Our Health

ఇదో రకం మోసం ! 3. పిరమిడ్ స్కీములు, లెక్కలు రాని వారికి పిరమిడ్ కడతాయి !

In Our Health on సెప్టెంబర్ 2, 2014 at 8:36 సా.

ఇదో రకం మోసం ! 3. పిరమిడ్ స్కీములు,  లెక్కలు రాని వారికి పిరమిడ్ కడతాయి !  

‘  ఏదైనా స్కీము లో,  చేరే వారే , ఇంకా కొందరిని చేర్పించాలి ‘  అని చెప్పే స్కీము వివరాలు తెలుసుకోగానే , వారి దగ్గర నుంచి శెలవు తీసుకోవడం మంచిది ! ఎందుకో ఇప్పుడు చూద్దాం ! 
పైన ఉన్న చిత్రం చూడండి !  శ్రద్ధతో గమనించితే , పిరమిడ్ ఆకారం లో ఉన్న ఆ చిత్రం లో శిఖరాన ఉన్న వాడు ( కొంపలు కూల్చే వాడు ) ఒక స్కీములో ఓ అర డజను మంది ని  చేర్చాడని అనుకుంటే , ఆ చేరిన ఆరుగురూ , తలా ఇంకో ఆరుగురిని చేర్పించాలని నిబంధన పెడతాడు ! ‘ అట్లా చేర్పించితేనే వారికి కమీషన్ ఉంటుందని ‘  ఆశ పెడతాడు ! అంటే మొదటి ఆరుగురు ఉదాహరణకు , తలా వంద రూపాయలు కట్టి స్కీములో చేరితే , ఆ ఆరువందలూ , శిఖరాన ఉన్న వాడు తీసుకుంటాడు ! మరి ఆ ఆరుగురికీ  లాభం రావాలంటే , ‘ ఒక్కొ క్కరూ మళ్ళీ ఇంకో ఆరుగురిని చేర్చితేనే ‘ అని చెబుతాడు ! ఆ ఆరుగురూ , ఇంకో ముప్పై ఆరుగురిని చేర్చ గలిగితేనే ,  వారికి లాభం ఉంటుంది ! ఇట్లా , ఆ ముప్పై ఆరుగురూ , తాము కట్టిన డబ్బుకు మళ్ళీ లాభం పొందాలంటే ,  వాళ్ళు తలా ఆరుగురిని ( అంటే 216 మందిని )  స్కీము లో చేర్పించితేనే వారికి లాభం వచ్చేది ! ఇట్లా గుణింపు చేసుకుంటూ వెళితే , అట్టడుగున ఉన్న వారి సంఖ్య ఈ భూమి మీద ఉన్న జనాభా సంఖ్య ను మించితే గానీ , వారి పైనున్న వారికి , లాభం రాదు ! అట్లాంటి పరిస్థితి లో పిరమిడ్ లో అడుగు భాగాన ఉన్న వారు,  లాభం ఏమీ పొంద కుండా , ఆ పిరమిడ్ క్రింద భూస్థాపితం అయి పోవాల్సిందే , ఆర్ధికం గా ! పిరమిడ్ స్కీములో అందరూ లాభ  పడడం అనేది అసాధ్యం. ఇంపాజిబుల్ ! ఈ వాస్తవం,  శాస్త్రీయం గా నిరూపించ బడింది కూడా ! ( పిరమిడ్ స్కీము లో చేరిన వారిలో,  వందకు 88 మంది నుంచి 99. 88 మంది వారి డబ్బు ను కోల్పోతారని శాస్త్రీయం గా నిరూపించ బడింది ! )  ప్రపంచం లో  నేపాల్ దేశం తో సహా అనేక దేశాలలో నిషేధించ బడిన ఈ పిరమిడ్ స్కీములు , భారత దేశం లో  ‘ అవసరమైన వారి అండ దండలతో ‘ యధేచ్చ గా  నడుస్తూ ఉన్నాయి , పేదల కష్టార్జితం తో వారి మీదే పిరమిడ్ లు కట్టి , జీవితం లో కోలుకోలేకుండా చేయడానికి ! తస్మాత్ జాగ్రత్త ! 
 
వచ్చే టపాలో ఇంకో రకం మోసం గురించి  ! 
  1. ఈ స్కీము లోగుట్టును చక్కగా వివరించారు. ‘లెక్కలు రాని వారికి పిరమిడ్ కడతాయి’ అనే వ్యాఖ్య చాలా బాగుంది!

  2. కృతఙ్ఞతలు వేణు గారూ ! ఇట్లాగే, మీ అమూల్యమైన అభిప్రాయాలు తెలుపుతూ ఉంటారని ఆశిస్తున్నా !

స్పందించండి

Fill in your details below or click an icon to log in:

WordPress.com Logo

You are commenting using your WordPress.com account. Log Out / మార్చు )

Twitter picture

You are commenting using your Twitter account. Log Out / మార్చు )

Facebook photo

You are commenting using your Facebook account. Log Out / మార్చు )

Google+ photo

You are commenting using your Google+ account. Log Out / మార్చు )

Connecting to %s

%d bloggers like this: