Our Health

Archive for ఆగస్ట్, 2012|Monthly archive page

ప్ర.జ.లు. 3. ఎఫైర్ లూ , ఇన్ ఫిడిలిటీ లూ !

In ప్ర.జ.లు., మానసికం, Our minds on ఆగస్ట్ 22, 2012 at 8:12 సా.

ప్ర.జ.లు. 3. ఎఫైర్ లూ , ఇన్ ఫిడిలిటీ లూ ! 

ప్రశ్న: స్త్రీల లోనూ  పురుషులలోనూ   ఇన్ ఫిడిలిటీ కి  తేడాలు ఉన్నాయా ? 
జవాబు: మంచి ప్రశ్న. భావావేశాలు అంటే ఎమోషన్స్ ,  అవి అనుభవించే  స్త్రీలను బట్టీ , పురుషులను బట్టీ మారుతూ ఉంటుంది. అంటే స్త్రీలకూ, పురుషులకూ ,  వారి లో నిరంతరం కలిగే భావావేశాలకూ అవినా భావ సంబంధం ఉంది. కాక పొతే వారు ఈ భావావేశాలను అనుభవించే విధం వేరుగా ఉంటుంది.  ఇంకో విధం గా చెప్పుకోవాలంటే భావావేశాల వాహనాలలో స్త్రీలూ , పురుషులూ వేరు వేరు దారులలో ప్రయాణం చేసి ‘ సుఖ గమ్యం ‘ చేరుకుంటారు.  ఈ వేరు దారుల ప్రయాణం , వారి కామ ప్రేరణలనూ , ఎమోషన్స్ ను  కూడా వేరుగా ప్రభావితం చేస్తుంది. స్త్రీలూ , పురుషులూ , వారి వారి రీతులలో  కలిసి  సంసార సుఖాల గమ్యం వైపు ప్రయాణం చేస్తున్నప్పుడు , మార్గ మద్యం లో  చిన్న బస అంటే కొన్ని షార్ట్ స్టే లు కూడా చేస్తుంటారు ! ఆశ్చర్య కరం ఏమిటంటే , ‘ కలిసి ‘ ప్రయాణం చేస్తూ కూడా , ‘ చిరు బస ‘లు అంటే షార్ట్ స్టే లు మాత్రం ఇంకొకరికి తెలియ కుండా చేస్తుంటారు ! ( అందరూ కాదు ! ) 
ఉదాహరణకు , పురుషులు ఎఫైర్స్ ఏర్పరుచు కునే సమయం లో, ( ఇతర ) స్త్రీల మీద ఎక్కువ గా ఆధార పడుతూనూ ,  వల్నరబుల్ గానూ  ఉంటారు.దీనిని స్త్రీ లోలత అనవచ్చు. అదే స్త్రీల విషయం లో ఇందుకు భిన్నం గా , ఎఫైర్స్ ఏర్పరుచుకునే సమయం లో, స్వేచ్చా యుతం గానూ , వారు ఎక్కువ శక్తి వంతం గానూ అవుతున్నట్టు ఫీల్ అవుతారు. ఎఫైర్స్ లో సామాన్యం గా పురుషులు ఇంటిమసీ కోసం అంటే చనువు , ఆప్యాయతల కోసం వెదుకుతూ ఉంటారు, అదే సమయం లో స్త్రీలు , వారి  భావావేశాలను అంటే కామ పరం గానూ , ఇతర విధం గానూ , వారి కి  ( వివాహ బంధం లో ) ఉన్న స్వేచ్చా స్వాతంత్ర్యాల పరిమితులు  ఛేదించడానికి  ఉవ్విళ్ళూరుతూ ఉంటారు ! ఇంకో విధం గా చెప్పుకోవాలంటే , స్త్రీ లకు తమ వివాహ బంధం లో కనుక , వారికి సంపూర్ణ స్వేచ్చా స్వాతంత్ర్యాలు  ఉన్నట్టు నమ్మకం కలిగితే , వారు ఎఫైర్స్ కు అంతగా ఆకర్షితులవ్వరు. అట్లాగే పురుషులు, తమ వివాహ బంధం లో సంతృప్తి కరమైన  అనుబంధం , ఇంటిమసీ , ఇంకా ఆప్యాయత కనుక పొందుతూ ఉంటే , ఎఫైర్స్ వైపు దృష్టి మరల్చరు.  ప్రేమ , ఆప్యాయతల ‘ ఇంధనం ‘ తో పాటు గా కామ తృప్తి కూడా కలిసిన ‘ జీవిత ‘ వాహనం లో ప్రయాణం చేస్తున్న వారి ప్రయాణం సాఫీ గా గమ్యం వైపు సాగి పోతుంది, అప్పుడు వారికి చిరు ‘ బస’ లు అంటే షార్ట్ స్టే లు ఏవీ అవసరం ఉండవు! ఎఫైర్ లూ , ఇన్ ఫిడిలిటీ లాంటి ఇంధనాలు వారికి అవసరం ఉండదు ! 
లింగ పరం గా ఎఫైర్స్ కానీ ఇన్ ఫిడిలిటీ కానీ  పురుషులలో రావడానికి కారణం, వారు వారి ‘ ప్రేయసి కానీ,  ‘భార్య ‘ కానీ , ఇతర వ్యక్తులతో కామ పరమైన సంబంధం ఏర్పరుచు కుంటే కానీ , లేదా ఏర్పరుచు కోవడానికి ప్రయత్నిస్తూ ఉంటే కానీ తెలిస్తే , తీవ్రం గా కలత చెందడం వలన అని కూడా భావించడం జరుగుతుంది. కానీ స్త్రీల విషయం లో వీటికి  ( ఇన్ ఫిడిలిటీ కీ ఎఫైర్స్ కూ ) కారణం , తమ ప్రియులు ఇతరులతో భావావేశ పూరితం గా అంటే ఎమోషనల్ గా సంబంధాలు పెట్టుకుంటే సహించ లేక పోవడం అని కూడా భావించ బడుతుంది. అనేక మంది స్త్రీలనూ పురుషులనూ ప్రశ్నిస్తే , ఈ విషయం తెలిసింది , ఒక పరిశీలనలో. జీవ పరిణామ శాస్త్ర వేత్తలు స్త్రీలలోనూ , పురుషుల్లోనూ వంశ పారంపర్యం గా వచ్చే జన్యువులు అంతే జీన్స్ , వారి ఎఫైర్స్ లేదా ఇన్ ఫిడిలిటీ   ప్రవర్తనలను నిర్ణయిస్తాయి అని  నమ్ముతారు.  ఎఫైర్స్ విషయం లో  జన్యువులు ప్రతి ఒక్కరిలోనూ ఒక్కో  స్పష్టమైన విధం గా జెలసీ ను అంటే అసూయను చూపే లక్షణం కానీ బిహేవియర్ ను కానీ  నిర్ణయిస్తూ ఉంటాయి. 
వచ్చే టపాలో ఇంకొన్ని ఇన్ ఫిడిలిటీ సంగతులు ! 

ప్ర.జ.లు.2. ఎఫైర్ లూ , ఇన్ ఫిడిలిటీ లూ !

In ప్ర.జ.లు., మానసికం, Our Health, Our minds on ఆగస్ట్ 21, 2012 at 10:27 సా.

 ప్ర.జ.లు.2. ఎఫైర్ లూ , ఇన్ ఫిడిలిటీ లూ ! 

అఫైర్ కానీ ఇన్ ఫిడిలిటీ కానీ , భౌతికం గా అంటే శారీరికం గా సంబంధం కావచ్చు, లేదా ఎమోషనల్ గా సంబంధం కావచ్చు. అంతే కాక , కేవలం ఎమోషనల్ , ఇంకా శారీరికం గానే కాక ఈ సంబంధాలు , ఇరువురి మధ్యా ఉన్న నమ్మకాన్ని కూడా వమ్ము చేస్తాయి. అప్పుడు  ఆ సంబంధాలు మోస పూరితం కూడా అవుతాయి.  ఒక దేశం లో బహిరందం గా ఒకరి తో  సంబంధం కలిగి ఉన్న ఒక వ్యక్తి , అఫైర్ ఇంకో వ్యక్తి తో కలిగి ఉండవచ్చు.భావావేశ పూరితమైన అఫైర్స్ లేక సంభంధాలు  కూడా శారీరికం గా ఇంకొకరికి కలిగించేంత బాధ కలిగించ గలవు.మానవ  పరిణామం జరుగుతున్న కొద్దీ , ప్రపంచం లో వివిధ దేశాలలో ఈ అఫైర్ లూ , ఇన్ ఫిడిలిటీ , ఆ యా దేశ నాగరికతా సంస్కృతుల బట్టి మారుతూ ఉంటాయి.
ప్రశ్న:  ఈ ఎఫైర్ లూ ఇన్ ఫిడిలిటీ లూ మన సమాజం లో ఎంత సామాన్యం ? : 
జవాబు: కొందరు  పరిశోధకుల అభిప్రాయం ప్రకారం , ఈ రోజుల్లో ,  సంబంధం కలిగి ఉన్న ఇద్దరిలో ఒకరు, శారీరికం గా కానీ , మానసికం గా అంటే ఎమోషనల్ గా కానీ ఇంకొకరితో సంబంధం కలిగి ఉండడానికి, కనీసం 50- 50  చాన్స్ ఉంటుంది . అమెరికాలో వివాహం చేసుకున్న వారిలో 30 నుంచి 60  శాతం మంది, తమ జీవిత కాలం లో ఎప్పుడో ఒకప్పుడు  ఎఫైర్స్ కలిగి ఉంటారని ఒక అంచనా !  ఇంకో అంచనా ప్రకారం , విడాకులు తీసుకున్న వారిలో, కనీసం తొంభై శాతం మంది , ఎఫైర్స్ అంటే వివాహేతర సంభంధాలు కలిగి ఉన్నారని తెలిసింది. అంతే కాక , ఇరవై ఏడు శాతం మంది ( అమెరికాలో ) వివాహం చేసుకుని ఆనందం గా ఉన్నామని చెప్పిన వారు వివాహేతర సంబంధాలు కలిగి ఉన్నారు !
ఇటీవల యాభై మూడు దేశాలలో విశ్వ విద్యాలయాలలో చదువుతున్న పదహారు వేల మంది విద్యార్ధులలో జరిపిన ఒక పరిశీలన లో 20 శాతం మంది దీర్ఘ కాలిక సంబంధాలు ఏర్పరుచుకున్న వారు, అప్పటి కే ఇంకోరితో కూడా సంభంధాలు కలిగి ఉన్నారు. ఇంకా పరిశీలనలలో తెలిసిన నిజం. నలభై శాతం మంది అవివాహితులూ , ఇరవయి శాతం మంది దాకా వివాహితులూ కూడా , కనీసం ఒకటైనా కామ పరమైన సంబంధం కలిగి ఉన్న వారే !  స్త్రీల కన్నా , పురుషులు అధికం గా ఈ ఇతర సంబంధాలు కలిగి ఉంటారు.
2003 లో ఇంగ్లండు లో ఉన్న ఒక యాభయి మంది లాయర్లను ఒక ప్రశ్న అడిగారు ఒక పరిశీలనలో. అతి సామాన్యం అయిన కారణం ఏమిటి మీ దగ్గరకు విడాకుల కోసం వచ్చే వారికి ‘ అని  అడిగినప్పుడు , యాభై అయిదు శాతం విడాకులు పురుషులు ఇతర సంబంధాలు కలిగి ఉండడం వల్ల నో , లేక నలభయి  అయిదు  శాతం  విడాకులలో స్త్రీలు ఇతర సంబంధాలు కలిగి ఉండడం వల్ల నో విడాకులు సంభవిస్తున్నాయి అని తెలిసింది.  ఈ విధమైన వివాహేతర  సంబంధాలు ఏర్పడడానికి ప్రధాన కారణం , వారు వారి భాగస్వాములతో తక్కువ సమయం గడపడం వలెనే అనీ , ఇంకా విద్యార్ధులు , వారి వివాహం అయ్యే లో గా వీలైనంత మంది తో శారీరిక సంభంధం కలిగి ఉండాలనుకునే కామ వాంఛ తో పాటు గా యునివర్సిటీ విద్యాలయాలలో వారికి కలుగుతున్న అవకాశాలు కూడా అని పరిశీలనలలో తెలిసింది.అంతే కాక వయసు మీద పడుతున్న వారి లో కూడా ఈ వివాహేతర సంబంధాలు ఎక్కువ అవుతున్నాయి అని తెలిసింది.
ప్రశ్న : మరి ఈ ఎఫైర్స్ , ఇన్ ఫిడిలిటీ లు కలిగి ఉండడం లో పురుషులు స్త్రీల కంటే ఎందుకు ముందున్నారు ?:
జవాబు: వచ్చే టపాలో  తెలుసుకుందాము ! 

ప్ర.జ.లు.1. ఎఫైర్ లూ , ఇన్ ఫిడిలిటీ లూ !

In ప్ర.జ.లు., మానసికం, Our minds on ఆగస్ట్ 20, 2012 at 11:39 సా.

 ప్ర.జ.లు. 1.ఎఫైర్ లూ , ఇన్ ఫిడిలిటీ లూ !  

ప్రశ్న:  ఎఫైర్ లూ , ఇన్ ఫిడిలిటీ లూ అంటే ఏమిటి ? 
జవాబు: ఇన్ ఫిడిలిటీ   ని సామాన్యం గా  ‘ మోసం చేయడం ‘ ద్రోహం చేయడం’ లేదా ‘ ఎఫైర్స్ ఉండడం ‘  అని కూడా చెప్పుకుంటూ ఉంటాము. భాగ స్వాములు , అంటే వారు భార్యా భర్తలే కావచ్చు , లేదా  ప్రత్యెక సంబంధం ఉన్న స్నేహితులు కావచ్చు. స్త్రీ పురుషులు  కావచ్చు. ఇన్ ఫిడిలిటీ నిర్వచనం ఏమిటంటే , ఇరువురి మధ్య  ‘ సహజం గా ‘ ప్రత్యేకం గా ఉండే  ఎమోషన్స్ కానీ , కామ పరమైన అనుభూతులు కానీ వారిరువురికే  చెందక, ఇతర వ్యక్తుల తో పంచుకోవడం. అంటే ఇక్కడ ఇరువురి మధ్య ఉన్న ప్రగాఢమైన సంబంధం ఒకరికి తెలియ కుండా ఒకరు మూడో వ్యక్తీ , లేదా నాలుగో వ్యక్తి తో పంచుకోవడం. ఇక్కడ ‘ మోసం చేయడం, ద్రోహం చేయడం  అనే పదాలు  రెండో వ్యక్తి నుంచి డబ్బూ , లేక ఆస్తులు , దోచేయడం అనే అర్ధం తీసుకో రాదు. 
 నవీన కంప్యుటర్ యుగం , ఇంటర్నెట్ యుగం లో  ఎఫైర్ లూ , ఇన్ ఫిడిలిటీ లూ చాలా సామాన్యం అవుతున్నాయి.  ఒక ముఖ్య విషయం ఏమిటంటే , సర్వ సామాన్య మవుతున్న ఈ ఎఫైర్ లూ , ఇన్ ఫిడిలిటీ లూ  మనం తెలుసుకున్నంత మాత్రాన ఎక్కువ అవ్వవు. తెలుసుకో నందు వల్ల తక్కువా అవ్వవు కదా ! 
మనం ఈ ఎఫైర్ లూ , ఇన్ ఫిడిలిటీ లూ వాటి తీరు తెన్నులు పరిశీలిద్దాం , వచ్చే టపా నుంచి ! 
 

ప్ర.జ.లు. 21. అబార్షన్ – యువత కర్తవ్యం.

In ప్ర.జ.లు., Our Health on ఆగస్ట్ 19, 2012 at 9:08 సా.

ప్ర.జ.లు. 21. అబార్షన్ – యువత కర్తవ్యం.  

Thank you parents, I had a great escape ! 

ప్రశ్న: అబార్షన్ గురించి టపాలలో, వివరం గా తెలుసుకోవడం జరిగింది కదా ! మరి యువత అబార్షన్ గురించి ఎందుకు తెలుసుకోవాలి ? : 
జవాబు : ప్రపంచ ఆరోగ్య సంస్థ ( WHO or world health organisation ) అంచనా ప్రకారం , ప్రపంచం మొత్తం మీదా  ప్రతి సంవత్సరం  నలభయి రెండు మిలియన్ల  అబార్షన్ లు జరుగుతున్నాయి. అంటే నాలుగు కోట్ల ఇరవై లక్షలు. అందులో  ఇరవై మిలియన్ల అబార్షన్ లు అరక్షితమైనవి అంటే అన్ సేఫ్ ( 20 million unsafe abortions per year worldwide ) అంటే అరక్షితమైన వాతావరణం లో చేయడమూ , ఇంకా  నిపుణులు కాని వారి చేత చేయ  బడ డమూ జరిగి , పర్యవసానం గా  షుమారు నలభయి ఏడు వేల మంది అమ్మాయిలూ , స్త్రీలూ ప్రాణాలు కోల్పోతున్నారు ప్రతి ఏటా !  గమనించ వలసిన విషయం ఏమిటంటే , ఈ అరక్షితమైన అబార్షన్ లలో ఎక్కువ శాతం , అంటే భారత దేశం లాంటి  అభివృద్ధి చెందుతున్న దేశాలలో నే జరుగుతున్నాయి.  అందువల్లనే ఈ అభివృద్ధి చెందుతున్న దేశాలలోనే  స్త్రీలు , బాలికలూ ఎక్కువగా అంటే తొంభై ఎనిమిది శాతం, ప్రాణాలు కోల్పోతున్నారు ( అంటే  నలభయి ఏడు వేల మందిలో షుమారు నలభయి అయిదు వేల మంది వరకూ ప్రాణాలు కోల్పోయేది ఈ అభివృద్ధి చెందుతూన్న దేశాలలోనే ) అన్సేఫ్  అంటే అరక్షిత మైన అబార్షన్ లు  అంటే  నిపుణులు కాని వారిచే , కనీస ఆరోగ్య సూత్రాలు , శుభ్రతా పాటించని వాతావరణం లో చేయబడే అబార్షన్ లు. 
భారత దేశం లో పరిస్థితి:  2011 వ సంవత్సరం లో భారత దేశం మొత్తం లో పదకొండు మిలియన్ల అబార్షన్ లు జరిగాయి ఒక అంచనా ప్రకారం. కనీసం ఇరవై వేల మంది తల్లులు మరణించారు ఈ ఒక్క సంవత్సరం లోనే ! ఈ మొత్తం మరణాలూ  ఇల్లీగల్ అంటే చట్ట బద్ధం కాని అబార్షన్ ల వల్లే జరిగాయి. భారత దేశ పార్లమెంటు 1971 లో మొదటి సారిగా అబార్షన్ ల మీద ఒక చట్టం చేసి బిల్లు పాసు చేసింది. అప్పటి నుంచీ అబార్షన్ చట్టానికి కొన్ని సవరణలు కూడా జరిగాయి. కానీ  చట్ట బద్ధం గా లేని అబార్షన్ లూ , ఇంకా ఎక్కువ గా జరుగుతున్నాయి. తల్లుల మరణాలు కూడా సంభవిస్తున్నాయి. లింగ నిర్ధారణ జరిగాక అబార్షన్ లు జరగడం కూడా విచ్చల విడి గా  మన భారత దేశం లో జరుగుతుంది. ఇది చాలా దురదృష్టకర పరిణామం. 
ఈ అబార్షన్ ల విషయం లో యువత తెలుసుకోవలసినది, చాలా ముఖ్యమైన విషయాలు కొన్ని ఉన్నాయి.
1. ప్రతి జీవితమూ, అత్యంత విలువైనది. అంటే ఆ జీవితం , అంగుళాల పరిమాణం లో గర్భం లో  ఉన్నా ,  అడుగుల పరిమాణం లో భూమి మీద ఉన్నా ! 
2.   శారీరిక సంబంధాలు ఏర్పరుచుకుంటే , సెక్స్ విషయాలలో అప్రమత్తత వహించి ,  ఆచి తూచి అడుగులు వేయండి.
3.   సురక్షితమైన సెక్స్ ఎల్లప్పుడూ శ్రేయస్కరం.
4. గర్భ నిరోధం, అంటే కాంట్రా సెప్షన్ గురించి మీకు పూర్తి అవగాహన ఉండాలి. 
5.. అబార్షన్ కనుక అనివార్యం అవుతే , కనీసం పన్నెండు వారాల కన్నా తక్కువ గర్భం ఉన్నప్పుడే చేయించుకుంటే  ఎక్కువ సురక్షితం. ముఖ్యం గా గర్భవతులకు ! 
6.. అనుభవజ్ఞులైన , నిపుణులైన స్పెషలిస్టు డాక్టరు నే సంప్రదించడం చేయాలి , ఎందుకంటే , భారత దేశం లో, ప్రతి ఏటా జరిగే ఇరవయి వేల మరణాలూ , అర్హతలూ  అంటే క్వాలిఫికేషన్స్ , ఇంకా నిపుణత అంటే స్కిల్స్ లేని వారి చేత అబార్షన్ చేయించుకోవడం వలననే ! 
7.  యువత  అనాలోచిత, విచక్షణా రహిత చర్యలకు , గర్భం లో ఉన్న దేవుడి సమానులైన అమాయక శిశువులు , భారీగా , వారి ప్రాణాలు త్యాగం చేసి , మూల్యం చెల్లించ నవసరం లేదు కదా ! , 
వచ్చే టపాలో ఇంకొన్ని ప్ర.జ.లు. 
 

ప్ర.జ.లు. 20. అబార్షన్ వల్ల కాంప్లికేషన్స్ ఉంటాయా ?

In ప్ర.జ.లు., Our Health on ఆగస్ట్ 18, 2012 at 6:58 సా.

ప్ర.జ.లు. 20. అబార్షన్ వల్ల కాంప్లికేషన్స్ ఉంటాయా ? 

ప్రశ్న: అబార్షన్  చేయించుకోవడం వల్ల కాంప్లికేషన్స్ ఏవైనా ఉంటాయా? 
జవాబు:  ఇది ముఖ్యమైన ప్రశ్న.సాధారణం గా అబార్షన్ వల్ల ఏ విధమైన కాంప్లికేషన్స్ ఉండవు. కానీ అన్ని పద్ధతుల మాదిరి గానే , అబార్షన్ లో కూడా , నిపుణత లోపిస్తే , లేదా  ఉపయోగించ వలసిన పరికరాలు శుభ్రం గా లేక పొతే కూడా కాంప్లికేషన్స్ వచ్చే అవకాశం ఎక్కువ అవుతుంది.ఈ కాంప్లికేషన్స్ ను రెండు విధాలు గా మనం తెలుసుకోవచ్చు. ఒకటి కేవలం మందులతోనే చేసే అబార్షన్. దీనినే మెడికల్ టెర్మినేషన్ అఫ్ ప్రెగ్నెన్సీ అంటారు. రెండవ రకం లో మందులతో పాటు గా కొన్ని ప్రత్యెక మైన పరికరాలు కూడా వాడి అబార్షన్ చేయడం జరుగుతుంది. దేనినే సర్జికల్ టెర్మినేషన్ అఫ్ ప్రెగ్నెన్సీ అని అంటారు.
మెడికల్ టెర్మినేషన్ అఫ్ ప్రెగ్నెన్సీ లో ఏ ఏ కాంప్లికేషన్స్ రావచ్చు? 
1. గర్భానికి, ఫీటస్ కూ సంబంధించిన కణజాలం గర్భాశయం లో నే ఉండి పోవడం: అప్పుడప్పుడూ , గర్భాశయం లో కొంత గర్భానికి చెందిన కణజాలం , అంటే ప్లాసేంటా, ఇంకా మావి పొర , లేదా కొన్ని శిశువు భాగాలు  ఉండి పోవచ్చు. గమనించ వలసినది ఏమిటంటే, మనం శిశువు అని మాట్లాడు కుంటూ ఉన్నప్పటికీ ,  వారాల వయసులో ఉన్న శిశువు పరిమాణం అంటే సైజు చిన్న గా ఉంటుంది. 
2. మెడికల్ టెర్మినేషన్ ఫెయిల్ అవడం: కొన్ని సమయాలలో మందుల తో చేసే అబార్షన్ ఫెయిల్ అవవచ్చు అంటే శిశువు గర్భం లోనే ఉండి పోవచ్చు. 
3. రక్తం గడ్డలు గా గర్భాశయం లోపలే ఉండి పోవడం: సామాన్యం గా  ప్లాసేంటా  లో ఎక్కువ రక్త నాళాలు ఉండి ప్లాసేంటా , రక్త నాళాల తో నిండిన సంచీలా అంటే బ్యాగ్ లా ఉంటుంది. అబార్షన్ జరిగినప్పుడు ఈ రక్త నాళాలు తెగి , రక్త స్రావం అవుతుంది. కొన్ని సమయాలలో రక్త స్రావం అధికం గా అవుతుంది కానీ, నిదానం గా అవుతూ ఉంటే , గడ్డలు , గడ్డలు గా  గర్భాశయం లో నే ఉండి పోతుంది. ఈ రక్త పు గడ్డలనే  బ్లడ్ క్లాట్స్ లేదా క్లాట్స్ అంటారు. అబార్షన్ అయిన కొన్ని రోజుల తరువాత కనుక క్లాట్స్ గమనించి నట్టయితే , వెంటనే స్పెషలిస్టు ను సంప్రదించాలి.
4. ఇన్ఫెక్షన్ : గర్భాశయం లో ఇన్ఫెక్షన్, పరికరాలు ఉపయోగించినప్పుడు కలుగుతుంది. చాలా సమయాలలో ఈ ఇన్ఫెక్షన్ ప్రమాద కరం కాదు. స్త్రీలలో అంతకు ముందే కనుక ( వారికి తెలియకుండా ) ఏదైనా ఇన్ఫెక్షన్ గర్భాశయం లో కానీ , వజైనా లో కానీ ఉంటే అప్పుడు ఆ ఇన్ఫెక్షన్ గర్భాశయం లో ప్రవేశించడానికి రిస్కు ఎక్కువ అవుతుంది. 
5. రక్త స్రావం లేదా హెమరేజ్ :  కొన్ని సమయాలలో గర్భాశయం నుంచి రక్త స్రావం, సహజం గా ఆగి పోకుండా , కంటిన్యూ అవుతుంది. ఇట్లా కంటిన్యూ అవడానికి ప్రత్యేకమైన కారణం అంటూ ఉండదు. కానీ  వీలైనంత త్వరగా రక్త స్రావాన్ని అంటే బ్లీడింగ్ ను ఆపడం చాలా ముఖ్యం. 
ప్రశ్న:సర్జికల్ అబార్షన్ లో ఏ ఏ కాంప్లికేషన్స్ రావచ్చు? : 
జవాబు:గమనించ వలసినది ఏమిటంటే , మొదటి తొమ్మిది నుంచి పన్నెండు  వారాలలో జరిపే అబార్షన్ లో కాంప్లికేషన్స్ తక్కువ గా ఉంది రెండవ పది పన్నెండు వారాలలో కాంప్లికేషన్స్ వచ్చే అవకాశం కనీసం యాభై శాతం వరకూ పెరుగుతుంది. అంతే కాక , మెడికల్ టెర్మినేషన్ లో కన్నా , ఇన్ఫెక్షన్ వచ్చే రిస్కు , సర్జికల్  టెర్మినేషన్ లో ఎక్కువ గా ఉంటుంది. ఎందు కంటే వివిధ పరికరాలు ఉపయోగించడం జరుగుతుంది కాబట్టి. ఇన్ఫెక్షన్ కనుక చాలా కాలం ఉంటే దానిని పెల్విక్  ఇన్ఫ్ల  మేటరీ డిసీజ్ అంటారు . ( Pelvic inflammatory disease ).  ఇట్లా కనుక జరిగితే , స్త్రీకి దీర్ఘ కాలిక  నొప్పి , బాధ , బలహీనత , లాంటి సమస్యల తో పాటు  మళ్ళీ సంతానం కలిగే అవకాశాలు కూడా తగ్గ వచ్చు. అబార్షన్ లు తరచూ చేయించుకునే స్త్రీలకు ఈ విధమైన సమస్యలు వస్తాయి.అరుదు గా సర్జికల్ పరికరాలు నిపుణత తో ఉపయోగించక పొతే , సర్విక్స్  కు గాయం అవడమూ , లేదా గర్భాశయం లో రంధ్రం పడడమూ , గర్భాశయం కు ఆనుకుని ఉన్న మూత్రాశయం  సమస్యలు కూడా వచ్చే అవకాశాలు హెచ్చుతాయి.పైన చెప్పినవి కాక ,   మెడికల్ అబార్షన్ లో వచ్చే కాంప్లికేషన్స్  అన్నీ కూడా సర్జికల్ అబార్షన్ జరిపినప్పుడు కూడా రావచ్చు.
వచ్చే టపాలో ఇంకొన్ని సంగతులు తెలుసుకుందాము ! 

ప్ర.జ.లు.19. సక్షన్ తో అబార్షన్, సర్జికల్ అబార్షన్ అంటే ఏమిటి ? :

In ప్ర.జ.లు., Our Health on ఆగస్ట్ 17, 2012 at 6:29 సా.

ప్ర.జ.లు.19. సక్షన్ తో అబార్షన్, సర్జికల్ అబార్షన్ అంటే ఏమిటి ? :  

ప్రశ్న:  క్రితం టపాలో గర్భం దాల్చిన తొమ్మిది వారాలలోపు గర్భం మందుల తో ఎట్లా  తీయించు కొవచ్చో తెలుసుకున్నాము కదా ! మరి మిగతా పద్ధతులు ఏమిటి ? : 
జవాబు:  క్రితం టపాలో చెప్పినట్టుగానే , గర్భ విచ్చిత్తి చేసే విధానం , స్త్రీ, ఎన్ని వారాల గర్భం తో ఉన్నది అనే విషయం మీద ఆధార పడి ఉంటుంది.
7 to 15 weeks of pregnancy :   7  నుంచి 15 వారాల మధ్య ఉన్న గర్భం తీయ వలసిన అవసరం ఏర్పడినప్పుడు   అమలు చేస్తారు. ఈ పద్ధతిని  వాక్యుం యాస్పిరేషన్ లేదా సక్షన్ టెర్మినేషన్  అని అంటారు. పైన ఉన్న చిత్రం లో వివరాలు చూడండి. శులభం గా అర్ధం చేసుకోవడం కోసం  స్త్రీ గర్భాశయం  భాగాలు నిలువు గా కోసి నట్టు ( అంటే మామిడి పండు ను నిలువుగా కోసినట్టు ) చిత్రం లో చూప బడింది. ఈ పధ్ధతి లో ముందుగా , అబార్షన్ చేయవలసిన స్త్రీకి , గర్భాశయం ద్వారం వద్ద అంటే సర్విక్స్ వద్ద మత్తు ఇస్తారు నొప్పి తెలియకుండా ఉండడానికి. కొన్ని పరిస్థితులలో  జెనరల్ అనేస్తీసియా కూడా ఇస్తారు. సర్విక్స్ మామూలు గా మూసుకుని ఉంటుంది. అందువల్ల, ఆ ప్రదేశం లో మొదట ఒక టాబ్లెట్ ఉంచడం కానీ లేదా నోటిలో వేసుకునే టాబ్లెట్ తో కానీ సర్విక్స్ ను వెడల్పు చేయడం జరుగుతుంది. ఆ తరువాత ఒక సన్నని ప్లాస్టిక్ ట్యూబ్ సర్విక్స్ ద్వారా గర్భాశయం లో ప్రవేశ పెట్టి అక్కడ అటుక్కున్నట్టు గా ఉన్న ఎంబ్రియో ను కానీ , లేదా శిశువు ను కానీ  మెషీన్ ద్వారా పీల్చడం లేదా ‘ సక్ ‘ చేయడం జరుగుతుంది. ఆ పని అయిపోయిన తరువాత , స్త్రీని ఇంటికి పంపడం జరుగుతుంది. కానీ , స్త్రీకి , బ్లీడింగ్ కనీసం రెండు వారాల వరకూ కూడా ఉండ వచ్చు. చాలా మందిలో కేవలం రెండు మూడు రోజులకంటే బ్లీడింగ్ ఉండదు. కొందరిలో మూడు నాలుగు రోజులు ఉండవచ్చు. కొద్ది గా కండరాల నొప్పులు కూడా ఉండవచ్చు కొన్ని రోజుల వరకూ.
up to 13 weeks of pregnancy: పదమూడు  వారాల వరకూ మెడికల్ గా అబార్షన్ చేసే పధ్ధతి ఇంకోటి ఉంది. ఈ పధ్ధతి లో కూడా మేఫిప్రిస్టన్  ముందుగా ఇవ్వడం జరుగుతుంది. ప్రోస్టా గ్లాండిన్ మందు మాత్రం ఒక సారి మాత్రమె కాక , రెండు సార్లు ఇవ్వడం అవసరం ఉండ వచ్చు. అంతే కాక, కొన్ని సమయాలలో , ఒక చిన్న ఆపరేషన్ చేసి కూడా శిశువు భాగాలనూ , ప్లాసేంటా నూ బయటకు తీయడం జరుగుతుంది. 
up to 15 weeks of pregnancy : పదిహేను వారాల గర్భం లో సర్జికల్  డైల టేషన్  అండ్ ఎవాక్యు ఎషన్ అని ఇంకో పధ్ధతి అమలు చేస్తారు.పైన ఉన్న చిత్రం లో వివరాలు చూడండి. శులభం గా అర్ధం చేసుకోవడం కోసం  స్త్రీ గర్భాశయం  భాగాలు నిలువు గా కోసి నట్టు ( అంటే మామిడి పండు ను నిలువుగా కోసినట్టు ) చిత్రం లో చూప బడింది. ఈ పధ్ధతి లో  స్త్రీకి శరీరం మొత్తానికీ అనస్తీసియా ఇచ్చి ,  సర్విక్స్ ను కొద్దిగా  వెడల్పు చేసి , ఇంకో పరికరాన్ని గర్భాశయం లో ప్రవేశ పెట్టి , శిశువు భాగాలను , ప్లాసేంటా నూ బయటకు తీసి వేయడం జరుగుతుంది. ఈ పని అంతా పది, ఇరవై నిమిషాలలో పూర్తి అవుతుంది.  ఈ పధ్ధతి తరువాత కూడా స్త్రీకి రెండు వారాల వరకూ ఒక మాదిరి గా బ్లీడింగ్ కలగ వచ్చు వజైనా ద్వారా.
20-24 weeks of pregnancy :పైన ఉన్న చిత్రం లో వివరాలు చూడండి. శులభం గా అర్ధం చేసుకోవడం కోసం  స్త్రీ గర్భాశయం  భాగాలు నిలువు గా కోసి నట్టు ( అంటే మామిడి పండు ను నిలువుగా కోసినట్టు ) చిత్రం లో చూప బడింది.  లేట్ అబార్షన్ సాధారణం గా ఇరవై నుంచి ఇరవై నాలుగు వారాల మధ్య గర్భం ఉన్నప్పుడు, ఇంక వద్దు అనుకుంటే చేసే పధ్ధతి: ఈ పధ్ధతి లో గర్భం తో ఉన్న స్త్రీ హాస్పిటల్ లో ఉండడం మంచిది.  ఈ లేట్ అబార్షన్ కూడా రెండు పద్ధతులు గా ఉండ వచ్చు.మొదటి పధ్ధతి లో రెండు దశలు గా ఉంటుంది .   ముందుగా  మందుల సహాయం తో  గర్భం లో ఉన్న శిశువు గుండె ను ఆపి వేయడం ( అవును నిజమే ! ) , ఇంకా సర్విక్స్ ను అంటే గర్భ ద్వారాన్ని  వెడల్పు చేయడం జరుగుతుంది.ఇక రెండవ దశలో , గర్భాశయం లో ఉన్న ( మృత ) శిశువు ను కూడా ఉన్న ప్లాసేంటా , ఇంకా మావి పొరలను బయటకు తీసి వేయడం జరుగుతుంది. ఈ మొదటి పధ్ధతి లో జెనరల్ అనస్తీసియా అవసరం ఉంటుంది. 
రెండవ పధ్ధతి లో ,  కేవలం  మందులు మాత్రమె  రెండు దశలలోనూ  ఇచ్చి అబార్షన్ పూర్తి చేస్తారు. కేవలం కొన్ని పరిస్థితులలో మాత్రమె , పరికరాల సహాయం తో గర్భాశయం లో ఉన్న శిశువును , మిగతా గర్భ భాగాలనూ బయటకు తీసి వేయడం జరుగుతుంది. ఏ పధ్ధతి లో నైనా స్పెషలిస్టు డాక్టరు చేయవలసిన ముఖ్యమైన పని , గర్భాశయాన్ని ఖాళీ గా , అంటే గర్భాశయం లోపల శిశువు కానీ , శిశువుకు సంబంధించిన భాగాలు కానీ , ఏమాత్రం లేకుండా బయటకు తీసివేయడం. ఇట్లా చేయక పొతే , కాంప్లికేషన్స్ వచ్చే ప్రమాదం ఉంటుంది. 
ప్రశ్న : మరి ఈ అబార్షన్ పద్ధతులు చూస్తుంటే , అబార్షన్ చాలా శులువు అని అనిపిస్తుంది. ఇట్లా అబార్షన్ చేయించుకుంటే కాంప్లికేషన్స్ ఏమీ ఉండవా ? : 
జవాబు : వచ్చే టపాలో అబార్షన్ చేయించు కోవడం వల్ల కలిగే కాంప్లికేషన్స్ గురించి తెలుసుకుందాము ! 

ప్ర.జ.లు. 18. అబార్షన్ పద్ధతులు ఏమిటి ? :

In ప్ర.జ.లు., Our Health on ఆగస్ట్ 16, 2012 at 7:33 సా.

ప్ర.జ.లు. 18. అబార్షన్  పద్ధతులు ఏమిటి ? : 

ప్రశ్న:  అబార్షన్ గురించి యువత తెలుసుకోవాలని చెపుతూ, గత టపాలలో   మిస్ క్యారేజ్  గురించి రాయడం ఎందుకు జరిగింది ? 
జవాబు:  అబార్షన్ అంటే గర్భ విచ్చిత్తి. అంటే వైద్య విధానాల ద్వారా, గర్భం లో ఉన్న ఎంబ్రియో ను కానీ , శిశువు ను కానీ తీసి వేయడం.మిస్ క్యారేజ్ అంటే సహజం గా, దురదృష్ట వశాత్తు, కొందరు స్త్రీలలో జరిగే  చర్య. ఇందులో కూడా ఎంబ్రియో కానీ శిశువు కానీ గర్భం నుంచి ఎవరి ప్రమేయమూ లేకుండానే , బయటకు వస్తుంది.  ఈ విషయం వివరం గా యువత తెలుసుకుంటే , వారికి  ఎంబ్రియో అయినా, శిశువు అయినా , జీవితం విలువ బాగా అర్ధం అవడానికి ,మిస్ క్యారేజ్ గురించి ముందుగా తెలియ చేయడం జరిగింది. మనం ఎప్పుడూ గుర్తుంచు కోవలసిన విషయం ఇంకోటి కూడా ఉంది.  ఈ భూమి మీద జన్మించిన మానవులందరూ , అత్యంత తోలి దశలో  , అంటే గర్భం లో ఉన్నప్పుడు , అత్యంత సూక్ష్మం గా  ఉండి, క్రమేణా పెరిగి , తొమ్మిది నెలలూ గర్భం లో ఉండి బయటకు వచ్చి ఇంకా పెరిగిన వాళ్ళమే కదా ! అంటే , పురుషుడి నుంచి స్త్రీలో ప్రవేశించిన అనేక మిలియన్ ల  స్పెర్ము లు అంటే వీర్య కణాలలో ఒకటి మాత్రమె , స్త్రీ గర్భాశయం కు ఆనుకుని ఉన్న అండాశయం నుంచి విడుదల అయిన అండం తో కలిసినప్పుడే , నూతన జీవానికి ఆవిష్కారం జరుగుతుంది.  ( పైన ఉన్న వీడియో చూడండి, ఎంత  అద్భుతం గా ఉందొ ఈ  జీవావిష్కారం ). ఇప్పుడు అబార్షన్ పద్ధతులు ఏమిటో కూడా తెలుసుకుందాము. 
నెల తప్పి గర్భవతి అని తెలిసిన తరువాత , ఆ గర్భం కనుక స్త్రీ వద్దనుకుంటే, వెంటనే స్పెషలిస్టు డాక్టర్ వద్దకు వెళ్ళడం జరుగుతుంది.ఇక్కడ ఇంగ్లండు లో సాధారణం గా జరిగే పధ్ధతి వివరించడం జరుగుతుంది. దేశాలను బట్టి కొద్ది గా తేడాలూ, మార్పులూ ఉండవచ్చు. 1.మొదటి సారి అంటే, మొదటి అపాయింట్ మెంట్ లో డాక్టర్ స్త్రీ వద్ద నుంచి  అబార్షన్ చేయించు కోవడానికి ఏర్పడిన కారణాలు, ఆ స్త్రీ యొక్క పూర్తి వివరాలు తెలుసుకోవడం జరుగుతుంది.2. అవసరమైన రక్త పరీక్షలు కూడా చేయించు కోవాలి అప్పుడు. సెక్స్ పరం గా ఏర్పడిన ఇన్ఫెక్షన్లు ఉన్నాయో లేదో కూడా పరీక్ష చేయించుకోవాలి అప్పుడే ( అంటే ఎస్ టీ డీ లు , లేదా STD ) 3. అల్ట్రా సౌండ్ పరీక్ష , 4. సర్వికల్ స్క్రీనింగ్ పరీక్ష ( దీని గురించి చాలా వివరం గా క్రితం టపాలలో తెలియ చేయడం జరిగింది స్త్రీల కోసం, చూడండి ) ఇంకా 5. వజైనల్ ఎగ్జామి నేషన్ కూడా చేయడం జరుగుతుంది.  అంతకు ముందు ఎప్పుడూ స్త్రీ , వజైనల్ ఎగ్జామినేషన్ చేయించుకోక పొతే , సహజం గానే ఆందోళన గా ఉంటుంది. ఈ విషయం డాక్టర్  కు తెలియ చేస్తే, తగు జాగ్రత్తలు తీసుకోవడం చేస్తారు.  తరువాత డాక్టరు అబార్షన్ కు ఉన్న వివిధ పద్ధతులను గురించి కూడా స్త్రీకి వివరించడం జరుగుతుంది. 
ఇక పద్ధతుల విషయం : ముఖ్యం గా మూడు పద్ధతులు ఉంటాయి. ఈ మూడు పద్ధతులూ స్త్రీ గర్భం తో ఎన్ని వారాల నుంచి ఉన్నది అనే విషయం పైన ఆధార పడుతుంది. 
1. మొదటి దశలో గర్భ విచ్చిత్తి లేదా అబార్షన్: ఈ పధ్ధతి తొమ్మిది వారాల గర్భం వరకూ చేస్తారు. ఈ పధ్ధతి లో కేవలం మందులు మాత్రమె వాడడం జరుగుతుంది.  అంటే మొదట గా ఒక మందు మెఫి ప్రిస్టన్ ( mefepristone ). ఈ మందు గర్భం దాల్చడానికి అవసరమయే హార్మోనును  పని చేయకుండా బ్లాక్ చేస్తుంది. అపుడు గర్భాశయం లో ఎంబ్రియో మిస్ క్యారేజ్ మాదిరి గా బయటకు వస్తుంది. అప్పుడు కొద్ది గా గర్భాశయ ప్రాంతం లో నొప్పి , కొద్ది గా బ్లీడింగ్ ఉండ వచ్చు. బ్లీడింగ్ కనుక ఎక్కువ గా ఉంటే , వెంటనే డాక్టరును సంప్రదించాలి. మెఫి ప్రిస్టన్ తీసుకున్న నలభై ఎనిమిది గంటల తరువాత అంటే  రెండు రోజుల తరువాత ఇంకో మందు ఇవ్వబడుతుంది. దీనిని ప్రోస్టా గ్లాండిన్ ( prostaglandin ) అంటారు. ఈ మందు తీసుకున్న నాలుగు నుంచి ఆరు గంటల తరువాత , గర్భాశయం  సంకోచం చెంది గర్భాశయం లోపలి గోడలకు ఉన్న మెంబ్రేన్  ( ఈ పలుచటి పొర , ఎంబ్రియో కూ లేదా శిశువు కు  ‘ మెత్తటి పడక ‘ లాగా పని చేస్తుంది , గర్భం  కొనసాగితే ) ఊడి పోయి, బయటకు వస్తుంది. ఈ సమయం లో కొంత నొప్పి కూడా కలగ వచ్చు గర్భాశయ కండరాల సంకోచాల వల్ల. అప్పుడు అవసరం అవుతే , నొప్పి నివారణ కు మందులు వేసుకోవచ్చు. ( పైన  ఉదాహరించిన రెండు మందులూ నోటి లో వేసుకునే మందులు ) 
మిగతా పద్ధతులు వచ్చే టపాలో తెలుసుకుందాము ! 

ప్ర.జ.లు.17. మిస్ క్యారేజ్ ను కనుక్కోవడం ఎట్లా ? :

In ప్ర.జ.లు., Our Health on ఆగస్ట్ 15, 2012 at 7:40 సా.

 ప్ర.జ.లు.17. మిస్ క్యారేజ్ ను  కనుక్కోవడం ఎట్లా ? : 

ప్రశ్న:  మిస్ క్యారేజ్ ను  కనుక్కోవడం ఎట్లా ? :  

జవాబు:  మిస్ క్యారేజ్ అయినప్పుడు సామాన్యం గా స్త్రీ వైద్య నిపుణులు లేదా స్త్రీల స్పెషలిస్టు డాక్టరు ,  స్త్రీ జననేంద్రియ భాగాలను పరీక్ష చేస్తారు. అప్పుడు సర్విక్స్ నుంచి కొద్దిగా రక్త స్రావం అవడం జరుగుతుంది సామాన్యం గా. అంతే కాక పరీక్ష చేసినప్పుడు గర్భాశయం కూడా కొద్ది గా నొప్పి గా అనిపించ వచ్చు. కొన్ని సమయాలలో సర్విక్స్ అంటే గర్భాశయ  ద్వారము కొద్దిగా వదులు గా అవుతుంది దీనినే డైలేషణ్ అని అంటారు. దానిని కూడా పరీక్షలో గమనించ వచ్చు. స్పెషలిస్టు, అదే సమయం లో గర్భాశయం కూడా పెరిగి ఉన్నదా లేదా అని కూడా చూడడం జరుగుతుంది.
ప్రశ్న: మరి అప్పుడు చేయ వలసిన పరీక్షలు ఏమిటి ?: 
జవాబు:1. పెల్విక్ అల్ట్రా సౌండ్ పరీక్ష అంటే శబ్ద తరంగాలను పంపి గర్భాశయ భాగాలను పరీక్ష చేయడం. ఈ పరీక్ష ఎక్స్ రే లతో చేయరు కాబట్టి భయ పడ నవసరం లేదు.  ఈ పరీక్ష ద్వారా ఎంబ్రియో కానీ , శిశువు కానీ  గర్భం లో  ఎక్కడ ఉన్నదీ తెలుస్తున్నది. ముఖ్యం గా గర్భాశయం లో ఉన్న శిశువు గుండె కొట్టుకోవడం కూడా గమనించడం జరుగుతుంది  ఈ పరీక్షలోనే. ఇది చాలా ముఖ్యమైన విషయం ఎందుకంటే , గుండె కొట్టుకోవడం వల్ల మనకు శిశువు బ్రతికే ఉన్నట్టు తెలుస్తుంది. అప్పుడు ఆ శిశువు ను ఆరోగ్య వంతం గా గర్భాశయం లో నే ఉండి పెరగడానికి ( అంటే ,  పూర్తిగా పెరిగి జన్మ నిచ్చే వరకూ )  చర్యలు తీసుకోవచ్చు  ఇంకా ఎక్టోపిక్ ప్రెగ్నెన్సీ అని ఒక పరిస్థితిని కూడా తెలుసుకోవచ్చు అల్ట్రా సౌండ్ పరీక్ష వల్ల. ఎక్టోపిక్ ప్రెగ్నెన్సీ లో గర్భాశయం లో కాక మిగతా చోట్ల ఎంబ్రియో లేదా పిండం పెరుగుతూ ఉంటుంది. ఇట్లా అరుదు గా జరుగుతూ ఉంటుంది. దీనిని శబ్ద తరంగాల పరీక్ష ద్వారా కనుక్కోవచ్చు. 2. HcG levels:  ఇది ఒక రక్త పరీక్ష.  హెచ్ సి జీ అంటే హ్యూమన్ కోరియానిక్ గోనాడో ట్రోఫిన్. ఈ హార్మోను ఎంబ్రియో ఏర్పడగానే స్త్రీ రక్తం లో చాలా ఎక్కువగా తయారవుతుంది. ఈ పరీక్ష కూడా గర్భం లో ఎంబ్రియో సజీవం గా ఉన్నదీ లేనిదీ నిర్ధారించడానికి ఎంతో ఉపయోగకరమైన పరీక్ష. 
ప్రశ్న : త్రెతెండ్ అబార్షన్ ( Threatened abortion )   అంటే ఏమిటి ?: 
జవాబు: ఇది వైద్య చికిత్స రీత్యా అతి ముఖ్యమైన పరిస్థితి. ఈ పరిస్థితిలో  స్త్రీ గర్భం లో ఉన్న ఎంబ్రియో బయటకు రాదు.  కేవలం సర్విక్స్ నుంచి రక్త స్రావం అవుతుంది. సర్విక్స్ సహజంగా మిస్ క్యారేజ్ అప్పుడు అయినట్టు వ్యాకోచం అంటే డైలేట్ అవ్వదు. అంటే ఈ పరిస్థితిలో మిస్ క్యారేజ్ జరుగదు కానీ వజైనా నుంచి ( సర్విక్స్ నుంచి ) రక్తం మాత్రం కొద్ది గా కనపడుతుంది. ఈ పరిస్థితి గైనకాలజీ పరం గా అత్యవసర స్థితి అంటే ఎమర్జెన్సీ. ఎందువల్ల నంటే , వెంటనే స్పెషలిస్టు హాస్పిటల్ లో చూపించుకుని తగిన సలహా , చికిత్స తీసుకోక పొతే , ఎంబ్రియో ను కోల్పోయే ప్రమాదం ఉంటుంది. 
ప్రశ్న: మరి దురదృష్ట వశాత్తు , మిస్ క్యారేజ్ జరిగినప్పుడు ఏ చికిత్స అవసరం అవుతుంది? :  
జవాబు:  ముఖ్యం గా స్పెషలిస్టు డాక్టరు  మిస్ క్యారేజ్ పూర్తి గా అయిందో లేదో  నిర్ణయం చేస్తారు.  అందుకు అవసరమయే అల్ట్రా సౌండ్ పరీక్ష , ఇతర పరీక్షలు కూడా చేయడం జరుగుతుంది.  చాలా పరిస్థితులలో డీ అండ్ సి  ( D and C ) అనే చికిత్సా పధ్ధతి అవసరం అవుతుంది.  డీ అంటే డైల టేషన్  అంటే సర్విక్స్ ను వ్యాకోచింప చేయడం. సి అంటే క్యురెటాజ్ అంటే  ఒక పరికరం తో గర్భాశయాన్ని శుభ్రం చేయడం.  అందుకు స్త్రీ కి నొప్పి తెలియకుండా  మత్తు కూడా ఇవ్వడం జరుగుతుంది. కొన్ని ప్రత్యెక పరిస్థితులలో యాంటీ బయాటిక్ లు కూడా తీసుకోవడం అవసరం అవుతుంది. 
ప్రశ్న: ఇట్లా డైల టేషన్ అండ్ క్యురెటాజ్ చేయక పొతే ఏమవుతుంది ? : 
జవాబు: కొన్ని పరిస్థితులలో  ఎంబ్రియో కానీ  ఎంబ్రియో తో పాటు ఉన్న మిగతా గర్భాశయ భాగాలు అంటే ప్లాసేంటా  అనే భాగం లేదా మెంబ్రేన్  అంటే ప్లాసేంటా మీద పరచి ఉండే సున్నితమైన పొర కానీ ముక్కలు గా కానీ , పూర్తి గా కానీ గర్భాశయం లోనే ఉండి పోవడం జరుగుతుంది. ఇట్లాంటి పరిస్థితి లో గర్భాశయం లో ఇన్ఫెక్షన్ వస్తుంది. అంతే కాక ఆ ఇన్ఫెక్షన్  వల్ల ఎక్కువ గా బ్లీడింగ్ జరిగే ప్రమాదం ఉంది. అంతే కాక అశ్రద్ధ చేస్తే , గర్భాశయం లో ఇన్ఫెక్షన్  సెప్టిక్ గా మారే ప్రమాదం కూడా ఉంది. 
ప్రశ్న:మిస్ క్యారేజ్ జరిగిన  స్త్రీలు  మళ్ళీ గర్భం దాల్చి సంతానం కనలేరా  ? : 
జవాబు: ఒక సారి కానీ , కొన్ని సమయాలలో రెండు సార్లు కానీ మిస్ క్యారేజ్ అయిన స్త్రీకి మళ్ళీ గర్భవతి అయి మామూలు గా తొమ్మిది నెలలూ గర్భం దాల్చి పండంటి శిశువులకు జన్మ ప్రసాదించే అవకాశం ఎనభై నుంచి తొంభై శాతం అవకాశం ఉంటుందని వివిధ పరిశీలనల లో స్పష్టమైంది. అందుకే మిస్ క్యారేజ్ అయిన స్త్రీలు కరేజ్ కోల్పో కూడదు ! 
ప్రశ్న:మిస్ క్యారేజ్ అయిన స్త్రీలు , భవిష్యత్తు లో ఏ ఏ జాగ్రత్తలు తీసుకోవాలి ? 
జవాబు: సాధారణం గా పాశ్చాత్య దేశాలలో  స్త్రీకి వరుసగా  రెండు లేక మూడు మిస్ క్యారేజ్ లు అవుతే కానీ అన్ని పరీక్షలూ జరిపించరు స్పెషలిస్టులు.  ఎందుకంటే ఒక సారి మిస్ క్యారేజ్ అయిన వెంటనే కనుక అన్ని పరీక్షలూ జరిపించినా రెండవ సారి కూడా మిస్ క్యారేజ్ అయ్యే అవకాశం ఉండి , మళ్ళీ మిస్ క్యారేజ్ అవుతే , ఆ పరిస్థితి  ఆ స్త్రీ ని ఇంకా మానసికం గా క్రుంగ దీయ వచ్చు,  అందు వల్ల. 
మరి ఏ ఏ పరీక్షలు అవసరం అవుతాయి? : 
జవాబు:భార్యా భర్తల పూర్తి వివరాల తో పాటు , మామూలు గా చేయించుకునే రక్త పరీక్ష లతో పాటు , క్రోమోజోముల పరీక్ష అవసరం ఉంటుంది. ఈ పరీక్ష ను క్యారియో టైపింగ్ అంటారు ( karyotyping ) . ఇంకా గర్భాశయం పూర్తి గా పెరిగి , సంతానోత్పత్తి కి అవసరమయే అన్ని భాగాలూ గర్భాశయం లో సరిగా ఉన్నాయో లేదో కూడా పరీక్ష చేస్తారు.ఎందుకంటే కొందరు స్త్రీలకు పుట్టుక తోనే కొన్ని వైకల్యాలు కలిగి ఉండవచ్చు గర్భాశయం లో. ఈ పరీక్ష ను హిస్టేరో సాల్పింగో గ్రాం ( hystero salpingogram ) ( HSG )  అంటారు. ఇవి కాక, కొన్ని ప్రత్యెక పరిస్థితులలో , ప్రత్యెక మైన రక్త పరీక్షలు కూడా అవసరం ఆవ వచ్చు. 
 
వచ్చే టపాలో ఇంకొన్ని సంగతులు తెలుసుకుందాము. 
 
 

ప్ర.జ.లు.16. మిస్ క్యారేజ్ లో కరేజ్ కోల్పో కూడదు !

In ప్ర.జ.లు., Our Health on ఆగస్ట్ 14, 2012 at 11:49 ఉద.

ప్ర.జ.లు.16. మిస్ క్యారేజ్ లో  కరేజ్  కోల్పో కూడదు  ! 

 పైన ఉన్న ఫోటో అమెరికా లో ఒక స్త్రీకి ఆరు వారాల గర్భం మిస్ క్యారేజ్ అయినప్పుడు ‘ జన్మించిన’  శిశువు ది ( ఆ తల్లి ఈ శిశువు కు దీవెన  అంటే బ్లెస్సింగ్ అని పేరు కూడా పెట్టారు )
ప్రశ్న: మిస్ క్యారేజ్ అంటే ఏమిటి ?: 
జవాబు : మిస్ క్యారేజ్ అంటే  యాదృచ్చికం గా గర్భం కోల్పోవడం అంటే, గర్భాశయం లో ఏర్పడిన  ఎంబ్రియో  పూర్తిగా పెరిగి శిశువు గా  మారకుండానే  బయటకు వచ్చేయడం.  ఒక విధం గా మిస్ క్యారేజ్ ను సహజం గా జరిగే అబార్షన్ అని చెప్పుకోవచ్చు. మిస్ క్యారేజ్ కూ అబార్షన్ కూ ఉన్న ఇంకో ముఖ్యమైన తేడా ఏమిటంటే, మిస్ క్యారేజ్ లో  , తల్లి  కావాలని అనుకున్నా , ఎవరి ప్రమేయం లేకుండానే  ఎంబ్రియో లేదా అసంపూర్తి గా పెరిగిన శిశువు ను కోల్పోవడం జరుగుతుంది. అబార్షన్ లో  , తల్లి వద్దనుకుని వైద్య పరంగా గర్భాశయం నుంచి   ఎంబ్రియో లేదా అసంపూర్తి గా పెరిగిన శిశువు ను బయటకు తీయించు కోవడం జరుగుతుంది. మిస్ క్యారేజ్ ,  పదిహేను నుంచి ఇరవై  శాతం మంది స్త్రీలలో జరుగుతుంది. మిస్ క్యారేజ్ సాధారణం గా గర్భం పదమూడు వారాల కంటే తక్కువ గా ఉన్న సమయం లో జరుగుతూ ఉంటుంది. అంటే గర్భం తో ఉన్నట్టు నిర్ణయం అయిన తరువాత ( దీనినే సామాన్యం గా నెల తప్పడం అంటారు, అంటే సహజం  గా నెల నేలా వచ్చే ఋతు స్రావం, గర్భం దాల్చినప్పుడు ఆగి పోవడం ) పదమూడు వారాల లోపే  జరుగుతూ ఉంటాయి మిస్ క్యారేజ్ లు.
ప్రశ్న: మిస్ క్యారేజ్ కు కారణాలు ఏమిటి ?: ముఖ్యం గా గుర్తు ఉంచుకోవలసిన విషయం. మిస్ క్యారేజ్ కారణాలు ఎప్పుడూ ఖచ్చితం గా కనుక్కోవడం అసాధ్యం. అతి సాధారణమైన కారణాలు ఏమిటంటే  శిశువు లో ఏర్పడే  క్రోమోజోముల తేడాలు, అంటే శిశువు  జన్యు నిర్మాణం లో మార్పులు,ఇన్ఫెక్షన్ ( అంటే తల్లి కి కలిగే ఇన్ఫెక్షన్లు ),  డయాబెటిస్ , ఇంకా కొన్ని అరుదైన కొల్లాజేన్ వ్యాధులు. గర్భాశయం నిర్మాణం లో పుట్టుకతో వచ్చిన అ సాధారణ మైన మార్పులు , తేడాలు. కొన్ని సమయాలలో హార్మోనులలో తేడాలు కూడా మిస్ క్యారేజ్ రిస్కు ఎక్కువ చేస్తాయి.  
ప్రశ్న: ఏ ఏ కారణాలు మిస్ క్యారేజ్ కలిగించవు ? : 
జవాబు : సామాన్యం గా చాలా మంది  అపోహ పడుతుంటారు, బాగా వ్యాయామం చేస్తే కానీ,  రోజు వారీ పనులు చేస్తూ ఉంటే కానీ, ఉద్యోగం చేస్తూ ఉంటే కానే, లేదా తరచూ  భార్యా భర్తలు  రతి అంటే సెక్స్ లో పాల్గొనడం వల్ల కానీ , మిస్ క్యారేజ్ జరుగుతూ ఉంటుందని.ఇది కేవలం ఒక పొరపాటు అభిప్రాయం మాత్రమే !  పైన చెప్పిన చర్యలు మిస్ క్యారేజ్ కలిగించవు. కేవలం కొన్ని ప్రత్యెక పరిస్థితులలో మాత్రమే ( అంటే అంతకు ముందు మిస్ క్యారేజ్ జరిగి శిశువు కోసం పరితపిస్తున్న  తల్లులకు ) స్పెషలిస్టులు  ఇట్లాంటి జాగ్రత్తలు తీసుకోవాలని సూచిస్తారు.
ప్రశ్న : స్త్రీల లైఫ్ స్టయిల్ అంటే జీవన శైలి  మిస్ క్యారేజ్ కు కారణ మవుతుందా?: 
జవాబు: రోజూ పది అంతకు మించి సిగరెట్టులు స్మోకింగ్ చేసే స్త్రీలలో మిస్ క్యారేజ్ జరగడానికి అవకాశం ఎక్కువ అవుతున్నట్టు అనేక పరిశోధనల వల్ల తెలిసింది. కొన్ని పరిశోధనలలో ఇంట్లో భర్త కానీ భాగ స్వామి కానీ స్మోకింగ్ చేస్తూ ఉంటే కూడా స్త్రీకి మిస్ క్యారేజ్ జరిగే రిస్కు హెచ్చుతున్నట్టు గమనించారు.( అది సహజమే కదా ! ఎందుకంటే ప్యాసివ్ స్మోకింగ్ వల్ల ! అంటే ఇంట్లో ఒకరు సిగరెట్ తాగుతున్నారు అన్న మాటే కానీ పొగ ను మాత్రం ఆ ఇంట్లో వారందరూ పీలుస్తూ ఉంటారు కదా ! ఇష్టం ఉన్నా లేక పోయినా ! )  అట్లాగే  ఆల్కహాలు అంటే మద్యం తాగే స్త్రీలలో కూడా మిస్ క్యారేజ్ రిస్కు ఎక్కువ అవుతుంది.  ఏ కారణం చేతనైనా మొదటి మూడు మాసాల ( అంటే పన్నెండు వారాల ) గర్భం లో  తీవ్రం గా జ్వరం వస్తే కానీ,  నొప్పి నివారణ కు ఎక్కువ గా మందులు వేసుకుంటుంటే కానీ, అతి గా కాఫీ తాగుతున్నప్పుడు కూడా , స్త్రీలలో మిస్ క్యారేజ్ రిస్కు ఎక్కువ అవుతున్నట్టు, కొన్ని పరిశీలనలలో స్పష్ట పడింది.  ఈ కారణాలన్నీ ముఖ్యం గా ఎంబ్రియో ఏర్పడుతున్న దశలో, జన్యువులలో మార్పులు కలిగించి , మిస్ క్యారేజ్ కలిగిస్తాయి. అంటే ముఖ్యం గా మొదటి పది, పన్నెండు వారాల గర్భం లో. 
ప్రశ్న : మిస్ క్యారేజ్ జరుగుతున్నప్పుడు కలిగే ముఖ్యమైన లక్షణాలు ఏమిటి? 
జవాబు:  ఇది చాలా ముఖ్యమైన ప్రశ్న. cramps and bleeding:   సామాన్యం గా మిస్ క్యారేజ్ జరుగుతున్నప్పుడు  గర్భాశయం  కండరాలు సంకోచిస్తాయి. అంటే కాంట్రాక్ట్ అవుతాయి అందువల్ల లోపలి ఉదర భాగం లో ( ఆ భాగం లోనే కదా గర్భాశయం ఉండేది ! )  నొప్పులు వస్తాయి. ఈ నొప్పులు ఆ భాగం అంతా పిండి వేసినట్టు అంటే మెలి తిప్పినట్టు వస్తాయి.  ఈ నొప్పులను  క్రామ్ప్స్ ( cramps ) అంటారు. ఈ క్రామ్ప్స్ తో పాటు గా బ్లీడింగ్ కూడా అవుతుంది. అంటే రక్త స్రావం. ఈ రక్త స్రావం గర్భాశయ ద్వారం, అంటే సర్విక్స్ నుంచి వజైనా లో ప్రవేశిస్తుంది కనుక దీనిని వజైనల్ బ్లీడింగ్ అని పిలుస్తారు.  ఈ రెండు లక్షణాలు, అంటే క్రామ్ప్స్ , ఇంకా వజైనల్ బ్లీడింగ్ ల తీవ్రత,  ఎంత సమయం జరుగుతుంది అనే విషయాలు , ప్రతి స్త్రీ లో వేరు వేరు రకాలు గా ఉండ వచ్చు. అంటే  ఒక స్త్రీలో తీవ్రమైన నొప్పులు కలిగి , కొద్ది గా  బ్లీడింగ్ జరగ వచ్చు . ఇంకో స్త్రీలో , అట్లా కాక , కొద్దిగా నొప్పులు కలిగి , ఎక్కువ గా బ్లీడింగ్ ఆవ వచ్చు. 
 
మిస్ క్యారేజ్ గురించిన మిగతా ప్ర.జ.లు వచ్చే టపాలో తెలుసుకుందాము. 

ప్ర.జ.లు. 15. అబార్షన్ గురించి యువత ఏమి తెలుసుకోవాలి ? ఎందుకు తెలుసుకోవాలి ?

In ప్ర.జ.లు., Our Health on ఆగస్ట్ 13, 2012 at 11:08 సా.

ప్ర.జ.లు. 15. అబార్షన్ గురించి  యువత  ఏమి తెలుసుకోవాలి ? ఎందుకు తెలుసుకోవాలి ? 

ప్రశ్న : అబార్షన్ అంటే ఏమిటి ?  మరి అబార్షన్ కూ మిస్ క్యారేజ్ కూ తేడా ఏమైనా ఉందా ? 
జవాబు: ఇది యువతీ యువకులు తెలుసుకో వలసిన అత్యంత ముఖ్యమైన ప్రశ్న.  అబార్షన్ అంటే  గర్భాశయం నుంచి  స్పెషలిస్టు వైద్యులు , ఏర్పడిన పిండాన్ని , మిగతా పిండ భాగాలనూ, లేదా శిశువునూ ,  బయటకు తీసి వేయడం. దీనినే మెడికల్ టెర్మినేషన్ ఆఫ్ ప్రెగ్నెన్సీ, లేదా టెర్మినేషన్ అని క్లుప్తం  గా  అంటారు. మరి డెలివరీకీ , అబార్షన్ కూ ఉన్న తేడా ఏమిటంటే , డెలివరీ లో  పూర్తిగా జీవించ గలిగే శక్తి ఉన్న శిశువును, గర్భాశయం నుంచి బయటకు తీయడం, డెలివరీ లో శిశువు సాధారణం గా జన్మించి, సహజం గా, ఆరోగ్యం గా ఉంటుంది.కానీ అబార్షన్ చేసినప్పుడు , శిశువు కానీ , పిండం కానీ స్వతంత్రం గా మన గలిగే పరిస్థితి లో ఉండవు.  
ప్రశ్న: అయితే అబార్షన్ కూ , మిస్ క్యారేజ్ కూ తేడా ఉందా ? ఎందుకు ఈ రెండు విధాలు గా అంటుంటారు? :
జవాబు: మిస్ క్యారేజ్ అంటే సహజమైన కారణాలతో , పిండం కానీ , శిశువు కానీ ,  వైద్య ప్రమేయం ఏమీ లేకుండా గర్భాశయం నుంచి బయటకు వచ్చే పరిస్థితి.  కానీ ముందుగా చెప్పుకున్నట్టు , అబార్షన్  సహజం గా కాక , కృత్రిమం గా స్పెషలిస్టు వైద్యులు చేసే పని. ( ఏ పరిస్థితులలో చేస్తారు అనే విషయం ముందు ముందు వివరం గా తెలుసుకుందాము ). వైద్య పరం గా, అభివృద్ధి చెందిన దేశాలలో ( అంటే అన్ని జాగ్రత్తలూ తీసుకుని ) చేసే అబార్షన్  చాలా సురక్షితమైనది. ఉదాహరణకు ఇంగ్లండు లో అబార్షన్ ఏ ఏ పరిస్థితులలో  చేస్తారో  చూద్దాము. ఇంగ్లండు లో  అబార్షన్ లు ఎప్పుడు చేయాలి , ఏ ఏ పరిస్థితులలో చేయాలి అనే నిబంధనలు  అమలు పరచడానికి ఒక శక్తి వంతమైన చట్టం ఉంది అంటే లా. ఈ లా ప్రకారం. 1. స్త్రీ కి  వ్యక్తి గతం గా బలవంతమైన కారణాల వల్ల 2. గర్భం లో ఉన్న శిశువుకు ఏవైనా సీరియస్ వైద్య పరమైన వ్యాధులు కానీ జన్యు పరమైన, తీవ్రమైన లోపాలు కానీ ఉన్నప్పుడు.3.శిశువు జననం, తల్లి ఆరోగ్యాన్ని తీవ్రం గా ప్రభావితం చేసే సమయం లో కానీ.  ఈ మూడు ప్రత్యెక పరిస్థితులలో , అబార్షన్ చేయడం  సమ్మతం అవుతుంది. ఈ మూడు ప్రత్యెక పరిస్థితులలో , ఒకటి కానీ, రెండు కానీ లేదా అన్నీ కానీ పరిస్థితులను నిర్ణయించ డానికి కనీసం ఇద్దరు స్పెషలిస్టు డాక్టర్లు అబార్షన్ చేయించు కోవలసిన స్త్రీని పరీక్ష చేయ వలసి ఉంటుంది. అంతే కాక,  అబార్షన్ ఎప్పుడు చేయ వలసి వచ్చినా , అన్ని వసతులూ ఉన్న స్పెషలిస్టు హాస్పిటల్ లోనూ , లేదా లైసెన్స్ పొందిన ( అబార్షన్ చేయడానికి అన్ని వసతులూ ఉన్న ) క్లినిక్  లోనే  చేయ వలసి ఉంటుంది. దాదాపు ప్రతి దేశం లోనూ ఏదో ఒక రూపం లో చట్టాలు ఉన్నాయి , అబార్షన్ సురక్షితం గా జరపడానికి. భారత దేశంలో ఈ చట్టాన్ని ఎట్లా అమలు పరుస్తున్నారో మీకు తెలిస్తే తెలియ చేయండి. 
ప్రపంచం మొత్తం లో అబార్షన్  సంఖ్యలు ఏమిటి ? : ఒక అంచనా ప్రకారం ప్రపంచం మొత్తం మీద ప్రతి సంవత్సరమూ , కనీసం నలభై నాలుగు మిలియన్ ల  అబార్షన్ లు జరుగుతున్నాయి. అందులో కనీసం సగం అబార్షన్ లు  సురక్షితం గా జరగట్లేదు. ఇట్లా సురక్షితం గా జరగని అబార్షన్ ల వల్ల ప్రతి ఏటా కనీసం డెబ్బయి వేల మంది స్త్రీలు ప్రాణాలు కోల్పో తున్నారు. అంతే కాక కనీసం అయిదు మిలియన్  ల మంది స్త్రీలు, అబార్షన్ వల్ల కలిగే కాంప్లికేషన్ ల తో బాధ పడుతున్నారు ప్రతి ఏటా ! 
 
మిస్ క్యారేజ్ / అబార్షన్ ల గురించి / మిగతా ప్ర.జ.లు. వచ్చే టపాలో ! 
 
 
%d bloggers like this: