Our Health

Archive for the ‘ప్ర.జ.లు.’ Category

12. డయాబెటిస్ లో, కళ్ళ జాగ్రత్తలు మరి ఎట్లా తీసుకోవాలి ?:

In ప్ర.జ.లు., మన ఆరోగ్యం., Our Health on ఏప్రిల్ 30, 2013 at 10:37 సా.

12. డయాబెటిస్ లో, కళ్ళ జాగ్రత్తలు మరి ఎట్లా తీసుకోవాలి ?:

 
క్రితం టపాలలో మనం, ప్రత్యేకించి డయాబెటిస్ వ్యాధి కంట్రోలు లో లేక పొతే దాని పరిణామాలు కళ్ళ లో ఏ విధం గా కాంప్లికేషన్ లు గా కనిపిస్తాయో వివరం గా తెలుసుకున్నాం కదా !  మరి డయాబెటిస్ ఉన్న వారు కళ్ళ గురించిన ఏ  ఏ జాగ్రత్తలు తీసుకోవాలి ?:
 
1. చెక్కెర కంట్రోలు లేదా షుగరు కంట్రోలు : డయాబెటిస్ లో  అనర్థాల కన్నిటికీ ప్రధాన కారణం, రక్తం లో చెక్కెర ఎక్కువ అయిన ఫలితం గా ఏర్పడే పరిణామాలే కదా ! ఆ అనర్ధాలలో కళ్ళు  కూడా  ” శిక్షింప బడతాయి ”  అందువల్ల కళ్ళ  జాగ్రత్తలో ప్రధానం గా  రక్తం లో ఎప్పుడూ చెక్కెర , అదే షుగరు పరిమాణం అంటే షుగర్ లెవల్  సరి అయిన పాళ్ళ లోనే ఉండే  ‘కృషి ‘  చేయాలి. ఇక్కడ ” కృషి ” అనే పదం వాడ బడింది ఎందుకంటే , రక్తం లో షుగర్ కంట్రోలు దానంతట అదే సునాయాసం గా అవ్వదు , డయాబెటిస్ ఉన్న ప్రతి వారూ , ఏ ఏ  పరిస్థితులలో వారి రక్తం లో,షుగరు ఎక్కువ అవుతుందో , ఆ యా  పరిస్థితుల నన్నిటినీ తెలుసుకోవడమే కాకుండా ,ఆ పరిస్థితులను  అన్ని వేళలా ” నివారించు కోవాలి ! ” ఇంకో విధం గా చెప్పుకోవాలంటే , ప్రతి ఒక్కరి రక్తం లో,చెక్కర పరిమాణానికీ , వారే బాధ్యులు ! చాలా చిన్న పిల్లలలో కనుక డయాబెటిస్ వస్తే , అప్పుడు మనం చిన్నారి పిల్లలను నిందించ లేము కదా ! మనం ఇక్కడ టైప్ టూ  డయాబెటిస్ , అదే ఒక వయసు వచ్చాక , వచ్చే డయాబెటిస్ గురించి మాట్లాడుకుంటున్నాం కాబట్టి , రక్తం లో చెక్కెర నియంత్రించుకునే బాధ్యత పూర్తి గా వారి మీదే ఉంటుంది ! చెక్కెర కంట్రోలు అన్ని విధాలా నివారించుకోవడానికి , వారికి , ఏ ఏ  పదార్ధాలు  రక్తం లో చెక్కెర ను ఎక్కువ చేస్తాయో , సరి అయిన అవగాహన ఏర్పరుచుకోవాలి ముందే ! ఉదాహరణ కు ” నేను  చెక్కెర అసలు ముట్టుకోను , కూరగాయలే తింటాను అదీ ఆలుగడ్డల కూర ఎక్కువ గా తింటాను కానీ నా బ్లడ్ షుగర్ కంట్రోలు లో ఉండట్లేదు , డాక్టర్ కూడా కారణం చెప్పలేక పోతున్నాడు ” అనే వారు చాలా మంది ఉంటారు. ఇక్కడ అట్లాంటి వారు మరచి పోయేది ఏమిటంటే ,’ ఆలుగడ్డలు కూడా తీయగా లేక పోయినా , అందులో చెక్కెర లేక పోయినా కూడా, బ్లడ్ షుగర్ ను ఎక్కువ చేస్తాయి ‘ అనే విషయం !  
2.  ఇక కంటి జాగ్రత్తలు ప్రత్యేకం గా చెప్పుకోవాలంటే , కళ్ళ లో పొరపాటున కూడా చేతి  వేళ్ళు పెట్టుకోవడం చేయకూడదు !
3. కంటి చూపు, ఏ కారణం చేత మందగించినా కూడా, ఆలస్యం చేయకుండా , కంటి డాక్టర్ చేత పరీక్ష చేయించుకోవాలి !
4. కంటి లో నీరు కారడం , చీటికీ మాటికీ కళ్ళు ఎర్ర బడడం , ఒక కన్నులో నొప్పి ఉండడం, లాంటి లక్షణాలను డయాబెటిస్ లేని వారు తరచూ అశ్రద్ధ చేస్తూ ఉంటారు ,ప్రత్యేకించి డయాబెటిస్ ఉన్న వారు ఈ లక్షణాలు గమనిస్తే , అశ్రద్ధ చేయకూడదు !
5. కంటి చూపు  లో కొంత భాగమే కనిపించడం , కళ్ళ  ముందు తెరలు ఏర్పడడం , కాంతి లో చూడలేక పోవడం ,  ఒక వస్తువు రెండు వస్తువులు గా కనబడడం లాంటి లక్షణాలు కూడా అశ్రద్ధ చేయకూడదు ! 
6. కనీసం ప్రతి ఏడూ  a . కంటి చూపు ( శుక్లాలు పెరుగుతున్నాయో లేదో, చత్వారం , లేదా చూపు మంద గిస్తుందో లేదో తెలుసుకోవడం కోసం ) , b . కంటిలో పీడనం ( గ్లాకోమా మొదలవుతుందో లేదో తెలుసుకోవడం కోసం  ) , c . రెటీనా ఫోటో (రెటీనా లో ఏర్పడే మార్పులు తోలి దశ లోనే గుర్తించడం కోసం )  ఈ మూడు పరీక్ష లూ తప్పని సరిగా చేయించుకోవాలి డయాబెటిస్ ఉన్న వారు !  గమనించండి , ఈ మూడింటి లో దేనిని అశ్రద్ధ చేసినా కూడా  చూపు కోల్పోయే ప్రమాదం ఉంది కదా ! 
7. మిగతా అన్ని వ్యాధులలొనూ  ” నివారణ   చికిత్స కన్నామేలు  ” అనే నానుడి వర్తిస్తుంది ! కానీ  డయాబెటిస్ లో కళ్ళ  జాగ్రత్త విషయం లో , ” నివారణ కన్నా నియంత్రణ మేలు ” అనే నానుడి ని మనం గుర్తించుకోవాలి !  అంటే డయాబెటిస్ లో కళ్ళ లో వచ్చే కాంప్లికేషన్ లు తగు జాగ్రత్తలతో , చాలా కాలం వరకూ వాయిదా వేయ వచ్చు !  కొన్ని కాంప్లికేషన్ లు తప్పని సరి అయినప్పుడు వాటిని అత్యంత తొలిదశల లోనే  కనుక్కుంటే , వాటిని చాలా వరకు నియంత్రించుకోవచ్చు , ఆధునిక పద్ధతుల సహాయం తో !  
వచ్చే టపాలో ఇంకొన్ని సంగతులు ! 

10. డయాబెటిస్ లో, కళ్ళ కాంప్లికేషన్ లు.

In ప్ర.జ.లు., మన ఆరోగ్యం., Our Health on ఏప్రిల్ 28, 2013 at 9:45 ఉద.

10. డయాబెటిస్ లో కళ్ళ  కాంప్లికేషన్ లు. 

క్రితం టపాలో , కంట్రోలు లేని డయాబెటిస్ కంటి రెటినా పొర ను ఎట్లా ” ముట్టడి ” చేస్తుందో చూశాము కదా !  ఈ రెటినా పొరలో మార్పులు రావడాన్ని రెటినోపతీ అంటారు.  ఇప్పుడు కంటిలో, డయాబెటిస్ వల్ల వచ్చే మిగతా మార్పులు లేదా కాంప్లికేషన్ ల గురించి తెలుసుకుందాం !
గ్లకోమా :
కేవలం రెటీనా లో మార్పులే కాకుండా , కంటి లో ఉండే పీడనాన్ని ఎక్కువ కూడా చేస్తుంది డయాబెటిస్.  పై చిత్రం లో చూడండి ! కంటి లో పీడనం ఏమిటి ? అని ఆశ్చర్య పోతున్నారా? ఒక ఉదా హరణ:  నోటితో ఊదే బూర ఒకటి మీరు చూశే ఉంటారు. ఆ బూరలో , గాలిని ఊదినపుడు కానీ , లేదా నీతితో నింపినపుడు కానీ, ఆ బూర ఉబ్బిపోయి, నిండు గా కనబడుతుంది ! అంటే ఆ బూరలో వత్తిడి, లేదా పీడనం పెరిగుతుంది , గాలిని కానీ, నీటిని కానీ  నింపినపుడు. కానీ ఆ గాలిని కానీ , నీటిని కానీ తీసి వేస్తే ,ఆ బూర ముడుచుకు పోయి కనిపిస్తుంది కదా ! అదే విధం గా, మన కనుగుడ్డు లో వివిధ ద్రవాలు నింపబడి , కను గుడ్డు ముడుచుకు పోకుండా, పీడనం నిరంతరం కాపాడుతుంది.  ఈ పీడనాన్ని నియంత్రించే ద్రవాలు నిరంతరం మారుతూ , పాత ద్రవాలు పోతూ, కొత్త ద్రవాలు ఉత్పత్తి అవుతూ ఉంటాయి. కంట్రోలు లో లేని డయాబెటిస్ తో పాత ద్రవాలు విసర్జింప బడే నాళికలు కుంచించుకు పోవడమూ , లేదా మూసుకు పోవడమూ జరుగుతుంది. దానితో కనుగుడ్డు లో పీడనం లేదా వత్తిడి పెరుగుతుంది. ఆ పీడనం వల్ల రెటినా పొర కూడా ప్రభావితమవుతుంది !  ఈ పరిస్థితిని గ్లకోమా అంటారు ! ఆరోగ్యవంతుల కంటే , డయాబెటిస్ ఉన్న వారికి నలభై శాతం ఎక్కువ గా ఈ గ్లకోమా వస్తుందని పరిశీలనల వల్ల తెలిసింది. 
శుక్లాలు ( కాటరాక్ట్ ) :
మీరు మునుపటి టపాలో కంటిలోని భాగాల గురించి చూసి ఉంటారు !  పై చిత్రం లో చూడండి ! కంటిలో ఉండే ఇంకో ముఖ్య భాగం , కంటి కటకం అదే లెన్స్ . మానవులందరి కళ్ళ లోనూ సహజం గా పుట్టుకతోనే , ఒక కటకం కూడా నిర్మితమై ఉంటుంది. ఈ కటకం మనం కన్ను తెరిచినపుడు , బయట ఉన్న వెలుతురు ను రెటినా మీద పడేట్టు చేస్తుంది.అంతే కాక , మనం చదివే అక్షరాలూ మనకు కనబడుతున్నాయంటే , ఈ కంటి కటకం పారదర్శకంగా  ఉండడం వలనే !  డయాబెటిస్ లో ఈ కంటి కటకం యొక్క పారదర్శకత తగ్గిపోయి, మసక బారుతుంది. దానితో చూపు మందగిస్తుంది. గమనించవలసినది, ఆరోగ్యవంతుల కళ్ళ లో కూడా కంటి కటకం యొక్క పారదర్శకత తగ్గుతూ ఉంటుంది. కానీ శుక్లాలు అంటే క్యాట రాక్ట్ లు ఏర్పడడం,  ఏ  ఏడో దశకం లోనో వస్తుంది కానీ డయాబెటిస్ ఉంటే యాభై అరవై ఏళ్లకే శుక్లాలు వస్తాయి !  
రేటినోపతీ : 
పైన చెప్పుకున్నట్టు గా రెటినా పోర లోని అనేక సూక్ష్మ రక్త నాళాలలో , కొన్ని దశలు  గా డయాబెటిస్ వల్ల మార్పులు వస్తాయి ! ఆ మార్పులు రెటినా పొర ను క్రమేణా పని చేయకుండా చేస్తుంది ! పై చిత్రం లో చూడండి ! పైన చెప్పుకున్న పరిస్థితులన్నీ కూడా కంటి చూపును మందగింప చేయడమే కాకుండా , కన్ను నొప్పి కూడా కలిగిస్తాయి ( గ్లకోమా లో )అంతే కాక ఈ పరిస్థితులలో వేటినీ అశ్రద్ధ చేయకూడదు ! 
వచ్చే టపాలో ఇంకొన్ని సంగతులు ! 
 

9. మధుమేహం ( డయాబెటిస్ ) లో, కళ్ళ జాగ్రత్త ఎందుకు అవసరం ?

In ప్ర.జ.లు., మన ఆరోగ్యం., Our Health on ఏప్రిల్ 27, 2013 at 10:09 ఉద.

9. మధుమేహం ( డయాబెటిస్ ) లో, కళ్ళ జాగ్రత్త ఎందుకు అవసరం ?

 
డయాబెటిస్ గుర్తించిన ప్రతి వారిలోనూ ఆరోగ్యవంతులైన వారి కన్నా ముందుగా వివిధ అవయవాలలో , కొన్ని హానికరమైన , అంటే మనకు ఉపయోగం లేని మార్పులు జరుగుతూ ఉంటాయి. వాటిలో  కళ్ళ లో వచ్చే మార్పులు ముఖ్యమైనవి. అంటే , ” సరిగా కంట్రోలు లో లేని డయాబెటిస్  వల్ల ”  అని వేరుగా చెప్పనవసరం లేదు కదా !
మరి  డయాబెటిస్ వల్ల కళ్ళ లో ఏ ఏ  మార్పులు జరుగుతాయి ?
ఈ విషయం తెలుసుకునే ముందు , కళ్ళు అంటే కేవలం కను రెప్పలు, కను గుడ్డు , కంటి పాప , కంటి కటకం అనే మాటలే సామాన్య జనానీకానికి తెలుసు కానీ ,మిగతా భాగాలు కూడా మనం పునశ్చరణం చేసుకోవడం ముఖ్యం. అప్పుడే  ఆయా కంటి భాగాలలో ఎమార్పులు జరుగుతాయో తెలుసుకోవడం శులభం అవుతుంది ! 
పైన ఉన్న చిత్రం లో మొదటి చిత్రం: కన్ను దాని భాగాలు. రెండవ చిత్రం కూడా కంటి భాగాలే కానీ , మనకందరికీ అర్ధం అయేందుకు , కను గుడ్డును , నిలువుగా కోసి, అందులోని భాగాలను చూపడం జరిగింది !  ఇక్కడ గమనించ వలసినది, ముఖ్యం గా కనుగుడ్డు వెనక భాగాన ఉన్న రెటినా అనే పొర. ఈ రెటినా పొర, ఉల్లిపాయ పొరలు గా ,కనీసం మూడు ముఖ్యమైన పొరల తో నిర్మితమై ఉంటుంది. వాటిలో పై పొర ను స్క్లీరా అనీ , మధ్య పొరను కోరాయిడ్ అనీ , లోపలి పొర ను రెటినా అనీ పిలుస్తారు. రెటీనా పొరను కెమెరాలో వెనుక భాగం లో ఉండే తెర లాగా భావించ వచ్చు ! ఎందుకంటే , మనం కంటిద్వారా చూసే ప్రతి వస్తువూ , ఈ రెటీనా పొర  మీద పడాల్సిందే ! అట్లా పడితే కానీ , అక్కడి నుంచి ” ఆప్టిక్ నెర్వ్ ” (   దృశ్య నాడి ) మన మెదడుకు ఆ వస్తువుకు సంబంధిన జ్ఞానాన్ని తీసుకు వెళ్ళ లేదు ! అప్పుడే మనం మన కళ్ళ ఎదురుగా ఉన్న వస్తువును ” చూడ ” గలుగుతాము ! అంటే, గుర్తించ గలుగుతాము !  అంటే మన దృశ్య జ్ఞానానికి ఈ రెటీనా పొర ఎంతో ముఖ్యమని ఇప్పుడు తెలిసింది కదా ! ఈ రెటినా పొర అనేక వేల సూక్ష్మ రక్త నాళాల చేత నిర్మితమై ఉంటుంది ! అందువల్ల నే ఈ రెటీనా పొర  సజీవం గా ఉంటుంది ! కంట్రోలు లో లేని డయాబెటిస్ వల్ల వచ్చే మార్పులు , ఈ అతి సూక్ష్మమైన రక్త నాళాలను  హరిస్తాయి ! దానితో రెటీనా పొర దెబ్బ తింటుంది, దానితో చూపు మందగిస్తుంది ! తీవ్రం గా డయాబెటిస్ వ్యాధిని అశ్రద్ధ చేస్తే , చూపు కోల్పోయే ప్రమాదం కూడా ఉంటుంది !  
వచ్చే టపాలో ఇంకొన్ని సంగతులు ! 

8. మధుమేహం ( డయాబెటిస్ ) కాంప్లి కేషన్లు ఏమిటి ?:

In ప్ర.జ.లు., మన ఆరోగ్యం., Our Health on ఏప్రిల్ 26, 2013 at 7:13 సా.

8. మధుమేహం ( డయాబెటిస్ ) కాంప్లి కేషన్లు  ఏమిటి ?: 

Eye Complications Foot ComplicationsSkin ComplicationsHeart DiseaseHigh Blood Pressure Mental Health Hearing Loss 72x72

 
డయాబెటిస్ నివారణకు మనం ఏ జాగ్రత్తలు తీసుకోవాలో ,  ప్రీ డయాబెటిస్ ను ఎట్లా కనుక్కోవాలో క్రితం టపాలలో వివరం గా తెలుసుకున్నాం కదా ! మరి ఈ డయాబెటిస్  ఒక సారి వచ్చాక , ” ఏమవుతుంది ?  ఈ డయాబెటిస్ ను పథ్యం ఏమీ చేయకుండా అశ్రద్ధ చేస్తే ఏం పోతుంది ? ” అని అనుకుని ,పాటించ వలసిన ఆహార నియామాలను అశ్రద్ధ చేస్తూ ఉంటారు, చాలా మంది ! దీనికి కారణాలు అనేకం ఉండవచ్చు ! అంతకు ముందు అన్ని ఆహార పదార్ధాలూ, ఏ పథ్య మూ  లేకుండా, తమ ఇష్టానుసారం గా తిని, ఒక్క సారిగా , కేవలం చెక్కెర ఉన్న తీపి పదార్దాలే కాకుండా , అసలు తినే ప్రతి పదార్ధం విషయం లోనూ అతి జాగ్రత్త పాటిస్తూ , ముళ్ళ దారిలో , పాద రక్షలు ఏమీ లేకుండా , నడిచిన విధం గా అనుభూతి చెందుతూ , జీవితం సాగించడం అతి కష్టం గా అనిపిస్తూంది చాలా మందికి ! అందు వల్ల విరక్తి తో కొంత కాలం పథ్యం  పాటించి , కొన్ని రోజులు వారి ఆహార పానీయ నియమాలను ఒక్క సారిగా సడలిస్తూ ఉంటారు చాలా మంది ! వారందరికీ ఒకటే సూచన ! 
ప్రపంచం లో కొన్ని రకాల ఆహారం తింటే విపరీతమైన ఎలర్జీ వచ్చి ప్రాణాలు పోయే పరిస్థితి వచ్చిన వారు చాలా మంది ఉన్నారు ! సీరియస్ గా ఎలర్జీ ఒక సారి వచ్చి ,మళ్ళీ ఎప్పుడూ , ఆ పడని ఆహారాన్నీ , ఆహార పదార్దాలనూ , మళ్ళీ జీవితం లో ముట్టుకొని వారు చాలా మంది ఉన్నారు ! డయాబెటిస్ కూడా ఇట్లాంటి పరిస్థితే, కాక పొతే , ఈ పరిస్థితిలో వచ్చే మార్పులు, ఒక్క సారిగా కాక , క్రమేణా , కాంప్లికేషన్ ల గా మారి , వివిధ అవయవాలకూ , ఇంకా తీవ్రం గా ఉంటే , ప్రాణాలకూ ముప్పు తెస్తుంది ! డయాబెటిస్ , ఒక రకం గా, మన దేహం  ఎక్కువ చెక్కర కు సరిగా స్పందించ లేక ఏర్పడే పరిస్థితి ! ఇక్కడ గుర్తు ఉంచుకోవలసినది, కేవలం మన పాంక్రియాస్ లో ఉన్న ఇన్సులిన్ అనే హార్మోనే కాక , మన దేహం లో అన్ని చోట్లా ఉన్న కండరాలు కూడా సరిగా స్పందించలేక పోవడం అని ! అంటే , పాంక్రియాస్ లో నుండి ఉత్పత్తి అయే  ఇన్సులిన్ అనే హార్మోను , నిత్య జీవితం లో, మనం తినే ఆహారం లో ఉండే చెక్కెర ను, మన శరీరం లోని వివిధ కణాలలోకి   ప్రవేశించే ట్టు  చేస్తుంది. కానీ మన ఆహారం లో , రోజు రోజు కూ  చెక్కర ఎక్కువ అవుతూ ఉంటే , ఇన్సులిన్ ఇక సరిపడినంత ఉత్పత్తి అవక, పాంక్రియాస్ కణాలు ” చేతులెత్తేస్తాయి ” ! ఇంకా , మనం ప్రతి రోజూ వ్యాయామం చేయక పోవడం వల్ల , మన కండరాలు కూడా ” మొండి కెత్తుతాయి  ”  ! దానితో ఇన్సులిన్ సరిగా ఉత్పత్తి కాక పోవడం తో పాటుగా,కండరాలు సక్రమం గా చెక్కర ను అంటే గ్లూకోజు ను ” పీల్చ ” లేక పోవడం తోడై , డయాబెటిస్ అనే పరిస్థితి ఏర్పడుతుంది ! మరి ఈ పరిస్థితి ఎక్కువ సమయం శరీరం లో ఉంటున్న కొద్దీ , ఎక్కువ గా ఉన్న చెక్కర , అదే గ్లూకోజు , రక్త నాళాల మీదా , వివిధ అవయవాలలోనూ, అనేక మార్పులు తీసుకు వస్తుంది ! వాటినే కాంప్లికేషన్ లు అంటారు ! 
పైన కొన్ని ఫోటోలు వరస గా ఉన్నాయి !వాటిలో ఏ విధం గా డయాబెటిస్ వల్ల  కాంప్లికేషన్ లు వస్తాయో , చెప్ప గలరా ? !!! 
 
వచ్చే టపాలో ఇంకొన్ని వివరాలు ! 

7. ప్రీ డయాబెటిస్ కనుక్కోడానికి త్రీ బ్లడ్ టెస్టులు :

In ప్ర.జ.లు., మన ఆరోగ్యం., Our Health on ఏప్రిల్ 25, 2013 at 6:23 సా.

7. ప్రీ డయాబెటిస్ కనుక్కోడానికి త్రీ  బ్లడ్ టెస్టులు : 

Blood Glucose Tests

 
ప్రీ డయాబెటిస్ యొక్క ప్రాముఖ్యత, క్రితం టపాలో తెలుసుకున్నాం కదా !   ఈ దశ ను కనుక సరైన సమయం లో గుర్తించి , తగిన జాగ్రత్తలు తీసుకుంటే వందలో అరవై మంది వరకూ , డయాబెటిస్ బారిన పడకుండా తప్పించుకోవచ్చు !  మరి  ఈ అరవై శాతం మంది లో అందరూ ఉండాలని అనుకుంటే , ఈ ప్రీ డయాబెటిస్ లక్షణాలను తెలుసుకోవడమే కాకుండా , ( ఈ లక్షణాలను క్రితం టపాలో వివరించడం జరిగింది కదా ! ) , అవసరమైన మూడు రక్త పరీక్షల గురించి కూడా తెలుసుకోవాలి ! 
1. మొదట గా  Hb A 1 C  పరీక్ష :
ఈ పరీక్ష  రక్త పరీక్ష.  దీనివల్ల మన రక్తం లో చెక్కెర ఏమాత్రం  ఉందో సూచిస్తుంది !  కేవలం ఏమాత్రం చెక్కెర ఉందో సూచించడమే కాకుండా , ముఖ్యం గా ఆ చెక్కెర శాతం , పరీక్షకు ముందు కనీసం ఆరు వారాల సమయం లో మన రక్తం లో చెక్కెర ఏమాత్రం ఉందో తెలియ చేస్తుంది ! 
ఉదాహరణ కు : 
పైన ఉన చిత్రం లో A 1C  మీద ఉన్న చిత్రం చూడండి    నార్మల్ అంటే ఆరోగ్య వంతుల రక్తం లో  5. 7 శాతం కన్నా తక్కువగా  A 1c  ఉంటుంది. అంటే పరీక్షకు ముందు ఆరు వారాల లో ఆ వ్యక్తి రక్తం లో ,  చెక్కెర శాతం నార్మల్ గానే ఉంది అని చెబుతుంది ఆ పరీక్ష. కానీ ప్రీ డయాబెటిస్ లో  ఇదే పరీక్ష ఫలితం వేరుగా ఉండి , ( కాస్త ఎక్కువగా ఉండి ) 5.7 కీ 6. 5కీ మధ్య లో ఉంటుంది .  ఇక  డయాబెటిస్ పరిస్థితి ఉన్నపుడు ,ఈ చెక్కెర శాతం  6. 5 శాతం కానీ , అంత  కన్నా ఎక్కువ గా కానీ ఉంటుంది.  
2. రెండో పరీక్ష F P G :  అంటే ఫాస్టింగ్ ప్లాస్మా గ్లూకోజ్ పరీక్ష : ఈ పరీక్ష చేయించుకునే వ్యక్తి  పరీక్ష క్రితం రాత్రి నుంచి , అంటే పరీక్షకు ముందు కనీసం ఎనిమిది గంటలు , ఏమీ ఆహారం తినకూడదు , అట్లాగే పానీయాలు కూడా తీసుకోకూడదు , కేవలం దాహం అయినప్పుడు , మంచి నీరు తప్ప! ఈ పరీక్ష ఫలితాలు నార్మల్ వ్యక్తి లో వంద మిల్లీ గ్రాములు ఉంటుంది ప్రతి వంద   మిల్లీ లీటర్ల ప్లాస్మాకూ , ( వంద మిల్లీ లీటర్లు అంటే ఒక లీటర్ లో పదో వంతు కదా ! ) అదే ప్రీ డయాబెటిస్ పరిస్థితిలో  వంద – నూట ఇరవై ఆరు మిల్లీ గ్రాముల మధ్య ఉంటుంది.  ఆ నూట ఇరవై ఆరు మిల్లీ గ్రాములు దాటిన పరిస్థితి డయాబెటిస్ అనబడుతుంది. 
3. మూడో పరీక్ష : O G T T : సామాన్యం గా ఈ పరీక్షను   F P G  పరీక్ష తో కలుపుతారు . అంటే పరీక్ష చేయించుకునే వారు క్రితం రాత్రి లంఖణం తో ( అంటే ఏమీ తినకుండా , పానీయాలు తాగకుండా )  
ఉదయం    F P G  పరీక్ష చేయించుకుని , ఆ తరువాత  ఒక  డెబ్బై అయిదు గ్రాముల చెక్కెర ఉన్న ద్రావణాన్ని తాగిన ముప్పై నిమిషాలు, అరవై నిమిషాల తరువాత రెండు సార్లు రక్త పరీక్ష చేయడం  జరుగుతుంది. 
ఈ పరీక్షలో ఫలితాలను ఎట్లా విశ్లేషించాలి ?
ఈ O G T T పరీక్షలో  నార్మల్ వ్యక్తులకు రక్తం లో చెక్కెర నూట నలభై మిల్లీ గ్రాముల కన్నా తక్కువ ఉంటుంది. నూట నలభై నుంచి రెండు వందల మిల్లీ గ్రాముల మధ్య కనుక ఉంటే , ఆ పరిస్థితిని ప్రీ డయాబెటిస్ అని అంటారు. రెండు వందల మిల్లీ గ్రాముల కన్నా ఎక్కువ గా డయాబెటిస్ ఉన్నప్పుడు ఉంటుంది !  
ఫాస్టింగ్ రక్త పరీక్షలో లంఖణం చేయకుండా  చిరుతిండి ఏదైనా తిన్నాక పరీక్ష చేయించుకుంటే ఏమవుతుంది ? 
ఏమీ కాదు కానీ ఆ పరీక్ష పేరును మార్చాల్సి ఉంటుంది. ఎందుకంటే  అది ఫాస్టింగ్  పరీక్ష అనబడదు కదా ! 
 
వచ్చే టపాలో ఇంకొన్ని సంగతులు ! 

6. ప్రీ డయాబెటిస్ అంటే ఏమిటి ?

In ప్ర.జ.లు., మన ఆరోగ్యం., Our Health on ఏప్రిల్ 24, 2013 at 8:56 సా.

6. ప్రీ డయాబెటిస్ అంటే ఏమిటి ?

 
ప్రీ డయాబెటిస్ అంటే డయాబెటిస్ వ్యాధి నిర్ణయం  అవ్వక ముందు ఉండే పరిస్థితి.
ప్రీ డయాబెటిస్ ను ఎట్లా కనుక్కోవచ్చు ?:
ప్రీ డయాబెటిస్ ను మూడు రకాలైన రక్త పరీక్షల ద్వారా కనుక్కోవచ్చు ! ప్రీ డయాబెటిస్ పరిస్థితిలో రక్త పరీక్షలు  అబ్ నార్మల్ గా ఉంటాయి. కానీ ఈ అబ్ నార్మల్ పరీక్షలు ఖచ్చితం గా డయాబెటిస్ ఉన్నప్పుడు లాగా ఉండవు అందు వల్ల నే ఈ పరిస్థితిని ప్రీ డయాబెటిస్ అని అంటారు ! ఇక వ్యాధి లక్షణాల మాటకొస్తే , ప్రీ డయాబెటిస్ పరిస్థితి ఉన్నవారు  కొన్ని డయాబెటిస్ లక్షణాలు మాత్రమే చూపిస్తారు ! ఈ ప్రీ డయాబెటిస్ పరిస్థితిని కనుక కనుక్కుని తగిన జాగ్రత్తలు తీసుకుంటే కనీసం అరవై శాతం మంది లో అంటే ఒక వంద మంది ప్రీ డయాబెటిస్ ఉన్న వారిలో అరవై మంది లో వారు డయాబెటిస్ వ్యాధి బారిని పడకుండా నివారించుకోవచ్చు అని పరిశోధనల వల్ల స్పష్టమైంది ! అందుకే  ఈ ప్రీ డయాబెటిస్ ప్రాముఖ్యత అందరూ  తెలుసుకోవడం ఉత్తమం ! 
 
ఈ ప్రీ డయాబెటిస్ లక్షణాలు ఎట్లా ఉంటాయి ? :
1. అసాధారణం గా దాహం వేయడం 
2. ఎక్కువ గా మూత్ర విసర్జన చేయడం 
3. తీవ్రమైన అలసట కలగడం !
4. కళ్ళు  బైర్లు కమ్మినట్టు ఉండడం అంటే మసక మసక గా కనిపించడం 
5. తరచూ ఇన్ఫెక్షన్లు కలగడం 
6. చిన్న చిన్న గాయాలు తగిలినా కూడా ఆ గాయాలు మానక , చీము పట్టడం 
7. చేతులు , కాళ్ళు తిమ్మిర్లు ఎక్కువ గా అనిపించడం 
8. మూత్ర సంబంధమైన ఇన్ఫెక్షన్ లు తరచూ రావడం , ప్రత్యేకించి స్త్రీలలో . 
 
ఈ ప్రీ డయాబెటిస్ వచ్చే అవకాశం ఎవరిలో ఎక్కువ గా ఉంటుంది ?:
1. సామాన్యం గా 45 సంవత్సరాలు దాటిన వారిలో 
2. ఆసియా వాసులలో ( అంటే భారత ఉపఖండం లో ఉన్న వారు కూడా ! ) 
3. కుటుంబం లో ఎవరైనా డయాబెటిస్ అప్పటికే ఉన్నవారు ఉంటే 
4. అధిక రక్త పీడనం ఉన్నవారు 
5. గర్భం తో ఉన్నపుడు డయాబెటిస్ వచ్చిన స్త్రీలు 
 
ప్రీ డయాబెటిస్ వచ్చిన వారందరూ తరువాత డయాబెటిస్ వ్యాధి గ్రస్తులవుతారా ?:
 
కాదు. పైన తెలిపినట్టుగా ,  ప్రీ డయాబెటిస్ అనే పరిస్థితి  పూర్తి డయాబెటిస్ వ్యాధి వచ్చే ముందు ఉండే పరిస్థితి.  ఈ పరిస్థితి లో కనుక అన్ని జాగ్రత్తలూ తీసుకుంటే , మధుమేహాన్ని లేదా డయాబెటిస్ ను  నివారించుకోవచ్చు ! వచ్చే టపాలో  ప్రీ డయాబెటిస్ ను కనుక్కునే పరీక్షల గురించి తెలుసుకుందాం ! 

 

5. గర్భం దాల్చితే, డయాబెటిస్ రిస్కు ఎక్కువ అవుతుందా?

In ప్ర.జ.లు., మన ఆరోగ్యం., Our Health, Our minds on ఏప్రిల్ 19, 2013 at 8:26 సా.

5. గర్భం దాల్చితే డయాబెటిస్ రిస్కు ఎక్కువ అవుతుందా? 

డయాబెటిస్ గురించిన కొన్ని వివరాలు క్రితం టపాలలో మనం తెలుసుకున్నాం కదా ! కొన్ని నివారణోపాయాలు కూడా తెలుసుకున్నాం కదా !మరి స్త్రీ గర్భం దాల్చగానే డయాబెటిస్ రిస్కు ఎక్కువ అవుతుందా ? :
ఒక్క మాటలో సమాధానం,  ఔననే చెప్పుకోవాలి ! వాటి వివరాలు తెలుసుకుందాం ! ఈ వివరాలు,ముఖ్యం గా   పిల్లా పాపలతో, కుటుంబం ప్రారంభించుదామనుకునే ప్రతి జంటా  తెలుసుకోవాల్సిన అవసరం ఉంది ! ఒక అంచనా ప్రకారం, ప్రతి వంద మంది   గర్భ వతులలోనూ , కనీసం పద్దెనిమిది మంది కి గర్భం తో ఉన్నప్పుడు , డయాబెటిస్ వచ్చే రిస్కు ఉంది !
గర్భం లో డయాబెటిస్ రావడానికి కారణం ఏమిటి ?:
ఇప్పటి వరకూ గర్భం దాల్చినప్పుడు, డయాబెటిస్ రావడానికి ఖచ్చితమైన కారణాలు తెలియలేదు , కానీ  పెరుగుతున్న శిశువు కు అనువుగా తల్లి హార్మోనులలో కొన్ని మార్పులు జరిగి , తల్లి నుంచి వచ్చే ఇన్సులిన్ అనే రక్తం లో షుగర్ లేదా చెక్కర ను కంట్రోలు చేసే హార్మోను సరిగా పనిచేయ నీయక పోవడం జరుగుతుంది ! దీనిని ఇన్సులిన్ రెసిస్టె న్స్ అంటారు ! పిండ దశలో ఉన్న శిశువు కు అవసరమయిన మావి లోనుంచి వచ్చే హార్మోనులు, తల్లి నుంచి వచ్చే ఇన్సులిన్ ను సరిగా పని చేయనీయవు ! దానితో తల్లి లో  డయాబెటిస్ వచ్చే రిస్కు ఎక్కువ అవుతుంది. గర్భం పూర్తి అయి , మావి కూడా శిశువు జన్మించాక బయటికి వస్తుంది కాబట్టి ,క్రమేణా ,  ఇన్సులిన్ పనిచేయడం మొదలై డయాబెటిస్ తల్లి లో మాయం అవుతుంది !  ఒక విధం  గా , గర్భం దాల్చినప్పుడు తల్లి లో కనిపించే డయాబెటిస్ ” మావి చేసే మాయ ” అన్న మాట ! 
మరి తల్లి కి గర్భం లో డయాబెటిస్ వస్తే  ఏమవుతుంది ? మళ్ళీ  ప్రసవం అవగానే ఆ డయాబెటిస్ మాయం అవుతుంది కదా ? :
గర్భం దాల్చినపుడు డయాబెటిస్ కనుక వస్తే వాటి పరిణామాలు   తల్లి మీదా,  గర్భం లో పెరుగుతున్న శిశువు మీదా కూడా ఉంటాయి ! 
1. తల్లి రక్తం లో ఏర్పడిన అధిక చెక్కెర అంటే షుగర్ , రక్త నాళాల ద్వారా శిశువు లో ప్రవేశించి , శిశువు బరువు ను పెంచుతుంది !  ఈ బరువు సాధారణ బరువుకన్నా ఎక్కువ గా ఉంటుంది ! 
2. శిశువు బరువు ఎక్కువ గా ఉండడం వల్ల   ప్రసవ సమయం లో బయట కు వచ్చే సమయం లో శిశువు భుజాలు ( పెద్దవి అవడం వల్ల ) గాయ పడే ప్రమాదం ఉంది ! 
3. అంతే కాక , శిశువు ఎక్కువ ఇన్సులిన్ ను ఉత్పత్తి చేస్తుంది ( తన రక్తం లో ప్రవేశించిన ఎక్కువ చెక్కెర ను నియంత్రించుకోవడం కోసం ) దానితో శిశువు రక్తం లో చెక్కెర శాతం తగ్గిపోతూ , ఊపిరి తీసుకోవడం లో సమస్యలు ఏర్పడే రిస్కు ఎక్కువ అవుతుంది ! 
4. ఇంకా ,  పరిశోధనల వల్ల , ఇట్లా అధిక బరువు తో పుట్టిన శిశువులలో , వారు పెరిగి పెద్ద అవుతున్నపుడు వారికి డయాబెటిస్ వచ్చే రిస్కు ఎక్కువ అవుతుంది !  
శిశువుకే కాక , గర్భం దాల్చిన సమయం లో డయాబెటిస్ వచ్చే ప్రతి ముగ్గురు తల్లుల్లో , కనీసం ఇద్దరికి , క్రమేణా డయాబెటిస్ వస్తుంది  అని తెలిసింది !  
 
ఈ క్రింది లింకు మీద క్లిక్ చేయండి  ఈ విషయం మీద ఎక్కువ అవగాహన ఏర్పడడానికి ! 
 
వచ్చే టపాలో ఇంకొన్ని సంగతులు ! 

3. మరి, అసలు రతి ( సెక్స్ ) లో ఎన్ని క్యాలరీలు ?

In ప్ర.జ.లు., మన ఆరోగ్యం., మానసికం, Our Health, Our minds on ఏప్రిల్ 18, 2013 at 11:47 ఉద.

3. మరి  అసలు రతి ( సెక్స్ )  లో ఎన్ని క్యాలరీలు ?

క్రితం టపాలో  రతి కి ముందు జరిగే ముందాట ( అంటే ఫోర్ ప్లే  ) లో జరిగే వ్యాయామమూ , వ్యయమయే క్యాలరీల వివరాలు శాస్త్రీయం గా సెక్సాలజిస్ట్ పరిశోధనల ప్రకారం తెలుసుకున్నాం కదా ! మరి అసలు రతి    మాటేంటి ? అసలు సిసలైన సెక్స్, అంటే పెనె ట్రే టివ్ సెక్స్ ( అంటే పురుషాంగం యోనిలో ప్రవేశింప చేసి, ఇరువురూ అనుభవించే  ” అసలైన రతి ” ) లో క్యాలరీలు వ్యయం ఎట్లా అవుతాయి ? ఆ వ్యయాన్ని ఎట్లా ఎక్కువ చేసుకోవచ్చు ? 
సామాన్యం గా, ఒక సారి రతి  సంపూర్ణం గా జరిగితే , కనీసం నూట నలభై నాలుగు క్యాలరీలు దహించ బడతాయి, అంటే వ్యయమవుతాయి ! ఈ లెక్క , ఒక సారి,  స్త్రీ పురుషులు , ఓ అరగంట కనుక రతి లో పాల్గొన్నట్టయితే అనుకుని వేసిన లెక్క . అంటే,  మీరు తిన్న ఓ పెద్ద చాక్లెట్ బార్ లో ఉండేన్ని క్యాలరీలు ఖర్చు చేసినట్టే ! ఎక్కువ క్యాలరీలు కాల్చాలంటే, ”  రతిలో ముఖ్యం గా చేయవలసినది, చాలా కామ పూరితం గా నూ , చాలా ఎక్కువ సమయమూ, స్త్రీ పురుషులిరువురూ అత్యుత్సాహం తో , కానీ ఆత్రుత పడకుండా , నింపాది గా  పరస్పరం , ప్రేమానురాగాలను కామ వాంఛ తో కలగలిపి ” రతి రంగం ” లో యాక్టివ్ గా పార్టిసిపేట్ చేయాలి ! మన అచ్చ తెలుగు లో చెప్పుకోవాలంటే , క్రియా శీలురు కావాలి, ప్రేయసీ ప్రియులిరువురూ ! ” అని ‘అనుభవజ్ఞుల’ ఉద్భోద ! రతి కార్యం జరిగే సమయం లో,ఇంకా ఖచ్చితం గా చెప్పుకోవాలంటే , ఓ గాఢమైన కౌగిలి లో ‘ మరుగు” తున్నప్పుడో , పెదవులు నాలుగూ ‘ సీలు ‘ వేసిన మగత ముద్దు లో ‘మునిగి ఉన్నప్పుడో ,’ లేదా  పురుషాంగం యోని ద్వారా   ఒక సవ్యమైన విధం గా అంటే ఒక రిధం లో ప్రవేశిస్తూ ఉన్నపుడో , భారమైన  ఆనందోద్వేగాల నిట్టూర్పు , ఇంకా ఆర్గాజం పొందుతూ , చేసే మూలుగులూ , కూడా ఓ ముప్పై క్యాలరీల వరకూ వ్యయం అవుతాయి” , అంటే  భారమైన మూలుగులూ, నిట్టూర్పులు కూడా క్యాలరీల వ్యయానికి దోహద పడతాయని శెలవిచ్చారు కింబాచ్ గారు ! ఇక్కడ గమనించ వలసినది, కేవలం మూలుగులు , నిట్టూర్పులు క్యాలరీలను దహించవు. ప్రేమ పూర్వకమైన రతి లో, ప్రణయోద్వేగం జనించి,   ఆ అనుభూతులను ఆస్వాదిస్తూ , కామోచ్చ్చ దశ అంటే క్లైమాక్స్  చెందుతున్న ప్పుడే , ఆ సన్నని మూలుగులు కూడా, ఎన్నో క్యాలరీలు వ్యయం చేస్తాయని !  
 ఇంకో ముఖ్య విషయం ,”  అధిక భారం తగదు” :  మనకందరికీ తెలుసు, మనం బరువులు మోస్తే మన క్యాలరీలు ఎక్కువ ఖర్చు అవుతాయని ! అదే సూత్రం రతి లోనూ వర్తిస్తుంది ! సంప్రదాయ రతి కార్యం లో , స్త్రీని ( పురుషుడి ) భారం మోయడమే సహజమనుకునే వారు చాలా మంది ఉంటారు !  ఇట్లా చేయడం వల్ల రతి, నిజం గానే ” అతి భారం ” అవుతుంది , ముఖ్యం గా స్త్రీకి ! స్త్రీ పురుషులిరువురూ , ఉల్లాసం గా , కామ వాంఛ  తో, కామోద్వేగం తో,  క్రియా శీలురు అయి, ఆనంద డోలిక లలో తేలుతూ ఉండాలంటే , వారు తరచూ రతి సమయంలో ” స్థాన భ్రంశం ” కూడా చెందుతూ ఉండడం ఉత్తమం ” అంటారు కింబాచ్ గారు ! ప్రత్యేకించి ఆమె చెప్పేది ,  పురుషు ని మీద కనుక స్త్రీ కూర్చుని ” రతి ” లో పాల్గొని  ” రత్యానందం ” పొందుతే , ”  కనీసం ఆ అరగంట సమయం లో రెండు వందల ఏడు క్యాలరీలు వ్యయమవుతాయి ఆ స్త్రీలో ” ! అని !  రతి రీతులు ఎట్లా ఉన్నా , స్థాన భ్రంశాలు జరుగుతూ ఉన్నా కూడా  చివరగా ఇరువురూ ఆర్గాజం పొందడం ద్వారానే , అత్యధిక క్యాలరీలు దహింప బడి , అత్యధిక ఆనందం కూడా పొందగలుగుతారు ” అన్న మాట కింబాచ్ గారి ” తుది మెరుపు” ! 
 
వచ్చే టపాలో ఇంకొన్ని సంగతులు ! 
 ( మీకు తెలుసా ? ఈ బ్లాగులో  ‘ medline plus ‘ అనే విడ్జెట్ మీద క్లిక్ చేస్తే మీకు ఏ ఆరోగ్య విషయం మీదనైనా శాస్త్రీయ మైన వివరాలు లభ్యమవుతాయని !  కాక పొతే అవన్నీ ఆంగ్లం లోనే ఉన్నాయి ) 

రతి వ్యాయామం కాదా.2.

In ప్ర.జ.లు., మన ఆరోగ్యం., మానసికం, Our Health, Our minds on ఏప్రిల్ 16, 2013 at 10:42 సా.

రతి వ్యాయామం కాదా.2. 

 
మీ హస్త లాఘవం కూడా క్యాలరీలను దహించి  ఆమె లో కామోత్తేజ దీపం వెలిగిస్తుంది ! :
 క్యాలరీలు వ్యయం కావట్లేదు అనుకునే వారికి రతి  ముందు వారి చేతులతో చూపించే ” చొరవ ”  కూడా  బాగా ఉపయోగ పడి, కనీసం అరగంటకు ఓ యాభై క్యాలరీలను దహిస్తుంది ! అంటే ఒక గంటకు వంద క్యాలరీలు ! ఓపికను బట్టి , హస్త లాఘవం ఒక గంట వరకూ చూపించ వచ్చు !  ప్రేయసీ ప్రియులు రతి ముందే  ఒకరి నుంచి ఇంకొకరు ఆనందాన్ని దోచుకోవడమే కాకుండా పంచుకోవచ్చు కూడా !  ” చాలా సుతి మెత్తని , భావోద్వేగ పూరితమైన  అనుభూతులు రేకెత్తించే స్పర్శ మీ చేతులతో , అతి నెమ్మది గా కలిగించాలి !  ఆమె దేహం మీద అతడూ , అతని దేహం మీద ఆమె  కేవలం కర స్పర్శ తో నే  క్యాలరీలను మండి స్తూ , రతికి ముందు అవసరమయే ఉష్ణోగ్రత జనింప చేయవచ్చు అంటారు సెక్సాలజిస్ట్ కింబాచ్ ! అంతే కాకుండా ఒకరినొకరు తమ దేహాలు పరస్పరం తగిలించు కుంటూ కూడా , అంటే కేవలం చేతులతో కాకుండా క్యాలరీలను కాల్చ వచ్చునంటారు ఆమె ! 
 
మర్దన తో అంటే మసాజ్ తో కూడా వేడిని పుట్టించ వచ్చు ! మీ మెసేజ్ ను ఎక్కడా  రాయకుండా నే తెలప వచ్చు ! 
” మీ ప్రియుడికి మీ చేతులతో ఒక మంచి మసాజ్ , అదే మర్దన ఇచ్చినా కూడా  మీలో  ప్రేమ  ప్రవర్ధనం అవుతుంది ”  మీరు ప్రేమ తో , అతని శరీరం మీద మర్దన చేసే ప్రతి సారీ , మీ హృదయ స్పందన వేగం ఎక్కువ అవుతూ , మీలో కోరికల గుర్రాలను చెల్లా చెదురుగా పరిగెత్తిస్తుంది ”  మీ శరీరాన్ని క్యాలరీలు కాల్చే మోడ్ లో పెడుతుంది ! ఇక్కడ కూడా ” మీరు ఎంత నిదానం గా , ఎంత ” లోతు గా ” మర్దన చేస్తే, అంత లాభం !  క్యాలరీలు దహించడం లోనూ , మీ ఆనందపు గ్యాలరీ లో మీ అనుభవాలను పదిల పరుచుకోవడం లోనూ ” అంటారు కింబాచ్ !  ఇంకో చిరు సూచన కూడా ఆమె చేశారు ! మీరు కేవలం శయన మందిరం లో కాక ఈ మసాజ్  ఇవ్వడం, పుచ్చుకోవడం , ఒక మసాజ్ బల్ల , అదే టేబుల్ ఉపయోగించడం ఉత్తమం ! మసాజ్ టేబుల్  మీద ఒకరుండి , ఇంకొకరు నుంచుని మసాజ్ చేస్తే ఎక్కువ క్యాలరీలు ఖర్చు అవుతాయి ! ” అని కూడా ! 
 
వచ్చే టపాలో ఇంకొన్ని సంగతులు !     

రతి ( సెక్స్ ) వ్యాయామం కాదా ?

In ప్ర.జ.లు., మానసికం, Our Health, Our minds on ఏప్రిల్ 14, 2013 at 7:02 సా.

రతి ( సెక్స్ )  వ్యాయామం కాదా ? : 

అన్యోన్య దాంపత్య జీవితం లో  రతి  అంతర్భాగమే కదా !  ఆరోగ్య వంతులైన దంపతులు తరచూ రతి లో పాల్గొంటూ ఉంటే ,  అది వారి మానసిక ఆరోగ్యానికే కాక, శారీరిక ఆరొగ్యానికీ  ఎంతో మంచిది ! ప్రేమానురాగాలతోనూ , భావావేశ పూరితం గానూ , పాల్గొనే ప్రతి రతీ , అనేక ఆనందాలు కలిగించడం తో పాటుగా అనేక వందల క్యాలరీల ను కూడా  కాల్చి, ప్రేమలో వేడిని పుట్టిస్తుంది !  శాస్త్రీయ పరిశోధనల వల్ల  రతి కార్యక్రమం లో ప్రతి చర్యా , స్త్రీ పురుషుల శక్తిని ( క్యాలరీ ల రూపం లో ) ఉపయోగించడం తో పాటుగా, వారిలో నూతన శక్తిని కూడా ఆవిష్కరిస్తుంది !  ఒక నూతనోత్తేజాన్ని కలిగిస్తుంది !
ఈ క్రింద  ఉన్న వివరాలు చూడండి !  ఇవన్నీ స్త్రీ పురుషుల బరువు షుమారు డెబ్బై కిలోల బరువు ఉన్న స్త్రీ పురుషుల ను ఆధారం గా చేసికొని గుణించినవి. 
1. చుంబనం :  ( ముద్దు ) :  స్త్రీ పురుషులు  ఒకరినొకరు  రతి క్రియ మొదలు పెట్టే ముందు ఒక అరగంట కనుక ఒకరి మీద ఒకరు ( ఆకాశం ప్రేమావ్రుతం అయాక ! )  ముద్దుల వర్షం కురిపించుకుంటే , ఆ ముద్దు తీవ్రతను బట్టి , మీరు అరవై ఎనిమిది క్యాలరీల ను వ్యయం చేస్తారు !  మీ ప్రేమ ఘాటు గా ఉంటే ,  మీరు వ్యయం చేసే క్యాలరీలు ఎక్కువ అవుతాయి అంటే , మీరు  తొంభై  క్యాలరీల వరకూ వ్యయం చేయవచ్చు ! జయా కింబాచ్  అనే లాస్ ఏంజెల్స్ కు చెందిన సెక్సాలజిస్ట్ ”  మీరు వ్యయం చేసే క్యాలరీలను ఇంకా ఎక్కువ చేసుకోవచ్చు , మీరూ  మీ భాగాస్వామీ  కాస్త  పొజి షన్లు  సర్దుబాటు చేసుకుంటే !  ” అని కూడా శలవిస్తున్నారు ! వారి ఉవాచ ప్రకారం,శయన మందిరం లో  ప్రియుడి మీదగా ప్రియురాలు చేరి, అతని పెదవుల మీద ఒక చుంబనం అందించి , మళ్ళీ దూరం గా జరగడం చేయమంటున్నారు ! ఇట్లా ముద్దులను స్త్రీ ” అందని ద్రాక్ష పళ్ళ లా , అందించీ అందించకుండా ముఖాన్నీ ( తన శరీరాన్నీ ) దూరం గా జరుపుతూ ఉంటే , వ్యాయామం అవడమే కాకుండా , క్యాలరీలు కూడా వ్యయమవుతాయి ! అంటున్నారు ఆమె !
2. వలువలు తీయడం :  స్త్రీ పురుషులు  రతి క్రియ కు ముందు బట్టలు తీసుకునే సమయం లో కూడా కనీసం ఎనిమిది నుంచి , పది క్యాలరీలు ఖర్చు చేస్తారని తెలిసింది . ఒక ఇటాలియన్ సెక్స్ స్పెషలిస్టు , పురుషుడు కనుక తన చేతులతో కాక తన పళ్ళతో అంటే దంతాలతో, పెదవులతో  స్త్రీ ధరించిన బ్రా ను కనుక  ఊడ దీస్తే , అప్పుడు, కనీసం అరవై నుంచి డెబ్బై క్యాలరీలు ఖర్చు అవుతాయని ప్రవచించారు ! గిల్డా కార్ల్ అనే సైకో తెరపిస్ట్  ” వడి వడి గా బట్టలు తీసుకుంటే ఉండే ఆనందం కన్నా ,నింపాదిగా , ఒకరినొకరు ఆడించు కుంటూ, దొంగాట లాడుతూ , కొంత సస్పెన్స్ తో  కనుక  ఈ ( నగ్నం గా సిద్దమయే ) క్రియ జరిగితే కూడా ఒక రకమైన వ్యాయామం అయి , క్యాలరీలు ఖర్చు అయినా , ఆనందం కూడా దక్కుతుందని అంటారు ఆమె !
వచ్చే టపాలో ఇంకొన్ని వివరాలు !