మన దేహం లో ఎన్నో ఎండోక్రైన్ గ్రంధులు ఉన్నాయి. వీటిని తెలుగు లో వినాళ గ్రంధులు అంటారు.ఈ గ్రంధులలోనుంచి ప్రత్యెకమైన జీవ రసాయనాలు విడుదల అవుతుంటాయి, నిత్యమూ. ఈ ప్రత్యేక జీవ రసాయనాలను  హార్మోనులు అంటారు. ఈ గ్రంధులలో తయారైన హార్మోనులు ఏ నాళమూ లేకుండా సరాసరి మన రక్తంలోకి విడుదల అవుతుంటాయి. అందుకే వీటికి ‘ వినాళ గ్రంధులు ‘  అని పేరు వచ్చింది ( అంటే ‘ Endocrine glands ‘ ) 

ఈ గ్రంధులలోనుంచి  హార్మోనులు చాలా స్వల్ప పరిమాణం లో విడుదల అవుతుంటాయి. అయినప్పటికీ ఈ హార్మోనులు మనకు ఎంతో ముఖ్యం.  అనేక కీలకమైన జీవ క్రియలను ఈ హార్మోనులు ప్రభావితం చేస్తాయి,  మన జీవితాంతమూ. ఈ హార్మోనుల లోపం వల్ల మన దేహం లో తీవ్ర అస్వస్థత కలగ వచ్చు.

ఉదాహరణకు : థైరాయిడ్ గ్రంధి నుంచి థైరాయిడ్ హార్మోను విడుదల చేయ బడుతుంది. అట్లాగే మగవారి లో యాన్డ్రోజనులు, అంటే ‘ androgens’ , ఆడ వారిలో ఈస్త్రోజెనులు, లేక ‘ estrogens’ విడుదల అయి మనలో మన లింగ నిర్ధారణకు కారణమవుతాయి.

అలాగే ఇన్సులిన్ హార్మోను మన రక్తములో గ్లుకోసు ను నియంత్రించటమనే ముఖ్య విధి నిర్వర్తిస్తుంది.

స్త్రీలలోనూ , పురుషుల్లోనూ, ఈ కామ వాంచలు, రతిక్రియ ఎట్లా ప్రేరేపించ బడతాయో రేపటి టపా నుంచి మనం తెలుసుకుందాము. దానితో పాటు మానవులలో వాటి లోపాల వల్ల తలెత్తే సమస్యలూ, వాటిని ఎట్లా సరి చేయ వచ్చో కూడా మనం కొంత తెలుసుకుందాము.

 

లెక్కకు మించిన ఆచార వ్యవహారాలూ, అలవాట్లూ, సాంఘిక కట్టుబాట్లూ, నాగరికతలూ, ఈ మూడు  జీవ శక్తులు అంటే ఆకర్షణ, ప్రేమ , కామ వాంఛ ల నుంచి పరిణామం చెందినవే !!

అవి ఒక కుటుంబం గానే కావచ్చు,  అతడు, ఆమె సంగమించే ఆచారాలే  కావచ్చు, లేక పిల్లల పెంపకమే కావచ్చు, లేక మనం అభిమానించి పెంచే  కళలే కావచ్చు.

ఈ మూడు జీవ శక్తులు ( అంటే  ఈ ఆకర్షణ, ప్రేమ, కామ వాంఛ అనే అనుభూతులు ) కొన్ని విపరీత పరిణామాలకు కూడా దారి తీయవచ్చు. అవే : డిప్రెషన్, స్త్రీలపైన అత్యాచారాలు చేయటము, సంబంధాలు  తెగి పోవటము, కుల టత్వము ( అంటే adultery )  విడాకులు, హింస, ఆత్మ హత్య లేక హత్య.

మనము కేవలం ఈ జీవ శక్తులకు బానిసలమా ? మనం మనలో ఈ జీవ శక్తులకు కారణమైన డీ ఎన్యే అంటే ‘ DNA ‘ నే మన పొరపాట్లకూ, మన విపరీత ప్రవృత్తికీ, కామ విశృంఖలతకూ బాధ్యులను చేస్తూ ఉందామా?   వీటన్నిటికీ సమాధానం ఒకే ఒక్క పదం లో చెప్పవచ్చు: కాదు !

 

 

క్రితం టపాలో చూసినట్లు,  మానవులు తమ జీవిత కాలం లో  ఒకరికన్నా ఎక్కువ మంది తో  అనుబంధాలను ఎర్పరుచుకుంటారు. అది ఒకే సమయం లోనే కాక పోవచ్చు.

వేరే జీవ జాతుల లో  చూసినట్లయితే ఈ అనుబంధాలు  ఏర్పరుచుకునే గుణం, వాటిలో కూడా  నిక్షిప్తమై ఉంటుంది.

ఒక పరిశీలనలో తొమ్మిది వేల జాతుల పక్షులలో తొంభై శాతం కన్నా ఎక్కువ పక్షి జాతులు వాటి  సంగమ దశలో ఇంకో పక్షి తో  అనుబంధం కలిగి ఉంటాయి. అంటే బ్రీడింగ్ సీజన్ లో.

మానవులలో కూడా పుట్టిన వారికి ( అబ్బాయి అయినా అమ్మాయి అయినా ) నాలుగు సంవత్సరాలు వచ్చే సరికి  అయ్యే విడి పోయే వారి  సంఖ్య ఎక్కువ గా ఉంటుంది. మానవులలో సరాసరి కాలం  అంటే ఒక సారి తల్లి అయి మళ్ళీ తల్లి అవటానికి మధ్య కాలం కూడా నాలుగు సంవత్సరాలే !! 

పరిణామ రీత్యా చూస్తే మానవులలో ప్రస్తుతం ప్రబలుతున్న ఎక్కువ మంది తో కామ సంబంధమైన అనుబంధం , మానవ పరిణామం లో  మొదటి దశలలో జరిగిన బ్రీడింగ్ సీజన్ లో మానవుల నడవడిక ను తలపించే పరిణామం యొక్క జీర్ణావస్థ అంటే  ‘ రేమ్నెంట్ ‘ అని అనుకోవచ్చు. 

అవి రెండు రకాల కన్నా ఎక్కువ గా ఉండవచ్చు. ఒకటి అటాచ్మెంట్ జరిగేందుకు అవసరమయే జీవ రసాయనాలు, ఎక్కువ అయి అవి జీవ నాడీ కణ గ్రాహకాలను అంటే న్యూరో  రిసెప్టార్స్ ను ఎక్కువ గా క్రియా శీలం చేయవచ్చు. లేక తక్కువ జీవ రసాయనాలు ఉత్పత్తి అయి అవి నాడీ కణ గ్రాహకాలను అంటే మెదడు లో ఉండే న్యూరో రిసెప్టార్స్ ను తక్కువగా  క్రియా శీలం చేయటం వల్ల మానవులు ఇంకో అట్టాచ్మెంట్ లేక ‘  pair bonding  ‘ కోసం తపిస్తూ తనతో ఉంటున్న వారిని వదిలేయవచ్చు.

 

 

 

 

 

కానీ ఈ స్త్రీ పురుష సంబంధము మానవ నాగరికత  పరిణామం చెందుతున్న కొద్దీ, మారిపోతున్నది. అంటే ఒక సారి స్త్రీ పురుష సంబంధం (  సాధారణం గా  వివాహం ద్వారా ) ఏర్పడ్డ తరువాత, అది శాశ్వతం అవట్లేదు.

ఇటీవల జరిపిన ఒక సర్వే లో ప్రపంచం లో ఉన్న 62  అభివృద్ధి చెందిన, లేక అభివృద్ధి చెందుతున్న సమాజాలూ, వ్యవసాయమే ప్రధానం గా కల సమాజాలలో విడాకుల సంఖ్య గణనీయం గా పెరిగిందని తెలిసింది.  సర్వే చేసిన ఈ సమాజాలలో విడాకులు,  సంప్రదాయ బద్ధం గా,  ఇప్పటి వరకూ చాలా అరుదు గా ఉన్న సమాజాలు కూడా ఉన్నాయి.

ఈ విడాకులు  స్త్రీ పురుష ప్రత్యుత్పత్తి సామర్ధ్యం ఎక్కువ గా ఉన్నప్పుడు అంటే వారు ఇరవై , ముప్పై సంవత్సరాల మధ్య లో ఉన్నప్పుడు, వారికి వివాహం అయి నాలుగు ఏళ్ళు అయినప్పుడు జరుగుతున్నాయి ఎక్కువగా !  సాధారణం గా పెళ్లి అయి నాలుగు ఏళ్ళు ఆయే సరికి ఒక బాబు లేక పాప పుట్టటం జరిగి వారు కొంత స్వతంత్రత కలిగి ఉంటారు. అంటే వారికి తల్లి పాలు అప్పుడు అవసరం ఉండవు కదా. అలాగే వారు వారి పనులు వారు, చెపితే చేసుకునే వయసు లో ఉంటారు. సంతానం ఏమీ లేని దంపతులు కూడా ఎక్కువ గా విడిపోతున్నారు.

 

ప్రేమ:

ఆకర్షణ లేక ప్రణయాకర్షణ , సృష్టి లో ఒక ముఖ్యమైన క్రియ నిర్వర్తిస్తుంది.  ఈ ప్రణ యాకర్షణ, క్రమంగా పరిణామం చెంది , ప్రత్యుత్పత్తికి అత్యంత ముఖ్యమైన రతిక్రియ కు మనల్ని సమాయత్తం చేస్తుంది. పోటీ పడుతున్న వారిలో నుంచి, మంచి లక్షణాలు కల, లేక ఎక్కువ ఆకర్షణీయం గా ఉన్న వారితో మన మనసు లగ్నం చేయటానికీ , అంటే కేంద్రీక రించడానికి , ఉపయోగ పడుతుంది.

ఈ ప్రక్రియలో మన శక్తులను అంటే ఎనర్జీ ఒకే భాగస్వామి మీద కేంద్రీకృతం చేసి ,   స్త్రీల గర్భాశయం లో వీర్య స్ఖలనం జరగటానికి   ప్రయోజన కారి గా ఉంటుంది. (  ప్రతుత్పత్తి కి నాంది అవుతుంది, వీర్య స్ఖలనం జరిగి వీర్యం,   అండాశయం నుంచి విడుదల ఐన  అండం తో సంగమం చెంది నప్పుడు )

కాలక్రమేణా ప్రపంచ మానవ నాగరికత లో జరిగిన పరిణామ రీత్యా , మానవులు ఎవరి ప్రేమ కోసం తపిస్తారో , ఎవరిని ప్రేమిస్తారో , ఈ విషయాలు , వారు పెరిగిన వాతావరణము, నాగరిగతా, దేశ కాల పరిస్థితులు , సంస్కృతీ విలువల మీద ఆధార పడి ఉంటుంది.

ఉదాహరణకు , స్త్రీలు, పురుషులు ఎక్కువగా , పరిచయం లేని, ఆకర్షణీయమైన వ్యక్తుల తో పొందు కోసం తహ తహ లాడతారు. పరిణామ రీత్యా , ఈ లక్షణం , స్వజాతి లో సంపర్కం తగ్గించ డానికి. జీవ పరిణామ రీత్యా ,  దగ్గరి బంధువులలో జరిగిన వివాహాలు, ప్రత్యుత్పత్తి కంటే, బంధుత్వం లేనివారితో వివాహాలు, ప్రత్యుత్పత్తి వల్ల మన జన్యువులు అంటే ‘ gentetic make up ‘ ఎక్కువ శక్తిదాయకంగా తయారవుతాయి. అలాగని దగ్గర బంధువులలో జరిగిన వివాహాలన్నీ మంచివి కాదని అర్ధం చేసుకో కూడదు. శాస్త్రీయం గా  చూస్తే, జన్యువులలో ప్రతికూలమైన మార్పులు రావడానికి అవకాశాలు ఎక్కువ , వివాహ  బంధుత్వం రక్త సంభంధం కూడా ఐనప్పుడు , మన ఆచార వ్యవహార రీత్యా చూస్తే ఒకే గోత్రం ఉన్న వారి లో  సాధారణంగా  వివాహ బంధం, పెద్దలు అంగీకరించక పోవడానికి కూడా ఇదే కారణం.

మనలో ప్రేమ జ్వాల రగిలించడానికి ముఖ్యమైన  తైలం – మన బాల్య అనుభవాలు. అంటే  మనం  ఐదు నుంచి ఎనిమిది సంవత్సరాల మధ్య మనకు తెలియకుండా  అంటే సబ్ కాన్షస్ గా మన మనసులో ఒక ‘ ప్రేమ పటం ‘  చిత్రించు కుంటాము. ఈ అత్యంత వ్యక్తిగతమైన  అంటే ‘ very personal ‘ , ప్రత్యేకమైన  ప్రేమ పటంలో  మనకు కావలసిన భాగస్వామి లక్షణాలు  స్కెచ్ ‘ sketch ‘  వేసుకుంటాము.  సహజంగా ఈ ‘ rough sketch ‘ మన యుక్త వయసులో  సప్త వర్ణాలు కలిసిన ఒక అందమైన  ప్రేమ చిత్ర పటం గా మారుతుంది.

మనం ఎప్పుడు, ఎవరితో, ఏ సమయం లో ప్రేమలో పడతామో, ఏ ఆకర్షణ లక్షణాలు  మన భాగ స్వామి లో చూస్తామో, ఎప్పుడు సంగమించి, రతిక్రియ లో ఆనంద పడతామో, ఇదంతా మన వ్యక్తిగత లక్షణాల మీద, మన చుట్టూ ఉన్న సాంఘిక , కాల పరిస్థితుల మీద ఆధార పడి ఉంటుంది.

వచ్చే టపాలో ఇంకొన్ని విషయాలు చర్చించుకుందాము !!

 

 

పూర్తి పేరు: లయోనేల్ ఆండ్రెస్ మెస్సీ 

జననం:  అర్జంటినా  ( పూర్వీకులు ఇటలీ నుంచి ఒక శతాబ్దం క్రితం వలస వచ్చారు )

జన్మ దినం : 24.06.84.

ఎత్తు: ఐదు అడుగుల ఆరున్నర అంగుళాలు 

తల్లి :  పార్ట్ టైం క్లీనర్ 

తండ్రి:  ఉక్కు ఫాక్టరీ కార్మికుడు.( మెస్సీ కి మొదటి ఫుట్ బాల్ కోచ్ కూడా ! )

పదకొండు ఏళ్ళ వయసు ఉన్నప్పుడు మెస్సీ కి  గ్రోత్ హార్మోన్ లోపం ఉందని వైద్యులు నిర్ధారించారు. ఈ లోపం వల్ల, పెరుగుదల కుంటు పడుతుంది.  అప్పటికే మెస్సీ , తన ఊరిలో ఉన్న జూనియర్  ఫుట్ బాల్ క్లబ్ లో ఆడుతూ అత్భుత ప్రతిభ కనబరుస్తున్నాడు. 

అప్పటి నుంచి మెస్సీ దశ తిరిగింది!!

ఇప్పటి వరకూ చేసిన గోల్స్ : 228.

అవార్డులు : ముప్పై ఐదు కు పైగా !!.

సంపాదన : ఇప్పటి వరకు ,  ముప్పై మిలియన్ల పౌండ్లు అంటే అంటే రెండు వందల నలభై కోట్ల రూపాయలు !!.

 

ఇటీవల ఒక జర్మనీ క్లబ్ తో జరిగిన ఒక మాచ్ లో బార్సిలోన తరఫున ఆడిన మెస్సీ చేసిన ఐదు గోల్స్ హై లైట్స్  క్రింద చూడండి !! ( యు ట్యూబ్  వీడియో !! ) 

 

 

 

 కృష్ణుడు, నీల మేఘ శ్యాముడు గా తన గోపికలనందరినీ  వశ   పరుచుకున్నాడనీ మనం అనేక సార్లు చదువుకున్నాము. అలాగే  మిగతా అందరికీ అందం గా అనిపించకపోయినా   మజ్నూ కు, లైలా ఎంతో అందమైనది గా అనిపించి ‘ నా కళ్ళు అరువు తీసుకుని    చూడండి లైలా అందం, అప్పుడు మాత్రమే ఆమె అందం కనిపిస్తుంది మీకు  !! ‘ అని అంటాడని మనకు తెలుసు.

అలాగే  డాంటే , బియాట్రిస్  అందం చూడాలని తపించిపోయే వాడని మనకు తెలుసు.

మరి నిజంగానే  అందమైన వారే ప్రేమ కు పాత్రులా ? ఈ కధా కమామీషు మనం కొంత తెలుసుకుందాము.

ప్రేమ, అందం  కలగలిసి కామ వాంఛ ల అలలు రేపుతాయి మనలో !! గాఢమైన ప్రేమ,   కామ పూరితమైన వాంఛ తో ముడి పడి ఉంటుంది.  మన మెదడు లో కూడా ఆశ్చర్యకరంగా ప్రేమ, అందం ఒకే  కేంద్రం లో ఉంటాయి.  ఒక అందమైన ఆకర్షణీయమైన  ముఖం, అలాంటి ముఖాన్ని చూస్తున్నామన్న అనుభూతి ,  ఆ అనుభూతి ద్వారా ఉత్పన్నమైయ్యే  కామోద్దీపన ,అంటే ‘ sexual arousal ‘  ఈ మూడు అనుభూతులకూ  మెదడు లో ‘ orbito frontal cortex ‘ అంటే ఆర్బిటో ఫ్రాన్ టాల్ కార్టెక్స్ ‘ అనే  కేంద్రం ఉంటుంది.

మనం ప్రేమిస్తున్న వారి ముఖం చూసినప్పుడు కలిగే అనుభూతులకు మెదడు లో ఇంకో రెండు భాగాలు కూడా ప్రేరేపితమౌతాయి.  వాటిని  ‘ insula ‘ and  anterior cingulate cartex’  అంటే ఇన్సులా మరియూ యాన్తీరియర్ సిన్గులేట్ కార్టెక్స్   అని అంటారు.

మనం పరిణామ రీత్యా చూస్తె ,  ఆందోళన పరిచే ఏ వ్యక్తినైనా, జంతువునైనా చూసినప్పుడు , మన మెదడు లో ఉన్న  ఫ్రాన్ టాల్ కార్టెక్స్ , ఇంకా  అమిగ్డలా  ( అంటే ‘ frontal cartex and amygdala ‘ ) అనే భాగాలు  ఎక్కువ క్రియాశీలమవుతాయి.

కానీ  పరిశోధనలలో  తెలిసిన విషయం. మనం మనకు ప్రియమైన వారిని చూసినప్పుడు  సహజంగా ప్రేరేపితమయ్యే పైన చెప్పిన మెదడు లోని భాగాలు  అసలు ప్రేరేపితం కావు.

దీనిని బట్టి తెలిసినదేంటంటే, మనకు ప్రియమైన వారిని చూసినప్పుడు, మనం ఏవిధమైన  ఆందోళన కూ లోను కాకుండా ప్రశాంతం గా  కామోద్రేకం ప్రేరేపించ బడే దిశలో ఉంటామని.

 

వచ్చే టపాలో మరికొన్ని విషయాలు చదవండి ప్రేమ గురించి !!!

 

 

 

 

ప్రేమ, లేక అటాచ్మెంట్ మానవ పరిణామం లో ఏ దశ లో నైనా వృద్ధి  చెంది ఉండవచ్చు.

మానవ పరిణామంలో అందరికీ తెలిసిన విషయం మానవులు కోతి నుంచి పరిణామం చెందారని.

 

సుమారు నాలుగు మిలియన్ల సంవత్సరాల క్రితము , ఆఫ్రికా ఖండం నుంచి త్వరిత గతిన అంతరించి పోతున్న వృక్ష జాతుల నుంచి కోతులు పరిణామం చెంది క్రమేణా అనాది మానవులు గా మారి నేల మీద నివాసాలు ఏర్పరుచుకో సాగారు. క్రమంగా ఆ ఆది మానవులు భూగోళం మీద  ఉన్న వేరు వేరు ప్రదేశాలకు విస్తరించారు.

మనకు తెలుసు, కోతులు తమ పిల్లలను వాటి ఉదర భాగం లో నో  లేక వీపు మీదనో కరుచుకుని ఉండటం, అట్లాగే అవి నాలుగు కాళ్ళతో నడవటము, చెట్లు ఎక్కటము, పరుగెత్తడము.

ఆది మానవులలో స్త్రీలు  ప్రత్యుత్పత్తి చేస్తూ , తమ పిల్లలను చేతులతో   లో మోసే వారు. ఇలా చేస్తూ, వారు ఆహారాన్ని ఎలా సమకూర్చు కో గలరు?  వారు అంటే స్త్రీలు తమ పిల్లలను పాలిచ్చి, లాలన చేసి పెంచుకోవడం లోనే చాలా సమయం గడుపుతారు కదా !!. ఒక వేళ వారి ఒక చేతిలో పిల్ల ఉన్నా ఇంకో చేతిలో రాతి యుగపు పనిముట్లు ఉన్నా తమను తాము మిగతా కోతులనుంచీ , వేరే క్రూర మృగాల నుంచీ రక్షించుకోడానికి ప్రయాస పడేవాళ్ళు కదా !!  ఈ పరిస్థితులలో పురుషులు వారికి రక్షణ గా ఉండే వారు. కానీ పురుషులకు స్త్రీలకు రక్షణ ఒకటే బాధ్యత కాదు కదా, పిల్లలను పోషణ చేస్తున్న స్త్రీలకు, ఆ పురుషులు తమ పనిముట్లతో ఆహారం కూడా సంపాదించి, అంటే చెట్ల మీదనుంచి కానీ , వేటాడి కానీ సంపాదించ వలసినదే కదా !

 

వచ్చే టపాలో ‘ ప్రేమ ‘ విషయాలు మరికొన్ని చదవండి !!

ఇంత వరకూ టపాలలో ఆకర్షణ, ప్రత్యేకించి ప్రణ యాకర్షణ గురించి, వివరం గా తెలుసుకోవటం జరిగింది.

ఈ ప్రణయాకర్షణ, క్రమంగా ప్రేమ గా పరిణమించినప్పుడు వచ్చే మార్పులు ఇప్పుడు తెలుసుకుందాము.

ప్రేమ, లేక ‘ compassionate love ‘ , పక్షులలోనూ, మిగతా స్తన్య  జంతువులలోనూ   గమనించినప్పుడు , అవి  పరస్పరం,  ఆహారం పంచుకోవడము, గూడు కలిసి కట్టుకోవదమూ, తమ తమ పరిధులు నియంత్రించు కోవటము,  విడిపోయినప్పుడు ఆందోళన చెందటము,  తమ పిల్లలను కలిసి  పెంచడం లాంటి  క్రియల లో కనిపిస్తుంది.

 ఆకర్షణ, లేక ప్రణయాకర్షణ, ప్రేమ గా తప్పకుండా మారనవసరం లేదు. కొన్ని పరిస్థితులలో  కామోద్రేకం మొదట కలిగి, రతి క్రియ తరువాత, భావ ప్రాప్తి జరిగి ( అంటే ‘ orgasm ‘ ), అతడిలో  వాసో ప్రేస్సిన్ విడుదల అయి తద్వారా, ఆమె పైన అనుబంధం అభి వృద్ధి చేసుకో వచ్చు.  అంటే అతను మొదట సంబంధాన్ని ఆమె తో ఏవిధమైన ప్రణయాకర్షణ లేకుండా మొదలెట్టవచ్చును. శారీరిక సంభంధం ఏర్పడినాక, అతను గాఢమైన అనుబంధం అంటే ప్రేమానుబంధం ఏర్పరుచుకో వచ్చును. ఇలా జరగటానికి అతనిలో విడుదల ఆయే వాసోప్రేస్సిన్ కారణమని చెప్పవచ్చు.

కేంబ్రిడ్జ్ విశ్వ విద్యాలయం లో జరిపిన ఒక పరిశోధనలో నూట ఎనభై పక్షి జాతులలో  కేవలం  పది  శాతం పక్షులు  తాము మొదట కలిసి, సంగమించిన వాటితోనే జీవితం గడుపుతాయి, కానీ మిగతా తొంభై  శాతం పక్షులు , ఇతర పక్షులతో  కూడా సంగమిస్తాయని తెలిసింది.

కాలక్రమేణా మానవులలో కూడా  ఈ లక్షణాలు పరిణామం చెందాయి. మానవులు ఒకరితో  ప్రేమానుభంధం తో జీవిస్తూ కూడా, ఇతరులతో ప్రణయాకర్షణ వలలో చిక్కుకో గలగటానికి ఇదే కారణం. అంటే మానవులు స్వాభావికంగా అనేక మంది తో సంబంధాలు పెట్టుకోగలిగి ఉంటారు. కేవలం సాంఘిక కట్టుబాట్ల వల్ల, ఒక్కో ప్రాంత సంస్కృతి, ఆచార వ్యవహారాల వల్ల వారి ప్రవర్తన  సరిఐనది గానూ, లేక తప్పు గానూ వ్యాఖ్యానింప బడుతుంది.

