క్రితం టపా లో చూసినట్లు ఋతు స్రావం మొదలవటం, స్త్రీ గర్భం దాల్చలేదని తెలపడమే. ఈ   ఋతు స్రావం జరిగే సమయం లో   వీర్యకణం తో కలవని అండం తో పాటు గర్భాశయ పొర  అంటే  లైనింగ్ కు ఉన్న కణ జాలం  కూడా యోని ద్వారా గర్భాశయం  నుంచి  బయటకు వస్తాయి.సాధారణం గా ఋతుస్రావం నాలుగు రోజులు జరుగుతుంది. కొంత రక్త  స్రావం కూడా జరుగుతుంది (  రమారమి  10 నుంచి 80 మిల్లీ లీటర్ల రక్త స్రావం అవుతుంది, సగటున 35, మిల్లీ లీటర్లు ) ఈ సమయంలో.  కానీ ఈ రక్తం లో ప్లాస్మిన్ అనే పదార్ధం ఉండటం  వల్ల   గడ్డ కట్టదు.

ఇలా ఋతు స్రావం, స్త్రీ రజస్వల అయినప్పటి నుంచి, అంటే ప్యుబర్టీ నుంచి ( 8 నుంచి  18  ఏళ్ళ లోపు ) ఋతు క్రమం ఆగి పోయే వరకూ అంటే మెనో పాజ్ వరకూ ( 40 నుంచి 50 ఏళ్ళ మధ్య )   ఋతుక్రమం లో వస్తూ ఉంటుంది.

ఈ రక్త స్రావం సాధారణంగా అనీమియా కు దారి తీయదు. ఒక పరిశోధనలో సుమారు  85 శాతం మంది స్త్రీలలో   కడుపులో మంట, అల్సర్లు ఉండటం గమనించారు. అంటే అనీమియా కు కేవలం ఋతు స్రావమే కారణం కాదని తెలిసింది.

ఋతుస్రావం జరిగే సమయం లో జరిగే శారీరిక మార్పులు :  చాలా మంది స్త్రీలు, అలసట, కడుపులో తిప్పినట్లు ఉండటం,  సెక్స్ పట్ల కోరిక లో మార్పులు ,  స్తనాలలో నొప్పిగా ఉండటం,  పెల్విక్ భాగం లో అంటే కటివలయ భాగం లో క్రామ్ప్స్  లేక కండరాల నొప్పులు ,  కొద్దిగా నీరు చేరి శరీరమంతా బరువు ఎక్కువైనట్లు, ఇలాంటి లక్షణాలు, అన్నీ కానీ , కొన్ని కానీ  గమనిస్తారు.

ఋతు స్రావం సమయం లో కండరాల నొప్పులు ఎందుకు వస్తాయి.? :  మనం ముందు తెలుసుకున్నట్లు,  ఋతుస్రావం సమయం లో అండం కనుక వీర్య కణం తో కలవక పోయినట్లయితే, దానిని , దానితో పాటు గర్భాశయ లైనింగ్ కణ జాలాన్నీ వదిలించుకోడానికి  గర్భాశయ కండరాలు గట్టి గా వ్యాకోచము, సంకోచము జరుపుతాయి. ఇలా జరిగుతున్నప్పుడు , స్త్రీలు ఆ ప్రాంతమంతా మెలి తిప్పినట్టు నొప్పి అనుభవిస్తారు. కొందరిలో ఈ నొప్పులు తీవ్రం గా, భరింప లేనివి గా ఉంటాయి.  

ఇలా కండరాలు వ్యాకోచ, సంకోచాలు జరిపినప్పుడు ప్రోస్టా గ్లాండిన్స్ ఎక్కువ గా విడుదల అవుతాయి.

మానసిక మార్పులు :  ఋతుస్రావ సమయం లో జరిగే హార్మోనుల మార్పులు, తద్వారా గర్భాశయం లో జరిగే మార్పుల వల్ల స్త్రీలు సాధారణం గా, అలసి పోతుంటారు. అలాగే చీటికి  మాటికి చీకాకు పడటం ,  కళ్ళ లో నీరు నిండడం ( అంటే చిన్న కారణాలకే తట్టుకోలేక ఏడవడం ) , ఇలాంటి లక్షణాలు కూడా అనుభవిస్తూ ఉంటారు. 

 

వచ్చే టపాలో ఇంకొన్ని విషయాలు తెలుసుకుందాము ! 

 

 

 

ఈ నియంత్రణను పోల్చాలంటే   ఈ ముఖ్యమైన హార్మోనులు ఒక రకమైన   రిలే పరుగు  లో పాల్గొంటాయి. అంటే ఈ హార్మోనులు ,  పలు దశలలో  కీలకమైన పాత్ర వహించి  ప్రకృతి  లో   మానవ జీవన పరుగు  ను విజయ వంతం చేస్తాయి. ఎందుకంటే, ఈ హార్మోనులు వాటి క్రియలను ఏ దశ లో నైనా  నిర్వర్తించక పొతే, అండాశయం నుంచి  అండం విడుదల అవదు. కేవలం వీర్యకణాలు గర్భాశయం లో ప్రవేశించినా ( రతిక్రియ ద్వారా లేక  artificial insemination ద్వారా అయినా ),  పిండం ఏర్పడదు కదా !  దానితో మానవ సృష్టి ఆగి పోయినట్లే కదా !

క్రింద పటం చూడండి. ఆ పటం లో ఉన్న  అంకె ల వారీగా వివిధ దశలలో జరిగే మార్పులు కూడా గమనించండి. ( సులభం గా అర్ధమవటానికి  పటం లో చూపిన  రంగులనే  వివరణ అంకెలలో, వాక్యాలలో ఉపయోగించడం జరిగింది. ) ఆసక్తి కరం గా ఉండటానికి, ఈ క్రింద జరుగుతున్న మార్పులను , అంచెల వారీ గా ఒక చిన్న కధ లాగా చదవండి, మీకు ఇప్పుడు ఏ  పరీక్ష అంటే టెస్ట్ లేదు కదా ! కంగారు పడ నవసరం లేదు ! )

6. LH హార్మోను ఎక్కువ అవడం వల్ల  అండాశయం నుంచి అండం విడుదల అవుతుంది. ఈ అండం గర్భాశయం చివరల నుంచి ప్రయాణం కొనసాగించి ఫాలోపియన్ ట్యూబ్  ద్వారా  ( మీరు వినే వుంటారు, పిల్లలు ఇక వద్దు అనుకునే స్త్రీలకు ఈ ఫాలోపియన్ ట్యూబ్ లను కత్తిరించి, అండం గర్భాశయం లోకి చేరకుండా చేస్తారు ) గర్భాశయం చేరుతుంది.

వచ్చే టపాలో ఇంకొన్ని విషయాలు తెలుసుకుందాము.

.

ఋతుక్రమం లేక  మెన్ స్ట్రువాల్ సైకిల్  అనే పదం,  గర్భధారణ సామర్ధ్యం కల స్త్రీల శరీరం లో జరిగే మార్పులను తెలిపే శాస్త్రీయ పదం. ఋతుక్రమం అని ఎందుకు పిలవబడుతుందంటే , ఈ మార్పులు స్త్రీ లలో సహజంగా,  ప్రతి నెలా క్రమంగా వస్తాయి కాబట్టి. 

సాధారణం గా ఋతుక్రమం ఇరవై ఎనిమిది  రోజుల తరువాత మళ్ళీ మొదలవుతుంది.  ఈ ఇరవై ఎనిమిది రోజులలో జరిగే వివిధ మార్పులను మనం కొన్ని దశలుగా గమనించవచ్చు.

ఈ మార్పులు స్త్రీలలోని అండాశయం లోనూ ఇంకా గర్భాశయం లోనూ  జరుగుతుంటాయి.

అండాశయాలు రెండు, గర్భాశాయానికి రెండు వైపులా ఉంటాయి.  అండాశయం లో జరిగే మార్పులను మూడు   దశలలో మనం తెలుసుకోవచ్చు.

మనం ఋతుక్రమం సాధారణ సమయం ఇరవై ఎనిమిది రోజులు అని అనుకున్నట్లయితే మొదటి రోజు నుంచి నాలుగవ రోజు వరకు మెన్సెస్  అని చెప్పుకోవచ్చు . అంటే రమారమి ఈ నాలుగు రోజులూ ఋతుస్రావం లేక మెన్ స్ట్రువాల్ బ్లీడింగ్ అవుతుంది. 

ఈ క్రింది పటం స్థూలం గా ఋతుక్రమం లో జరిగే మార్పులను తెలుపుతుంది.

 

 

 

వచ్చే టపాలో ఋతుక్రమం లో వివిధ దశలలో జరిగే వివిధ మార్పుల గురించి వివరంగా తెలుసుకుందాము.

 

సహజ ఋతు క్రమంలో ఏమి జరుగుతుందో క్లుప్తంగా వివరించిన ఈ అత్భుతమైన యు ట్యూబ్ వీడియో చూడండి:

 

 

 

 

ఈ ఋతుక్రమం  వివరాలూ,  స్త్రీల ఋతుక్రమం లో వచ్చే  తేడాలూ, వాటి కారణాలూ, వాటికి చికిత్స పద్ధతులూ మనం తెలుసుకుందాము.

 

ముందు గా సహజ ఋతుక్రమం గురించి తెలుసుకుందాము ( అప్పుడు ఋతుక్రమం లో సమస్యలు శులభం గా అర్ధం చేసుకోవచ్చు ) : 

రుతుక్రమాన్ని  తెలుగులో ‘ ముట్టు ‘ అంటారు. చాలా సాధారణంగా ‘ పీరియడ్స్ లేక మెన్సెస్  ‘  అని కూడా అంటుంటారు. 

పీరియడ్స్ ఎందుకు వస్తాయి? : ప్రతి పిరియడ్ లో  అండాశయం నుంచి అండం విడుదల అవుతుంటుంది. ఆ అండము కనుక  పురుషుడి వీర్యం తో ( ఖచ్చితంగా చెప్పాలంటే  సాధారణంగా ఒక వీర్య కణం తో ) కలవక పొతే  పిండం ఏర్పడక మళ్ళీ పిరియడ్ వస్తుంది.

ఇలా పీరియడ్స్ స్త్రీ ప్రత్యుత్పత్తి లేక సంతానోత్పత్తి దశ అంటే సహజం గా  ఆగి పోయేంత వరకూ ప్రతి నెలా వస్తుంటాయి. ఇలా పీరియడ్స్ ఆగి పోవడాన్ని మెనో పాజ్ అంటారు. 

ఋతుక్రమం మొదటి సారిగా యువతులలో రావడాన్ని మెనార్కే అంటారు.  సాధారణంగా ఈ మెనార్కే  ప్రపంచం లో చాలా  దేశాలలో యువతులకు రమారమి  పదమూడు సంవత్సరాలున్నప్పుడు వస్తుంది. కానీ ఏషియన్ యువతులలో ఒక సంవత్సరం ఆలస్యం గా వస్తుంది.  ఈ తేడాలు  వివిధ దేశ ప్రాంత పరిస్తితులబట్టీ,  జాతుల బట్టీ  మారు తుంటాయని  గమనించడం జరిగింది.  ఈ మెనార్కే రావడాన్ని  యుక్త వయసు కు సంకేతం గా పేర్కొనవచ్చు అంటే  ప్యుబర్టీ ‘ puberty ‘ .

 

వచ్చే టపాలో ఇంకొన్ని విషయాలు తెలుసుకుందాము ! 

 

 

 

 

 

పురుషులలో   ఆర్గాసం సమస్య పరిష్కారం కోసం గత రెండు మూడు దశాబ్దాలలో ఎన్నో పరిశోధనలు జరిగాయి.  అమెరికా కు చెందిన ఫైజర్ కంపెనీ వారు మార్కెట్ లోకి ‘ వయాగ్రా ‘ అనే మందు బిళ్ళ ప్రవేశ పెట్టారు. గత సంవత్సరం లో కేవలం ఈ మందు బిళ్ళ తో  అమెరికా లో   రెండు బిలియన్ల  డాలర్ల  వ్యాపారం చేశారు ఫైజర్ కంపెనీ వారు.

వయాగ్రా కాకుండా ఇంకొన్ని మందు బిళ్ళలు కూడా మార్కెట్ లో ప్రవేశ పెట్టడం జరిగింది కూడా !   ఈ రకమైన మందులలో వయాగ్రా మొదటిది కనుక దాని గురించి తెలుసుకుందాము.

వయాగ్రా అనేది  వ్యాపార నామం అంటే ట్రేడ్ నేమ్ అంటారు. మనకు మార్కెట్ లో లభ్యమయే ప్రతి మందు బిళ్ళా , అది తయారు చేసిన మందుల కంపెనీ వారు పెట్టిన పేరు తో బయటికి వస్తుంది.

ఈ రసాయన ఫార్ములా మన దేహం లో జరిగే ఒక జీవ రసాయన క్రియ ను ఆపుతుంది.  దాని విషయం వివరంగా చెప్పాలంటే :

మామూలు గా పురుషులలో అంగ స్తంభనం జరిగినప్పుడు  ఆ ప్రదేశంలో నైట్రిక్ ఆక్సైడ్  ( ‘ NO ‘ అంటారు రసాయన ఫార్ములా లో), ఈ నైట్రిక్ ఆక్సైడ్  పురుషాంగం లో  ఎక్కువ అవటం వల్ల, అక్కడ ఉన్న రక్త నాళాలు వ్యాకొచిస్తాయి. తద్వారా పురుషాంగము నిటారుగా అవుతుంది. దీనినే ‘ అంగ స్థంభన ‘ లేక ఎరెక్షన్ అంటారు.  సహజంగా ఈ ఎరెక్షన్ లేక అంగ స్థంభన  నాలుగైదు నిమిషాలు ఉంటుంది.

ఇలాంటి పరిస్తితులలో వారికి సిల్దేనాఫిల్ లేక వయాగ్రా ఉపయోగ పడుతుంది.  ఒక్క వాక్యం లో చెప్పాలంటే ఈ బిళ్ళ పురుషులలో  ‘  PDE5 ‘ ఎంజైం ను తాత్కాలికం గా నివారిస్తుంది. దానితో నైట్రిక్ ఆక్సైడ్ పురుషాంగం లో ఎక్కువ సమయం ఉండి, అంగ స్థంభన కూడా ఎక్కువ సమయం ఉండటానికి తోడ్పడుతుంది.

సరియైన ఆరోగ్యం తో ఉండి , కేవలం అంగ స్థంభన  సమయం ఎక్కువ అవాలనుకునే పురుషులలో  వయాగ్రా  తో   కామ వాంఛ  నయాగరా అవుతుంది.

స్త్రీల లో  కూడా వయాగ్రా పని చేస్తుందా ? :

ఇప్పటి వరకూ జరిపిన పరిశోధనలు ఖచ్చితం గా స్త్రీలు  వయాగ్రా వల్ల లాభ పడతారని చెప్పలేక పోయాయి. అందు వల్లే    అమెరికా లో  అన్ని మందుల వాడకానికీ  ముందుగా ఆమోద ముద్ర వేసే FDA  సంస్థ ఈ వయాగ్రా ను స్త్రీలకూ రికమెండ్ చేయలేదు.

వచ్చే టపాలో ఇంకొన్ని విషయాలు తెలుసు కుందాము !

సుదీర్  అలా తన తోలిరాత్రులు కొన్ని విచారకరం గా గడిపాడు. వేడి ముద్దులూ , బిగి కౌగిళ్ళతో సరిపుచ్చుకుంటున్నాడు. రతిక్రియ వద్ద  అంత వరకూ ‘ మగ ధీరుడనుకున్న’  సుదీర్ ,  బలహీనుడవుతున్నాడు.  సుజాత తన మటుకు తను, అతనితో ఎంతో ప్రేమతో, ఆప్యాయత తో సాహచర్యం చేస్తుంది.

ఇక ఇలాగే తన జీవితం సాగితే సుజాత తనకు కాకుండా పోతుందేమోనన్న భయం పీడించింది సుదీర్ ను. ధైర్యం చేసి ఒక రోజు మధ్యాహ్నం సెలవు తీసుకుని మానసిక వైద్యుణ్ణి సంప్రదించాడు.

నాలో ఏదైనా లోపం ఉందా డాక్టర్ ? అని ఆందోళన తో అడిగాడు. వివరాలన్నీ విన్న సైకియాట్రిస్ట్  ఇలా సలహా ఇచ్చాడు సుదీర్ కు

నీవు నీ బాల్యం లో సహజం గా ఉన్న కొత్త విషయాలు తెలుసుకోవాలనే ఉబలాటం దానినే ఇంక్విసిటివ్నెస్  అంటారు. దానితో నీవు బూతు బొమ్మల పుస్తకాలు చూసావు. మీ తండ్రి మీద నీకు విపరీతమైన ప్రేమా , భయము ఉండటం వల్ల, ఆయన నిన్ను మందలిస్తూ అన్న మాటలు నీ మనసులో గట్టిగా నాటుకున్నాయి.  నీలో ‘ సెక్స్ అంటే ఒక నేరం ‘ అనే భావన కలిగి, ఆ భావన నీలో సబ్ కాన్షస్ గా బలీయం గా ఉండిపోయింది, నీవు పెరుగుతున్నాకూడా!  అందుకే నీవు నీ భార్య సుజాత తో కామోత్తేజం పొందుతున్నప్పటికీ, ఆర్గాసం పొందలేక పోతున్నావు.

