Our Health

Archive for డిసెంబర్ 6th, 2017|Daily archive page

బయటి తిండి, మన ఆరోగ్యానికి మంచిదేనా?2.

In మన ఆరోగ్యం., Our Health, Our minds on డిసెంబర్ 6, 2017 at 12:05 సా.
బయటి తిండి, మన ఆరోగ్యానికి  మంచిదేనా?2.
Image result for transfats
బయటి తిండి తో అనర్ధాలు వివరం గా తెలుసుకుందాం , ఎందుకంటే మన ఆరోగ్యం మీద శ్రద్ధ మనకు కాకపొతే , అమ్మేవాడికి ఉండదు కదా !
అమ్మే వాడికి , సొమ్ము మీదే శ్రద్ధ ఉంటుంది ! 
ఆహారం తయారు చేయడానికి ఉపయోగించే పదార్ధాలు : ఇవి నాసి రకం గానూ , తాజావి కాకుండానూ ఉంటాయి ! ఎందుకంటే , అవి చౌక కనుక !
వండే సమయం లో లోపించే శ్రద్ధ !:
తక్కువ నూనె తో వండే , ఇగురు కూరలూ , వంటలూ , ఆరోగ్యానికి మంచివి !  ఎక్కువ నూనె వేయడమే కాకుండా , బయటి తిండి లో ఆ నూనె కల్తీ ది గా ఉండడం  అతి సాధారణం గా జరుగుతుంది !
బాగా వేయించిన వంటకాలు ఆరోగ్యానికి మంచిది కాదు !
మనం ఎప్పుడైనా , బయటి తిండి  వండే  రెస్టారెంట్ వారు కానీ , తోపుడు బండి వారు కానీ ,    ఉపయోగించిన వంట నూనె ను  బయట పారబోయడం చూశామా ? ఎందుకు చూడ లేదంటే ,  వాళ్ళు , ఒక సారి ఉపయోగించిన నూనె ను , అనేక డజన్ల సార్లు ఉపయోగించి , ఆ నూనె బాండీ లోనే ‘ ఇగిరిపోయే ‘ దాకా వాడుతారు ! 
అట్లా పదే పదే , వేయించిన నూనె  రక్తనాళాలకు చాలా హానికరం !  అట్లాటి నూనె చాలా త్వరగా రక్తనాళాలు ‘ పూడుకు ‘ పోవడానికి కారణమవుతుంది ! 
నాసి రకమైన పదార్ధాలను వాడుతున్నప్పుడు , వాటి ( తక్కువ ) రుచి ని కప్పి పుచ్చడానికి , అనేక రకాల స్పైసెస్ వేస్తారు అంటే మసాలాలు !  ఆ మసాలా మజాలో పడి , మనం ఆ పదార్ధాలను ‘ ఆహా ‘ ‘ ఓహో ‘ అనుకుంటూ , లొట్టలు వేసుకుంటూ తింటాం !
తరచు గా ఇట్లా మసాలా లు దట్టించిన ఆహారం తినడం వల్ల , కడుపులో మంట  మొదలవుతుంది !  ఇంకా మసాలా లు ఉన్న ఆహారం తింటూ ఉంటే , ఆ మంట ను , మనకు తెలియకుండానే మనం ‘ పోషించుకుంటాం ‘ !
Image result for transfats
వచ్చే టపాలో ఇంకొన్ని సంగతులు !  
%d bloggers like this: