Our Health

బంధాలు ఎందుకు తెగుతాయి ?10. ఘర్షణ !

In Our Health on ఏప్రిల్ 26, 2015 at 10:51 ఉద.

బంధాలు ఎందుకు తెగుతాయి ?10. ఘర్షణ !

ఏ బంధం లోనైనా ఎంతో కొంత , అప్పుడప్పుడూ  ఘర్షణ ఉండడం సహజమే !  కానీ ఆ ఘర్షణ నిరంతరం , అంటే విరామం అంటూ లేకుండా , పగలూ , రాత్రీ జరుగుతూ ఉంటే , ఆ బంధం తెగిపోయే అవకాశం హెచ్చుతుంది ! 
ఘర్షణ తీవ్రతరం అవుతున్నప్పుడు  బంధం లో ఉన్న ఇరువురూ గుర్తుంచు కోవలసిన ముఖ్యమైన విషయాలు :
1.  మీకు ఆ ఘర్షణ సమయం లో ఏ విధం గా ప్రతి స్పందించాలో , అంటే రియాక్ట్ అవ్వాలో,  అది పూర్తి గా మీ మీదే ఆధార పడి  ఉంటుంది ! అంటే ఆ స్వేచ్ఛ  మీకు ఉంది !
2. ఘర్షణ సమయం లో మీరు  తీసుకునే ప్రతి చర్యా , ఆ ఘర్షణ ను తీవ్రతరం చేస్తున్నదా , లేదా ఆ ఘర్షణ ను  తగ్గిస్తున్నదా అనే విషయం మీరు ఆలోచించుకోవాలి ! మీరు తీసుకునే చర్య , కేవలం ఒక మాట అనడం కావచ్చు ! అంటే  ఒక  పరుషమైన మాట , అంటే , ఇతరుల ను ఉద్రేక పరిచే మాట , లేదా అవమాన పరిచే మాట అవ వచ్చు ! అట్లా పరుషమైన మాటలు అనే ముందు , వాటి పరిణామాలు కూడా మీరు ఆలోచించుకోవాలి ! అంటే , మీరు అనే మాట ఘర్షణ ను తీవ్రతరం చేస్తుందా లేదా అని !  లేదా ఒక  పని అవ్వ వచ్చు ! ఉదాహరణ కు , ఆ ఘర్షణ వాతావరణం నుంచి , బయటకు కానీ , ఇంకో గది లోకి కానీ వెళ్ళడం !  లేదా మీ భాగస్వామి దగ్గరికి వెళ్లి  అనునయం గా వారితో మాట్లాడి సర్ది చెప్పడం అవ వచ్చు ! లేదా  వారిని విదిలించుకుని పోవడం కూడా అవ వచ్చు ! 
3. కొన్ని సమయాలలో , మీ కు బాగా బాధ కలిగించే మాటలు వినడం కానీ , లేదా  ప్రవర్తన కానీ మీకు అనుభవం అవ వచ్చు ! ఆ సమయాలలో  వెంటనే రియాక్ట్ అవకుండా , కేవలం కొన్ని క్షణాలు  పాజ్ అంటే విరామం ఇస్తేనే , ఆ ఘర్షణ పరిస్థితి ఎంత ‘ చల్ల ‘ బడుతుందో మీరే గమనించండి ! అంటే , మీకు ఆ ఘర్షణ సందర్భం , బాధ లేదా ఉద్రేకం కలిగించినా కూడా  మీరు  ఓపికతో , వెంటనే ఇంకో మాట అనకుండా , కేవలం  మీ మౌనం తో , ఆ పరిస్థితిని మార్చ గలరు ! 
4. మీ పొరపాటును ఒప్పుకోండి !  : పొరపాట్లు మానవ సహజం ! ఎందుకంటే , ఖచ్చితమైన,  లేదా ఆదర్శ ప్రాయమైన ప్రవర్తన , కేవలం పుస్తకాలకే పరిమితమవుతుంది !  ఏది పొరపాటో , ఏది మంచో అనేది కేవలం సాపేక్ష ! అంటే రిలేటివ్ !  కానీ , మీవల్ల జరిగిన పొర పాట్లను  సహృదయత తో అంగీకరించితే , ఆ బంధం బల  పడుతుంది ! 
5. ఇతరుల ప్రవర్తన మార్చే ముందు , మీ లో మార్పు కు సిద్ధ పడండి ! మీ ప్రవర్తన  ( బంధం లో ) ఇతరుల ప్రవర్తన ఎట్లా మారుస్తుందో గమనించండి ! మీలో మార్పే , ఎదుటి వారిలో మీకు నచ్చని ప్రవర్తనను మార్చి వేయవచ్చు !  మీ బంధం  చక్కటి అనుబంధం గా మారవచ్చు ! 
మిగతా సంగతులు వచ్చే టపా లో ! 

స్పందించండి

Fill in your details below or click an icon to log in:

WordPress.com Logo

You are commenting using your WordPress.com account. Log Out / మార్చు )

Twitter picture

You are commenting using your Twitter account. Log Out / మార్చు )

Facebook photo

You are commenting using your Facebook account. Log Out / మార్చు )

Google+ photo

You are commenting using your Google+ account. Log Out / మార్చు )

Connecting to %s

%d bloggers like this: