సీక్రెట్ కెమెరా లను కనుక్కోవడం ఎట్లా ?!
స్మోక్ డిటెక్టర్లు , పూల కుండీలు , పుస్తకాలూ, DVD కేస్ లూ , ఎలెక్ట్రిక్ ఔట్లెట్ లూ , టెడ్డీ బేర్స్ , మనం ముఖం చూసుకునే నిలువెత్తు అద్దాలూ , ఇట్లా అనేక రకాలైన వస్తువులలో, మోసగాళ్లు రహస్యం గా కెమెరాలు అమర్చ డం జరుగుతుంది !
ఒక స్క్రూ లో నూ , ఎయిర్ ఫ్రెషెనర్ లోనూ అమర్చిన రహస్య కెమెరా లను చూడవచ్చు పై చిత్రాలలో !
ఈమధ్యే , ఒక అమెరికన్ యువతి , ఒక పెద్ద హోటల్ గ్రూప్ మీద ఆరువందల కోట్లకు దావా వేసింది ! ఆమె ఒక స్టార్ హోటల్ లో నగ్నం గా ఉన్న వీడియో లను సీక్రెట్ గా చిత్రీకరించినందుకు !
ఈ రోజుల్లో , యువతులనూ , బాలికలనూ , సీక్రెట్ కెమెరాలు అమర్చి , వారి కదలికలనూ, బట్టలు వేసుకుంటున్న సమయం లోనూ , ఆడియో కానీ , వీడియో కానీ రహస్యం గా రికార్డు చేయడం,తరచు గా వింటూ ఉన్నాం ! బాలికలూ , యువతులూ నివశించే వసతి గృహాల్లో కూడా ఇట్లాటి నేరాలు జరుగుతున్నాయి !
ముఖ్యం గా తలిదండ్రులు , ఈ విషయాలు తెలుసుకొని, తగు జాగ్రత్తలు తీసుకోవడం, వారి పిల్లలను హెచ్చరించడం ఉత్తమం !
ఈ రహస్య ( సీక్రెట్ ) కెమెరాలను కనుక్కొని , వాటి నుంచి తప్పించుకోవాలంటే ఈ క్రింది పద్ధతులు ఉపయోగ పడతాయి !
1. మీరు ప్రవేశించిన గది ని , ఒకసారి నిశితం గా పరిశీలించండి ! మీరు ఒక్కరే , గది లో ఉంటే , ఆ గది లో లైట్లు ఆఫ్ చేయండి. గదిలో ఉన్న కర్టెన్లు కానీ , కిటికీలు కానీ మూసి వేయండి ( వెలుగు రాకుండా ).
అప్పుడు , గదిలో అన్ని కోణాల్లో పరిశీలించండి , ఎరుపు లైటు కానీ ఆకు పచ్చ లైటు కానీ , ఎక్కడ నుంచైనా మినుకు మినుకు మంటుందేమోఅని.
2. మీ తో ఉన్న మీ మొబైల్ ఫోన్ , అత్యంత విలువైనది , ఈ సీక్రెట్ కెమెరా లు కనుక్కోడానికి !
మీ మొబైల్ ఫోన్ , లేదా సెల్ ఫోన్ ను రెండు రకాలు గా ఉపయోగించ వచ్చు !
A . మీరు ప్రవేశించిన గది లో మూల మూలలా తిరుగుతూ , మీ స్నేహితులకు కానీ , కుటుంబ సభ్యుల కు కానీ ఫోన్ చేయండి ! అప్పుడు , మీరు ఉన్న గది లో కానక సీక్రెట్ కెమెరా ఉంటే , మీ ఫోన్ లో సిగ్నల్ సరిగా అందదు ( సీక్రెట్ కెమెరా ఉంటే , దానితోనూ , మీ సెల్ ఫోన్ తోనూ కలిగే signal interference వల్ల )!
B. మీదగ్గర ఆండ్రాయిడ్ ఫోన్ కానీ ఐఫోన్ కానీ ఉంటే , సీక్రెట్ కెమెరా లను డెటెక్ట్ చేసే యాప్ ను డౌన్ లోడ్ చేసుకోండి . కనీసం ఒక వంద వరకూ ఇట్లాటి యాప్ లు ఉన్నాయి ! వాటిలో ఎక్కువ రేటింగ్ ఉన్న యాప్ ను డౌన్ లోడ్ చేసుకుని , మీరు ప్రవేశించిన గది లో ఆన్ చేస్తే , అక్కడ సీక్రెట్ గా ఏర్పాటు చేసిన కెమెరా లను కనుక్కోవడం సులభం ! మీ ఫోన్ లో రెడ్ లైట్ ( ఎర్ర లైట్ ) ఫ్లాష్ అవుతుంది , కెమెరా ను కనుక్కున్నాక !
3. professional hidden camera detector: అధికారికం గా ఆమోదించ బడిన సీక్రెట్ కెమెరా డిటెక్టర్ లు మార్కెట్ లో అమ్ముతున్నారు . ఈ పరికరాన్ని కొని , మీరు ప్రవేశించిన గది లో ఆన్ చేస్తే , సీక్రెట్ కెమెరా లను వెంటనే పసి గడుతుంది !
4. మీరు ఉంటున్న గది లో మిర్రర్స్ అంటే అద్దాలు కనుక ఏర్పాటు చేసి ఉంటే , ఆ అద్దాలు , బయటకు నార్మల్ గా మనం ముఖం చూసుకునే అద్దాల లానే కనబడతాయి కానీ , వాటి వెనుక కూడా సీక్రెట్ కెమెరాలు ఏర్పాటు చేసి ఉండ వచ్చు !
మరి మీరు చూస్తున్న అద్దం అసలైనదో , లేదా సీక్రెట్ కెమెరా ఏర్పాటు చేసిన అద్దమో ఈవిధం గా తెలుసుకోవచ్చు :
ఆ అద్దం మీద మీ వేలు గోరు తో ( 90 డిగ్రీలలో ) టచ్ చేస్తే , మీ గోరు కూ, అద్దానికి మధ్య gap కనుక ఉంటే , అది అసలైన అద్దం !
మీ వేటి గోరు కనుక , అట్లా కాకుండా , వేటి గోరు ప్రతిబింబాన్ని, డైరెక్ట్ గా , gap లేకుండా టచ్ చేస్తూ ఉంటే , ఆ అద్దం అసలైనది కాదని గ్రహించాలి !
5. మీదగ్గర టార్చ్ లైట్ ఉంటే , దాన్ని ఆన్ చేసి , మీరు ప్రవేశించిన గది లో అన్ని వైపులా ఫ్లాష్ చేస్తే , మినుకు మినుకు మంటున్న సీక్రెట్ కెమెరాల లైట్లు కనిపిస్తాయి !
మీ మొబైల్ (సెల్ ) ఫోన్ లో ఉన్న ఫ్లాష్ లైట్ తో కూడా ఇదే విధం గా , సీక్రెట్ కెమెరా లను కనుక్కోవచ్చు !
గమనిక : అత్యంత శక్తి వంతమైన , అత్యంత విలువైన సీక్రెట్ కెమెరాలు , ఒక ప్రత్యేకమైన సిగ్నల్స్ ను పంపిస్తాయి , వాటిని కనుక్కోవడం చాలా కష్టం ! కానీ , సామాన్యం గా , సీక్రెట్ కెమెరాలను అమర్చే మోసగాళ్లంతా , చవక రకం కెమెరాలు ఏర్పాటు చేస్తారు ! అందువల్ల , పైన చెప్పిన పద్ధతుల్లో వాటిని కనుక్కోవడం సాధ్యమే !
వచ్చే టపాలో ఇంకొన్ని సంగతులు !
బాగు www. baagu.net 
సుధాకర్ జీ,
మీరు ముందుమాట రాసిన నా ఇ బుక్ కినిగెలో లైవ్ చేయబడింది. ఈ లింక్ లో చూడగలరు.
http://kinige.com/kbook.php?id=9295
ధన్యవాదాలతో
సుధాకర్ జీ,
మీరు ముందుమాట రాసిన నా ఈబుక్ ఈ వారం కూడా మొదటి పదిలోనూ ఉన్నట్టు కినిగెవారి వార్త.
Your book శర్మ కాలక్షేపం కబుర్లు – పీత్వా పీత్వా పునః పీత్వా.. (Sarma Kalakshepam Kaburlu Pitva Pitva Punah Pitva) is in weekly top ten list of Kinige
Inbox
x
Kinige.com
6:41 AM (9 hours ago)
to me
Your book is in weekly top ten books of Kinige. This means it is very prominently displayed on Kinige.com home page and also on every other book page of Kinige, for every visitor 24/7 for this whole of week. http://kinige.com/kbook.php?name=Sarma+Kalakshepam+Kaburlu+Pitva+Pitva+Punah+Pitva
ధన్యవాదాలతో
విలువైన సమాచారం…ఇప్పటి ఈ సమాజానికి అవసరమే…తెలుగోడు…
sskchaithanya.blogspot.com