నీవు వెంటనే చేయవలసిన పని నీ ఆలోచనా ధోరణి మార్చుకోవడం. సెక్స్ అతి సహజమైన మానవ లక్షణం. నీవు నీ చదువు ను కూడా ఏమీ అశ్రద్ధ చేయలేదు కదా అందుకు నీవు గిల్టీ గా   గా ఫీల్ అవనవసరం లేదు. నీ మెదడు  సబ్ కాన్షస్ గా స్విచ్ ఆఫ్ అవుతూ ఉన్నది సెక్స్ కు, ఇప్పటి వరకూ. ఇందుకు కారణం నీకు రతి మీద ఉన్న అపోహలే !

అంతా అతి జాగ్రత్త గా ఒక్క అక్షరం కూడా మిస్ అవకుండా విన్న సుదీర్ కు అప్రయత్నంగా ఆనంద బాష్పాలు రాలాయి, కళ్ళనుంచి.

‘ థాంక్స్ డాక్టర్ ‘ అన్నాడు.

ఆగ మేఘాల మీద చేరుకున్నాడు ఇంటికి, దారిలోనే అర్జెంటు గా సుజాతను ఇంటికి రమ్మని మెసేజ్ ఇచ్చి.

ఇంటికి చేరుకున్న సుజాతను నేరుగా  శయన మందిరం లో కి తీసుకువెళ్ళాడు,  విషయం కనుక్కోడానికి   నోరు విప్పుదామని సుజాత కనీసం పది నిమిషాలు ప్రయత్నించింది. ఫలితం శూన్యం. ఎందుకంటే తన పెదవుల మీద సుదీర్ పెదవులు పెనవేసుకు పోయాయి,    ఆ పది నిమిషాలూ , కృతజ్ఞతా పూర్వకంగా !

ఇంకో గంట తరువాత సుదీర్ ‘ మళ్ళీ మగ దీరు డయ్యాడు’   ‘ ఇవాళ  ఆఫీస్ నుంచి మ్యాజిక్ ల్యాంప్ ఏదైనా తెచ్చారా అలా స్వర్గం లోకి తీసుకు వెళ్ళారు ‘ అంది  సుజాత ‘ అమాయకంగా’ వినిపించీ వినిపించని స్వరంతో !

సుదీర్ మందహాసం తో ఆమె తల ముంగురులు సవరిస్తూ సైకియాట్రిస్ట్ మాటలు గుర్తు తెచ్చుకుంటున్నాడు ‘ స్విచ్ ఆన్ యువర్ బ్రెయిన్ అండ్ ఎంజాయ్ యువర్ లైఫ్ విత్ సుజాత ‘ ! అవును! నిజంగానే సుజాత సుదీర్ జాతకం కూడా మార్చి వేసింది ఆ రోజునుంచీ !

సుధీర్  స్పురద్రూపి. కష్ట పడి చదివాడు, మంచి  జీతం కూడా వస్తుంది, చేస్తున్న ఉద్యోగానికి .  అతనికి తోడు  తన ఆఫీస్ లోనే ఉద్యోగం చేస్తున్న సుజాత పరిచయమయింది.  త్వరగా ఆ పరిచయం స్నేహం గా మారింది.  తలిదండ్రులు ఇంకో ఊళ్ళో ఉంటుండటం వలన సుదీర్  నాలుగు డబ్భులు ఆదా చేయాలనే ఆలోచనతో ఒక అపార్ట్మెంట్ కూడా తీసుకున్నాడు లోన్ తీసుకుని, తన కోసమే . ఇక కావాల్సింది చక్కని ఇల్లాలు. ఒక రోజు తన మనసులో మాట చెపాడు సుజాతతో ! సుజాత ఒప్పుకుంది అతనితో సహగమనానికి ! ఇద్దరి తలితండ్రులు కూడా సుముఖంగా ఉన్నారు, వారి పెళ్ళికి .  సుదీర్ ఆనందానికి అవధులు లేవు.  ఒక శుభ ముహూర్తాన వివాహం జరిగింది. ఇక తన జాతకం కూడా మారిందనుకున్నాడు సుదీర్ !

ఎంతో కాలం నుంచి కలలు కంటున్న మొదటి రాత్రి  ముహూర్తం సమీపిస్తున్న కొద్దీ సుదీర్  చాలా  పధకాలు  వేస్తున్నాడు.  సుజాత   పారిజాతం లా  ప్రణయ పరిమళాలు వెదజల్లుతూ  పడక గది లో  అలా వేచి చూస్తుంటే తను అలవోక గా  ఆమెను నవ్వించి, ఆమె బుగ్గల మధ్యలో పడిన సొట్ట లను తన పెదవులతో ముద్దిడాలనీ, తాంబూలం వేసుకుని ఎర్రగా పండిన ఆమె పెదవులను అతి జాగ్రత్తగా తన పెదవులతో తడమాలనీ, తొలిరాత్రి  ఆమె కురులలో తన వేళ్ళు పోనిచ్చి ఆమెతో ఊసు లాడాలనీ, కామోత్తేజం తో ఆమెనూ కవ్వించి, ఆమె తో పాటు ,  రతిలో ఎన్నో సార్లు ఆర్గాసం పొందాలనీ …. ఇలా ఎన్నో ‘  ముఖ్యమైన ‘ చిరు పధకాలు కేవలం ఆ తొలి రాత్రి కోసమే సుదీర్ చాలా దీర్ఘంగా ఆలోచించి వేసుకున్నాడు.

ఆ సమయం కూడా వచ్చింది. బయట ఆహ్లాదకర వాతావరణం. ఉష్ణోగ్రత సమం గా ఉంది. ఆకాశం నిర్మలంగా ఉంది. పడక గది లో సుజాత తను అనుకున్న దానికంటే అందం గా ఉంది. కాక పొతే  చీర కట్టుకుని ఉంటుందనుకున్న సుదీర్  కు ,    ఆమెను నైటీలో చూసి ఇంకా  కామోత్తేజం కలిగింది. చాలా అమాయకం గా సుజాత అతని కౌగిలో నిజంగా పారిజాతం లానే ఒదిగి పోయింది. ఆమె తనకు పాల గ్లాసు అందించే సమయంలో, అతని లో మన్మధుడు అలజడి రేపి, ఆమె వక్షోజాల వైపు తదేకం గా చూస్తుండటం తో , గ్లాసును  అందుకోలేదు. ఆమె నేరం చేసిన దానిలా రెండు చేతులూ కలిపి, తన కను సన్నల నుంచి సుదీర్ ను చూసింది. అప్పుడు సుదీర్ కు కోపం రాలేదు సరికదా, ఆమెను దగ్గరికి తీసుకుని ఎంతో ప్రేమ తో హత్తుకున్నాడు. కామోత్తేజం అలలై ఎగిసి పడుతుంది.

సరిగా ఆమె రేకులు విప్పిన పారిజాతం లా రతి క్రియకు తనకు తెలియకనే సమాయత్తమవుతే, సుదీర్  అనూహ్యంగా  ఇంకో వేవ్  లెంత్  లోకి  వెళ్లి పోయాడు. ఆమెను దగ్గర కు తీసుకుంటున్నాడు కానీ సంగమించలేక పోతున్నాడు. వేవ్ లెంత్ ఆకస్మికంగా మారటం తో సుదీర్ మనసులో అలజడి రేగింది.  సుజాత కు ఇదేమీ తెలియలేదు.  ఆమె అమాయకం గా అతని కౌగిలి లో ఒదిగి నిద్రలోకి జాలు వారింది.

కానీ సుదీర్  తీవ్రంగా ఆలోచించాడు. తను ‘ ఎందుకని అంతగా పధకం వేసుకుని ఎదురు చూస్తున్న తొలిరాత్రి అనుభవం  రతీ సంగమం తో సుఖాంతం  అ వలేదు ‘  అని ఆందోళన చెందాడు. కలత నిద్రలో సుదీర్ కు, ఒక కల – తన  తండ్రి తన చిన్న తనం లో తను ఒకసారి బూతు బొమ్మల పుస్తకం చూస్తుంటే, పట్టుకుని, బెత్తం తో తనను వీపు మీద కొట్టడం  స్పష్టంగా కనిపించి ‘ నేను చూడను నాన్నా , ఎప్పుడూ చూడను ఇక ‘ అని అంటూ ఉలిక్కి పడి లేచాడు. దానితో సుజాత కూడా లేచి, సుదీర్ ఏమైంది అని అడిగి మళ్ళీ నిద్రలోకి జారింది అతని చేయి తీసుకుని.