ? అక్కడ లోపాలు ఏమైనా ఉన్నాయో లేదో , ఆ లోపాలను మీరు ఎట్లా సరి దిద్ద గలరో , ఈ విషయాలు క్షుణ్ణం గా పరిశీలించి , మీరు పరిష్కార మార్గాలు సూచించడమో లేదా చేయడమో చేయాలి. అంతే కాక , ఆ మార్గాలు సులభమైనవి గానూ , ఆర్ధికం గా మీ సంస్థ కు లాభదాయకం గానూ ఉండాలి ! అప్పుడే , మీరు మీ బాసు మెప్పు పొందగలిగేది ! ప్రమోషన్లు పొంద గలిగేది ! వీటన్నిటికీ , మీ ఏకాగ్రతా , సునిశిత దృష్టీ , దూర దృష్టీ , శ్రమా , అన్నీ కూడా సమ పాళ్ళ లో ఉంటే , మీ పురోభివృద్ధి కి ,అవి ఎంత గానో తోడ్పడతాయి ! మీరు మీ ఉద్యోగ జీవితం ప్రారంభ దశ లో ఉన్నప్పుడే ఈ అలవాట్లు ఏర్పరుచుకుంటే, మీ జీవితం లో అవి మిమ్మల్ని చాలా , చాలా దూరం తీసుకు వెళతాయి !
వచ్చే టపాలో ఇంకొన్ని పని సూత్రాలు !
బాగు www. baagu.net 