ఈ స్పష్టమైన  మూడు రకాల నాడీ వలయాలూ , నవీన మానవ జీవితాన్ని అనేక విధాలు గా  క్లిష్టతరం చేశాయని చెప్ప వచ్చును.

ప్రపంచ వ్యాప్తంగా ఉన్న, ప్రబలుతున్న విడాకుల సంఖ్య కూ ,  కామ విశృంఖలతకూ, ఏక పతీ, లేక ఏక పత్నీ వ్యవస్థ చెదరి పోతూ ఉండటానికీ, ‘ అనైతిక జీవనానికీ , గృహ హింస కూ,

ప్రియురాలినీ, ప్రియుడినీ, చాటు గా ఉండి అనుసరించటము, అంటే ‘ stalking ‘ , కామ అసూయ , అంటే ‘  sexual jealousy ‘ , డిప్రెషన్ ,  ఆత్మ హత్య, హత్యలు , వీటన్నిటికీ  మనలో ఉన్న  ఈ నాడీ వలయాలు, కొంత వరకు కారణమని జీవ పరిణామ శాస్త్ర వేత్తలు , సాంఘిక మనో విశ్లేషకులు భావిస్తున్నారు.

 

 

ప్రేయసీ ప్రియులు పరస్పరం ఎమోషనల్ గా అంటే  మనోభావ పూర్వకం గా ఆధార పడటం మొదలు పెడతారు.

ఈ భావాలు,  ఆశ,  బిడియము, భావోద్వేగము, ఒకరి గురించి ఒకరు ఆలోచించ టము, ఒకరిని ఇంకొకరు విడిచి పెడతారని బెంగ పడటము, ఒకరి కొకరు దూరమైనప్పుడు ఆందోళన చెందటము,ఇలాంటివి. ఈ భావాలన్నీ వారిని ఇంకా అప్రమత్తులు గా చేసి ఒకరిని ఒకరు కనిపెడుతూ ఉండేట్టు చేస్తాయి.

తమ తమ దైనందిన కార్యక్రమాలలో, ఏ మాత్రము సంకోచము లేకుండా మార్పులు చేసి, తమ ప్రియురాలితో, తమ ప్రియునితో కలయిక కోసం ఎదురు చూస్తుంటారు.

అవసరమైన మార్పులు, తమ వేష ధారణ లోనూ , అలవాట్లలోనూ ,  హావ భావాల లోనూ చేస్తుంటారు.

ఒకరి గురించి ఒకరు బాధ్యతాయుతం గా  ఉండటము, ఒకరి కోసం ఇంకొకరు త్యాగం చేయటానికి కూడా సిద్ధ పడతారు, ఈ ప్రణయాకర్షణ  వల లో చిక్కుకుని !!

ఇక వారి ప్రణయానికి  అవరోధాలు ఎంత ఎక్కువ అవుతుంటే  అది అంత   ఎక్కువ తీవ్రం గా పరిణమిస్తుంది, బలపడుతుంటుంది !!

   జీవ పరిణామ పరం గా చూసినట్లయితే ఈ రకమైన మనోభావాలు తాము తమ ప్రియులతో రతిక్రియ లో పాల్గొని అతని లోని వీర్యం ఆమె లో చేరి  అండాశయ దిశలో ప్రయాణం చేయటానికి అంటే వారు ప్రత్యుత్పత్తి జరపటానికి ఎంతో ఉపయోగ పడతాయని తెలిసింది.

ఆమె, అతడు, రతిక్రియ కు ముందు మనో భావ సంగమం కోసం తాపత్రయ పడతారు. కానీ పాశ్చాత్య నాగరికతల లో ఎక్కువ మంది ప్రేయసి ప్రియులు, వారు రతీ సంగమమే వారికి మనో భావ సంగమం కన్నా ప్రధానమైనదని ఒక సర్వే లో తెలిపారు. 

 

ఈ టపా పై మీ అభిప్రాయాలు తెలుపండి.