Our Health

ముందు పరీక్షలతో మందు దాసులకు వార్నింగు !

In ప్ర.జ.లు., మన ఆరోగ్యం., Our Health, Our minds on జూలై 21, 2013 at 4:44 సా.

ముందు పరీక్షలతో మందు దాసులకు వార్నింగు ! 
మందు  ! అదే, మద్యం ! అంటే ఆల్కహాలు ! 
కొద్ది పరిమాణాలలో భలే పసందు ! 
మదనుడి తో మధనం చేయించే  మందు ! 
కామ కాంక్ష ను తీవ్రం చేసే మందు ! 
కోరికల జ్వాల ను రగిలించే మందు ! 
ప్రభుత్వాల ఖజానాలు నింపే మందు 
తాగే వారి జేబు కు చిల్లి పెట్టేమందు !
పరిమాణం పెరిగితే , వేయిస్తుంది చిందు !
కాలేయాన్ని కల్లోలం చేస్తుంది ముందు ! 
కిక్కు కిక్కుకూ ప్రమోదం తెరమార్చిఇస్తుంది ఖేదం !  
క్రోధం , ఉద్రేకం పెరిగి , నిషా చేస్తుంది విషాదం ! 
 
మరి రక్త పరీక్ష ల తో  మందుకు బానిస అయామో లేదో  ముందే తెలుసుకోవచ్చా ?!:  
రక్త పరీక్షలతో  మందుకు మనం బానిస అయామా లేదా అన్న విషయం ముందు గానే తెలుసుకోవచ్చు !  అంటే కొన్ని సంవత్సరాల ముందే !  అట్లా తెలుసుకుంటే , తగిన జాగ్రత్తలు తీసుకుని మందు మానితే , ఆరోగ్యం కుదుట పడడానికి అవకాశం ఉంటుంది ,  ఇల్లూ , ఇల్లాలూ దక్కడానికి అవకాశం ఉంటుంది కూడా ! ఈ ఐదు రకాల పరీక్షలూ రక్త పరీక్షలే ! వీటి వివరాలు చూద్దాం !
G : గామా గ్లుటామిక్ ట్రాన్స్ ఫరేజ్ పరీక్ష. 
A: ఆల్కలైన్ ఫాస్ఫటేజ్ ఎంజైమ్ పరీక్ష. 
M: MCV: అంటే మీన్ కార్పస్క్యులార్ వాల్యూమ్ పరీక్ష .
U: యూరిక్ యాసిడ్  పరీక్ష .
T: ట్రైగ్లిజరైడ్లు పరీక్ష .   
పైన ఉన్న ఐదు పరీక్షలలో , నాలుగు కాలేయం లో ఉండే ఎంజైముల  పరీక్షలే ! ఈ ఎంజైములు కాలేయ కణాలు అంటే  లివర్ సెల్స్  లో సహజం గా ఉండే ఎంజైములే ! కానీ ఈ కాలేయ కణాలు  మద్యం ముట్టడి చేయడం వల్ల, శక్తి హీనం అవడమూ ,  బలహీన పడడమూ జరిగి , ఈ ఎంజైములు , ఆ కణాల నుంచి రక్తం లో కి విడుదల అవుతూ ఉంటాయి !   ఐదో పరీక్ష  MCV పరీక్ష: ఈ పరీక్షలో ఎర్ర రక్త కణాల పరిమాణం కొలుస్తారు ప్రత్యెక మైన ఎలెక్ట్రానిక్ మైక్రోస్కోపు తో !  సాధారణం గా  ఎర్ర రక్త కణం పరిమాణం ఏడు పాయింట్ రెండు మైక్రాన్ ల వ్యాసం గా ఉంటుంది !  కానీ మద్యం ఎక్కువ గా , ఎక్కువ కాలం తాగుతూ ఉంటే, ఈ ఎర్రరక్త కణం ఉబ్బుతుంది ! అంటే పరిమాణం పెరుగుతుంది !  
ఈ పరీక్షలు ఎప్పుడు చేయించుకోవాలి ? : 
కనీసం ఏమీ తినకుండా , తాగకుండా ( అంటే మంచి నీరు తప్ప )  ఆరు గంటల పాటు ఉండి, అప్పుడు పై పరీక్షలు చేయించుకుంటే , ఫలితాలు  ఖచ్చితం గా ఉండడానికి అవకాశం హెచ్చుతుంది ! 
ఈ ఐదు పరీక్షలూ  అబ్నార్మల్ గా ఉంటేనే లివర్ చేడిపోయినట్టా?: 
సామాన్యం గా చాలాకాలం ఎక్కువ మోతాదు లో కనుక మద్యం తాగుతూ ఉంటే, క్రమేణా లివర్ కణాలు పాడవుతాయి !  ఒక సారి లివర్ కణాలు పాడవడం మొదలైనా కూడా తాగడం మానక పొతే ,  ఒక దశలో ఇక తాగడం ఆపినా కూడా   లివర్ చెడిపోవడం ఎక్కువ అవడం వల్ల,  జీవితానికి ముప్పు ఏర్పడే ప్రమాదం ఉంది ! అందుకే , ముందుగానే మనం మందు దాసులమో కాదో తెలుసుకోవడం అతి ముఖ్యం ! ప్రత్యేకించి ఎక్కువ  మద్యం , తరచూ తాగుతూ   ” తమకు ఏమీ అపాయం ఉండదు ” అనుకునే   వారు ఈ పరీక్షలు చేయించుకోవడం ఉత్తమం ! (  సాధారణ గణితం  వచ్చిన వారికి   పై పరీక్షలు కూడా అవసరం లేదు ! ఎందుకంటే , వారు రోజూ ఎంత మోతాదు లో తాగుతున్నారో ! వారానికి ఎన్ని సార్లు తాగుతున్నారో , మననం చేసుకుంటే , వారి లివర్ కణాలు ఎంత త్వరగా , లేదా , ఆలస్యం గా పాడవుతాయో ఇట్టే తెలిసిపోతుంది కదా !  ) 
వచ్చే టపాలో ఇంకొన్ని సంగతులు ! 
 
 
 
  1. మందు బలే పసందుగా మీ చేత కవిత చెప్పించిందే!!!🙂

  2. మందు ఎక్కువ అయితే లివర్ పలచనవుతుంది!ప్రభుత్వం ప్రోత్సహిస్తుంది కదా అని రోజూ పీకలదాకా తాగితే నేలమీద నూకలు చెల్లుతాయి!

  3. చక్కగా చెప్పారు ! చిక్కల్లా , అతి గా తాగే ప్రతి వారూ , తాము తక్కువే తాగుతున్నామని అనుకుంటారు ! ఇది కేవలం వారిని వారే వంచన చేసుకువడం ! మందుకు త్యాగం చేసుకోవడమే !

స్పందించండి

Fill in your details below or click an icon to log in:

WordPress.com Logo

You are commenting using your WordPress.com account. Log Out / మార్చు )

Twitter picture

You are commenting using your Twitter account. Log Out / మార్చు )

Facebook photo

You are commenting using your Facebook account. Log Out / మార్చు )

Google+ photo

You are commenting using your Google+ account. Log Out / మార్చు )

Connecting to %s

%d bloggers like this: