Our Health

Archive for the ‘మానసికం’ Category


తన కోపమె … 1.

In ప్ర.జ.లు., మన ఆరోగ్యం., మానసికం, Our Health, Our minds on మార్చి 15, 2014 at 10:04 ఉద.

తన కోపమె … 1. 

 
మనం , మన జీవితాలలో, అనేక సందర్భాలలో, అనేక సమయాలలో సహనం కోల్పోతూ ఉంటాము , కోపం తెచ్చుకుంటూ ఉంటాము !  ఉద్రేక పడుతూ ఉంటాము !  క్రోధం పెంచుకుంటాము !  మరి ఈ కోపం ఏమిటి ? కోపం రావడం మన ఆరోగ్యానికి మంచిదేనా ? తరుచు గా కోపం వస్తే , అది ఏ రకం గా మనలను ప్రభావితం చేస్తుంది ? చీటికీ, మాటికీ కోపం వస్తుంటే , దానికి చికిత్స ఉంటుందా ?  అసలు కోపం ఒక వ్యాధి అనుకోవచ్చా ? అనే విషయాల గురించి తెలుసుకుందాం ! 
 
ఏది కోపం అనబడుతుంది ?:
కోపం , మానవుల లోపల దాక్కున్న వత్తిడిని తెలుపడానికి ఉపయోగించే ఒక శక్తి వంతమైన ఎమోషన్ ! మానవులలో చాలా రకాలైన ఎమోషన్ లు లేదా అనుభూతులు కలుగుతూ ఉంటాయి , సమయం, సందర్భం బట్టి !  ఉద్రేకం , ఆనందం , విషాదం , ఇట్లాంటి ఎమోషన్ లు లేదా అనుభూతులు ! ‘ నాకు కోపం వస్తే పట్ట లేను ‘ అనీ ‘ నాకు కోపం వస్తే అది కట్టలు తెంచు కుంటుంది అనీ , ‘ నాకు కోపం వస్తే , నన్ను నేను కంట్రోలు చేసుకోలేను’  అనీ , ‘ నాకు కోపం వచ్చినపుడు , గట్టిగా ఎడవాలని అనిపిస్తుంది ‘ అనీ  , ఇట్లా , అనేక మంది అనేక రకాలు గా తమ కోపం గురించిచెబుతూ ఉంటారు ! మన అనుభూతులన్నీ కూడా , సహజం గా మన భౌతిక అంటే శారీరిక , మానసిక , ఇంకా సామాజిక పరిస్థితుల కనుగుణం గా  కలుగుతూ ఉంటాయి !  మరి కోపం కూడా మన అనుభూతులలో ఒకటి కనుక , అది కూడా , సహజం గానే ఈ మూడు పరిస్థితులను బట్టి ,  కలుగుతూ ఉంటుంది ! అంటే , మన శారీరిక స్థితి, మన మానసిక స్థితి , మన చుట్టూ ఉండే వాతావరణం , ఈ మూడు పరిస్థితులూ  కలిసి , మన ఇతర అనుభూతులు లేదా  ఎమోషన్స్ లాగానే , మన కోపాన్ని కూడా ప్రభావితం చేస్తాయి ! 
బాగా రద్దీ గా ఉన్న ట్రాఫిక్ లో , అందరూ దోవ కోసం వెయిట్ చేస్తూ ఉంటే , మన పక్క నుంచి , ఎంతో అత్యవసరం ఉన్నట్టు , ఓవర్ టేక్ చేస్తూ , హారన్ అదే పని గా మోగిస్తూ , ముందుకు దూసుకు పోవాలని , శత విధాలు గా ప్రయత్నాలు చేస్తున్న వాహనదారులను చూస్తుంటే , మన అనుభూతి, ‘ కోపం ‘ కాక  ఏమవుతుంది ? రెండు గంటల నుంచి టికెట్ కోసం క్యూ లో నిలబడి ఉంటే , ‘ నేనే మొనగాడిని ‘ అని, టికెట్ కోసం, ఏదో పని ఉందన్నట్టు , ముందుకు దూసుకు పోయే ,  ‘ దేశ వాసులను’ చూస్తుంటే , వేరే అనుభూతి ఎట్లా కలుగుతుంది !? కులం , మతం , ప్రాంతం , పేర్లతో , మనుషులను , ‘ చీల్చి ‘ వేస్తూ , సొంత లాభం అంతా చూసుకుంటూ , పొరుగువాడికి తూట్లు పొడుస్తున్న  ‘ నాయకులను ‘ చూస్తుంటే  కలిగే అనుభూతి కి వేరే పేరు ఎట్లా ఉంటుంది ? 
కోపం ఎట్లా బయట పడుతుంది ? 
మనం , మన భౌతిక స్థితి నీ , మానసిక స్థితినీ , మన పరిసరాలనూ , ఎప్పుడూ బేరీజు , లేదా అంచనా వేసుకుంటూ ఉంటాము ! మన ఆలోచనలను తదనుగుణం గా విస్తృత పరుచుకుంటూ ఉంటాము ! ఆ మూడు పరిస్థితులకూ , మనం ఏ రకం గా  స్పందించాలో కూడా నిర్ణయించు కుంటూ ఉంటాము ! ఆ ఆలోచనలు , అనుభూతులు లేదా ఎమోషన్స్ గా రూపాంతరం చెందుతాయి ! అంటే , మనం నిరంతరం చేస్తున్న ఆలోచనలే , అనుభూతులు గా మారతాయి ! ఈ మార్పులు చాలా తక్కువ సమయం లో జరుగుతూ ఉంటాయి ! అంటే చాలా వేగం గా !  ఈ అనుభూతులు లేదా ఎమోషన్స్ , మనం ఆ పరిస్థితులకు ఏ రకం గా స్పందించాలో నిర్ణయిస్తాయి !  మనం కనుక , ఆ పరిస్థితిని అపాయకరమైనది గా నిర్ణయిస్తే , మనకు భయం అనే అనుభూతి కలుగుతుంది ! అదే , మనకు ఆ పరిస్థితి లో అన్యాయం జరిగిందని కనుక మనం నిర్ణయించుకుంటే , మన అనుభూతి ‘ కోపం’ అవుతుంది ! 
 
 
 
వచ్చే టపా లో ఇంకొన్ని సంగతులు ! 


ఉండే చోటు మీద మమకారం .4.

In ప్ర.జ.లు., మన ఆరోగ్యం., మానసికం, Our Health, Our minds on మార్చి 9, 2014 at 11:16 ఉద.

ఉండే చోటు మీద మమకారం . 4. 

ఉండే చోటు మీద మనకు ఏర్పడే మమకారం , కేవలం ఆ స్థానం మీదనే కాక , అక్కడ మనం, అక్కడి వ్యక్తులతో కలిగి ఉన్న పరిచయాల మీద కూడా ఆధార పడి ఉంటుందని సామాజిక శాస్త్ర వేత్తల అభిప్రాయం. అనేక మంది శాస్త్ర వేత్తలు ,  ఈ  మమకారం , ప్రధానం గా అక్కడి సమాజం తో మన సంబంధాల మీదా , ఆ తరువాత ఆ స్థానం మీదా ఆధార పడి ఉంటుందని విశద పరిచారు ! 

ఒక ప్రాంతం లో లభించే వసతులూ , అవి ఎంత వరకూ మనం అనుభవిస్తున్నాం అనే విషయాలు కూడా మన మమకారాన్ని , ప్రభావితం చేస్తాయి !  మనకు ఆ ప్రాంతం లో వివిధ కారణాల వల్ల అనేక వత్తిడులను కనుక భరించాల్సి వస్తే , ఆ అనుభవాలు , మనకు, ఆ ప్రాంతం మీద ఏవగింపు కలిగిస్తాయి ! ఆ ప్రాంతం నుంచి ఇంకో చోటికి వెళితే బాగుంటుందేమో అన్న భావన కలిగిస్తాయి !  ఈ వత్తిడులు ,  భౌతికం గా ఉండే ఆవాసం సరి అయినది కాక పోవడం వల్ల కానీ, లేదా అక్కడి వ్యక్తులతో మనం సత్సంబంధాలు ఏర్పరుచుకోలేక పోవడం వలన కానీ అవవచ్చు !  
ఏ కారణాల యినా కూడా , మానవులలో  పరిణామం చెందుతున్న ఈ  ఎటాచ్ మెంట్ స్వభావం , చిన్న తనం నుంచీ వారికి ఉండే గుణాల పరిణామే అని కూడా సామాజిక శాస్త్ర వేత్తలు అభిప్రాయ పడతారు ! పుట్టిన తరువాత నుంచీ , మానవులు సహజం గా , ఒక స్థిరమైన ‘ ఆలంబన ‘ కోసం పరితపిస్తారు ! అంటే, తమను జాగ్రత్త గా చూసుకునే వారి కోసం !  జననం ముందూ , అంటే పిండ దశలో గర్భం లోనూ , జననం తరువాతా , ఈ బాధ్యత సమర్దవంతం గా చేయగలిగేది , ఒక్క తల్లి మాత్రమే !  తల్లి ఒడి లో పిల్లలు పొందే ఆనందమూ , భద్రతా భావమూ , ఇంకెక్కడా  వారికి దొరకదు !  ఆ స్థిరమైన ఆలంబన ఏర్పడితే , అక్కడ నుంచి పిల్లలు తమ పరిసరాలను పరిశీలించడమూ , ఆ పరిసరాలను గురించి అవగాహన ఏర్పరుచుకోవడమూ చేస్తారు !  అంటే ,  వారి తల్లి ( దండ్రుల ) ‘ కను సన్నల ‘ లోనే , తమ పరిసరాలను కూడా గమనించడం అలవాటు చేసుకుంటారు ! అట్లాగే , వారి పెరిగి పెద్దయాక కూడా , ఒక స్థిరమైన ఆలంబన ఏర్పరుచుకుని , పరిసరాలను అర్ధం చేసుకోవడమూ , వాటితో తమ సంబంధాలను ఏర్పరుచుకోవడమూ చేస్తారు !   ఈ దశలో కూడా , వారికి  ఎటాచ్ మెంట్ ఫిగర్స్ ఉంటారు !  అంటే , చిన్న తనం లో తమకు ఏర్పడిన  ఎటాచ్మెంట్ తల్లి దండ్రులతో అయితే , వారు పెరిగే వయసులో కూడా , ఆ రకమైన ఎటాచ్ మెంట్ వ్యక్తులు లేదా ఫిగర్స్ కోసం  అప్రయత్నం గానే వెదుకుతూ ఉంటారు !  అట్లాంటి వ్యక్తులు తారస పడితే , వారి  లక్ష్యాలు సులభం అవుతాయి ! అంటే , వారు స్కూల్ లో ప్రవేశించ గానే ,  వారి తల్లి దండ్రుల లాంటి భావన కలిగించే ఉపాధ్యాయుల సమక్షం లేదా పర్యవేక్షణ లో , వారు ఎక్కువ ప్రభావ శీలురవుతారు ! అట్లా కాక , వారి తల్లి దండ్రుల  వ్యక్తిత్వానికి పూర్తి గా విరుద్ధం గా , క్రూర ప్రవర్తన కలిగి , విద్యార్ధులను  తీవ్రం గా మందలిస్తూ , దండించే వారి లో ‘ ఎటాచ్ మెంట్ ఫిగర్ ‘ అదృశ్యం అయి ,  వత్తిడి కి లోనవుతారు ! అభద్రతా భావన కు గురవుతారు !  వారు చేయవలసిన ఇతర పనులు, అంటే ఇక్కడ చదువుకోవడంలో  , ఆసక్తి చూపరు !
మానవులు పెరుగుతున్న కొద్దీ , ఒక స్థిరమైన స్థానం కోసం కూడా వెదుకుతూ ఉంటారు !  ఆ స్థానాన్ని ఒక  ‘ స్థావరం ‘ అంటే,  ‘ సెక్యూర్ బేస్ ‘ గా చేసుకుని , తమ పరిసరాలను పరిశీలించడ మూ , తమ చుట్టూ ఉన్న సమాజం తో సంబంధాలు ఏర్పరుచుకోవడం  చేస్తారు !  వారు ఉండే చోటు ఒక ‘ తల్లి ఒడి ‘ కావాలని ఆశిస్తారు  ! 
ఈ విధం గా , ప్రతి వ్యక్తి కీ ,  ఎటాచ్ మెంట్ ఫిగర్స్ తో పాటు గా , తాము అభిమానించే , లేదా మమకారం ఏర్పరుచుకున్న ఒక స్థానం కూడా  ఉంటుంది, వారి జీవితం లో ఏదో ఒక దశ లో’   అనే పరిశీలన తో చాలా మంది శాస్త్ర వేత్తలు అంగీకరిస్తారు ! 
 
వచ్చే టపాలో ఇంకొన్ని సంగతులు ! 

 


ఉండే చోటు మీద మమకారం.3.

In ప్ర.జ.లు., మన ఆరోగ్యం., మానసికం, Our Health, Our minds on మార్చి 2, 2014 at 2:37 ఉద.

ఉండే చోటు  మీద  మమకారం.3. 

 
ఉండే చోటు మీద, మమకారం ఎట్లా ఏర్పడుతుందో  చూద్దాము ! 
ఒక ప్రదేశం లో కొంత కాలం ఉండడం , లేదా ఉంటుండడం జరిగితే , ఆ ప్రదేశం మీద ప్రేమ ఏర్పడుతుంది , ఆపేక్ష ఏర్పడుతుంది ! ఇఫు తువాన్ అనే శాస్త్రజ్ఞుడు , ఈ పరిస్థితి కి ‘ టోపో ఫిలియా’   అని పేరు పెట్టాడు ! కంగారు  పడ నవసరం లేదు, పేరు ను చూసి ! టోపో  = అంటే ఒక ప్రదేశం అని ఫిలియా = అంటే ఇష్టం అనీ అర్ధం ! అంతే ! అంటే, ఈ పరిస్థితి లో మానవులకు ,  ఒక ప్రాంతం లో ఉండడం జరిగిన తరువాత , వారు , ఇతర ‘ ఏ ‘ ప్రాంతాలకు వెళ్లి ఉంటున్నా కూడా , వారికి అంతకు ముందే నచ్చిన ప్రాంతానికి వెళదామనే ఆసక్తి కలుగుతుంది !  ఆ ఆకాంక్ష పెరుగుతుంది !
ఆ చోటి స్మృతులు : 
ఒక చోట కొంత కాలం ఉండడం వల్ల కలిగే అనుభూతుల జ్ఞాపకాలు , ఉదాహరణకు : ఒక ప్రాంతం లో ఉంటూ ఉంటే , ఆ ప్రాంతం లో ఉంటున్న ఇతర వ్యక్తులతో , తమకు కలిగిన అనుభవాలు కూడా వారికి , ఆ ప్రాంతం తో ఒక బంధం ఏర్పరుచుతాయి ! అంటే , ఒక చోటు మీద ఆపేక్ష , లేదా ఎటాచ్ మెంట్ , కేవలం ఆ స్థానానికే పరిమితం అయి ఉండదు ! ఫలానా ప్రాంతం లో తమ జీవితం ఎంతో ప్రశాంతం గా గడచిందనీ , లేదా  అక్కడి మనుషులు ఎంతో మంచి వాళ్ళనీ , తమతో స్నేహ పూర్వకం గా ఉండడమే కాకుండా , తమకు  సమస్యలు ఏర్పడినప్పుడు , తమ వంతుగా , సహాయం కూడా చేశారనీ కూడా , ఆ అనుభవాలను గుర్తు తెచ్చుకుంటూ ఉండడం సహజమే ! 
ఇంతే కాకుండా  ‘ నేను పట్నం మనిషినే ‘ అని కానీ ‘ నేను టౌను మనిషిని ‘ అనుకోవడం కానీ జరిగినప్పుడు , వారు కేవలం ఒక్క పట్నాన్నే కాకుండా , తాము  ఏ పట్టణం లోనైనా నివశించడం ఇష్ట పడే వారిమని తెలియ చేస్తున్నట్టే !  అంటే , వారు ,  పట్నం లో ఉండే   అనేక వసతులకు  అలవాటు అవడమూ , ఇష్టమవడమూ , జరుగుతుంది ! ఉదా: ప్రస్తుతం , హైదరాబాదు లో , వివిధ ప్రాంతాల నుంచి వచ్చి ఉంటున్న వారికి , ఆ రకమైన అనుభూతులు ఏర్పడడానికి కారణం అదే !   వారు , వారి అనుభవాలను ఎప్పుడూ , రాజకీయాలకు అతీతం గా, వారి మనసులలో పదిల పరుచుకుంటారు ! జరుగుతున్న మార్పులు వారిని ప్రభావితం చేస్తున్నది కూడా అందుకే !  
ఆ చోటి ప్రవర్తన : అంటే మనం , మనకు నచ్చిన ప్రాంతాన్ని మళ్ళీ దర్శించినప్పుడు , మనం పొందే వివిధ అనుభూతులు , అనుభవాల కలయికే , మన ప్రవర్తన లో కనిపిస్తుంది ! మనకు ఇష్టం ఉన్న ప్రాంతానికి , ఉదాహరణకు , మన సొంత ఊరు, కొంత కాలం తరువాత  వెళ్ళినప్పుడు , మనకు తెలియకుండానే , మంచి అనుభూతులు పొందుతాము ! ఎక్కడ లేని ఉత్సాహం వస్తుంది , మనకు !  చలాకీ గా తిరుగుతాము ,అక్కడి  మనుషులను కలుస్తాము కూడా ! ఆనందం గా  గడుపు తాము ! దీనినే నాస్టాల్జియా అని కూడా అంటారు ! అంటే , గత అనుభవాలను గుర్తు చేసుకుంటూ ,  ఆనందానుభూతులు పొందడం ! 
అందుకే , ప్రకృతి వైపరీత్యాలు సంభవించినప్పుడు , ఒక చోట ఉన్న ప్రజలు , ఇంకో చోట పునరావాసం చేసుకుంటున్నప్పుడు , ఈ రకమైన ఎటాచ్ మెంట్ , లేదా ఆపేక్షను చూపడమే కాకుండా ,  ఆ అనుభవాలు పొందిన తమ ప్రాంత ప్రజలతో , వాటిని పంచుకుంటారు కూడా ! 
 
వచ్చే టపాలో ఇంకొన్ని సంగతులు ! 
 


ఉండే చోటు మీద ఆపేక్ష ! 2.

In ప్ర.జ.లు., మన ఆరోగ్యం., మానసికం, Our Health, Our minds on ఫిబ్రవరి 22, 2014 at 10:26 ఉద.

ఉండే చోటు మీద ఆపేక్ష ! 2. 

 
సాధారణం గా , ఉండే చోటు మీద, మనకు ఏర్పడే ఆపేక్ష , అనేక  పరిస్థితుల మీద ఆధార పడి ఉంటుంది ! అంటే, మనం ఉండే చోట , కేవలం ఒక ఇంట్లో ఉంటూ , తలుపులు మూసుకుని , బయటి ప్రపంచం తో సంబంధం లేకుండా , జీవనం సాగిస్తూ ఉంటే ,  మనం ఉండే చోటు, మనలను ఎక్కువ గా ప్రభావితం చేయదు ! కానీ, అధిక శాతం మానవులు , తాము ఉండే చోటు లో అనేక సంబంధాలను ఏర్పరుచు కుని ఉంటారు. ఇంకా ఏర్పరుచు కుంటూ ఉంటారు కూడా !  ఈ సంబంధాలలో , ఇతర మానవులతో ఏర్పరుచుకునే సంబంధాలు అతి ముఖ్యమైనవి ! 
స్క్యానెల్ , గిఫర్డ్ అనే ఇద్దరు సామాజిక మానసిక శాస్త్ర వేత్తలు ,  మానవులు, తాము నివశించే  స్థానం మీద ఏర్పరుచుకునే ఈ ఎటాచ్ మెంట్ లేదా ఆపేక్షను , ప్రధానం గా, మూడు  ప్రభావితం చేస్తాయి అని తేల్చారు ! అవి :  వ్యక్తి గతమైన  సంబంధాలు , పరిస్థితులు , ఇంకా వారు ఉండే స్థానం అని అంటే మూడు P లు ! ( Person , Process and Place  ).
వ్యక్తి గతమైన  సంబంధాలు : ప్రతి మానవుడి కీ తాము , పుట్టి పెరిగిన ప్రాంతం మీద తమకు ఒక ప్రత్యేక మైన అభిమానం , ఆపేక్ష ఉంటాయి ! ఎందుకంటే , తాను , తప్పటడుగులు వేస్తూ, నడక నేర్చుకుంటూ , నడవ గలిగాక , తాను తిరిగిన ప్రాంతాలు  , తన వ్యక్తి గత జీవితం తో పెనవేసుకుని ఉంటాయి ! తను, వెళ్ళిన బడి , దర్శించిన దేవాలయమూ , వెళ్ళిన సినిమా హాలు , విహరించిన పార్కు , చూసిన ప్రత్యేకమైన ప్రాంతాలూ , ఇట్లా తాను ఉండే చోట ఉన్న అనేక ప్రాంతాలు , వ్యక్తి గత ప్రాధాన్యత సంతరించు కుంటాయి !  అందుకే , ప్రతి వ్యక్తీ , తాను ,  ‘ ఆ ‘ ప్రాంతానికి చెందిన వాడినని ‘ ఒక గర్వమూ ఆత్మ విశ్వాసమూ తొ ణికిస లాడుతూ  చెప్పుకుంటాడు ! అంతే కాక , వారు ‘ ఆ ‘ ప్రాంతానికి ‘ చెందినందుకు గర్వ పడుతూ ఉంటారు కూడా ! ఈ వ్యక్తి గతమైన ఎటాచ్ మెంట్ , కేవలం వారి వ్యక్తి గత జీవితం  లో మైలు  రాళ్ళు గానే కాక , వారు , వారి కుటుంబ సభ్యులతో కూడా , ఒకే ప్రాంతం లో ఉండి , అక్కడే పెరుగుతూ ఉంటే , ఆ స్మృతులు కూడా ఎక్కువ బలీయం గా  ఏర్పడి , వారు ఉండే ప్రాంతం తో ముడి పడి పోతుంది !  
అంతే కాక , వారు ఉండే ప్రదేశం లో , వారి వారి సంప్రదాయాలనూ , మత పరమైన అనేక కార్యక్రమాలనూ , పండుగలనూ , ఉత్సాహ భరితం గా , ఆనందం గా గడుపుకున్న క్షణాలు కూడా , వారి హృదయాలలో గా ఢ మైన ముద్రలు వేస్తాయి ! వారి మధుర స్మృతులన్నీ కూడా  వారి మనసులలో , చక్కగా పెయింట్ చేయబడిన వర్ణ చిత్రాలు గా ఉండడమే కాకుండా , బ్యాక్ గ్రౌండ్ ఎప్పుడూ , వారుండే ప్రాంతం , పదిలం గా  అనేక వర్ణాలతో  పెయింట్ చేయబడి ఉంటుంది ! వారుండే ప్రాంతం , చారిత్రక మైనది కూడా అయి ఉంటే , ఆ అనుభూతులు కూడా అక్కడ ఉండే వారికి , ఆ ప్రాంతం మీద తమ ఆపేక్ష ను ఎక్కువ చేస్తుంది  !  
ఒక కుటుంబం గానూ , ఒక  సమాజం గానూ, ఉన్న చోట , వారు జరుపుకునే వేడుకలు , వినోదాలు కూడా , వారు ఉండే చోటు మీద ఎటాచ్ మెంట్ ను కలిగిస్తాయి !  చిన్నతనం లో , స్నేహితులతో కానీ , అన్నదమ్ములతో , అన్నా చెల్లెళ్ళ తో గానీ , గాలి పటాలు ఎగరేసు కోవడమూ , క్రికెట్ ఆడుకోవడమూ , జండా వందనానికి వెళ్ళడమూ , హోలీ ఆడుకోవడమూ , దీపావళి పండగ చేసుకోవడమూ , ఇట్లా అనేక సంఘటనలు , వ్యక్తి జీవితం లో , తాను  ఉండే ప్రాంతం తో ఎటాచ్ అయి ఉంటాయి ! 
వచ్చే టపాలో , మరి,  ఈ ఎటాచ్ మెంట్, ఎట్లా ఏర్పడుతుంది ? అనే విషయం గురించి తెలుసుకుందాం ! 

ఉండే చోటు మీద ఆపేక్ష ! 1.

In ప్ర.జ.లు., మన ఆరోగ్యం., మానసికం, Our Health, Our minds on ఫిబ్రవరి 21, 2014 at 11:09 సా.

ఉండే చోటు మీద ఆపేక్ష  ! 1. 

 
మానవులు ఉండే చోటు మీద,  వారికి కలిగే ఆపేక్ష గురించి శాస్త్రీయం గా ఒక పరిశీలన ! 
మానవులకు తాము నివశించే స్థానం మీద వారికి కలిగే   భావోద్వేగాల బంధమే   ‘ ఉండే చోటు మీద ఆపేక్ష ‘ !  సామాజిక మనస్తత్వం లేదా పర్యావరణ మనస్తత్వం లో  ‘ ఉండే చోటు మీద కలిగే ఆపేక్ష లేదా ఎటాచ్ మెంట్  ప్రాముఖ్యత కలిగి ఉంటుంది ! 
మనం ఉండే చోటు మీద మనకు కలిగే ఈ ఆపేక్ష , మన మీదా , మన  వ్యక్తి గత అనుభవాల మీదా  ఆధార పడి  ఉంటుంది ! అంటే , మనకు ఒక చోటు మీద ఎటాచ్ మెంట్ ఉందంటే ,   ఆ ఎటాచ్ మెంట్  , మన మీదా , మనకు ఆ స్థానం తో కలిగిన అనుభవాల మీదా ఆధార పడి  ఉంటుంది ! సహజం గా మనం ,  ఇతర దేశాల కు వెళ్ళినప్పుడు ,  ఆ యా దేశాల , ప్రాంతాల , జన జీవనాలనూ , జనావాసాలనూ పరిశీలిస్తూ ఉన్నా కూడా , అవకాశం వచ్చి , ఆ యా దేశాలలో ఉండ వలసి వచ్చినా కూడా , ‘ మన దేశమూ కాదు , మన భాషా కాదు !  అని అనుకుంటూ ఉంటాము ! ( మనకు ఆ దేశ భాష వచ్చినా కూడా ! ) ఇట్లా , మనం నివశించే స్థానం మీద , మనకు ఏర్పడే ఎటాచ్ మెంట్ లేదా ఆపేక్ష  కు కారణాలు తెలుసుకోడానికి కొంత పరిశోధన జరిగింది ! 
ష్రో డ ర్  అనే శాస్త్ర వేత్త  ఈ ఎటాచ్ మెంట్ రెండు రకాలు గా ఉంటుందని తెలిపాడు ! ఒకటి మనం ఒక ప్రాంతం లో నివశిస్తూ , ఆ  ప్రాంతం మీద మనకు కలిగే , అనుభూతులూ , భావోద్వేగాలూ , అనుభవాలూ , వీటి ద్వారా ఏర్పడే ఎటాచ్మెంట్ ఒక రకమైనది గానూ , మనం ప్రస్తుతం ఉంటున్న ప్రాంతాన్ని , అంతకు పూర్వం ఉన్న ప్రాంతం తో పోల్చుకుని , మనం ఏర్పరుచుకునే అనుభూతుల ఎటాచ్ మెంట్  ఇంకో రకమైనది గానూ ! అంటే  ఈ రెండో రకమైన ఇష్టం , కేవలం , రెండు స్థానాలనూ పోల్చి ఏర్పరుచుకునే  అభిప్రాయం ! 
మరి మనం ఉండే చోటు మీద మనకు కలిగే ఆపేక్ష , ఎట్లా ఏర్పడుతుంది ? అనే సంగతి ని వచ్చే టపాలో తెలుసుకుందాం ! 


పని సూత్రాలు. 47. మాట తీరు తో ముందుకు పోవాలి !

In ప్ర.జ.లు., మన ఆరోగ్యం., మానసికం, Our Health, Our minds on ఫిబ్రవరి 15, 2014 at 11:17 ఉద.

పని సూత్రాలు. 47. మాట తీరు తో ముందుకు పోవాలి ! 

 
సామాన్యం గా మనం పనిచేసే చోట, మనం నలుగురి తో కలిసి పోవాలనే తపన తో , కాస్త ఎక్కువ గా మాట్లాడుతూ ఉంటాము ! కొన్ని సమయాలలో అనవసరమైన విషయాలు కూడా ! గాసిప్ లు కూడా సర్వ సాధారణమే !  మనం చేయ వలసిన పని కాకుండా ఇతరత్రా చేసే పనులన్నీ కూడా , ఉత్పాదన ను ప్రభావితం చేస్తాయి !ముఖ్యం గా , మన వ్యక్తి గత పురోగతి కి కూడా అవరోధం అవుతాయి ! కొన్ని సమయాలలో మనకు తెలియ కుండానే ! 
మీరు పని చేసే స్థానం లో, మీ బాసు మాట తీరు గమనించండి ! సామాన్యం గా మీ బాసు అధిక ప్రసంగం చేయడు ! ఎంత మాట్లాడాలో అంతే మాట్లాడుతాడు ! అనవసర హస్కు లు వేయడు !’ మనం’ చేయవలసింది చాలా ఉంది ‘ అని అంటాడు !’ నేను’ చేయవలసింది అనడు ! అంటే, తాను  మాట్లాడే ప్రతి మాటలోనూ , సమిష్టి గా  మిగతా అందరినీ కలుపుకుంటాడు ! అంటే మీ బాసు,  మీ కంపెనీ సరిగా నడవాలంటే , మీ కంపెనీ లో పని చేస్తున్న ప్రతి వారి  పాత్రా ముఖ్యమైనదని నమ్ముతాడు ! కేవలం వ్యక్తి గతం గా , తన గురించి చెప్పుకోడు , తన వ్యక్తి గత విషయాల గురించి ఎక్కువ గా మాట్లాడడు ! 
ఇంకా మీరు, మీ బాసు ను పరిశీలిస్తే ఈ విషయాలు కూడా మీకు ప్రస్ఫుట మవుతాయి : మీ బాసు  తాను మాట్లాడే ప్రతి మాటకూ వేస్తాడు త్రాసు ! అంటే మాట్లాడే ప్రతి మాటనూ కొలిచి మాట్లాడుతాడు ! మీ బాసు ఎప్పుడూ  ఎవరినీ  తిట్టడు ! తిట్టే బాసు , ప్రత్యేకించి , ఇతరుల ముందు , ఇంకో ఉద్యోగిని తిట్టే బాసు , బాసు ఉద్యోగానికి అనర్హుడు ! మీరు క్రితం రోజు టీవీ లో వచ్చిన కార్యక్రమాలను మీ ఇతర కొలీగ్స్ తో మాట్లాడు కుంటున్నా కూడా , మీ బాస్ , ఆ విషయాలు తనకు పట్టనట్టు , చేయ వలసిన పని గురించే ఆలోచిస్తాడు ! మీరు చేయవలసిన పని గురించే మాట్లాడుతాడు కూడా ! ఇంకో ముఖ్య విషయం : మీ బాస్ ఎప్పుడూ , ఏ విషయం మాట్లాడ వలసి వచ్చినా కూడా , వెంటనే బడ బడా వాగేయ కుండా , కొంత సమయం తీసుకుని , ఆలోచించి , అప్పుడే , అవసరమైన రెండు మూడు మాటలు మాట్లాడతాడు !
అనవసరం గా నోరు ‘ పారేసుకోడు ‘ !  
మీరు ముందుకు పోవాలనుకుంటే , అంటే ఒక బాస్  అవ్వాలని లక్ష్యం ఏర్పరుచుకుంటే , పైన చెప్పిన విషయాలను ఆచరణ లో పెట్టడమే !  మీ సహా ఉద్యోగులను ఒక తండ్రి లాగానో , తల్లి లాగానో , చూడడమే , అంటే , వారి బాధ్యతలను వారికి అప్పగించి , దూరం నుంచి , పర్యవేక్షణ చేయడమే ! అట్లాగని మీ బాధ్యత మీరు మర్చి పోవడం కాదు ! మీరెప్పుడూ , మీ లక్ష్యం గురించిన పధకాల మీద  గురి పెట్టి , అప్రమత్తత తో ముందుకు పోతూ ఉండడమే ! ఎక్కువగా మాట్లాడక పోవడం అంటే , మీరు  గర్వం గానూ , ఇతర ఉద్యోగులంటే నిర్లక్ష్యం గానూ ప్రవర్తిస్తున్నట్టు కాదు !  గర్వమూ , నిర్లక్ష్య భావనా , మీరు మీ రంగం లో ఎదగడానికి ఎప్పుడూ దోహద పడవు !  మీరు మీ పనిని బాధ్యతా యుతం గా  చేస్తూ , ఒక ఆత్మ విశ్వాసం నిండిన వ్యక్తి గా, గంభీరం గా, హుందాగా , మీ లక్ష్య సాధన కై నిశ్శబ్దం గా శ్రమించడమే  ! 
వచ్చే టపాలో ఇంకొన్ని సంగతులు ! 


పని సూత్రాలు. 46.మీ కట్టు బట్టలతో చేయండి , కనికట్టు !

In ప్ర.జ.లు., మన ఆరోగ్యం., మానసికం, Our Health, Our minds on ఫిబ్రవరి 8, 2014 at 10:16 ఉద.

పని సూత్రాలు. 46.మీ  కట్టు బట్టలతో చేయండి , కనికట్టు ! 

 
ప్రపంచం చాలా భౌతికమైనది ! అంటే , భౌతి కం గా కనిపించే వాటికే , విలువలు ఇవ్వడమూ , తీసుకోవడమూ జరుగుతుంది ! ప్రత్యేకించి, కార్పోరేట్ సెక్టర్ లోనూ , మిగతా వ్యాపార దృష్టి ఉన్న  ఏ సంస్థ లోనైనా కూడా !  మీరు చేసే ఏ ఉద్యోగం లోనైనా కూడా ,  చక్కగా  వస్త్ర ధారణ చేసుకుని  ఉండాలి, ప్రతి రోజూ ! మీ  వస్త్ర ధారణ విషయం లో అత్యంత శ్రద్ధ చూపాలి !  ఇప్పటి ‘ భౌతిక వాతావరణం లో , ఎంత బాగా డ్రస్ అయి ఇంటి నుంచి బయలు దేరినా కూడా , పని చేసే చోటికి చేరుకున్నాక , వేసుకున్న బట్టలు , మలిన పడి , ముడతలు కూడా తోడై , ఇంకో రకం గా తయారవుతాయి !  అందుకు తగినట్టుగా జాగ్రత్తలు తీసుకోవాలి,ప్రతి ఉద్యోగీ కూడా ! ఎందుకంటే ,  జీవితం లో ‘ ముందుకు ‘ పోవాలి కాబట్టి ! ఈ రోజుల్లో, పొట్ట పొడిస్తే అక్షరం ముక్క రాని వారు కూడా, వేసుకునే డ్రస్ విషయానికొస్తే , ఎంతో ‘ డాబు , దర్పం ‘ ప్రదర్శిస్తూ ఉంటారు ! కానీ ఒక స్థానం లో పని చేస్తూ , పదోన్నతి,  అంటే ప్రమోషన్ కోసం ప్రయత్నాలు చేస్తున్నప్పుడు , మీ దృష్టి , కేవలం  తరువాతి ఉద్యోగం మీదనే కాక , మీరు వేసుకునే దుస్తుల మీద కూడా సారించాలి ! 
వస్త్ర ధారణ ను అశ్రద్ధ చేస్తున్నట్టు ఇతరులకు కనిపిస్తే,  ‘ ఆ వ్యక్తి  తన వ్యక్తి గత  సంరక్షణ అంటే పర్సనల్ కేర్ లో అశ్రద్ధ చూపిస్తున్నాడు , ఇక ఉద్యోగం ఎట్లా చేస్తాడో ‘ ? అనో , లేదా ,  ‘ ఎప్పుడూ చాలా  తక్కువ రకం బట్టలు , కొద్దిగా మాసిన బట్టలు వేసుకుని వస్తాడు , ఏంటో  ఆయన పరిస్థితి  అయోమయం గా ఉంది ! మరి వచ్చే జీతం డబ్బులు ఏం చేస్తున్నాడో ? ! అనీ , అనేక విధాలు గా అనుకుంటూ ఉంటారు మిగతా జనాలు ! 
ఆకర్షణ , అందం అనే విషయాలు పక్కన ఉంచి , విషయం పరిశీలిస్తే , కారణాలు ఏమైనప్పటికీ , వస్త్ర ధారణ లో కన బరిచే శ్రద్ధ , ఒక సదభిప్రాయం కలిగిస్తుంది మనకు, ఇతరుల మీద ! ‘ ఆమె ఎప్పుడూ చక్కగా , నీటు గా ముస్తాబై వస్తుంది ‘ అని కానీ, ‘ ఆయన ఉన్నంత లో నీటు గా తయారయి వస్తాడు ఆఫీసు కు’ అని కానీ అనుకుంటాము ! యదార్ధానికి , ఏ ఉద్యోగం చేసినా కూడా , ఆ చేసే ఉద్యోగం , ఆ ఉద్యోగి ఎంత సమర్ధ వంతం గా చేస్తున్నాడు? అనే విషయం మీదే, మనం అతనిని కానీ , ఆమెను కానీ అంచనా వేయాలి ! కానీ అట్లా నిజ జీవితం లో జరగట్లేదు ! సరిగా ముస్తాబై రాని ఉద్యోగులను , ఇతర ఉద్యోగులు కానీ , ఇతర కస్టమర్ లు కానీ , ఒక ఈసడింపు భావన తో చూస్తారు ! వారికి అట్లాంటి ఉద్యోగులను చూస్తే , ఏదో డిప్రెషన్ కు గురి అయి కృంగి పోయి ఉన్న వారి లా కనబడతారు !  జీవితం మీద ఆశా వాహ దృక్పధం కోల్పోయిన వారిలా కనబడతారు !  వారి యజమానులు కూడా ‘ ఇట్లా అయితే , వీడు మన వస్తువులను ఎట్లా అమ్మ గలడు ? అనే అనుమానం లో పడతారు ! 
ప్రతి ఉద్యోగాన్నీ మనం ఆ ఉద్యోగం చేసే వారి దుస్తుల ను పరిశీలించే చెప్పగలం కదా !  ఒక బంట్రోతు ,  ఒక కారు డ్రైవరు , ఒక  సిపాయి , ఒక డాక్టరు , ఒక లాయరు ఇట్లా , ప్రతి వృత్తి కీ ఒక నియమితమైన దుస్తుల స్టైల్ ఉంటుంది !  ప్రత్యేకించి , ఆ దుస్తులను ధరించి , ఆ ఉద్యోగం చేస్తుంటే , ఒక రకమైన ఠీవీ , దర్పం కూడా వస్తాయి !దానితో , ఆ ఉద్యోగం చేస్తున్న వారు కూడా ఎంతో గర్వం తో చేయగలుగుతారు !మీ జీవితం లో కూడా !  అందుకే ,  మనం వేసుకునే బట్టలతో , ఇతరులను , వారి ప్రవర్తననూ ‘కనికట్టు ‘ చేయవచ్చు ! 
ప్రత్యేకించి , ఇంటర్వ్యూ లకు హాజరు అయే వారు , వారు వేసుకునే దుస్తుల విషయం లో ఎంతో శ్రద్ధ కనబరచాలి ! ఎందుకంటే , వారి దుస్తులు వారికి ఇంటర్వ్యూ కి ముందే అంటే  వారు ఇంటర్వ్యూ  హాలు లో కనిపించ గానే బోనస్ మార్కులు ఇస్తాయి , ఏ ప్రశ్నా అడగక ముందే ! అట్లాగే సరిగా దుస్తులు వేసుకోకుండా ఉంటే , ఆ వచ్చే మార్కులు ముందే తీసివేయబడతాయి కూడా ! ‘ దుస్తులకు మార్కులు ‘ అని ప్రత్యేకం గా ఎక్కడా చెప్పక పోయినా కూడా ! 
ఇంటర్వ్యూ  లో మీరు వేసుకునే దుస్తులు , మీ మీద మీకు ఎంత శ్రద్ధ ఉందో , మీరు చేసే పనిని కూడా అంతే శ్రద్ధ తో చెయగలరనీ , మీ ఆత్మ విశ్వాసానికి కొలత గానూ , మీ ఆశావహ దృక్పధానికి తార్కాణం గానూ , అంటే, మీరు జీవితం లో పాజిటివ్ గా ఆలోచించ గలరనే నమ్మకాన్నీ ,  తెలియచేస్తాయి ! మీ పురోగతి కి సహకరిస్తాయి ! మీ దుస్తులూ , మీ చిరునవ్వూ , మీ సమయస్ఫూర్తీ , మీ మెదడూ ( అంటే అంతకు ముందు మీరు నేర్చుకున్నదీ ) ఇవన్నీ కలిసే, మీకు ప్రతి ఇంటర్వ్యూ  లోనూ విజయం కలిగిస్తాయి ! 
వచ్చే టపాలో ఇంకొన్ని సంగతులు ! 
 


పని సూత్రాలు.45. నీ లక్ష్యం కోసం నీవు , ‘ మేకల మంద లో తోడేలు ‘ కావాలి !

In ప్ర.జ.లు., మన ఆరోగ్యం., మానసికం, Our Health, Our minds on ఫిబ్రవరి 1, 2014 at 10:51 సా.

పని సూత్రాలు.45. నీ లక్ష్యం కోసం నీవు ,  ‘ మేకల  మంద లో  తోడేలు ‘ కావాలి !   

కుటుంబాలు గానూ  , సమూహాలు గానూ , ప్రాంతాలు గానూ , జిల్లాలు గానూ , రాష్ట్రాలు గానూ , దేశాలు గానూ , మనుగడ సాగించడం మానవ సహజం !  అందుకే,  మానవుడు సంఘ జీవి అని అంటారు కదా !  ఆయా సమూహాలలో ఉన్న, ఉంటున్న , మానవులు , వారి వారి సమూహాల , లేదా ప్రాంతాల , లేదా దేశాల నూ , వారి ఆచార వ్యవహారాలనూ , రక్షించు కోవడానికి ఎంత మాత్రమూ వెనుకాడరు. అవసరమైతే , తీవ్రం గా యుద్ధాలు కూడా చేస్తారు ! ఆ యా గుంపుల కు మీరు ఏరకమైన హానీ కలిగించక పోయినా కూడా , కేవలం  వారికి , మీరు  అట్లా చేస్తున్నట్టు ‘ అనిపించినా ‘ కూడా , వారు సహించరు ! వారికి ఇష్టం ఉండదు ! మనం చేరే ఏ  సమూహం లో అయినా , ఈ గుంపు మనస్తత్వం ముందే అర్ధం చేసికొని , వారి వారి ఆస్తిత్వానికీ , లేదా , వారి అలవాట్లకూ , ఏమాత్రం భంగం కలిగించ కుండా మెసలు కోవడం అలవాటు చేసుకోవాలి ! 
మీరు చేరే సమూహం లో అందరూ ‘ పులులయితే ‘ మీరూ ఒక పులి అవ్వాలి ! అంటే , మీరు ఆ సమూహం లో ఒక మేక కానీ , ఒక గంగి గోవు కానీ కాకూడదు ! అంటే , మీరు చేరే సమూహం లో మీ స్వతంత్ర భావాలను తాకట్టు పెట్ట నవసరం లేదు ! మీ వ్యక్తిత్వాన్ని, ఆ సమూహానికి  దాసోహం చేయకూడదు ! మీరు చేయ వలసినదల్లా , మీరు చేరే సమూహం తీరు తెన్నులు తెలుసుకోవడమే ! అట్లా తెలుసుకున్నాక , ఆ సమూహం లో  ‘ చేరి ‘  ఆ పరిస్థితిని మీ శ్రేయస్సు కు ఉపయోగించు కో  గలగడమే ! 
అంటే, మీరు చేరే సమూహం లో మేక వన్నె తోడేలు లా మసలు కోవాలి !  ఆ సమూహం లో అందరూ మేకల లాగా , ఒకే గుంపు గా ఉంటూ ఉంటే , ఆ స్థానం లో తోడేలు ఉండడం , సహించలేరు కదా !  సాధారణం గా, ఈ సమూహాలలో అట్లా గే  ఉండే వారికి  కొన్ని లక్షణాలు ఉంటాయి ! వారు ఆ యా సమూహాలలో,  ‘ ఎక్కువ భద్రతా భావం ‘ తోనూ , చాలా  కంఫర్ట బుల్ గానూ , సురక్షితం గానూ  ఉండి  ‘ రక్షణ ‘ పొందుతూ ఉంటారు !  అంటే వారి మానసిక స్థితి కూడా , స్వతహా గా ఆలోచించే గుణం కోల్పోయి , ఒకరి వెనుక ఇంకొకరు ‘ తోకాడిస్తూ ‘ తిరుగుతూ ఉంటారు ! యాంత్రికం గా తమ పనులు చేసుకుంటూ పోతారు ! స్వతంత్రం గా , నూతనం గా , సాహసం గా ఆలోచించే లక్షణాలకు  బూజు పట్టించి ఉంటారు !  తోడేలు లాగా,  ‘ లక్ష్యం ‘ కోసం వేటాడే గుణం మీకు ఉంటే, మీరు ఆ రకమైన సమూహాలలో ఉంటూ కూడా , మీ వ్యక్తిత్వాన్ని కోల్పోకుండా ,  మీ లక్ష్యం కోసం నిరంతరం శ్రమిస్తూ ఉండాలి !  తోడేలు లా ఉండడమంటే , మేకలను పొట్టన పెట్టుకోవాలనే అర్ధం తీసుకో కూడదు ! కొత్త పంధాలో ఆలోచించడం , మీ  లక్ష్యాలు సాధించు కోవడం కోసం సాహసోపేతమైన నిర్ణయాలు తీసుకొని , విజయం పొందడం వరకే  మీరు ‘ తోడేలు ‘ ను అనుకరించ వలసినది ! 
వచ్చే టపాలో ఇంకొన్ని సంగతులు ! 
 


పని సూత్రాలు. 44. ఆఫీసులో, ‘ ఏకాకి ‘ కన్నా, ‘ గుంపు లో గోవిందా ‘ మేలు !

In ప్ర.జ.లు., మన ఆరోగ్యం., మానసికం, Our Health, Our minds on జనవరి 26, 2014 at 12:16 సా.

పని సూత్రాలు. 44. ఆఫీసులో, ‘ ఏకాకి ‘ కన్నా, ‘ గుంపు లో గోవిందా ‘  మేలు !  

సామాన్యం గా పని చేసే ఆఫీసులో , భిన్న మనస్తత్వాలూ , భిన్న ఆచార వ్యవహారాలూ , ఉన్న ఉద్యోగులు ఉంటారు ! కారణాలు ఏమైనప్పటికీ , వారి, వారి అలవాట్లను , వారు ఏదో ఒక రకం గా కొనసాగిస్తూ ఉంటారు !   ‘అది నా చిన్న తనం నుంచీ ఉన్న అలవాటు’  అని వారు , వారి అలవాట్లను గర్వం గా సమర్ధించు కుంటూ  ఉంటారు కూడా !  మీరు అట్లాంటి ఉద్యోగులు పని చేస్తున్న ఆఫీసు లో నిల దొక్కు కోవాలంటే ,అది  కత్తి మీద సాము లాంటిదే ! ప్రత్యేకించి , మీకు అట్లాంటి అలవాట్లు లేక పోతే , లేదా, అట్లాంటి అలవాట్లను మీరు అలవాటు చేసుకోకూడదని నిర్ణయించు కుంటే ! 
ఒక యదార్ధ అనుభవం ! 
నేను స్కూల్ లో చదివే సమయం లో, ఒక మిత్రుడు పరిచయమయ్యాడు !  వాడి ఇల్లు మా ఇంటి దగ్గర గా  ఉండడం చేతా , వాడి చక్కటి అలవాట్ల వల్ల  కూడా , మా స్నేహం పెరిగింది !  ‘ రాముడు  మంచి బాలుడు ‘ అన్న రీతి లో ,  ఉదయమే లేచి , స్నానాదికాలు ముగించుకుని , దైవ ప్రార్ధన చేసుకుని , నుదిటి మీద చక్కగా ఒక కుంకుమ బొట్టు కూడా పెట్టుకుని , స్కూల్ కు వచ్చే వాడు ! చక్కగా చదువుకోవడమే కాకుండా ,  సినిమా  డైలాగులూ , ఇతర సినిమా నటులను అనుకరించి మిమిక్రీ కూడా చేసే వాడు !  పదో తరగతి లో ఫస్ట్ క్లాస్ లో పాసయ్యాడు కూడా !  ఇక ఇంటర్మీడియేట్ నుంచీ , ఎందుకో చదువు మీద శ్రద్ధ సన్నగిలింది ! ఒక మాదిరి గా మార్కులు వచ్చాయి , బీ ఎస్సీ లో చేరి , సెకండ్ క్లాస్ లో పాసయ్యాడు !  ఒక కేంద్ర ప్రభుత్వ  శాఖ లో ఉద్యోగం వచ్చింది , మార్కుల ఆధారం గానూ , డిగ్రీ పట్టా ఉన్నందుకూ ! 
ఇతర ఉద్యోగులు కొందరు , ప్రత్యేకించి , తనతో పనిచేసే ఉద్యోగులు , అలవాట్లలోనూ , చదువులోనూ కూడా , వీడి కన్నా తక్కువ అయిన వారితో , వీడికి , రోజూ పనిచేసే ఉద్యోగం !  అది వారి నేరం కాదు ! కానీ  ఆ క్రమం లో వీడు , వారి అలవాట్లను ,తానూ  అలవాటు చేసుకున్నాడు !  వారితో రోజూ , చీటికీ మాటికీ , టీలూ , కాఫీలూ తాగడం తో మొదలైంది ! క్రమేణా , ఆ అలవాటు, విషమించి ,  రోజూ  ఆఫీసు ముగియ గానే , తప్పని సరిగా , మద్యం తాగటం  దాకా వచ్చింది !    అంతే కాకుండా ,ఆ తాగే మద్యం , మితి మీరి తాగడమూ ,  ఇతరులకు తాగించ డమూ , కూడా జరుగుతుంది !  వీడు సహజం గా మొహమా ట స్తుడూ , సున్నిత స్వభావం కలవాడూ అవడం వల్ల , చుట్టూ చేరిన వారు కూడా , అది అలుసుగా తీసుకుంటున్నారు  !  తన జీతం డబ్బులు ‘ ఆ అలవాట్లకు ‘ సరి పోకున్నా కూడా , బలవంతం గా వాడి చేత అప్పు చేయించి మరీ  తాగిస్తున్నారు , తాగుతున్నారు ! 
ప్రస్తుతం : రోజూ ఆఫీసు లో పని పూర్తి అవగానే , సహ ఉద్యోగులతో , విస్కీ తాగడం,ఆటోలో ఇంటికి వెళ్లి పడుకోవడం ! ఇదీ వాడి దిన చర్య !  అదృష్టం కొద్దీ , భార్య కూడా ఉద్యోగాస్తురాలవడం చేత , ఉన్న ఒక్క కొడుకునూ ఇంజనీరు చేయగలిగింది ! కానీ వాడి జీవితం , చేవ లేని జీవితం అయి పోయింది ! కేవలం స్వయంకృతాపరాధం ! 
జరగ బోయేది : మితి మీరి తాగుతూ ఉండడం వల్ల , వచ్చే అనేక రోగాలు , త్వరగా రావడమూ , జీవిత కాలం,  కనీసం పది పదేహేనేళ్ళు తక్కువ అవడమూ కూడా జరుగుతాయి ! ఇదీ నా స్నేహితుడి పరిణామ క్రమం !  చదువులో నేను ప్రేరణ పొందిన స్నేహితుడి పరిణామ క్రమం !  
ప్రతి ఆఫీసు లోనూ , సిగరెట్లు తాగే అలవాటు ఉన్న వారూ , మద్యం తాగే అలవాటు ఉన్న వారూ , జూదం ఆడే అలవాటు ఉన్న వారూ ఉంటారు !  ఎట్టి పరిస్థితులలోనూ , వారి అలవాట్లను విమర్శించడం కూడదు ! ఎందుకంటే ,  మీ బాధ్యత , కేవలం, మీ ఇతర ఉద్యోగులతో సత్సంబంధాలు కలిగి ఉండడం మాత్రమే , వారి అలవాట్లను ,విమర్శించడం కానీ ,  మానించడం కానీ , మీ బాధ్యత కాదు ! అది మీ ఉద్యోగ విధులలో లేదు ! ఇంకో ముఖ్య విషయం : ఆ అలవాట్లు ఉన్న ఇతర ఉద్యోగులందరూ  కూడా , మానసికం గా వికలాంగులు కాదు ! అంటే , వారికి , వారి అలవాట్ల పూర్వా పరాలు ,  అనర్ధాలూ  కూడా వివరం గా తెలుసు ! ఇక మీరు  కొత్తగా చెప్పేదేమీ ఉండదు !
మీ లక్ష్యం , వారితో సఖ్యత గా ఉంటూ , మీ పని చేసుకోవడమే !  వారితో చేరమని , మీకు ‘ ఆహ్వానాలు ‘ అందుతుంటే, తెలివి గా, వాటిని తిరస్కరించాలి ! అంటే, మీకు ఇంకో  అత్యవసర మైన పని ఉందనో , ఇంకో కారణం చెప్పి కానీ , ఆ పరిస్థితి నుంచి తప్పుకోవాలి ! అంతే కానీ, వారి అలవాట్లను విమర్శిస్తూ , ‘ నాకు ఆ అలవాటు లేదు ‘ అని నిర్ద్వందం గా వారికి చెప్పడం , కేవలం  లౌక్యం లేకుండా, సమస్యలు కొని తెచ్చుకోవడమే !  మీ వ్యక్తిత్వం మీదే ! మీ అలవాట్లు మీవే ! వారి అలవాట్లు వారివే !  మీ లక్ష్యం మీదే ! మీ మార్గం మీదే ! వారి మార్గం వారిదే !  మీ గమ్యం మీదే !  వారి గమ్యం చేరుకోవాలనుకునే వ్యక్తిత్వం  మీది కాదు , కాకూడదు ! 
 వచ్చే టపాలో ఇంకొన్ని పని సూత్రాలు ! 

 


పని సూత్రాలు. 43. మీరు, మీ ఆఫీసు నడిపే వారి కుడి భుజం కావాలి !

In మన ఆరోగ్యం., మానసికం, Our minds on జనవరి 25, 2014 at 10:39 ఉద.

పని సూత్రాలు. 43. మీరు, మీ ఆఫీసు నడిపే వారి కుడి భుజం కావాలి ! 

 
సాధారణం గా పని చేసే ప్రతి చోటా , ప్రతి ఉద్యోగీ కూడా , తమకు ‘ లభించిన ‘ ఉద్యోగాన్ని ఒక విధి గా చేసుకుంటూ పోతూ ఉంటారు ! వారికి మిగతా ఉద్యోగులతో కానీ , వారి పై అధికారి తో కానీ ఎక్కువ సంబంధం ఉండదు ! వారితో తమ పనిని కానీ , తమను కానీ లంకె వేసుకోరు !  ఒక కంపెనీ  యజమాని ఆ కంపెనీ లోనే పని చేయకుండా , రిమోట్ కంట్రోల్ లా, ఇంకో ఊళ్ళో నో , సిటీ లోనో ఉండి , ఆ కంపెనీ ని పర్యవేక్షణ చేస్తూ ఉంటారు ! అంటే , స్థానికం గా , ఆ కంపెనీ ని కానీ, ఆఫీసు ను కానీ నడిపే వారు వేరే ఉంటారు ! వారే , తమ క్రింద పని చేసే మిగతా ఉద్యోగుల మీద పర్యవేక్షణ చేస్తూ , పెత్తనం చెలాయిస్తూ ఉంటారు ! ఉద్యోగం లో చేరిన ప్రతి ఉద్యోగీ , ముందుగా ఈ పై అధికారి ఎవరో తెలుసుకోవాలి !  సామాన్యం గా, ఈ పై అధికారి కి కొన్ని ప్రత్యేక లక్షణాలు ఉంటాయి !
1. ఈ పై అధికారి ని, కంపెనీ యజమాని ‘ చెవులు ‘ గా చెప్పుకోవచ్చు ! అంటే , ఆ కంపెనీ లో కానీ , ఆఫీసు లో కానీ , జరిగే ప్రతి విషయాన్నీ  యజమానికి  చేర వేస్తా డన్న మాట !
2. ఈ పై అధికారి , యజమాని నమ్మకాన్ని పొంది , అతనికి విశ్వాస పాత్రుడి గా మెలుగుతూ ఉంటాడు !
3. ఆ ఆఫీసు లో కానీ , ఆ కంపెనీ లో కానీ కొంత కాలం గా పాతుకుని పోయి ఉంటాడు !
4. తమ క్రింద వారిని , ఎదురు పడి ‘ నోరు పారేసుకో కుండా ‘ గుస గుసలతోనే , తాము చెప్ప వలసినదీ , చేయ వలసినదీ చేస్తారు !
5. వీరు ఎప్పుడూ , అధికారం కోసం పాకు లాడుతూ ఉంటారు ! 
6. అంతే కాకుండా , తమ  స్వార్ధం కోసం , లేదా తమ లక్ష్యాల కోసం , ఎంతకైనా తెగించ గలరు ! అవసరం అయితే , వక్ర మార్గాల ద్వారా కూడా ! 
7. ఇంకో ముఖ్య విషయం : వీరు తాము చేస్తున్న ఉద్యోగానికి  తగిన అర్హత , నిపుణతా , అనుభవమూ లేకపోయినా కానీ , ఆ ఉద్యోగం చేస్తూ ఉంటారు ! కేవలం, తమ కుయుక్తులతోనూ ,  తెలివి తేటలతోనూ  !  
ఇట్లాంటి వారు ప్రతి ఆఫీసు లోనూ తప్పకుండా ఉంటారు కదా ! మరి మీరు మీ ఉద్యోగం లో చేరగానే , వీరిని గుర్తు పట్టే ప్రయత్నం చేయాలి !  ఆఫీసులో ప్రతి ఫైలూ  వీరి టేబుల్ మీదకు ఆమోదం కోసం వెళుతూ ఉంటే , వీరే ఆ పై అధికారి అయి ఉంటారు ! ఈ పై అధికారితో  మంచి సంబంధాలు ఏర్పరుచుకోవడమూ , ఆ సంబంధాలను పటిష్ట పరుచుకోవడమూ కూడా , మీరు చేయవలసిన ముఖ్యమైన పని !  ఈ మీ పై అధికారి ప్రవర్తనా , తీరు తెన్నులూ మీకు ఎంత మాత్రమూ ఇష్టం లేక పోయినా కానీ , మీరు ఆ ఆఫీసులో పని చేస్తున్నంత కాలమూ , అంటే మీకు ఇంకో ప్రత్యామ్నాయం ఏర్పడే వరకూ కూడా , మీ పై అధికారి తో విరోధం తెచ్చుకో కూడదు ! ఎంత మాత్రమూ !
గమనిక :  పై లక్షణాలు కలిగిన ‘ పై ‘ అధికారులు దాదాపు గా ప్రతి ఆఫీసులోనూ , ప్రతి కంపెనీ లోనూ ఉంటారు !  మీరు ఇంకో ఉద్యోగ ప్రయత్నం చేసి ,  అందులో విజయం పొంది ,  ఆ ఉద్యోగం లో చేరినా , అక్కడ కూడా ప్రత్యక్షం అవుతారు , ఇంకో రూపం లో ! అంటే సారాంశం :  ఇట్లాంటి పై అధికారి, స్థానాన్ని గుర్తించి , తదనుగుణం గా  మసలు కోవడం అలవాటు చేసుకోవడమే మీ వంతు ! కనీసం మీ స్వంత కంపెనీ పెట్టుకునే దాకా ! 
వచ్చే టపాలో ఇంకొన్ని పని సూత్రాలు !