మునుపటి టపాలో చూశాము, మన జీవ కణాల లోని క్రోమోజోములలో  ఉన్న డీ ఎన్యే, మన లో ఉన్న ప్రతి లక్షణాన్ని ఎలా కాపీ చేసి కొత్త కణాలలో ప్రవేశ పెడతాయో, అలాగే కొత్త కణాల సంఖ్యను కూడా ఒక క్రమ పధ్ధతి లో నియంత్రిస్తాయో !

ఇప్పుడు సర్వైకల్ క్యాన్సర్ కారణాలు తెలుసుకుందాము. ముఖ్య కారణమైన హ్యూమన్ పాపిలోమా వైరస్ కు డీ ఎన్యే కు ఉన్న సంబంధం ఏమిటో కూడా చూద్దాము.

వైరస్ లు  సృష్టి లో ఉండే అత్యంత సూక్ష్మ మైన జీవ పదార్ధాలు. వైరస్ లు బాక్టీరియా కంటే సూక్ష్మం గా ఉంటాయి. అందు వల్లనే, బాక్టీరియా ను మనం పరిశోధన శాల లో ఉండే సూక్ష్మ దర్శిని ద్వారా చూడవచ్చు. కానీ వైరస్ లు  కేవలం ఎలెక్ట్రాన్ సూక్ష్మ దర్శిని తో మాత్రమే చూడగలం.

ఎందుకంటే ఎలెక్ట్రాన్ సూక్ష్మ దర్శిని , వైరస్ లను కొన్ని వేల రెట్లు పెద్దవి గా చేసి మన కంటికి చూపిస్తాయి కాబట్టి.

అలాంటి వైరస్ రకాలకు చెందినదే హ్యూమన్ పాపిలోమా వైరస్. ( HPV virus ).

ఇప్పటి వరకూ జరిగిన పరిశోధనలు ,  సర్వైకల్ క్యాన్సర్ వచ్చిన దాదాపు అందరు స్త్రీలలోనూ,  ఈ హ్యూమన్ పాపిలోమా ఇన్ఫెక్షన్ ఉన్నట్లు ఖచ్చితం  గా తెలిపాయి.

 

వచ్చే టపాలో ఇంకొన్ని కారణాలు తెలుసుకుందాము.

DNA అంటే  De oxy Ribo Nucleic Acid. తెలుగులో డీ ఆక్సీ రైబో న్యుక్లిక్ యాసిడ్.  ఈ డీ ఎన్యే   సృష్టి లో ప్రతి జీవ కణం లోనూ ఉంటుంది.  మనం   ‘ పొగాకు కు ఋణం – ప్రాణం పణం ‘ . అనే టపా ల పరంపర లో తెలుసుకున్నాము , ఈ డీ ఎన్యే  శ్వాస కోశ క్యాన్సర్ కు ఎట్లా కారణం అవుతుందో ! (  వివరాలు మళ్ళీ  తెలుసుకోవాలని ఉంటే  ఆర్కివ్స్ లో చూడండి ) ఖచ్చితం గా అదే పద్ధతిలో  ఈ డీ ఎన్యే లో కలిగే మార్పులు సర్వైకల్ క్యాన్సర్ కు కూడా కారణం.( లంగ్ క్యాన్సర్ లో ఆ పనిని  స్మోకింగ్ చేయటం వల్ల విడుదల ఆయే  టాక్సిన్ లు అంటే విష పదార్ధాలు చేస్తాయి  )   కాకపొతే, సర్వైకల్ క్యాన్సర్ లో డీ ఎన్యే మార్పులకు ఒక రకమైన వైరస్ కూడా కారణం అవుతుంది. 

 అది ఎట్లా జరుగుతుందో ఇప్పుడు తెలుసుకుందాము:

DNA , దేహం లో ప్రతి జీవ కణం లోనూ  ఉండే  అతి సూక్ష్మమైన ,  మెమరీ. ఈ మెమరీ లో మన  దేహం లో జరిగే ప్రతి యొక్క జీవ క్రియ కు సంబంధించిన వివరాలు నిక్షిప్తమై ఉంటాయి. అంటే కేవలం బయట కు కనిపించే బాహ్య లక్షణాలే కాక, ప్రతి నిత్యం మన దేహం లో జరుగుతున్న వేలకొద్దీ జీవ రసాయన చర్యలు కూడా ఈ డీ ఎన్యే  లో  నిక్షిప్తమై ఉన్న,  నిర్దేశించిన పద్ధతులలో జరుగుతాయి.  ఇందులో  జీవ కణాల ప్రత్యుత్పత్తి కూడా.  మన దేహం లో వేలు, లక్షల కొద్దీ జీవ కణాలు, ప్రతి రోజూ ప్రత్యుత్పత్తి అవుతుంటాయి, పాత కణాలు నశిస్తూ ఉంటాయి.  ఉదాహరణ కు మన చర్మం మీద ఉండే  ఎపిడెర్మల్ కణాలు నిరంతరమూ  పాతవి ‘ ఊడి’ పోయి, కొత్త కణాలు ఏర్పడుతుంటాయి.  మనం సాధారణంగా ఈ మార్పులను గమనించ లేము, సూక్ష్మ దర్శిని తో చూస్తే తప్ప.

ఈ విషయం ఎందుకు ప్రస్తావించ వలసి వచ్చిందంటే , ఈ కొత్త జీవ కణాలు ఎప్పుడు ఏర్పడినా,  అవి ఖచ్చితం గా పాత కణాల లానే ఉంటాయి. ఎందుకంటే పాత కణాలలో ఉండే డీ ఎన్యే  లో ఉన్న ‘ మెమరీ ‘ వల్ల !  ఇదే మెమరీ మన జీవ కణాల సంఖ్యను కూడా నియంత్రిస్తుంది. అందువల్ల నే మనకు నిరంతరం చర్మం లో పాత కణాలు పోయి, కొత్త కణాలు పుడుతున్నా, అవి ఒక నియంత్రిత సంఖ్య లో ఉండటం వల్ల మన చర్మం అనేక పొరలు గా ఉండదు కదా! ఇదే ఉదాహరణ మన దేహం లో కణ విభజన జరిగి కొత్త కణాలు ఏర్పడుతున్న ప్రతి చోటా వర్తిస్తుంది.

సర్వైకల్ క్యాన్సర్ కు ప్రధాన కారణం  హ్యూమన్  పాపిలోమా వైరస్ అని పరిశోధనల వల్ల తెలిసింది.  ఈ వైరస్ నే HPV వైరస్ అంటారు.  ఈ వైరస్ కధా కమామీషు , అంటే ఈ వైరస్  ఇన్ఫెక్షన్  ఎట్లా సర్వైకల్ క్యాన్సర్ కు కారణమవుతుంది,  ఈ HPV వైరస్ ఇన్ఫెక్షన్ ఎట్లా వస్తుంది అనే విషయాలు తెలుసుకుందాము.

 ( సర్విక్స్ అంటే మెడ భాగం అన్న మాట.  అందుకే మెడ భాగం లో ఉన్న వెన్ను పూసను సర్వైకల్ స్పైన్  అని, అక్కడ ఉన్న ఎముకలను సర్వైకల్ వెర్టేబ్రా అనీ అంటారు) . 

గర్భాశయం మొదటి భాగం లో మెడ లా ఉండటం వల్ల ఈ భాగాన్ని కూడా సర్విక్స్ అని అందుకనే అంటారు. 

 

ఫైబ్రాయిడ్స్ అతి సాధారణ మైన గర్భాశయ  పెరుగుదలలు లేక కంతులు. ఇవి క్యాన్సర్ పెరుగుదలలు కావు. ఇవి చాలా నెమ్మది గా గర్భాశయ కండరాల పొరలలో పెరుగుతాయి.

 

ఈ ఫైబ్రాయిడ్స్ మొదట చెప్పినట్టు,  సుమారు 75 శాతం మంది  స్త్రీలలో ఉంటాయి. కాక పొతే వాటి పరిమాణం, వేరు వేరు స్త్రీలలో వేరు వేరు పరిమాణాలలో ఉంటుంది.  అతి చిన్న గా ఫైబ్రాయిడ్స్ ఉండి వాటి పెరుగుదల చాలా నెమ్మది గా జరగటం వల్ల, చిన్న పరిమాణం లో ఉన్నప్పుడు, కేవలం అతి సున్నితమైన  MRI స్కానింగ్ ద్వారానే వాటి ఉనికి గర్భాశయం లో కనిపెట్ట వచ్చు. 

కేవలం 30 శాతం మంది స్త్రీలలోనే ఈ పెరుగుదలలను  చేతుల ద్వారా అంటే చేతి స్పర్శ తో కనుక్కోవచ్చు.  అంటే మిగతా స్త్రీలలో ఉన్న ఫైబ్రాయిడ్స్  ఉన్నప్పుడు , చేతి స్పర్శకు అందనంత చిన్నవి గా ఉంటాయన్న మాట. 

 

ఈ ఫైబ్రాయిడ్స్ గురించి వివరం గా వచ్చే టపా నుంచి తెలుసుకుందాము ! 

ఇలాంటి ఋతుస్రావం సాధారణం గా రజస్వల అయిన మొదటి నెలలలో ఇంకా మెనోపాజ్ అంటే రుతుక్రమం ఆగి పోయే దశలో  ఎక్కువ గా కనిపిస్తుంది.

ఇలాంటి సమయాలలో అండాశయం నుంచి అండం విడుదల అవక పోవడం వల్ల , ఈస్త్రోజేన్ ఎక్కువ గా విడుదల అయి  గర్భాశయ లైనింగ్ పొర  మందం గా ఏర్పడుతుంది. అందువల్ల

ఋతుక్రమం సరి అయిన సమయం లో అవదు. అయినా ఎక్కువ రోజులు ఋతుస్రావం అవటం జరుగుతుంది.

ఇలా అండం విడుదల అవకుండా ఋతుస్రావం అవడం ఇంకా కొన్ని పరిస్థితులలో కూడా జరుగుతుంది.

తీవ్రం గా మానసిక వత్తిడి ఉన్నప్పుడు, అతి సన్న గా ఉన్నా లేక అతి లావు గా ఉన్నా , లేక ఆకస్మికం గా స్త్రీ బరువులో హెచ్చు తగ్గులు అయినప్పుడు, లేక థైరాయిడ్ లాంటి హార్మోనులకు సంబంధించిన వ్యాధులు ఉన్నప్పుడు కూడా , లేక ఎక్కువ అంటే అతి గా వ్యాయామం చేసినా కూడా ఋతు స్రావం అస్తవ్యస్తం కావచ్చు.

వివరమైన వైద్య చరిత్ర అంటే లక్షణాలు మొదలైన దగ్గరినుంచి, వాటి తీవ్రత,  ఆ లక్షణాలకూ ఋతుక్రమం లో వాటి సమయానికీ ఉన్న సంబంధమూ , ఈ వివరాలన్నీ స్త్రీలు గమనించి స్పెషలిస్ట్ వైద్యులు అడిగినప్పుడు చెబితే చాలా ఉపయోగ కరం గా ఉంటుంది , ఎ రకమైన సమస్యో  ఖచ్చితమైన నిర్ధారణ చేయటానికి.

అలాగే ఎంత రక్తస్రావం జరిగిందో తెలుసుకోవడానికి హీమో గ్లోబిన్ పరీక్ష, హార్మోనుల పరీక్షలు అంటే థైరాయిడ్ హార్మోను, ఈస్త్రోజేన్, LH హార్మోనుల పరీక్షలు కూడా అవసరం అవుతాయి.

కొన్ని ప్రత్యెక సందర్భాలలో  Beta HCG, androgen, TSH, FSH, prolactin లాంటి హార్మోనులు  శరీరం లో ఎంత పరిమాణం లో ఉన్నాయో తెలుసుకోవడం  అవసరం ఉంటుంది.

శబ్ద పుంజాలతో అంటే అల్ట్రా సౌండ్ తో గర్భాశయ స్కానింగ్  చేయడము, గర్భాశయ లైనింగ్ కణజాలం పరీక్ష చేయడము కూడా అవసరం రావచ్చు, ఉన్న సమస్య ను బట్టి.

రక్త హీనత ఎక్కువ కాకుండా ఇనుము అంటే ఐరన్ టాబ్లెట్లు తీసుకుంటుండాలి క్రమం గా.

హార్మోనుల తో  అంటే ఈస్త్రోజేన్ తో కానీ ప్రోజేస్తిరాన్ తో కానీ చికిత్స చేసి, సాధారణం గా ఈ అస్తవ్యస్త రుతుక్రమాన్ని సరి చేస్తారు గైనకాలజిస్టులు.

కొన్ని ప్రత్యెక పరిస్థితులలో  గర్భాశయం తీసి వేయ వలసిన అవసరం రావచ్చు.

ఆపరేషన్ అవసరం లేకుండా గర్భాశయం లోకి ఒక  సూక్ష్మమైన కెమెరా పోనిచ్చి  గర్భాశయ లైనింగ్ ను ఒక రకం గా మాడ్చి వేసి అధిక రక్త స్రావం కాకుండా నివారించడం కూడా ఒక ఆధునిక పధ్ధతి. దీనిని  ఎండో మెట్రి యల్  అబ్లేషన్ అంటారు.   ( పైన ఉన్న పటం చూడండి )

వచ్చే టపా లో ఇంకొన్ని విషయాలు తెలుసుకుందాము !

 

ఆ పేరు లోనే ఉన్నట్టు ఈ సమస్య ఉన్న స్త్రీలలో  ఋతు స్రావం అస్తవ్యస్తం గా ఉంటుంది. అంటే మునపటి టపాలలో మనం వివరం గా తెలుసుకున్నాము, ఋతు క్రమం లో ప్రత్యేకించి ఫాలిక్యులర్  దశలో ఋతు స్రావం అవుతుందనీ అది సహజం గా జరిగే ఋతుస్రావం అనీ.

ఈ అస్తవ్యస్త ఋతు స్రావానికి ఎలాంటి కారణాలూ కనిపించవు  అంటే  వివిధ పరీక్షల ఫలితాలలో  ఏ కారణమూ కనిపించదు. అలా కారణం కనిపిస్తే అప్పుడు ఆ పరిస్థితిని అస్తవ్యస్త ఋతుస్రావం లేక డిస్ ఫంక్షనల్ యుటి రైన్ బ్లీడింగ్ అని పిలవరు.

ఇత మిద్ధం గా ఇదీ అని కారణం తెలియ నప్పటికీ, ఈ అస్తవ్యస్త రుతుస్రావానికి హార్మోనులు కారణమని   విశద  పడుతున్నది. ఎందుకంటే, సాధారణం గా హార్మోనుల చికిత్స తో ఈ పరిస్థితి  చాలా వరకు సరి అవుతుంది. మనం క్రితం టపాలలో చూశాము ఋతుక్రమం లో హార్మోనుల ప్రాముఖ్యత ఏమిటో. అందు వల్లనే  ఈ విషయం పైన రాసే ముందు హార్మోనుల గురించీ, ఆ హార్మోనులు, తమ రిలే పరుగు ద్వారా ఋతు క్రమాన్ని ఎలా నియంత్రిస్తాయో వివరించడం జరిగింది. ( మీకు పునశ్చరణ కావాలనుకుంటే ఋతు క్రమం పైన రాసిన మొదటి టపాలు మరొక మారు చూడండి ) 

ఒవ్యులేటరీ డిస్ఫంక్షనల్ యుటి రైన్ బ్లీడింగ్ : ముందు తెలుసుకున్నట్టు , ఈ రకమైన  అస్తవ్యస్త ఋతుస్రావం వంద మంది లో పది మందికి  ఉంటుంది. 

ఈ రకం లో  అండాశయం విడుదలకూ, ఋతు స్రావానికీ సంబంధం ఉన్నది. అందు కే ఆ పేరు వచ్చింది.  ఋతు క్రమం లో ఉన్న ల్యూటియల్ దశలో ఇలాంటి అస్తవ్యస్త ఋతు స్రావం ఈస్త్రోజేన్ లోపం వల్ల కావచ్చు. అలాగే ఋతు క్రమంలో చివరి రెండు వారాలలో అంటే ప్రాలిఫరేటివ్ దశలో ఇలాంటి ఋతుస్రావం ప్రో జేస్తి రాన్ లోపం వల్ల కావచ్చును.

ప్రో జేస్తి రాన్ లోపం ఉంటే, తద్వారా  ‘ PGF2 alfa ‘ అనే ఇంకో జీవ రసాయనం కూడా లోపించి  ఋతు స్రావానికి కారణం అవుతుంది. అలాగే ఇంకో రసాయనం ‘ TPA’ అంటారు దానిని, అది కూడా లోపిస్తుంది. అప్పుడు  సహజం గా గడ్డ కట్టే రక్తం  ఎక్కువ సమయం తీసుకుంటుంది గడ్డ కట్టడానికి, అందు వల్ల కూడా ఋతు స్రావం ఎక్కువ గా ఉంటుంది. ( రక్తం గడ్డ కట్టడాన్ని బ్లడ్ క్లాటింగ్ అంటారు శాస్త్రీయం గా ).

 

వచ్చే టపాలో ఇంకొన్ని సంగతులు తెలుసుకుందాము ! 

 

 

 

 

 

 

 

మునుపటి టపా లో తెలుసుకున్నట్టు , ప్రాధమిక   డిస్  మెనో రియా  లేక ప్రైమరీ డిస్ మెనో రియా , కు ప్రత్యేక కారణాలు ఉండవు. సహజ ఋతు క్రమం లోనే  కనిపించే లక్షణాలు  ఇంకా తీవ్రం గా  ఉండి స్త్రీని బాధ పెడతాయి.

ఇక ద్వితీయ లేక సెకండరీ డిస్ మెనో రియా లో గర్భాశయం లో ఏ భాగం లో నైనా వచ్చే జబ్బులు, స్త్రీలను బాధించి వారికి రుతుస్రావ సమయం లో భరింప లేని నొప్పులు కలిగిస్తాయి.

ఇలాంటి లక్షణాలు గమనించిన స్త్రీలు మొదటగా చేయ వలసినది తమ లక్షణాల నన్నిటినీ క్షుణ్ణం గా అంటే వివరం గా ఒక నోట్ బుక్ లో రాసుకోవడం, తేదీ వారీ గా. ఇలా చేయటం వల్ల, తమ లక్షణాలు సహజ ఋతు క్రమం లో వస్తున్నాయా, లేక అస్త వ్యస్తం గా, ఎప్పుడు పడితే అప్పుడు వస్తున్నాయా అనే విషయం తెలుస్తుంది. అలాగే  ఋతు స్రావానికీ, ఈ నొప్పులకూ సంబంధం ఉందొ లేదో కూడా తెలుస్తుంది.

ఈ వివరాలు గమనించి స్పెషలిస్టు ను సంప్రదించినప్పుడు వివరం గా చెపితే , ప్రాధమిక డిస్ మెనో రియా కానీ , ద్వితీయ డిస్ మెనో రియా కానీ నిర్ణయించ డానికి వీలవుతుంది.

ఏ రకానికి చెందిన డిస్ మెనో రియా అయినప్పటికీ , నొప్పి తగ్గించడానికి చర్యలు తీసుకోవాలి.  తగినంత విశ్రాంతి, క్రింద ఉదర భాగం లో వేడి నీటితో ఉన్న సంచీ ఉంచుకోవడము  అంటే (  హాట్ వాటర్ బ్యాగ్ )  ( పైన ఉన్న పటం చూడండి ) పార సెటమాల్ , బ్రూఫెన్ , మేఫెనమిక్ ఆసిడ్ వంటి నొప్పి ఉపశమనం కలిగించే మందులు  అవసరం అవుతాయి.  ఇలాంటి మందులు తరచూ వేసుకో కూడదు. కేవలం రుతుక్రమ సమయం లో నొప్పులు వచ్చినప్పుడు మాత్రమే ఉపయోగించాలి. అలాగే ఈ మందులు ఖాళీ పొట్ట లో అంటే ఏమీ తినకుండా వేసుకుంటే కడుపులో మంట కలిగిస్తాయి.  అందు వల్ల మందు వేసుకోబోయే ప్రతి సారీ  సాత్విక మైన ఆహారం  ( అంటే  పచ్చళ్ళూ  , మసాలాలు  లేని ఆహారాలు ) తినాలి. అలాగే మంచి నీరు కూడా తగినంత తాగుతుండాలి.

హార్మోనుల పాత్ర:  ప్రైమరీ డిస్ మెనో రియా కూ , సెకండరీ డిస్ మెనో రియా కూ  హార్మోనులు కొంత వరకు  ఉపశమనాన్ని ఇస్తాయని వివిధ పరిశోధనల వల్ల తెలిసింది.

 అలాగే ఋతు క్రమాన్ని తాత్కాలికం గా నిలిపి వేసేందుకు, గర్భాశయ నాళం లో వేయించుకునే కాపర్ లూప్ కూడా డిస్ మెనో రియా ఉపశమనానికి మంచి ఫలితాలనిస్తుంది.

ఇక పరీక్ష ల ద్వారా తెలిసుకున్న గర్భాశయ పరిస్థితులు ఏవైనా ఉంటే వాటిని సరి చేయటం కూడా ఈ ఋతు స్రావం లో వచ్చే నొప్పులను తగ్గిస్తాయి.  ఉదాహరణకు  కొందరిలో అండాశయం లో తిత్తులు ఏర్పడతాయి. వాటిని  తీయించు కోవలసిన అవసరం రావచ్చు.

వచ్చే టపాలో ఇంకొన్ని విషయాలు తెలుసుకుందాము !

రుతుస్రావ సమయంలో నొప్పులు చాలా సాధారణం. ప్రత్యేకించి ఋతుక్రమం మొదలైన కొన్ని నెలలు , అందులో ప్రత్యేకించి యుక్త వయసులో ఉన్న యువతులలో ఈ రకమైన నొప్పులు కనీసం వంద మందికి ఇరవై అయిదు మందిలో కనబడతాయి.

ఈ స్థితి లో వచ్చే నొప్పి  క్రింద ఉదర భాగం లో అంటే కటి వలయ లేక పెల్విక్ ప్రాంతం లో మొదలవుతుంది.  ఇది పలు రకాలు గా స్త్రీలలో కనిపిస్తుంది.

సూదుల తో పొడిచినట్టు గానూ, మెలితిప్పినట్టు గానూ, మంట గానూ  ఈ నొప్పులను స్త్రీలు అనుభవించ వచ్చు. కొన్ని సమయాలలో ఈ నొప్పి పెల్విక్ లేక కటి వలయ ప్రాంతం నుంచి క్రింద తొడల వరకూ లేక వెనుక వీపు లేక నడుము భాగాలకు ప్రాకినట్టు ఉండవచ్చు. ( పైన ఉన్న పటం చూడండి ) ఇంకొన్ని సమయాలలో ఈ నొప్పులు తీవ్రం గా ఉండి, వికారమూ, కడుపు లో తిప్పినట్టు ఉండటమూ, వాంతులూ , కలిగించవచ్చు.

కొందరిలో ఈ డిస్ మెనో రియా ,  మామూలు సమయం లో జరుగుతున్న రక్త స్రావం కంటే ఎక్కువ రక్త స్రావం కలిగించ వచ్చు. అప్పుడు ఈ పరిస్థితిని  మెనో రేజియా అంటారు ( menorrhagia ).

పైన చెప్పిన లక్షణాలే కాక డిస్ మెనో రియా తో బాధ పడుతున్న వారిలో  తల నొప్పి, తల తిప్పినట్టు ఉండడం, ఏ పని మీదా మనసు లగ్నం చేయలేక పోవడం, విపరీతమైన అలసట గా ఉండటమూ ,  కొద్ది శబ్దాలైనా , వెలుతురు అంటే కాంతి వంతమైన ప్రదేశాలలోనూ , వీరు ఎక్కువగా స్పందించి , ఆ పరిస్థితులను తట్టుకో లేక పోవడమూ, కొన్ని సమయాలలో స్పృహ తప్పి కింద పడటమూ కూడా జరుగుతుంటాయి.

డిస్ మెనో రియా రెండు రకాలు. మొదటి రకాన్ని ప్రాధమిక లేక ప్రైమరీ డిస్ మెనో రియా అంటారు. రెండవ రకాన్ని ద్వితీయ లేక సెకండరీ డిస్ మేనోరియా అంటారు. ప్రాధమిక డిస్ మెనో రియా లో  గర్భాశయ కండరాల సంకోచాలు అంటే కాన్త్రాక్షన్  అవుతాయి. అప్పుడు ఆ ప్రదేశం లో ప్రోస్టా గ్లాండిన్ లు అనే జీవ రసాయన పదార్ధాలు విడుదల అవుతాయి. గర్భాశయ కండరాలు విపరీతం గా సంకోచించడం వల్ల ఆ ప్రదేశం లో ప్రాణ వాయువు అంటే ఆక్సిజెన్ కూడా తగ్గుతుంది. ఈ కారణాలన్నీ కలిసి ,కండరాల నొప్పులు గా పరిణ మించుతాయి. ఈ నొప్పులనే క్రామ్ప్స్ అని కూడా అంటారు.

వచ్చే టపాలో డిస్ మెనో రియా కు చేయ వలసిన పరీక్షలూ, చికిత్సా పద్ధతుల గురించి తెలుసుకుందాము !

స్త్రీల  లో  ఋతు క్రమ సమయం లో కనిపించే వివిధ శారీరక , మానసిక  లక్షణాలను  పై విధం గా పిలుస్తారు.

ఖచ్చితం గా చెప్పాలంటే ల్యుటియాల్  దశలో కనిపించే లక్షణాలు ఇవి. అంటే  అండాశయం నుంచి అండం విడుదల ఆయే సమయం లో కనిపించే లక్షణాలు. 85 శాతం స్త్రీలలో ఋతుక్రమ దశ లో  స్తనాలు కొద్దిగా నొప్పిగా ఉండడం, కడుపు లో వాయువు నిండినట్లుగా ఉండడం అంటే బ్లోటింగ్ సెన్సేషన్  కలగటము , అనుభవం లో ఉంటాయి. కానీ ఇలాంటి లక్షణాల  తీవ్రత ఎక్కువ అయి అవి ఆ స్త్రీల  దైనందిన  జీవితాన్ని కుంటు పరుస్తే అప్పుడు ఆ లక్షణాలను  ‘ PMS లేక  PMT ‘ అంటారు.

కేవలం వంద కు ఇద్దరి నుంచి అయిదుగురు స్త్రీలు మాత్రమే  ఈ  PMS to బాధ  పడుతుంటారు.

చీకాకు పడటం, తల నొప్పి, కడుపు నిండినట్టు ఉండడం, అలసట గా ఉండటం, కండరాల నొప్పులు, ప్రత్యేకించి కటివలయ ప్రాంతం లో కండరాలు మెలితిప్పినట్టు నొప్పులు ఉండి, తరచూ అవి భరింప లేనివి గా ఉండటం 

మానసికం గా వత్తిడి గా ఉండటం, ఆందోళన  పడటం,  నిద్ర లేమి, కామ వాంఛ లో మార్పులు, స్వల్ప కారణాలకే దుఖ్హించడం,  విచారకరం గా ఉండడం ఇలాంటివి.

కొన్ని ప్రత్యేక పరిస్థితులలో ఈ లక్షణాలు స్త్రీలలో ఎక్కువ  గా భరింప లేనివి గా అవుతుంటాయి.  ఈ  పరిస్థితులు: 

1. మానసిక వత్తిడి.

2. కుటుంబం లో మిగతా స్త్రీలు అంటే వారి తల్లి గానీ సోదరి గానీ  గతం లో ఈ లక్షణాలు అనుభవించితే, వారికి కూడా ఇవి రావడానికి అవకాశం ఎక్కువ అవుతుంది.

3. ఋతు క్రమ  సమయం లో  ఎక్కువ గా కాఫీలు  తాగుతే కూడా ఈ  PMS లక్షణాలు ముదురుతాయి.

4. స్త్రీలు గతం లో డిప్రెషన్  తో బాధ పడినా ,

5. వయసు ఎక్కువ  అవుతున్నా ,

6. వారు తినే ఆహారం లో విటమినులూ, ఖనిజాలూ  తక్కువ అయినప్పుడు కూడా ఈ లక్షణాల తీవ్రత ఎక్కువ గా ఉంటుంది.

PMS ను ఎలా కనుక్కోవాలి ? :  PMS కనుక్కోవడానికి ప్రత్యేకమైన పరీక్షలు ఏవీ లేవు.  స్త్రీలు తమ  ఋతు క్రమాన్ని శ్రద్ధ  తో గమనించాలి. ప్రత్యేకించి ఒక డయరీ ఏర్పాటు చేసుకుని  వారి లో కలుగుతున్న లక్షణాలను నోట్  చేసుకోవాలి.

ఎందుకంటే ఈ లక్షణాలు సర్వ సాధారణం గా ఋతు స్రావానికి ఒక వారం పది రోజుల ముందర  మొదలయి ఆ   వారం పది రోజులూ తీవ్రం గా ఉండి ఋతుస్రావం పూర్తి అయిన తరువాత అంటే నాలుగు అయిదు రోజుల తరువాత , తగ్గు ముఖం పడతాయి. 

ఇప్పటి వరకూ శాస్త్రజ్ఞులకు  PMS కారణాలు ఖచ్చితం గా ఇవీ అని అంతు చిక్క లేదు.  ఋతు క్రమ సమయం లో స్త్రీలో కలిగే హార్మోనుల మార్పు కారణమవ వచ్చు.  ఒక పరిశీలన  లో స్త్రీలలో ఈ ఋతు క్రమ సమయం లో బీటా ఎండార్ఫిన్ అనే రసాయనం తగ్గి ఉన్నట్టు తెలిసింది.

ఖచ్చితమైన ఒక్క చికిత్స ఏమీ లేదు. లక్షణాల తీవ్రత బట్టి , చికిత్సా విధానం మారాలి.  పైన ఉదాహరించిన విధం గా  వత్తిడి తగ్గించుకోవడం ( దీనికి మిగతా కుటంబ సభ్యుల సహకారం కూడా అవసరం ), సరియిన నిద్ర, విశ్రాంతి, సమతుల్య మైన ఆహారం అంటే విటమినులు, ఖనిజాల తో సంపూర్ణం గా ఉన్న ఆహారం తీసుకోవడం,   వీలైనంత వ్యాయామం – ఇవన్నీ కలిసి  PMS లక్షణాలను నియంత్రిస్తాయి. ముఖ్యం గా మిగతా కుటుంబ సభ్యులు వారి లక్షణాలను అర్ధం చేసుకుని వారికి మానసికం గా చేయూత నివ్వాలి, వారిని ఆ విధంగా డిప్రెషన్ కు దూరం గా ఉంచాలి.

వచ్చే టపా లో ఇంకొన్ని విషయాలు తెలుసుకుందాము !