Our Health

Archive for ఆగస్ట్, 2012|Monthly archive page

ప్ర.జ.లు. 13. ఇన్ ఫిడిలిటీ ని ఎట్లా కనుక్కోవడం ?

In ప్ర.జ.లు., మానసికం, Our minds on ఆగస్ట్ 31, 2012 at 8:49 సా.

ప్ర.జ.లు. 13. ఇన్ ఫిడిలిటీ ని ఎట్లా కనుక్కోవడం ? 

ప్రశ్న: క్రితం టపాలో తెలుసుకున్నట్టు , ఎమోషనల్ గా దూరం గా ఉండడం,  డిప్రెషన్ లో కూడా జరుగుతుంది కదా,  మరి ఇన్ ఫిడిలిటీ కీ డిప్రెషన్ కూ ఈ లక్షణాలలో తేడా ఏమిటి? :
జవాబు: ఇది చాల ముఖ్యమైన ప్రశ్న. నిజమే, డిప్రెషన్ లో కూడా  ఎమోషనల్ గా దూరం గా ఉండడం జరుగుతుంది. అంతే కాక సెక్స్ అంటే ఉత్సాహం లేకపోవడం, ఏ పని మీదా ఏకాగ్రత తో కేంద్రీకరించలేక పోవడం , మోటివేషన్ లేక పోవడం, ఎప్పుడూ విచారం గా ఉండడం , బ్రతుకు అంటే జీవితం మీద ఆశ సన్నగిల్లడం కూడా జరుగుతుంది. అంతే కాక ,  డిప్రెషన్ లో నిద్రలేమి , ఆకలి తక్కువ అవడం , తరువాత సరిగా తినక పోవడం వల్ల , బరువు కూడా తగ్గి పోవడం లాంటి లక్షణాలు కూడా కనబడతాయి. కానీ ఇన్ ఫిడిలిటీ లో, ఉద్యోగం సరిగానే చేస్తుంటారు,  అప్పుడు ఏకాగ్రతా , పని జాగ్రత్త కూడా బాగానే ఉంటుంది ( లేక పొతే డబ్బులు ఉండవు కదా ! ), కానీ ఇంటికి వచ్చినప్పుడు మాత్రమె , అంటే,  భార్య దగ్గర లేదా భర్త దగ్గర మాత్రమె వీరు , ముభావం గా ఉంటూ , ఎక్కువ మాట్లాడ కుండా , ఏదో కోల్పోయిన వారిలా ప్రవర్తించు తూ ఉంటారు. అంటే, వీరు ద్వి పాత్రాభినయం చేస్తూ ఉంటారు. అంతే కాక వీరు డిప్రెషన్ వచ్చిన వారిలా ఒక జీవితం మీదనే విరక్తి కలిగిన వారిలా కాక , రెండు జీవితాలను గడుపుదామని కూడా అనుకుంటారు. అంటే, వీరికి బ్రతుకు మీద ఆశ డబుల్ అవుతుంది , సన్నగిల్లదు, డిప్రెషన్ లో ఉన్న వారి ఆలోచనా ధోరణి లాగా ! 
ఇక మిగతా లక్షణాల గురించి తెలుసుకుందాము. 
2. క్రోధం , క్రూరం , విమర్శ :   అప్పుడప్పుడూ క్రోధం రావడం సహజమే కదా ! కానీ ఈ ఎఫైర్స్ లోనూ ఇన్ ఫిడిలిటీ లోనూ మునిగిన వారు  తరచూ, కోపం తెచ్చు కుంటూ ఉంటారు. ప్రత్యేకించి , అంతకు ముందు , కోపతాపాలు అరుదు గా చూపించే వారు కూడా ,   ఇంకో సంబంధం ఉన్నప్పుడు , పొరుగింటి పుల్ల కూర రుచి అన్న విధం గా , అంత వరకూ తాము కలిసి ఎవరితో నైతే ఉంటారో , వారి మీద కోపాన్నీ , క్రోధాన్నీ ప్రదర్శించుతూ ఉంటారు. ఉదా:  లక్ష్మి  నిజం గానే ఇంటికి మహా లక్ష్మి గా ఉంటుంది.  ఉదయం లేవగానే స్నానం చేసి, దేవుడికి దణ్ణం పెట్టుకుని ,  వేడి కాఫీ  తో పడక గదిలో  అమృతం తీసుకు భాండం తీసుకు వస్తున్న మోహిని లా ప్రత్యక్షమవుతుంది, ఈలోగా బ్రష్ చేసుకుని  బెడ్ మీదే వెయిట్ చేస్తున్న భర్త ముందు.’  కాఫీ చాలా వేడి గా ఉంది , చల్లారే వరకూ మనం వెచ్చ గా కబుర్లు చెప్పుకుందాం అని, చెంత కు చేర్చుకుని ,  ఆ మాటా , ఈ మాటా చెప్పి సరసాలాడే వాడు. అదేంటో   మాయ కానీ  ,   ఆ సమయం లో , వేడి వేడి కౌగిళ్ళతో పాటుగా ,  అధరామృతం కూడా ఇచ్చి పుచ్చుకోవడం జరిగేది, తన భర్త తో !  అదే  తను పూజ తరువాత  ఇచ్చే  ప్రసాదమని ఎన్నో సార్లు భర్త తనతో అంటే , ఆనందం తో సిగ్గు పడి పోయేది తను. మరి ఈ మధ్య  కాఫీ అందివ్వగానే తీసుకుని , రుచి చూస్తూ , కనీసం ముఖం వైపు కూడా చూడకుండా ,  చెక్కర తక్కువైంది , కాఫీ సరిగా చేయడం కూడా నేర్చుకోలేదు !  ఇన్ని సార్లు చేస్తున్నా ! అని ఖంగు మన్న శబ్దం తో కాఫీ కప్పును ప్రక్కన పెట్టేస్తున్నాడు ! కళ్ళ నీళ్ళు కొంగు తో తుడుచుకుంటూ , తను కాఫీ కప్పు ను తీసుకు వెళుతూ ఉంటే , ‘ ఇంకా మొసలి కన్నీరు కారుస్తావేం , నేనేమన్నాను నిన్ను ? చీటికీ మాటి కీ ఏడుస్తావు ? ‘ అని మందలిస్తున్నాడు, కసురుకుంటున్నాడు. ఆఫీసు నుంచి ఇంటికి రాగానే ‘ మీరు వచ్చే  దోవలో షాప్ లో పాలూ , పంచదారా తెమ్మని చెప్పాను తెచ్చారా ? అని లక్ష్మి అడిగితే ‘ఇంట్లో కాలు పెట్టానో లేదో , పాలు తెచ్చారా , పంచదార తెచ్చారా అని వెధవ ప్రశ్నలు వేస్తావు !   నువ్వు తెచ్చుకుని ఏడవలేక పోయావా ? ఎంత మునిగి పోయే పనులున్నాయనీ నీకు ? ‘ అదేంటండీ , మీరు ‘ సరే తెస్తాను నేనే ‘ అని అన్నారు కదండీ పొద్దున్న ఆమాట అడిగితే ! ‘  ‘ మళ్ళీ ఎదురు సమాధానమూ నువ్వూ , సంసారం లో సుఖం లేదూ, చట్టు బండ లేదూ ! ఛీ ఛీ ! అని సంచీ ని విదిలించు కుంటూ బయట పడ్డాడు భర్త !  దానితో , ఆయన  క్రూర స్వభావం కూడా బయట పడింది. అకారణం గా అల్ప విషయాలకు ఇంటి ఇల్లాలిని, అవమానం చేస్తూ మాట్లాడడం, తీవ్రం గా మానసికం గా హింసించడం ఇక్కడ జరుగుతుంది. ఇట్లాంటి లక్షణాలు, ఆకస్మికం గా  కనుక, అంతకు ముందు, ఎంతో ప్రేమ గా ఉండే వారు కనుక చూపితే , అనుమానించాల్సిందే ! 
వచ్చే టపాలో ఇంకొన్ని లక్షణాలు ! 

ప్ర.జ.లు. 12. ఇన్ ఫిడిలిటీ ని కనుక్కోవడం ఎట్లా ?

In ప్ర.జ.లు., మానసికం, Our minds on ఆగస్ట్ 30, 2012 at 8:31 సా.

ప్ర.జ.లు. 12. ఇన్ ఫిడిలిటీ ని కనుక్కోవడం ఎట్లా ? 

ప్రశ్న: ఇన్ ఫిడిలిటీ ని కనుక్కోవడం ఎట్లా ?
జవాబు: ఇది చాలా మంచి ప్రశ్న. ( మనం ఇంతవరకూ స్త్రీలలో నూ , పురుషుల లోనూ , ఎఫైర్స్ , ఇన్ ఫిడిలిటీ కి కారణాలు ఏమిటి ? అనే విషయాన్ని సవివరం గా తెలుసుకున్నాము కదా ! ఏవైనా సందేహాలూ , ప్రశ్నలూ ఉంటే తెలియ చేయండి తెలుగులో కానీ , ఇంగ్లీషులో కానీ !  ) చాల సంబంధాలలో కారణాలు ఏమైనప్పటికీ , భాగ స్వాములు , ఆ సంబంధం విడి పోకూడదని అనేక ప్రయత్నాలు చేస్తూ ఉంటారు. అట్లాగే అనేక సంబంధాలలో ఈ ఎఫైర్స్ పెట్టుకున్న స్త్రీలు కానీ పురుషులు కానీ , అతి జాగ్రత్తగా , తమ గేమ్ లేదా ఆట ఆడుతూ ఉంటారు. ఇది అచ్చు , చిన్న తనం లో సహజం గా పిల్లలందరూ ఆడుకునే దొంగాట లాగా ఉంటుంది. చాటు మాటు గా ,  ఎవ్వరికీ దొరకకుండా అతి రహస్య ప్రదేశాలలో దాక్కోవడం !. ఈ గేమ్ ను  ఎంత నిగూ డం గా , రహస్యం గా ఆడుతూ ఉంటే , అంత త్రిల్ గానూ ఫీల్ అవుతూ ఉంటారు. ఒక వాస్తవం ఏమిటంటే  ఎఫైర్ లూ , ఇన్ ఫిడిలిటీ లూ చాలా శాతం వరకూ పట్టుకోవడం చాలా  కష్టం. ఎందుకంటే , ప్రేయసీ ప్రియులు చాలా పకడ్బందీ గా వ్యూహాలు పన్నుతూ ఉంటారు. అందుకే విదేశాలలో , అనేకమైన గూ ఢ చార ఏజెన్సీలు ఈ ఎఫైర్ లనూ ఇన్ ఫిడిలిటీ లనూ పట్టుకోడానికి అత్యంత ఆధునిక పరికరాలు , ఉపయోగించి , అనుభవజ్ఞులైన గూ ఢ చారుల చేత ఇన్వెస్టిగెట్ చేయిస్తూ ఉంటారు, భార్యలు  కానీ భర్తలు కానీ !  భారత దేశం లో కూడా ఈ కొవ కు చెందిన ఏజెన్సీ లు పుట్ట గొడుగుల్లా  వచ్చాయి. బాగా  సొమ్ము కూడా చేసుకుంటున్నారు. 
మరి  ఇన్ ఫిడిలిటీ ని కనుక్కోవడం ఎట్లా ? ఒక జంట లో ఏ ఒక్కరు ఎఫైర్స్ కలిగి ఉన్నా , ఇంకొకరు ఎట్లా కనుగొన వచ్చు ? : పైన చెప్పుకున్నట్టు , ఈ ఎఫైర్స్ ను కనుక్కోవడం చాలా కష్టం. కానీ కొన్ని సూచనలను గమనిస్తే , ఇన్ ఫిడిలిటీ ని అనుమానించ వచ్చు. 
1. ఎమోషనల్ గా దూరం గా ఉండడం : ఉదా:   శోభ !  ఇరవై నాలుగు సంవత్సరాల వయసు. B.A ఫైన్ ఆర్ట్స్ లో ఫస్ట్ క్లాస్ లో పాసవగానే పెళ్లి చేసుకుంది. పెళ్లి అయిన తరువాత మూడేళ్ళూ  ఆ జంట కు ఇరవై నాలుగు గంటలు సరిపోలేదు. ఎప్పుడూ, సరస సంభాషణలతో , ప్రణయ భావనలతో ,  కాలం గడిచిపోయేది.  భర్త  చాలా ‘ సంస్కారి ‘  శోభ తో తన బంధం పదిలం గా ఉండాలని కృత నిశ్చయం తో ఉండే వాడు.  అంతే కాక ,  శోభతో ప్రేమ బంధం తో పాటుగా , ఒక విడదీయ రాని రాగ బంధం కూడా ఏర్పరుచు కున్నాడు. ఎందుకంటే ,కామ సూత్రాలు చాలా శ్రద్ధ గా చదివి ఆకళింపు చేసుకుని , శోభతో ఆ బొమ్మలు కూడా చూపించి , శోభతో ఎక్స్పరిమెంట్ చేసేవాడు.  ఆ  కాలం ఎంతో మధురం గా ఉండేది. కానీ ఒక్కసారిగా అతనిలో మార్పు వచ్చింది. ఎందుకో ఏమో , ఎమోషనల్ గా చాలా దూరం గా ఉంటున్నాడు.  శోభకు భర్తను చూస్తె ఎంతో డిప్రెషన్ ఫీల్ అవుతున్న వాడిలా ఉండేవాడు. ఆమెకు  ఎదురుగా లాంజ్ లో ఫ్లవర్ వాజ్ లో వాడి పోయి , వాలి పోయి ఉన్న పూవు కాడ లో అతను కనిపించాడు. సెక్స్ లో నిరాసక్తత చూపుతున్నాడు. బెడ్ టైం లో ముసుగు తన్ని పడుకుంటున్నాడు. చాలా తక్కువ గా మాట్లాడు తున్నాడు. ఎప్పుడూ ఏదో అత్యంత ముఖ్యమైన పని ఉన్నట్టు సెల్ ఫోన్ లో మాట్లాడడమూ  చేస్తున్నాడు. ఇంట్లో , ఇదివరకటి లా పట్టించు కోవడం లేదు. ఎంత వెచ్చని , చిక్కని కౌగిలి ఇచ్చే వాడు !  ఏవి ఆ కౌగిళ్లు , ఏవి ఆ కామోచ్చ దశలు , ఏది  ఆ కామ వాంఛ ? అతను తన వాడేనా ?  అన్న అనుమానం కలుగుతుంది శోభకు. శోభ అనుమానం నిజమే ! అతని ప్రవర్తనలో మొదటి మార్పు ఎమోషనల్ గా శోభ తో దూరం గా ఉండడం, అతని ఇన్ ఫిడిలిటీ కి  బీజాలు పడుతున్నట్టే ! 
 
ఇంకొన్ని  లక్షణాలు ఇంకో టపాలో తెలుసుకుందాం ! 
 

ప్ర.జ.లు.11. స్త్రీలలో ఎఫైర్ లు, ఇన్ ఫిడిలిటీ లూ!

In ప్ర.జ.లు., మానసికం, Our minds on ఆగస్ట్ 30, 2012 at 5:22 ఉద.

ప్ర.జ.లు.11. స్త్రీలలో ఎఫైర్ లు, ఇన్ ఫిడిలిటీ లూ!

ప్రశ్న: మరి ఈ ఇన్ ఇన్ ఫిడిలిటీ లలో ఇన్ ఫాంట్ ల మాటేంటి ?
జవాబు: వివాహ సంబంధాలు అతలా కుతలం అవుతున్నప్పుడు , ఆ  అస్తవ్యస్త  భాండం లో , పిల్లలు కూడా ఉడుకుతూ ఉంటారు. సరిగాలేని కుటుంబ వాతావరణం లో పిల్లలు కూడా సరిగా పెరగలేరు. అను నిత్యం భార్యా ,భర్తా , పిల్లల ముందే  కీచులాడు కుంటూ , వారి వారి కోపతాపాలు చూపించుకుంటూ ,  వాదులాడుకుంటూ , చీటికీ మాటికీ వారి కోపాలు , అన్నెం పున్నెం ఎరుగని చిన్నారుల పైన చూపిస్తూ ఉంటారు. లేక పొతే , సర్వ సామాన్యం గా భార్య , భరిస్తూ ఉంటుంది ఆ బాధ అంతా !  చిన్న పిల్లలు ఈ నిరంతర ఈ నిరుత్సాహ , నిస్సహాయ కుటుంబ వాతావరణం లో రగులుతున్న చితి మంటలలో సమిధలవుతుంటారు.  శక్తి హీనులు , నిరుత్సాహం తో ఉన్న తల్లుల పోషణ లో పిల్లలు కూడా , తీవ్రమైన ఆత్మ న్యూనతా భావం తో కుములుతూ ఉంటారు. బయటకు చెప్పక పోయినా , చిన్నారులలో సునిశితమైన పరిశీలనా జ్ఞానం ఉంటుంది. తమ కుటుంబ పరిసరాలలో జరుగుతున్న ప్రతి విషయమూ అతి జాగ్రత్తగా గమనిస్తూ ఉంటారు. కుటుంబం లో తల్లిదండ్రుల మధ్య కలతలు , వారి పిల్లల మనసులలో , పెరుగుదలలో , భవిష్యత్తు లో చెరగని ముద్ర వేస్తాయి. వారిలో అనేక మానసిక రుగ్మతలకు  కారణమవుతాయి. 
ఒక ఉదాహరణ:  శ్యాం  ఆరేళ్ళ బాలుడు.  అందరికీ శ్యాం అంటే ఎంతో ముద్దు. ఎప్పుడూ , తనదైన అల్లరి తో ఇంట్లో నూ బయటా అందరినీ  విసిగించడం తో పాటు , తన చిలిపి చేష్టలతో విపరీతం గా నవ్విస్తూ ఉంటాడు కూడా !  ఇట్లాంటి బాలుడు పెరుగుతున్న ఇంటిలో వాతావరణం ఒక్కసారిగా మారిపోయింది. శ్యాం నాన్న కు తాగుడు అలవాటైంది. ఎక్కడ ఉన్న డబ్బూ చాలట్లేదు. తాగి పారేస్తున్నాడు బాటిల్సు. దానితో పాటు తన ఆరోగ్యం కూడా పారేసుకుంటున్నాడు. భార్య మీద తరచూ చేయి చేసుకుంటున్నాడు. వాదోపవాదాల రిహార్సల్స్ పరిస్థితి దాటి ఇల్లు రణ రంగామవుతూ ఉంది. ఆ రణ రంగం లో ‘ మగ ధీరత ‘ ముందు ,  స్త్రీ  అశక్తత  ఒడి పోతున్నది.  ఓ అమాయకపు స్త్రీ మనసూ , మనువూ గాయ పడుతున్నది. ఓ చిన్నారి మనసు కూడా తీవ్రం గా గాయ పడుతున్నది , ఆ రణరంగం లో తానూ ఉంటున్నందుకే ! 
ఒక రోజు శ్యాం వెళుతున్న  స్కూల్  ప్రిన్సిపాల్ నుంచి అర్జంటు గా రమ్మని శ్యాం తల్లిదండ్రులకు పిలుపు వచ్చింది. శ్యాం తండ్రి బాటిల్ తన్ని పడుకున్నాడు. తల్లి హడావిడి గా వెళ్ళింది స్కూల్ కు. ‘ మీ శ్యాం ను వెంటనే ఇంటికి తీసుకు వెళ్ళండి !  క్లాసులో  తన తోటి అమ్మాయిని ఎడా పెడా కొట్టాడు అకారణం గా , ఆ అమ్మాయిని హాస్పిటల్ కు తీసుకు వెళ్ళారు. ఇట్లా అయితే మా స్కూల్ సాగినట్లే ! అని తీవ్రం గా మందలించి  టీ సి ఇచ్చి ఇంటికి పంపారు శ్యాం ను . ఏ తప్పూ చేయకపోయినా , విపరీతమైన అపరాధ భావన తో శ్యాం ను తీసుకుని ఇంటి ముఖం పట్టింది తల్లి !ఇట్లాంటి వాతావరణం నుంచి బయట పడాలని, ఆ ఇంటి ఇల్లాలు తీసుకునే నిర్ణయం , ఎంతో సాహసోపేత మైనదే కాక , శక్తి వంతమైనది కూడా అవుతుంది. ఆ నిర్ణయం ఎఫైర్ , కానీ ఇన్ ఫిడిలిటీ కానీ ,విడాకులు కానీ , ఎంతో సమంజసమైనది అవుతుంది , ఆ  రణ రంగ వాతావరణం నుంచి బయట పడడానికి.  ఆ స్త్రీకీ , ఆ చిన్నారికీ , ఎంతో ప్రశాంతత చేకూరుతుంది ఆ నిర్ణయం వల్ల. వారికి , తల్లి నిర్ణయం తో ఏర్పడిన స్వాతంత్ర్యత , వారి భవిష్యత్తును సమూలం గా మార్చి వేస్తుంది., వారి భయాన్నీ, ఆందోళనలన లనూ , ఆశక్తతనూ , నిస్సహాయ స్థితినీ  ఒక్క సారిగా సమాధి చేస్తుంది.
స్త్రీకి ఒక సంబంధం లోనూ , వివాహ బంధం లోనూ కావలసినది,  ప్రేమా , ఆప్యాయతా , ఆర్ధిక సుస్తిరతా కూడానూ. వీటితో పాటుగా , ఆదునిక స్త్రీకి   ,  ఆనంద కరమైన , ఆహ్లాద కరమైన సెక్స్ జీవితం కూడా కావాలి.  పురుషుడికి ఎంత ముఖ్యమో , స్త్రీకి కూడా సెక్స్ అంతే ముఖ్యం. ఈ సెక్స్ కేవలం ఒక ప్రెసెంట్ ఇస్తేనో లేదా ఒక హోటల్ లో ఒక భోజనానికి తీసుకు వెళితే నో రాదు !  సెక్స్ లేని స్త్రీ జీవితం ఉప్పు లేని కూడు లా చప్పిడి గా ఉంటుంది. సెక్స్ శక్తిని ఎట్లా విడుదల చేస్తుందో , అంతే వేగం తో స్త్రీ లో మానసిక శక్తిని కూడా  ఆవిష్కరిస్తుంది.
ఆ  సెక్స్ , మనసు లేని పురుషుడు ఇచ్చే సెక్స్ కాకూడదు.ప్రతి స్త్రీ తాను పాల్గొనే ప్రతి రతి లో , తన శరీరం లోని కామోత్తేజ జంక్షన్ లు అన్నీ తన పొందు కోరే పురుషుడి స్పర్శ తో , ఎర్ర ట్రాఫిక్ లైట్ల లాగా ఒక్క సారిగా  అత్యంత కాంతి వంతం అయి ఒక నూతనోత్తేజం పొందాలని కాంక్షిస్తుంది , కామిస్తుంది.  అట్లా కోరుకోవడం లో ఏ తప్పూ లేదని ఆధునిక యువతి భావిస్తుంది.  ఆమె దృష్టి లో   ఎఫైర్ లూ , ఇన్ ఫిడిలిటీ లూ , లేదా మ్యారేజీ లూ , ఏవైనా ఆమె కామ వాంఛలనూ, మనో వాంఛ లనూ తీర్చడమే కీలకం. ఈ విషయం లో పురుషుని తో సమానత్వం కోరుకుంటుంది , స్త్రీ  . 
వచ్చే   టపాలో ఇంకొన్ని సంగతులు ! 

ప్ర.జ.లు. 10. స్త్రీలూ – ఇన్ ఫిడిలిటీ లూ !

In ప్ర.జ.లు., మానసికం, Our minds on ఆగస్ట్ 28, 2012 at 11:30 సా.

ప్ర.జ.లు. 10. స్త్రీలూ – ఇన్ ఫిడిలిటీ లూ ! 

ప్రశ్న: విదేశాలలో ఎఫైర్ లూ , ఇన్ ఫిడిలిటీ ల మీద  యువతుల  ఆలోచనా ధోరణులు ఎట్లా ఉన్నాయి? : 
జవాబు : యువతుల కామ జీవితం లో చెప్పుకోదగ్గ మార్పులు కనిపిస్తున్నాయి. ఒక ఉదాహరణ: లైలా యుక్త వయసు వచ్చిన స్త్రీ.  వయసు తో పాటు గా కాక కాస్త ఎక్కువ గానే పెరిగింది.టీనేజ్ అమ్మాయి గా కాక ఒక ప్రౌఢ లా కనిపిస్తుంది చూసే వారికి. ఆత్మ విశ్వాసం తొ ణికిస లాడుతూ ఉంటుంది ఆమెలో !  స్వతంత్రం గా  పార్ట్ టైం ఉద్యోగాలు చేస్తూ, కాలేజీ లో చదువుకుంటుంది. తను ఆమె తల్లి లా ఆలోచించడం లేదు. లైలా దృష్టి లో ఆమె అమ్మ ఒక మూసలో పోసిన విధం గా, ఒక వివాహం చేసుకుని , ఇరువురు పిల్లలను పెంచుతూ , భర్త తొ సంసారం చేస్తుంది. ఆమె తండ్రి ఒక డల్ పురుషుడు. ఆర్ధిక సుస్థిరత మాత్రమె ఇవ్వగలడు. అయినా సరే , ఆమె తల్లి , ఆయన మీద ఆధార పడి, వారి సంబంధం , ఏ చిరుగాలికి దీపం లా ఎప్పుడు ఆరిపోతుందో అని బెంగ పడుతూ , ‘ సంసార జీవితం ‘ గడుపుతూ ఉంటుంది. తాను అట్లా చేయకూడదు. తనకూ ఒక స్థిరమైన  ఆర్ధిక స్వాతంత్ర్యం కలిగిన పురుషుడు కావాలి. అతని  స్థిరమైన ప్రేమా కావాలి. వాటి తో పాటుగా , తనకు జీవితం లో రోమాన్స్ కావాలి.  ఎక్సైట్ మెంట్ కావాలి , కామోత్తేజం కలిగించి , తనను కామ కడలిలో డోల లాడించే  మగ ధీరుడు కావాలి. తన కామోత్తేజ స్థానాలను లయ బద్ధం గా   మీటుతూ  తన లో ప్రణయ రాగాలు పలికించే  రసమయ సంగీత సామ్రాట్టు కావాలి. ఆమె అంచనాలకు తగ్గ పురుషుడు , వివాహం లో లేక పొతే , ఆమె  , ఆమె తల్లి లా  సరిపుచ్చు కోదు. సామాజిక కట్టుబాట్లు, పాప్ కల్చరు, అన్నీ కలిసి ఆమె మెదడులో ఉన్న కామోత్తేజ జీవ రసాయనాలను  ‘ నీరు గారుస్తున్నాయి ‘ దానికి తొడు కుటుంబ గౌరవం , కట్టుబాట్లూ , లైలాను ఉక్కిరి బిక్కిరి చేసి, ఆమెకు    కామ సువాసన కలిగిన తాజా  ప్రణయ శ్వాసలు తీసుకోకుండా  చేస్తున్నాయి.  తాను ఈ బంధనాలను తెంచు కుంటే ,  అతి తేలిక గా   ఊపిరి తీసుకోగలదు. అప్పుడు ఆమె కోరికల  రెక్కల విహంగాలు , హాయిగా ఎగిరి , తన ప్రణయ సామ్రాజ్యం లో తన ఇష్టం వచ్చిన చోట  వాలుతాయి. ఆమె తన  జీవితం లోని ఆ ‘ చిరు ‘ కోరికలు తీర్చ గలిగే  వాడి  కోసం , రహస్యం గా కూడా  వెదికి , అవసరమైతే ,  ఎఫైర్స్  పెట్టుకుని ,  సంపూర్ణమైన ఆనందం అనుభవించడానికి  వెనుకాడదు.
వివాహ జీవితం లో , ఆనందం కోల్పోయి , సతమత మవుతూ , తీవ్ర నిరుత్సాహం చెంది , నిస్సహాయ స్థితి లో ఉన్న వారే , ఆ వివాహ బంధం నుంచి విముక్తి చెందడానికి ప్రయత్నిస్తారు. అట్లా బయటకు అడుగిడడం తో  ,  స్త్రీలు ,  తమకు తాము ఒక నూతన శక్తి పొందినట్టు భావిస్తారు. వారి లో ఉడిగి పోయిన శక్తులు , మళ్ళీ సజీవమైనట్టు ఫీల్ అవుతారు. 
వారి దృష్టి లో ఆ సమయం లో ఎఫైర్ పెట్టుకోవడం ,  ఒక పెద్ద  అరుపు లేదా స్క్రీం.  ఆ  అరుపు  , తామో , తమ వివాహమో ఉండాలి అని అనుకుని, తాడో పేడో తేల్చుకోవాలి , అని  తీసుకున్న నిర్ణయానికి సంకేతం. ఆ నిర్ణయం తీసుకుని , స్త్రీలు , కేవలం ఎప్పుడూ అణిగి మణిగి , ఆత్మ న్యూనతా భావం తో తల ఊపుతూ ఉన్న ఒక సామాన్య స్త్రీ గా కాక , ఒక శక్తి వంతమైన  స్త్రీగా ఫీల్ అయి , నూతనోత్తేజం పొందుతారు. 
వచ్చే టపాలో ఇంకొన్ని సంగతులు ! 

ప్ర.జ.లు. 9. స్త్రీలూ- ఇన్ ఫిడిలిటీ లూ !

In ప్ర.జ.లు., మానసికం, Our minds on ఆగస్ట్ 28, 2012 at 10:24 ఉద.

ప్ర.జ.లు. 9. స్త్రీలూ- ఇన్ ఫిడిలిటీ లూ ! 

ప్రశ్న : మరి విదేశాలలో ఈ  పరిస్థితి ఎట్లా ఉంది ? : 
జవాబు : విదేశాలలో స్త్రీల ఇన్ ఫిడిలిటీ పరిస్థితి ‘ ఆశా జనకం ‘ గా ఉంది. ఒక అంచనా ప్రకారం, విదేశాలలో పురుషులలో యాభై నుంచి డెబ్బయి శాతం వరకూ ఉంటే , స్త్రీలలో ముప్పై నుంచి అరవై శాతం ఉంది. ఈ గ్యాప్ అతి త్వరగా   తగ్గి పోతూ ఉన్నది.అంటే ఈ విషయం లో కూడా స్త్రీలు , పురుషులతో సమానత్వానికి ప్రయత్నిస్తున్నారు.  అమెరికా లో ప్రెసి డెన్ షియల్ కాండిడేట్ అనుకున్న సారా పాలిన్ తన భర్త బిజినెస్ పార్టనర్ తో తన రొమాంటిక్ పార్టనర్ షిప్  రహస్యం గా సాగించినది. దానితో ఆమె భర్త ,  తన బిజినెస్ లో అతని  పార్టనర్ షిప్ కు ఉద్వాసన చెప్పాడు. రొమాంటిక్ పార్టనర్ షిప్ నిర్విఘ్నం గా కొనసాగించ డానికా అన్నట్టు ! స్త్రీలలో ఇన్ ఫిడిలిటీ అనేది  కేవలం సాహసోపేత మైనదే  కాక ,  డెస్పరేట్ అంటే తప్పని సరి పరిస్థితులలో జరుతుతుంది.  డెస్పరేట్ ఎందుకంటే , స్త్రీలు తమ వ్యక్తి గత ప్రణయ సంబంధాలను చాలా సీరియస్ గా తీసుకుంటారు.ఆ సంబంధాలలో  తుఫాను వస్తే తట్టుకోలేరు. సుడి గాలికి తల్లడిల్లే  పూ రెక్క అంటే  petal of a flower లా విల విల లాడతారు. వారు ఆ సమయం లో తీసుకునే ఆ చర్య , అదే ఇన్ ఫిడిలిటీ ,  వారు సేద తీర్చుకోడానికి , ఆలంబన గా ఉండాలని భావిస్తారు.వారికి ఆ సమయం లో కావలసినది   సేద తీర్చే ఒక నును వెచ్చని  కౌగిలి , వారి ముఖం మీద ముంగురులు సరిచేస్తూ , వడి వడి గా కొట్టుకుంటున్న వారి ‘ గుండె సడి ‘ వినగలిగే స్నేహ పూర్వక మనసూ  కల ఒక  బల వంతుడైన పురుషుడు ! వారి   నిర్ణయం సాహసోపేతమైనది కూడానూ ! ఎందుకంటే , వారు తీసుకునే ఆ నిర్ణయం తో , వారు ఒక సమూలమైన మార్పు , వారి జీవితాలలో రావాలని ఆశిస్తారు. అంటే వారు తీసుకునే ఆ సాహసోపేత నిర్ణయం  ఒక క్యాటలిస్ట్ ( catalyst ) గా పని చేసి ,  తనువూ , అధరాలూ  కూడా కలగలిసిపోయి, తమ జీవన రసాయన మిశ్రమం,   ఒక మధురమైన  నూతన  నవ జీవన  ప్రణయ కావ్య రసాయనం  కావాలని కలలు కంటారు. ఇట్లాంటి సాహసోపేతమైన నిర్ణయాలు , కేవలం వారికి ఒక  స్థిరమైన ఉద్యోగం, ఇల్లూ, భర్తా, పిల్లలూ , లేనివారే తీసుకుంటా రనుకోవడం పొరపాటే ! కొన్ని సమయాలలో , ఉదయాన్నుంచీ , రాత్రి వరకూ , తీరిక లేని పనీ, బాధ్యతా, పిల్లల పోషణా బాధ్యతా , వారి హడావిడీ , షాపింగ్, క్లీనింగ్ , లాంటి మొనాటనస్ జాబ్స్ , అన్నీ కూడా కలిసి , స్త్రీ ని  క్రమేణా నిరుత్సాహ  పరుస్తూ ఉండడమే కాక , ఆమె మెదడులో ఉన్న డోపమిన్, సీరోటోనిన్, ఆక్సి టోసిన్, ఇంకా వాసో ప్రెసిన్ లాంటి  రసాయనాలను  తగ్గించి , ఆమెను మానసికం గా  నిర్వీర్యం కూడా చేస్తాయి. ఆమె  ఒక  జటిలమైన వలలో బంధించ బడిన చేపలా ఫీల్ అవుతూ ,గిల గిల లాడుతూ ఉంటుంది. శక్తి హీనం గానూ , ఫీల్ అవుతూ , విపరీతమైన ఒంటరి తనం తో   ఒక్క సారిగా , ఒక సాహసోపేత నిర్ణయానికి  అంకురార్పణ చేయ వచ్చు.
ఆమె సాహసోపేత నిర్ణయానికి కొస మెరుపులా , ఆమె భర్త , ఎప్పటి లాగానే  ఆమె సమస్యలు ఏవీ పట్టనట్టు , ప్రతి కలయిక లో ,  ఆమె ‘  మీద నుంచి ‘  ఆమె లో ‘ ప్రవేశించ డానికే ‘ ఉత్సాహం చూపుతాడు కానీ ,  ఆమె గుండె తలుపు తట్టి , ఆమె మనసు మాట వినడు ! 
వచ్చే టపాలో ఇంకొన్ని  సంగతులు ! 

ప్ర.జ.లు.8.స్త్రీలలో ఇన్ ఫిడిలిటీ కి కారణాలు.

In ప్ర.జ.లు., మానసికం, Our minds on ఆగస్ట్ 27, 2012 at 10:34 ఉద.

ప్ర.జ.లు.8.స్త్రీలలో ఇన్ ఫిడిలిటీ కి కారణాలు. 

ప్రశ్న: మరి మిగతా కారణాలు ఏమిటి ?:
జవాబు:4. జీవితం లో ఉత్తేజం , ఉత్సాహం కావాలనుకునే స్త్రీలు: పురుషులు, స్త్రీల తో  సీరియల్ ఎఫైర్స్ కలిగి , అంటే ఒకరి తరువాత ఒకరితో , సంబంధాలు ఏర్పరుచుకుని , ఎట్లా గైతే తమ కామ వాంఛ లను తీర్చుకుంటూ ఉంటారో , అదే విధం గా స్త్రీలలో కూడా కొందరు , ఒక పురుషుడి తరువాత ఇంకో పురుషుడి తో  పొందు కోసం తహ తహ లాడుతూ ఉంటారు. అంటే వీరు త్రిల్ సీకర్స్ ( thrill seekers )  ఆ రకమైన స్త్రీలు , వారి భర్తలను వదిలేయ లేక పోవచ్చు, కానీ వారికి  వారి జీవితాలలో ఇంకొంచం  అదనపు రుచి  ( extra taste )కావాలి.
 ఉదా: వనజ .పేరుకు తగ్గట్టు గానే ఒక  ఉద్యాన వనం లో జనించిన బహు చక్కని పుష్పంలా ఉంటుంది.  యుక్త వయసు వచ్చినప్పటినుంచీ , ప్రతి మగవాడి చూపులూ, తదేకం గా తన వైపు తిప్పించుకునే అందాల తో  ప్రభవించు తుంది. ఎందుకో ఏమో  తను ఎప్పుడూ అది తప్పు గా భావించలేదు. పైగా , తన సుందర నయనాలతో , వారిని కృతజ్ఞతా పూర్వకం గా చూసేది.ప్రతి రోజూ , బాత్ రూం లో నూ , డ్రెస్సింగ్ మిరర్ ముందూ , తన అందాలు చూసుకుంటూ , గర్వం గా నూ ఫీల్ అయేది. ఈ అందాలన్నీ రంగరించి తన వలపు గంధం తో  స్వీకరించే  మగ వాడు ఎవరో !     తానూ , చదువుకొని , మంచి ఉద్యోగం చేస్తూ , (  తల్లి దండ్రులకు ) నచ్చిన సంబంధం, చేసుకుని ,  జీవితం అనుభవించు దామని కలలు కన్నది.  సరిగ్గా అదే జరిగింది కూడానూ ! తన భర్త కూడా  తగిన వాడే !  ఆనందం గా సాగి పోతుంది జీవిత నావ ! కానీ వనజ కు   తన ఆఫీసులో  , మగ వారి ప్రవర్తనను కూడా అధ్యయనం చేసే అవకాశం వచ్చింది. అవకాశం ఉంటే , మగ వారు , తన ఇతర స్త్రీ కొలీగ్స్ తో , ఎఫైర్స్ కు ఏమాత్రం  జంకు లేకుండా  ముందంజ వేస్తున్నారు.  తాను ఉండే వాతావరణం, తనకు ఎఫైర్స్ ఉంటే , వేలెత్తి చూపే సమాజం కాదు ! తనకూ ఒక ఇన్ఫెక్షన్ లా ఈ త్రిల్ సీకింగ్ బిహావియర్  అలవాటు అవుతున్నట్టుంది. ఆ మాట తలుచుకుంటేనే  మనసంతా జిల్లు మంటుంది. తన ప్రాజెక్ట్ సూపర్వైజర్ తో సరసాలు మొదలైనాయి. అది ఎంతో ఆనందం గా ఉంది తనకు , అతనూ మంచి రసికుడు , చనువు పెరిగాక ఒక  మన్మధ సమయం లో   ఆమె వక్షోజాల మీద తమ ప్రాజెక్ట్ పేరు ‘ ప్రాజెక్ట్ వీనస్ ‘ అని చిలిపి గా రాశాడు ! అక్కడి తో నిజం గానే వనజ ప్రాజెక్ట్ వీనస్ ఊపందుకుంది ! కొన్ని కొత్త  ప్రాజెక్టులకు, కొత్త సూపర్వైజర్స్ ను తనే సెలెక్ట్ చేసుకుంటుంది. కొన్ని విదేశాలలో కూడా ఉంటున్నాయి. వనజ ఇప్పుడు , అనిర్వచనీయ మైన ఆనందం పొందుతుంది, వివిధ రసవత్తర ప్రాజెక్ట్ లతో ! ఆమె జీవిత నావ కాస్తా క్రూజ్ షిప్ అయింది ! 
5.కామ పరం గా నిరు పేద స్త్రీలు : ఇంట్లో కామం లోపించితే , బయట వెతకడం సహజం గా జరిగేదే కదా ! అదే జరుగుతుంది , స్త్రీ విషయం లో కూడా ! వయసు మీరిన కొద్దీ , మగ వారి లో కూడా హార్మోనులలో మార్పులు కలిగి పురుష హార్మోను టేస్తో స్టిరాన్ తక్కువ అవుతుంది. దానితో కామ వాంఛ కూడా సన్నగిల వచ్చు . అపుడు  బెడ్ రూం లో కేవలం భర్త   తన   కళ్ళు  ఓ పుస్తకం లో ముంచు కోవడమో , లేదా ఎదురుగా ఉన్న టీవీ లో వచ్చే అత్యంత బోరింగ్ ప్రోగ్రాం చూడడమో జరుగుతుంది , అత్యంత   ఆసక్తి కరమైన ‘ రతి ప్రోగ్రాం ‘ ను అశ్రద్ధ చేసి  !  అదే సమయం లో ఆమె లో కామ వాంఛ ఉత్తుంగ తరంగమై  ఉరవళ్ళు తొక్కుతూ ఉంటుంది ! ఆ ఉధృతాన్ని  తన కౌగిలి లో బంధించి, తనను ‘ సెక్సింప ‘  చేసి ,    తన్మయం తో  పరవశింప చేసే  పరమ కాముడు కావాలి ఆమెకు. అంతే !ఆ సమయం లో ,  ఇన్ ఫిడిలిటీ లూ , ఎఫైర్ లూ  ఆమె మనసుకు తట్టవు . ఆమె   వయసు కు అసలే పట్టవు ! 
మిగతా సంగతులు  వచ్చే టపాలో ! 
 

ప్ర.జ.లు. 7. స్త్రీలలో కూడా ఇన్ ఫిడిలిటీ ఉంటుందా ?:

In ప్ర.జ.లు., మానసికం, Our minds on ఆగస్ట్ 26, 2012 at 6:05 సా.

ప్ర.జ.లు. 7. స్త్రీలలో కూడా ఇన్ ఫిడిలిటీ ఉంటుందా ?: 

ప్రశ్న:  ఇంత వరకూ , పురుషులలో ఎఫైర్ లూ , ఇన్ ఫిడిలిటీ గురించి వివరం గా తెలుసుకోవడం జరిగింది కదా , మరి స్త్రీలలో కూడా ఇన్ ఫిడిలిటీ ఉంటుందా? :
జవాబు: ఇది ఆసక్తి కరమైన ప్రశ్న.  ఒక్క ముక్కలో చెప్పాలంటే ‘ ఉంటుంది’. అతివల ఇన్ ఫిడిలిటీ కి అయిదు ముఖ్య కారణాలున్నాయి.
1. లో సెల్ఫ్ ఎస్టీం ( low self esteem ) అంటే ఆత్మ న్యూనతా భావం:  కొందరు స్త్రీలు , తమ కుటుంబాలలో , కేవలం  పిల్లలను కనే మెషీను లలాగా  యాంత్రికమైన జీవితం గడుపుతుంటారు.  కేవలం కనడమే కాకుండా , వారి పోషణా బాధ్యతా, ఇల్లు గడవడం , రోజూ ఇంటి లోకి కావలసిన అవసరాలు కనిపెట్టి ,  వాటిని కూర్చడం చేస్తూ ఉంటారు.  ఈ విధమైన యాంత్రిక జీవనం , వారి ఆత్మ విశ్వాసాన్ని దెబ్బ తీస్తుంది. కాల క్రమేణా వారు తమ వ్యక్తి గత పోషణ ను అంటే కేవలం శారీరికం గానే కాకుండా , మానసికం గా కూడా అశ్రద్ధ చేస్తూ ఉంటారు. దానితో  , ఎప్పుడూ జవ సత్వాలు ఉడిగి పోయిన వారిలా , నిరాసక్తత తో ఉంటారు. ‘   పాపను కనక ముందు , వారికి నా మీద ఎంతో ప్రేమ గా ఉండేది. జీవితం  మూడు ముద్దులూ , ఆరు కౌగిళ్ల లా సాగి పోయేది.  పాప పుట్టగానే , వారి ప్రవర్తన మారి పోయింది. ఎప్పుడూ ఆఫీసూ , మీటింగులూ ,  టూర్లూ !  నేను ఉన్నాను , పడి అడ్డమైన చాకిరీ చేస్తూ , ఇళ్ళూ, వాకిళ్ళూ చూసుకుంటూ ,  పాప ను కనిపెట్టుకుని ఉండడానికి ! ‘  ఈ రకం గా ఉంటుంది వారి ఆలోచనా ధోరణి.
2. ఎమోషనల్ స్టార్వేషన్  అంటే భావావేశాల  లంఖణాలు :  ఇళ్ళూ , వాకిళ్ళూ , ఉంటాయి , పిల్లలూ , నౌకర్లూ ఉంటారు. ఆమె తెలివి గలది. విద్యార్హతలతో పాటుగా, వాటికి తగినట్టు , మంచి హోదా కలిగిన ఉద్యోగం కూడా ఉంది. భర్త కు కూడా  పగలు వెళ్లి రాత్రి దాకా పని చేసి వచ్చే బాధ్యతా యుతమైన ఉద్యోగం ఉంది. కానీ జీవితం యాంత్రికం అయి పోయింది. ఉదయం నిద్ర లేచిన టైం నుంచీ పరుగు, ఇక భావావేశాల  ను పంచుకోవడం మాట దేవుడెరుగు ! చీకటి పడే దాకా రారు.  చక్కగా షవర్ చేసి , వారికి ఇష్టమైన రంగు లోని సల్వార్ కమీజ్ వేసుకుని బాల్కనీ లోంచి చూసి మందస్మిత వదనం తో ఎన్ని సార్లు ఎదురు చూడలేదు ఆమె ! దానికి సమాధానం చెప్పేది  చిరు నవ్వు తో కాక , తీవ్రమైన అలసట తో, ఆకలి తో కూడిన భర్త ముఖం ! ఇద్దరికీ ఆకలి !  ఆమెది భావోద్వేగాల ఆకలి. ఆయన ది , కడుపు మండిన ఆకలి ! ఆయన ఆకలి మంటను ఆమె తీర్చ గలదు. ఆమె  భావావేశపు  ఆకలి ని ఆయన అర్ధం చేసుకుంటే గా , తీర్చడానికి ! సస్య శ్యామల గృహ  క్షేత్రం లో ప్రేమానుభూతుల దుర్భర క్షామం !  కాల క్రమేణా భావా వేశాల లంఖణాలు , అనుభవిస్తూ , శుష్కించి పోతారు ! 
3. కోమలి కోపం :  ఆమె చక్కనిది. చాక్లెట్ రంగులో ఉండి ,తీయగా  మాట్లాడడమే కాకుండా , ఆయన  తో లెక్క లేనన్ని మార్లు తీయని అనుభూతులు కూడా పంచు కున్నది తను. ‘  కానీ జరిగిందేమిటి ? తన ఫామిలీ ఫ్రెండ్  ను ‘ ప్రేమించి ‘  ఇంకో టౌన్ ట్రాన్స్ఫర్  చేయించుకుని , అక్కడ ఉంటున్నాడు ఆమె తో !   అంతటి కృతఘ్నుడు నాకు కనపడకుండా పోవడమే మంచిదయింది. నేనూ నా దారి చూసుకో గలను , ఆయన లేక పోయినా , ప్రపంచం అంతా ఇంకా నా ఎదుటే ఉంది ‘ అనుకునే అంతు లేని క్రోధం !  
మిగతా కారణాలు వచ్చే టపాలో ! 

ప్ర.జ.లు. 6. ఎఫైర్ లూ , ఇన్ ఫిడిలిటీ లూ !

In ప్ర.జ.లు., మానసికం, Our minds on ఆగస్ట్ 26, 2012 at 9:43 ఉద.

ప్ర.జ.లు. 6. ఎఫైర్ లూ , ఇన్ ఫిడిలిటీ లూ ! 

ప్రశ్న: మిగతా కారణాలు ఏమిటి మగ వారి ఇన్ ఫిడిలిటీ కి ? 
జవాబు: ఇంకా కొన్ని కారణాలు కూడా ఉన్నాయి.
19. ప్రతీకార వాంఛ : మూడు సంవత్సరాల నుంచీ తాను ఎంతగానో   ప్రేమించుతున్న  తన ఇల్లాలు కేవలం తన మద్య పానం వల్ల వదిలేసి పోయింది. వాళ్ళ తల్లిదండ్రులకు బాగోలేదనీ , వారి దగ్గర తాను ఉండాలనీ కూడా చెప్పింది.కానీ చేసిందేమిటి?తల్లి దండ్రులు కుదిర్చిన ఇంకో సంబంధం చేసుకుని హాయి గా ఉంది. తనకేమీ తక్కువ కాలేదు , మద్యం ముట్టుకోవట్లేదు ఇప్పుడు , మగువలు కావాలనుకుంటే తప్పేంటి ? అనుకునే స్వభావం.ప్రతీకార భావం.
20. ‘ అది ‘ ఇంకా ఉందో లేదో ! : పిల్లలు  కాలేజీ కీ వెళుతున్నారు. అయితే ఏం ? తనలో ఏమాత్రం  ‘ అది ‘ తగ్గి పోవడం లేదు కదా , ఇంకా ఎక్కువ గా ఉంటుంది. ఈ రోజులలో ! తన భార్యామణి చాలా మంచిది. కానీ ‘ ఆ ‘ విషయాని కొస్తే , ‘ బాగా అలసి పోయాను ,మళ్ళీ పొద్దున్నే లేచి ఆఫీసు కు తయారవాలి అంటుంది. ఇక ఆది వారాలు   పూజలూ , పునస్కారాలతో సతమతం అవుతుంది. తాను , తనకు తోచిన విధం గా ఇంకో దేవి  పూజ చేసుకుంటే సరిపోతుంది ‘ అనుకునే ఆత్మ సమర్ధనాభావం. ఈ వయసులో వారు సామాన్యం గా తమ భార్య కంటే , తక్కువ వయసు వారితో కామ క్రీడలకు వ్యామోహ పడుతుంటారు.
21. రూల్స్ తనకు కాదు : తాను , చిన్న తనం నుంచీ , పెద్దగా రూల్స్ పట్టించు కున్నది లేదు. స్కూల్ లోనూ , కాలీజీ లోనూ తనకు మాత్రం లేవు రూల్స్. తన ఉద్దేశం లో రూల్స్ ను పట్టించుకునే వారు ఫూల్స్. ఒకరి కన్నా ఎక్కువ మంది స్త్రీలతో పొందు, తన రూలు.భార్య తోనే జీవితాంతం గడపడం ఏమి రూలు  ?!  అనుకునే  ధిక్కార స్వభావం. 
22. తాను ఆ పని చెయ్య గలడు : తనకు ఏ విధం గానూ లోపం లేదు ! మరి  ఆ పని తాను ఎందుకు చేయ కూడదు ? అనుకుని   పట్టుదలతో  ఇంకో యువతిని పట్టుకునే స్వభావం.
23. నైతికమైన అంటే నీతి బద్ధమైన జీవితం మీద ఏమాత్రం నమ్మకం లేక పోవడం:  వీరి దృష్టి లో మిగతా మగ వారంతా  స్త్రీ లోలురే , మరి తాను ఎందుకు కాకూడదు అనే పొరపాటు స్వీయ సమర్ధనా భావం. 
24. వ్యసన లోలురు అవడం అంటే వ్యసనాలకు అలవాటు పడడడం :  సామాన్యం గా మూడు  W లు అని అంటుంటారు  ( Wealth, Wine and Women ).  డబ్బు  ఉండగానే ,  అలవాట్లకు అవకాశం ఎక్కువ అవుతుంది. అది మద్యమే  కావచ్చు , ఇతర మాదక ద్రవ్యాలే కావచ్చు. వాటి తో  ఇన్హి బిషన్స్  కోల్పోవడం సామాన్యం గా జరిగేదే. అంటే ,  యుక్తా యుక్త విచక్షణ , కామ వాంఛ ల మీద నియంత్రణ , కోల్పోవడం జరుగుతుంది.  ఆ తరువాత ,  వేరే యువతి తో  శృంగారం కూడా ‘ ఎంతో మత్తు గా ‘  ఉంటుంది. 
25. సెక్స్ అడిక్షన్ :  పైన ఉదాహరించిన వాటన్నిటి లోకీ , సెక్స్ అడిక్ షన్  ఒకటే అతనికి ఉంటే, అది క్షమార్హం.  సెక్స్ అడిక్ షన్ అనే పరిస్థితి ఒక మెడికల్ కండిషన్.  ఈ పరిస్థితి ఉన్న వారు నిరంతరం  కామ వాంఛ తో ఉండి , అనేక మంది ఇతర యువతులతో,కామ క్రీడలకు ఎప్పుడూ  అర్రులు చాస్తూ ఉంటారు.  వారికి  నిరంతరం  కామ నామ స్మరణే !  కామ కార్య  వాంఛ లే !  వారి ఆలోచనలు, వారి మెదడు కే పరిమితం కాక , వారు  ఏమాత్రం సంకోచించ కుండా అనేక మంది స్త్రీలతో సంబంధాలు కూడా పెట్టుకుంటారు.
వచ్చే టపాలో ఇంకొన్ని సంగతులు  ! 

ప్ర.జ.లు. 5. ఎఫైర్ లూ , ఇన్ ఫిడిలిటీ లూ !

In ప్ర.జ.లు., మానసికం, Our minds on ఆగస్ట్ 24, 2012 at 11:37 సా.

ప్ర.జ.లు. 5. ఎఫైర్ లూ , ఇన్ ఫిడిలిటీ లూ ! 

 

ప్రశ్న: మగ వారి కామ చంచలత్వానికి  ఇంకా కారణాలు ఉన్నాయా ? :
జవాబు: ఆ హా ! ఎందుకు లేవూ , ఇంకా చాలా ఉన్నాయి ! 
11. తగిన అర్హతలు : ప్రతి మగ దీరుడూ , తానూ ,  అంద గాడిననీ , హ్యాండ్సం గా  ఉన్నాడనీ  , ధనికుడిననీ , సంఘం లో చాలా పాపులర్ అనీ , అంతే కాక ముఖ్యం గా కామ కేళీ విలాసం లో  చతురుడనీ  సంపూర్ణం గా నమ్ముతూ , ఆత్మ విశ్వాసం తో ఉంటాడు. ఇవన్నీ మంచి గుణాలే కదా ? ఆత్మ విశ్వాసం తో ఉండడం కూడా, కానీ అది ఓవర్ కాన్ఫిడెన్స్ అయి , ఇతర స్త్రీల తో ఎఫైర్స్ కు దారి తీసి , అతివలు  ‘ అందు బాటులో ‘ ఉంటే, వారి  పొందు కోరడం లో తప్పేమిటీ అనే  భావన కలుగుతూ ఉంటుంది కొందరిలో .
12. ఎక్కువ మంది స్త్రీలతో  తో కామం,  మగ ధీరతకు చిహ్నం ! :  , ఒకరి కన్నా ఎక్కువ మంది స్త్రీలతో కామ కేళీ కలాపాలు జరుపుతూ ఉంటే ఎంతో ఆనంద దాయకం గా , కామ వాంఛలు తీరుతూ ఉంటే చాలా సంతృప్తి కరం గా ఉంటుంది  ఇవి , కొందరు పురుషులలో నాటుకున్న  భావనలు. 
13. చాటు మాటు ఎఫైర్ లు రేపుతాయి గుండెలో వేడి ఫైర్ లు ! :   రమణి తో రస భావనలు ! ఆహా ఎంత ఆహ్లాద కరం గా ఉంటాయి ? ప్రత్యేకించి,   ఆ చిలిపి ఈ  మెయిల్స్  , ఇంట్లో భార్య  ఆద మరిచి నిద్ర పోతున్నప్పుడు తనకు వచ్చే టెక్స్ట్ మెసేజెస్, ఆ తరువాత  కలయికలు , మనసులో వెచ్చని కోరికల కుంపట్లు రేపుతాయి కొందరికి.
14. తాను వలచిన ‘ రంభలు ‘ తన గురించి కీచు లాడుకుంటూ ఉంటే ,  భలే సరదా గా ఉంటుంది ! :  రాధ కు తెలుసు నేను ఎంత ఆనందాన్ని తనకు ఇచ్చానో ! అట్లాగే  సుమ కూ ,  మాధవి కు కూడా తెలుసు ‘ తన ప్రతాపం ‘ ఇక వారు ముగ్గురూ కలిసినప్పుడు చూడాలి వారి రొషాలూ, పోట్లాటలూ , చాలా సరదా గా ఉంటుంది ‘ అనుకునే  మనస్తత్వం కొందరిలో.
15.  అతడికి తెలుసు ఆమె క్షమించి  మళ్ళీ తనతో రమిస్తుందని !  : నా  రుక్మిణి  ఎంతో మంచిది !  నా సుఖం ఎప్పుడూ  కాదనదు. ఇంతకు ముందు , ఆ ఇద్దరితో  నేను ‘ కుర్ర తనం ‘ ప్రదర్శించినా , ఎంతో ప్రేమ తో నన్ను క్షమించి తన వేడి కౌగిలి లో చేర్చుకుంది.ఇప్పుడు కోమలి తో  వ్యవహారం పరవాలేదు ! అనుకునే భరోసా భావం ! 
16. స్వచ్చమైన ప్రేమ ! :  సుశీల నిజం గా నన్ను ప్రేమిస్తూంది ! నాలో కూడా ఏదో తెలియని ఆత్మీయతా భావం నిండు కుని , ప్రేమ మొగ్గ తొడుగుతుంది ! పిచ్చి వాణ్ని చేసి వేస్తుంది నన్ను !  ఇక  భార్యామణి స్వాతంత్ర్యానికి తానూ అడ్డు చెప్ప నవసరం లేదు అనుకుని సమాధాన పరుచుకునే స్వభావం  కొందరిది ! 
17, (  రస ) దారి చూపే వారి  అడుగు జాడలలో ! :  తన బాబాయి   భలే సరదా మనిషి ! అమలాపురం లో ఉన్నప్పుడు , తన చిన్న తనం లో ఎన్ని సార్లు  బాబాయి  స్నేహితురాళ్ళ ఇళ్ళకు తీసుకు పోలేదు ? ఎందుకో ఎప్పుడూ బెడ్ రూం లో తాను ఆంటీ తో  మాట్లాడుతూ , తనను బయట గుమ్మం దగ్గర జామ  చెట్టు నీడ లో  ఆడుకుంటూ ఉండమనే వాడు.  తాను పెద్ద అయ్యాక గానీ తెలియ లేదు , బాబాయి  పడక గది లో  ఉన్న’  జామ పండు ‘  ను ఒక ‘  చిలక కొట్టుడు ‘ కొడుతున్నాడని ! 
తన చిన్న  మామయ్య సంగతి సరే సరి !  ఆయన కళా పోషణ సరాసరి  మద్రాసు లో చిన్న వేషాల ‘ నటీ మణుల ‘  మీద ఉండేది ! మరి ఇందరు  మహా మహుల కుటుంబం లో పెరిగిన తను  ఇంత స్తబ్దత ఎందుకు ప్రదర్శించడం !  వారి   రసిక  మడుగు జాడలలో తప్పటడుగు   వేస్తె తప్పేంటి అనే భావన !  ‘  వంశ ప్రతిష్ట ను  ‘ నిలబెట్టా లనుకునే కళా తపన  కొందరిది. 
18. జవరాలి ప్రత్యేకతలు ఇల్లాలిలో ఏవీ ? : ఆమె  ప్రత్యేకత ఆమె  దే !    తన భార్య లా కేవలం బుగ్గల మీద చిట్టి ముద్దులు మాత్రమె కాదు,   షవర్ నుంచి బయటకు వచ్చి ,  నూట ఎనిమిది  వేడి  ముద్దులు కావాలంటుంది, నా మీద అతి భక్తి తో !  ఖచ్చితం గా నూట ఎనిమిది ముద్దులు అతి జాగ్రత్త గా ఆమె ‘ మీద ‘ పెట్టినా  నన్నే బోల్తా కొట్టించి ,  లెక్క సరిగా లేదని , మూడు వందల ముద్దులు పెట్టించుకున్న రోజులు ఎన్నో ! లెక్కలు సరిగా రాక పోవడాన్ని సెలెబ్రేట్ చేసుకోవడానికి ఇంతకన్నా మించిన అవకాశం నాకు మాత్రం  ఎప్పుడు ఉంటుంది కనుక ?  తన భార్య మాత్రం ,   ఇట్లాంటి విషయాలలో ‘ తాను ‘  మడి ‘  కట్టుకుని కూర్చుని  తన  ‘ వేడి నంతా ‘ చల్లారుస్తుంది’ .అనుకునే మనస్తత్వం  ఇంకొందరిది.
వచ్చే టపాలో ఇంకొన్ని  ఇన్ ఫిడిలిటీ సంగతులు ! 

ప్ర.జ.లు.4.ఎఫైర్ లూ, ఇన్ ఫిడిలిటీ లూ !

In ప్ర.జ.లు., మానసికం, Our minds on ఆగస్ట్ 23, 2012 at 8:47 సా.

ప్ర.జ.లు.4.ఎఫైర్ లూ, ఇన్ ఫిడిలిటీ లూ ! 

ప్రశ్న:  మరి పురుషులు ఎఫైర్ లు ఏర్పరుచు కోవడానికి కారణాలు ఏమిటి ? : 
జవాబు: పురుషులు ఎఫైర్ లు పెట్టుకోడానికి చాలా కారణాలు ఉన్నాయి.  
1. కాదనలేక పోవడం:  అందమైన, ఆకర్షణీయ మైన యువతి ఎదురుగా ఉంది. మనసు లో రస మన్మధుడు వేయి గుర్రాల మీద స్వారీ చేస్తూ ఉంటాడు.ఆ వేగం లో భావావేశాలు కూడా కనీసం వేయి మైళ్ళ దూరం వెళతాయి. ఇంక కాదనడానికి  సమయం ఏదీ ? 
2. అహం సింహాసనం ఎక్కుతుంది. : తనకు  తెలివి ఉన్నా , సరి అయిన అవకాశాలు లేక ఆమె తో పోటీ గా పెద్ద ఉద్యోగం లేదు. తీవ్రమైన ఆత్మ న్యూనతా భావానికి విరుగుడు వీలైనంత మంది  యువతులతో   ‘ నవ జీవనం ‘ రుచి చూస్తె సరే అనే భావన ! ( ఇగో బూస్టు చేసుకోవడం  ) 
3. తోటి వారితో పోటీ ! :  రమేష్  చాలా లక్కీ , భార్యకు  రవంత అయినా తెలియకుండా , కనీసం  ముగ్గురు యువతులతో శృంగారం ‘ వెలగ పెడుతున్నాడు ‘ , ఇక మధు విషయం సరే సరి !  ఆఫీసులోనే ఇద్దరితో చనువు గా ఉంటాడు. ఈ చనువు ఆఫీసు అయిపోగానే , ఏ రూపం లో ఉంటుందో ఊహించుకోడానికి మధు వారికి ఆఫీసులోనే చాటు మాటుగా చేసే  ఈ మెయిల్స్  చూపించినప్పుడే తెలిసింది. మరి తనకు ఏమి తక్కువ , ఆ మాత్రం తీసి పోనా ! అనే భావన , ‘ పోటీ ‘ తత్వం !( పీర్ ప్రెషర్ ) 
4. ఉన్న సంబంధానికి ఉద్వాసన చెప్పే విధం : తనతో నాకు పడట్లేదు ఎట్లాగూ ! ప్రయత్నం చేసినా ! ఇక ‘ కాదనుకున్నప్పుడు ‘ ఎఫైర్ ఇంకొకరి తో ఉంటే తప్పా ? అన్న భావన.  ఇంకొందరు  తాము ఇంకో ఎఫైర్ పెట్టుకున్న తరువాత కూడా , తాము ఉంటున్న వారితో వీడ్కోలు , ఆ విధం గా తీసుకుంటారు. 
5. ఆమె అమాయకత్వం :  అనసూయ కు  అతని మీద ఎంతో నమ్మకం.’  డ్యూటీ చేసి నేరుగా ఇంటికి వస్తాడు. మల్లె పూలు తెస్తాడు. దేవి భక్తీ , దైవ భక్తీ రెండూ ఉన్నాయి ‘ అని సంబర పడి పోతూ , తన ‘ భాగ్యానికి ‘ రోజూ అనేక పూజలు చేస్తూ , గుళ్ళో ప్రదక్షిణాలు కూడా చేస్తూ ‘ కాలం , ఆనంద మయం గా ‘ వెళ్ళ బుచ్చుతూ ఉంటుంది , అమాయకం గా  అనసూయ , అతను  చేసే కొన్ని డ్యూటీ లు, నేరుగా  ‘ రెండో  దేవి ‘ వద్ద కూడా చేస్తూ , తన దేవి భక్తి  చాటు మాటు గా చాటుతున్నాడని తెలియక  ! 
6. ‘ రస కీర్తి కిరీటం లో ఇంకో మణి పూస ‘ :  అందమైన యువతి తో పొందు , ఎంతో పొందిక గా అనిపిస్తుంది , భార్య కన్నా !  ఆమె చతురత , తన ఇల్లాలికి ఏదీ  అనే అభిప్రాయం ఏర్పడుతుంది. ‘ ఆ  ఆమె చతురత ‘  ను ఆస్వాదిస్తున్న వారి వరుసలో తాను మూడో వాడు అనే  వాస్తవం ( ఆమె చతురత తో ! ), మరుగున పడుతుంది.
7. ఇతర స్త్రీ ( ల ) తో పొందు కోసం తహతహ ! : తాను  తన భార్య పొందు తో ఆనందం అనుభవిస్తూ ఉన్నాడు.  కానీ  ‘  ఆ యువతి తో పొందు ఆ హా ! ఎంత బాగుంటుందో ! అని  ఎమోషనల్ అలల మీద తేలి పోతూ ‘ ఆ యువతి ‘ పొందు కోసం తహ తహ లాడుతారు కొందరు ! 
8. కామ విశృంఖలత : కొందరు ద్విలింగ సంపర్కులు, తాము భార్య తో సహజీవనం చేస్తూనే , ఇతర మగ వారితో సంబంధాలు ఎర్పరుచుకుంటారు.
9. మొదటి సారి , ఎవరికీ తెలియలేదు కదా ! :  ఆ తోలి రాత్రి ,  రమ్య  తో గడిపిన క్షణాలు, ఎంతో కొత్తగా ఉన్నాయి , మళ్ళీ  ఆ క్షణాలు ‘ రిప్లే ‘ చేసుకుంటే సరిపోదూ ! అందులో  తన  శ్రీమతి కి కూడా ఏ అనుమానమూ లేదు కదా !   మతులు పోగొట్టే అందాలు రమ్య లో మళ్ళీ ఆస్వాదిస్తే తప్పేంటి ? అనే భావన.  
10.   మహత్తర అవకాశం !  :  తాను వచ్చింది ఢిల్లీ కి టూరు మీద ! అందులో నవంబరు మాసం అవడం తో చాలా చిల్లీ గా కూడా ఉంది !   ఉండే హోటల్ లో  ‘ అన్ని హంగులూ ఉన్నాయి ‘ ఇక  అందాలు పొంగుతున్న అతివల కు కూడా కొదవ  ఉండదు అక్కడ ‘  అని క్రితం టూరు కు వెళ్ళిన తన కొలీగు చెప్పిన చిదంబర రహస్యం  ఒక్క సారిగా  కోటి కిరణాల సూర్య భానుడి వేడి పుట్టించింది తనలో !  ఇక హైదరాబాదు లో  ఉండే తన ఇల్లాలికి ఎందుకు  ఈ  ‘ గొడవలూ ‘ అను కొనే వారు కొందరు ! 
వచ్చే టపాలో ఇంకొన్ని ఇన్ ఫిడిలిటీ క్వాలిటీ లు ! 
%d bloggers like this: