సాధారణం గా  యువత లో  ఆత్మవిశ్వాసం ఎక్కువ గా ఉంటుంది.  కానీ  అనేక కారణాల వల్ల,  బాల్యం లో నూ, యవ్వనం లోనూ, ఎక్కడో  మనసులో ఆత్మ న్యూనతా భావాలు (  పైకి కనిపించక పోయినా ) ఉండ వచ్చు. ఈ ఆత్మన్యూనత  వ్యక్తిత్వ వికాసానికి అవరోధం కావచ్చు. ఈ  రకమైన ‘ బలహీనత ‘ లను కప్పిపుచ్చు కోవడానికి  ఏదో ఒక దురలవాటు చేసుకుంటాము.  ఆ సమయం లో, ఆ వయసులో మనం కారణాలు అన్వేషించే స్థితి లో ఉండము.  ఫలితం గా బయటికి చక్కగా బట్టలు వేసుకుని, ఆకర్షణీయంగా కనిపిస్తూ ఉన్నా   ‘ అంతరంగ మధనం ‘ అశ్రద్ధ’  చేస్తూ ఉంటాము మనము,  తరచూ.

మీరు కొంత సమయం కేటాయించి , సావధానంగా  ఒక కాగితం మీద పొగాకు ( సిగరెట్టు ) తాగటం వల్ల  మీకు కలిగే నష్టాలు ఏమిటి?  మానేస్తే లాభాలు ఏమిటి అని  నోటు చేసుకోండి, సవివరంగా.

ఇలా చేయటానికి ఒక వారం పట్టినా నిరుత్సాహ పడవద్దు. మీకు ఖచ్చితమైన అవగాహన ఏర్పడాలి  స్మోకింగ్ వల్ల లాభ నష్టాల గురించి. ( అవసరమైతే  ‘  బాగు డాట్ నెట్ ‘  ను పలు సార్లు చూడండి , ‘ browse ‘ చేయండి. ఎందుకంటే దాని లక్ష్యం అదే కదా !! )

అందువల్ల త్వరగా నిర్ణయం తీసుకోలేక పోతున్నామని నిరుత్సాహ పడవద్దు. నిర్ణయాన్ని తీసుకున్నాక మార్చుకోవద్దు !!!

వచ్చే టపా లో లక్ష్య నిర్దేశనం గురించి చదవండి !!!