Our Health

Archive for the ‘మన ఆరోగ్యం.’ Category


చదువుకోవడం ఎట్లా? 22. పరీక్ష రోజున ఏం చేస్తే, ఎక్కువ లాభం ?

In ప్ర.జ.లు., మన ఆరోగ్యం., మానసికం, Our Health, Our minds on డిసెంబర్ 8, 2013 at 7:43 సా.

చదువుకోవడం ఎట్లా? 22. పరీక్ష రోజున ఏం చేస్తే ఎక్కువ లాభం ? 

మునుపటి టపా లో , పరీక్ష రోజున మీరు చక్కగా పర్ఫాం చేయాలంటే , అంతకు ముందు రాత్రి సరిపడినంత  నిద్ర పోవాలని తెలుసుకున్నాం కదా !  ఈ విషయం హాస్యానికి రాయలేదని గమనించాలి !  ఒకవేళ మీరు పరీక్ష ముందు రాత్రి చదవాలనుకుంటే కూడా ,  రోజూ చదివే సమయమే అప్పుడుకూడా , వినియోగించాలి అంటే , సాయింత్రం అయిదు గంటలనుంచి , ఎనిమిది వరకూ చదువుకోవడం అలవాటయి ఉంటే , ఆ విధం గా చేయవచ్చు ! కానీ పరీక్ష ముందు రోజుల్లో, రాత్రి చాలా సమయం మేలుకొని కనుక చదివే అలవాటు ఉన్న వారు కూడా  , పరీక్ష ముందు రోజున, త్వరగా నిద్ర పోవడం  మరచి పోకూడదు ! మరి మిగతా జాగ్రత్తలేంటి ?
 రాత పరికరాలు సిద్ధం చేసుకోవడం :  పరీక్ష ముందు రోజే , రాత కు అవసరమయే , పెన్సిళ్ళూ , పెన్నులూ , స్కేలూ , మిగతా  కంపాస్ బాక్స్ లాంటి వాటిని సిద్ధం చేసుకోవాలి !  ఎక్కువ  పెన్సిళ్ళు తీసుకు వెళ్ళడం వల్ల సహజం గానే , పరీక్షలో సమయం ఆదా చేస్తున్నారన్న మాటే కదా , చెక్కు కోకుండా !  పరీక్షా సమయం లో ప్రతి నిమిషమూ విలువైనదే కదా ! ఒక వాటర్ బాటిల్ ను అనుమతిస్తే , తీసుకు వెళ్ళ వచ్చు ! అట్లాగే  కొద్దిగా చిరు తిళ్ళు కూడా చాక్లెట్ , బిస్కెట్లూ అనుమతిస్తే ! ఉంటే ,  సరిగా పనిచేసే వాచీ ని కూడా ! 
ఆహారం, నీరూ : పరీక్ష కు ముందే మీ ఆహారం విషయం లో జాగ్రత్త తీసుకోవాలి !  అతి గా కానీ అల్పం గా కానీ తిన కూడదు ! పడని ఆహారమూ , కొత్త ప్రదేశం లో ఆహారమూ అసలే తినకూడదు , పరీక్ష రోజున !  ప్రత్యేకించి మద్యాహ్నం పరీక్ష ఉన్న సమయం లో ! డీ హైడ్రేట్ అవకుండా , ముందే ,  చాలినంత నీరు తాగడం మంచిది ! ప్రత్యేకించి , భారత దేశం లాంటి ఉష్ణ దేశాలలో ,  చాలా మంది విద్యార్ధులు , అతిగా టీలూ , కాఫీలూ తాగి , నీరు సరిపడినంత తాగకుండా , వారికి తెలియ కుండానే డీ హైడ్రేట్ అయి పరీక్షా హాలు లోకి వస్తారు ! దానికి తోడు , పరీక్ష ల వలన కలిగే ఆందోళన , వారికి ఎక్కువ చెమట పట్టించి , పరిస్థితిని ఇంకా అధ్వాన్నం చేస్తుంది ! ఇవన్నీ చిన్న విషయాలే అయినా , మిగతా సమయాలలో అంత ఏకాగ్రత అవసరం లేదు కనుక , డీ హైడ్రేషన్ వల్ల వెంటనే ఏ పరిణామాలూ ఉండక పోవచ్చు , కానీ , పరీక్షా సమయం లో డీ హైడ్రేట్ అవుతే , వారి మెదడు అతి సున్నితమైన భాగం కావడం వల్ల , ఏకాగ్రత తక్కువ అవడమే కాకుండా ,  తల తిప్పినట్టూ , తల నొప్పిగానూ కూడా ఉంటుంది ! ఆ లక్షణాలతో పరీక్ష ముందు బాగా సిద్ధం అయిన వారు కూడా , పూర్తి గా సమాధానాలు రాయలేక పోవడం జరగ వచ్చు ! 
పరీక్షా పధ్ధతి గురించి ముందే తెలుసుకోవడం :  చదవడం , నేర్చుకోవడం ఒక ఎత్తైతే , పరీక్ష గురించి పూర్తి గా తెలుసుకుని అవగాహన ఏర్పరుచు కోవడం ఇంకో ఎత్తు ! ఆ మాటకొస్తే ,  రోజూ పాఠాలు నేర్చు కుంటున్నప్పుడే , పరీక్షా పత్రం లో ప్రశ్నలు ఎట్లా ఇస్తారు ! ఎంత సమయం ఉంటుంది ? వాటిని ఆ సమయం లో నే బాగా రాయడం ఎట్లా ? అనే విషయాలన్నీ తెలుసుకుని , తదనుగుణం గా చదవడమూ , రాసుకోవడమూ, అంటే నోట్సు రాసుకోవడమూ చేసిన విద్యార్ధులు ఎక్కువ లాభ పడతారు !  ఇక పరీక్ష హాలులో కూడా , ప్రశ్న పత్రం గురించిన అన్ని సూచనలనూ, నిబంధనలనూ ,  శ్రద్ధ గా విని , ఆచరించాలి !  
వచ్చే టపాలో , అసలు పరీక్షా సమయం లో తీసుకోవలసిన జాగ్రత్తల గురించి తెలుసుకుందాం ! 


చదువుకోవడం ఎట్లా ? 21. మరి పరీక్ష రోజున, ఏం చేస్తే ఎక్కువ లాభం ?

In ప్ర.జ.లు., మన ఆరోగ్యం., మానసికం, Our Health, Our minds on డిసెంబర్ 8, 2013 at 12:28 ఉద.

చదువుకోవడం ఎట్లా ? 20. మరి పరీక్ష రోజున, ఏం చేస్తే ఎక్కువ లాభం ? 

( పై చిత్రం , పరీక్షకు సిద్ధమవకుండా, ఒక విద్యార్ధి రాసిన సమాధానం !  చిత్రం లో ఉన్న త్రికోణం లేదా ట్రయాంగిల్ లో, రెండు భుజాల విలువ తెలుసు కదా ! ( 3 cm. and 4 cm. )   ఆ రెండు భుజాల విలువలనూ గుణించి , ఫలితాన్ని , 2 తో భాగిస్తే , అది మూడవ భుజం విలువ అవుతుంది ! అంటే పైన ఇచ్చిన ప్రశ్న లో X విలువ 6 cm.( 3×4 = 12/2 = 6 cm. ), కానీ పై సమాధానం రాసిన విద్యార్ధికి ఆ విషయం తెలియక,   X ( విలువ అంటే ఆ భుజం విలువ ) ను కనుక్కో మని అడిగితే , ఇదుగో ఇక్కడే ఉంది X  అని రాసి, ఒక బాణం గుర్తు కూడా వేసి చూపించాడు ! )
మునుపటి టపాలలో , పరీక్షలకు ముందు చేయవలసిన కర్తవ్యం గురించి తెలుసుకున్నాం కదా ! సామాన్యం గా, పరీక్ష కు కొన్ని వారాల ముందే , చాలావరకూ సిద్ద మయి ఉండాలి ! అది చాలా మంచి పధ్ధతి ! కొంత మంది విద్యార్ధులను గమనించాను , కాలేజీ రోజుల్లో , వారు పరీక్ష ముందు వారాల్లో , ఏమాత్రమూ ఆందోళన లేకుండా , అదే సమయం లో,  మిగతా విద్యార్ధులు ( నేను కూడా ! )   పడే అవస్థలు చూస్తూ ఉండే వారు  ! పరీక్ష రోజులు ప్రతి విద్యార్ధికీ వారి భవిష్యత్తును నిర్దేశం చేసే, అతి ముఖ్యమైన రోజులు కదా ?  ఆ సమయం లో ఈ జాగ్రత్తలు పాటిస్తే , వారు అంతకు ముందు చేసిన  ప్రయత్నాలన్నీ , పూర్తి ఫలితాలనిస్తాయి ! అది ఎట్లాగో తెలుసుకుందాం ! 
1. పరీక్ష ల కోసం తీసుకునే జాగ్రత్తలు , పరీక్ష ముందు రోజు నుంచే ప్రారంభం చేయాలి , తప్పని సరిగా !  పరీక్ష ముందు రోజు రాత్రి కనీసం 7 నుంచి 8 గంటలు తప్పని సరిగా నిద్ర పోవాలి , ఎట్టి పరిస్థితి లోనూ !  ఒక వేళ పరీక్షా హాలు దూరం గా ఉంటే ,  అందుకు తగిన ప్రయాణ ఏర్పాట్ల గురించి పూర్తి అవగాహన , హాల్ టికెట్ తీసుకున్న వెంటనే చేసుకోవాలి ! పరీక్ష సెంటర్ కు చేరుకోడానికనీ , ప్రయాణం చేయడానికి , కనీసం కొన్ని గంటలు ముందే బయలు దేరాల్సి ఉంటే , అందుకు తగినట్టు గా , పరీక్ష రోజు ముందే , కొన్ని గంటలు ముందు గా నిద్ర కు ఉపక్రమించాలి ! టీలూ , కాఫీలూ ఎక్కువ గా తాగి, పరీక్షల ముందు సిద్దమయే వారు కూడా , పరీక్ష కు ముందు రోజున  కనీసం నాలుగు నుంచి ఆరు గంటల ముందు ( అంటే నిద్ర పోయే సమయానికి  నాలుగూ , ఆరు గంటల ముందు , ఏ  టీలూ కాఫీలూ , తాగకుండా జాగ్రత్త తీసుకోవాలి !  కారణం , పరీక్ష  ముందు రాత్రి , సరిపడినంత నిద్ర ఉంటే , మెదడు లో ఉండే నాడీ కణాల కన్నిటికీ , సరిపడినంత ప్రాణ వాయువూ , సరిపడినంత గ్లూకోజూ , అందితే , ఆ కణాలన్నీ , తాజా గా ఫ్రెష్ గా ఉండి , చురుకు గా పని చేస్తాయి !  చదివిన పాఠాలూ , ముఖ్యమైన విషయాలూ , మూల సూత్రాలూ కేవలం గుర్తు ఉండడమే కాకుండా , వాటిని సరి అయిన పధ్ధతి లో ఉపయోగించడం కూడా సులభం అవుతుంది , నాడీ కణాలు అన్నీ కూడా  చురుకు గా పని చేస్తే ! పరీక్షల ముందు , టీలూ , కాఫీలూ ఎక్కువ గా తాగుతూ , రాత్రుళ్ళు నిద్ర కోల్పోయి చదివిన వారు , ఉదయాన్నే కాలేజీ కి వచ్చినా , వంద శాతం ఏకాగ్రత తో కాలేజీ లో, భౌతికం గా ఉన్నప్పటకీ , మానసికం గా ,  విషయాలను వంద శాతం గ్రహించ లేరు ! కొంత వరకూ అది పరవాలేదు , కానీ పరీక్షల లో కూడా అట్లాంటి పరిస్థితే  ఏర్పడితే , విద్యార్ధుల పర్ఫామెన్స్ గణనీయం గా తగ్గి పోతుంది ! నిద్ర సరిగా పోకుండా , పరీక్ష రాయడానికి వచ్చిన వారు , రాయ వలసిన జవాబులు , వారు ముందే అనుకున్నట్టు రాయ లేక పోవడమే కాకుండా , ప్రశ్న పత్రాలను పూర్తి గా చూడకుండా , పేపర్ కు రెండో పేజీ చూడకుండా నూ , మిగతా సమాధానాలు రాయడమూ , లేదా ఆ సమాధానాలు రాసే సమయం లో, నిద్ర విపరీతం గా వచ్చి, తూలుతూ ఉండడమూ కూడా చేస్తారు , చేశారు కూడా ! సరి పడినంత నిద్ర , పరీక్ష ముందు రోజు ఉండవలసిన అవసరం గురించి ,  తెలుసుకున్న విషయాలు ,  ఆచరణలో పెడితే , అంటే సరిపడినంత నిద్ర పొతే , ఈ టపా ఉద్దేశం మీరు గ్రహించినట్టే ! 
వచ్చే టపాలో పరీక్ష రోజున తీసుకోవాల్సిన జాగ్రత్తలు తెలుసుకుందాం ! 

చదువు కోవడం ఎట్లా ? 20. పరీక్షల ముందు, ఎట్లా చదివితే ఎక్కువ లాభం ?

In ప్ర.జ.లు., మన ఆరోగ్యం., మానసికం, Our Health, Our minds on డిసెంబర్ 7, 2013 at 9:35 ఉద.

చదువు కోవడం ఎట్లా ? 20. పరీక్షల ముందు ఎట్లా చదివితే ఎక్కువ లాభం ? 

 
ఎనాలజీ లేదా సామ్యాల తో చదవడం : ఈ విషయం లో ఉన్న మరి కొన్ని ముఖ్య మైన కిటుకులలో , ఎనాలజీ లేదా సామ్యాల తో చదవడం ఎంతో ముఖ్యమైనది ! అంటే, మనం చదివే చదువు,  కేవలం ఒకే మూస లో పోసినట్టు అంటే , ఒకే రకం గా బట్టీ పట్టకుండా ,  ప్రతి అధ్యాయాన్నీ మిగతా అధ్యాఅయాలతో పోల్చి చూసుకుంటూ , చదివితే  చదివిన విషయాలు ఎక్కువ కాలం గుర్తుండి పోతాయి !  ఆ మాటకొస్తే , మనం చదువుకునే చదువంతా , మూల సూత్రాలు తెలుసుకోవడమే కాకుండా ,  ఆ మూల సూత్రాలు , కాలానుగుణం గా ఎట్లా మారుతున్నాయో , అంటే అవి పరిణామం చెందే విధానమూ , జీవులలో కానీ , వస్తువులలో కానీ , అనే విషయం మీద  శ్రద్ధ పెట్టడం మీదే ఉంటుంది ! 
ఉదాహరణకు , స్మోకింగ్ క్యాన్సర్ తో , జ్వరం – ఇన్ఫెక్షన్ తో ముడి పడి ఉంటాయి ! ఈ పోలికలు లేదా సామ్యాలు అనేక రకాలు గా ఉంటాయి  ఈ క్రింద వివరం గా ఇవ్వడం జరుగుతుంది. ఎందుకంటే,  ఈ సామ్యాలు పోలికలు లేదా ఎనాలజీ ఎన్ని రకాలు గా చేసుకోవచ్చో తెలుసుకుంటే , వాటిలో అవసరమూ , సందర్భానుసారమూ అయిన వాటిని , ప్రతి విద్యార్ధీ  పాటిస్తే ,  వారికి ఆ యా సబ్జెక్ట్ లు చాలా సులభం అవుతాయి !  వ్యతిరేక పదాలూ అంటే  ఆంటోనిమ్స్  : పైనా – క్రిందా ,, సారూప్య పదాలూ అంటే సినానిమ్స్ : గొప్పగా ఉంది – అత్భుతం గా ఉంది !, ఒక వస్తువూ , దాని ఉపయోగమూ ( టూల్ అండ్ యాక్షన్ ) ఉదా : పెన్ను – వ్రాత ,ఒక భాగమూ , పూర్తి గా  ఉదా ( పార్ట్ అండ్ హోల్ ) :ఉదా : స్కూలు – క్లాస్ రూం , క్యాటగిరి – ఉదాహరణ : ( కాట గిరి – ఎగ్జాంపుల్ ) ఉదా :కుక్క – ఆల్సేషియన్ ,కారణమూ – పరిణామమూ ( కాజ్ అండ్ ఎఫెక్ట్ )  ఉదా: సాధన అంటే ప్రాక్టిస్ – పెంపొందించు కోవడం లేదా ఇంప్రూవ్ చేసుకోవడం !, భావ తీవ్రత ( ఇంటెన్సిటీ ) :  ఉదాహరణ:  విచారం గా ఉండడం , కుమిలి పోవడం , ఆనందం గా ఉండడం ,  పులకితమవడం ! ,నామమూ – గుణమూ :ఉదా: ఏనుగు : పేరు గుర్తు కు రాగానే  భారీ గా ఉండే జంతువని ! 
పదే పదే వల్లె వేయడం అంటే రిపిటీషన్ :  ఈ పధ్ధతి చాలా మంది విద్యార్ధులు చాలా తరచు గా ఉపయోగించే పధ్ధతి ! ఈ పధ్ధతి లో ఒక సారి చదివిన పాఠాన్ని పదే పదే చదువుతూ , ఆ పాఠం పూర్తి గా కంఠ తా పట్టడం !  భారతీయ విద్యా విధానం లో ఈ పధ్ధతి చాలా సామాన్యం గా ఉపయోగించడం జరుగుతుంది ! కానీ పాశ్చాత్య విద్యా విధానం లో   ఈ కంఠతా పట్టడమూ , బట్టీ పట్టడమూ , ఈ పద్ధతులను ఎందుకో ప్రోత్సహించరు !  కానీ  అవసరమైన పాఠాలనూ , లేదా అవసరమైన  సమాచారాన్నీ , కంఠతా వచ్చేట్టు నేర్చుకోవడం లో ఏమీ తప్పు లేదు ! ఈ రకం గా చేయడం వల్ల , మెమరీ హార్డ్ డ్రైవ్ అంటే మన మెదడు లో శాశ్వత మైన ఇన్ఫర్మేషన్ స్టోర్ చేయ బడుతుంది ! మూల సూత్రాలు మెదడులో శాశ్వతం గా స్టోర్ చేసుకోవడం లో తప్పు లేదు కదా !  ప్రత్యేకించి ఫార్ములాలూ , నిర్వచనాలూ , ఈ రకం గా నేర్చుకుంటే , ఉపయోగ కరం ! 
ఏ పధ్ధతి ఉపయోగించాలి ? : మనం, ఇప్పటి వరకూ,  కనీసం అయిదు పద్ధతుల గురించి తెలుసుకున్నాం కదా , మరి ఏ పధ్ధతి ఉపయోగించాలి ? ఈ విషయం విద్యార్ధులే నిర్ణయించుకోవాలి ! ఎందుకంటే , పద్ధతులు అనేకం ఉన్నా , ఏ పధ్ధతి తో నేర్చుకుంటే , బాగా ఉపయోగ కరం గా ఉంటుందో , అంటే పాఠాలు బాగా అర్ధమయి , ‘ ఆవిరి ‘ కాకుండా ఉంటాయో , ఆ పద్ధతే వారు అనుసరించాలి ! నేర్చుకోవడం  ప్రధాన లక్ష్యం అయినప్పుడు , అనేక సమయాలలో అనేక పద్ధతులు ఉపయోగించ వలసిన అవసరం ఉన్నా ,  సందేహం లేకుండా , ఆ పద్ధతులను అనుసరించ వచ్చు !  మనం , ఒక గమ్యాన్ని ఒక నిర్ణీత సమయం లో వెళ్ళాలి అని నిర్ణయించుకుంటే ,  మొదట గా అతి సులువైన , అతి త్వరగా, ఆ గమ్యానికి చేర్చే ప్రయాణ సాధనాన్ని  వాడుకొంటాము కదా ! లేదా ఆ ప్రయాణం లో, ఎక్కువ దూరం సులభం గా వెళ్ళ గలిగే వాహనాన్ని  ఉపయోగించు కుని , మిగతా దూరం , ఇంకో వాహనాన్ని ఉపయోగించడం కూడా జరుగుతుంది కదా ! ఇక్కడ మనం చేస్తున్నది , లక్ష్యం మీద దృష్టి పెట్టడం ! 
అదే విధం గా చదువులోనూ , లక్ష్యం : నేర్చుకోవడం , పరీక్షలలో అత్యున్నత మార్కులు సాధించడం  మీదనే విద్యార్ధి దృష్టి ఎప్పుడూ కేంద్రీకరించాలి ! ఆ లక్ష్యాన్ని చేరుకోవడానికి , తనకు ఏ  పధ్ధతి వీలు అయితే దానిని అనుసరించ వచ్చు ! 
వచ్చే టపాలో ఇంకొన్ని సంగతులు ! 


చదువు కోవడం ఎట్లా ? 19. పరీక్షల ముందు, ఎట్లా చదివితే ఎక్కువ లాభం ?

In ప్ర.జ.లు., మన ఆరోగ్యం., మానసికం, Our Health, Our minds on డిసెంబర్ 5, 2013 at 7:36 సా.

చదువు కోవడం ఎట్లా ? 18. పరీక్షల ముందు ఎట్లా చదివితే ఎక్కువ లాభం ? 

 
పరీక్షల ముందు , తక్కువ  సమయం లో ఎక్కువ పాఠాలు రివైజ్ చేయడం తో పాటుగా , బాగా గుర్తు ఉండేట్టు కూడా ఎట్లా చదవాలో, ఆ కిటుకులు కొన్ని మునుపటి టపాల లో తెలుసుకున్నాం కదా ! మరి ఇప్పుడు ఇంకొన్ని తెలుసుకుందాం ! 
చూడకుండా రాసి , తరువాత పోల్చడం : మీకు గుర్తు ఉండే ఉంటుంది , చిన్న తనం లో, పదాల స్పెల్లింగ్ లు నేర్చుకోవడం కోసం ,  ఆ పదాలను చూడకుండా , పేపర్ మీదో , పలక మీదో రాసి తరువాత ఆ రాతను ( అంటే రాత లో స్పెల్లింగ్ ను )  అసలు ప్రింటు లో ఉన్న పదాలతో పోల్చి సరిచూసుకోవడం ! పొర పాటు ఉంటే , సరి చేసుకోవడం ! అది చాలా మంచి పద్ధతే కనుక , ఆ పద్ధతిని పెద్ద క్లాసులకు వెళ్ళినా కూడా , అనుసరించ వచ్చు !  అంటే కాలేజీ లో చదువుతున్నా కూడా !  ఈ పధ్ధతి లో జరుగుతున్నది ఏమిటంటే , ఒకసారి చదువుకుని నేర్చుకున్న స్పెల్లింగ్ మన మెదడులో ‘ ముద్ర ‘ వేసిందో లేదో పరీక్షించు కోవడమన్న మాట !  మనం స్పెల్లింగ్ ను శ్రద్ధ గా నేర్చుకుంటే నే , ఆ స్పెల్లింగ్ మన మెదడు లో ముద్ర వేయ గలదు !  చదువులో పై క్లాసులకు వెళుతున్న కొద్దీ , స్పెల్లింగ్ లు వచ్చినా , ఇంకో రకం గా ఈ పధ్ధతి ని వినియోగించుకోవచ్చు !  అంటే పాఠాలలో ఉండే వివిధ నిర్వచనాలను , చూడకుండా రాసుకుని ,  తరువాత చూసి సరిచేసుకోవడం !  ఎందుకంటే , నిర్వచనాలు ఉన్నది ఉన్నట్టుగా పరీక్షలో పూర్తి మార్కులు వస్తాయి !  
కధ చెప్పడం :  అంటే స్టోరీ టెల్లింగ్ : ఈ పధ్ధతి కూడా మన జ్ఞాపక శక్తి ని చురుకు గా ఉంచే ఒక ప్రక్రియ !  తల్లి దండ్రులు చెప్పే కధలను చెవులారా ఆలకించి , శ్రద్ధగా విని ఆనందించి , ఆ కధలను జీవితాంతం గుర్తు ఉంచుకోని సంతానాన్ని వేళ్ళ మీద లెక్కించ గలమా ? అంతటి మహత్యం ఉంది కధ కు !  ఆ మాటకొస్తే , మన జీవితాలన్నీ ,అనేక కధలతో నిండి ఉంటాయి !   మన జీవితాల పెద్ద కధ లో అనేక పిట్ట కధలు ఉంటాయి !  అన్నిటినీ మనం వీలైనంత వరకూ గుర్తు ఉంచుకో గలుగు తున్నామంటే ,  మరి అది కధ  గొప్ప తనమే కదా ! చదివే చదువు లో కూడా, వివిధ సబ్జెక్ట్ లలో ,  ఈ పధ్ధతి ని ఉపయోగించుకోవచ్చు , ఉత్సాహం ఉన్న విద్యార్ధులు ! వ్యక్తుల జీవిత చరిత్రలు ,కధల రూపం లో గుర్తు ఉంచుకోవచ్చు ! మిగతా పాఠాలు కూడా ! చాలా కష్టమైన పాఠాలను , కధా రూపం లో మొదటే చెప్పుకుని , ఆ కధ ను గుర్తు ఉంచుకోవచ్చు !  
ప్రశ్న : నాలుగు   నీటి బుగ్గలు  లేదా ఫౌంటెన్లు, ఒక్కొక్కటీ పూర్తి గా నీరు వదిలితే ,ఒక పెద్ద పీపాను, ఒక రోజులోనూ , రోజులో సగం సమయం లోనూ , రోజులో మూడో భాగం లోనూ , రోజులో ఆరో భాగం లోనూ ,  నింప గలవు ! మరి ఆ నాలుగు ఫౌంటెన్ లూ కలిసి పూర్తిగా నీరు  నింపడం మొదలెడితే , ఆ  పెద్ద పీపా  రోజులో ఎంత కాలం లో నిండుతుంది ? ఈ  ప్రశ్న లో, గణితం లో నిష్పత్తి అంటే ఫ్రాక్షన్స్ అనే అధ్యాయం గురించినది ! కానీ చిన్న పిల్లలకు ఆసక్తి కరం గా , ఈ లెక్క ఒక కదా రూపం లో ఇవ్వ బడింది భాస్కర గణితం లో !  భాస్కర గణితం లో ఇట్లాంటి ప్రశ్నలు కోకొల్లలు ! మరి పైన ఇచ్చిన ప్రశ్న కు జవాబు చూద్దామా ?  
ఒకటవ ఫౌంటెన్   ఒక రోజులో పీపాను నింప గలదు ! అంటే 1/1 రోజు 
రెండవ ఫౌంటెన్, ఒక రోజులో సగం సమయం లో పీపాను నింప గలదు ! అంటే 1/2 రోజు 
మూడవ  ఫౌంటెన్,  రోజులో మూడవ వంతు సమయం లో నింపగలదు అంటే 1/3 రోజు 
నాలుగవ ఫౌంటెన్,  రోజులో ఆరవ వంతు సమయం లో నింప గలదు  అంటే 1/6 రోజు  
మరి అన్ని ఫౌంటెన్ లనూ ఒక్క సారిగా తెరిస్తే ఆ పీపాను ఎంత సమయం లో నింప గలవు అనేది ప్రశ్న కదా ! అందుకు   నాలుగు ఫౌంటెన్ లూ , విడి విడి గా ఎంత సమయం తీసు కుంటాయో , వాటన్నిటినీ కలపడమే కదా ! ఎందుకంటే అన్నీ కలిసి ఎంత సమయం లో నింప గలవు ? అనేది ప్రశ్న కాబట్టి ! అందుకు 1/1 +1/2+1/3+  1/6 = 1/12 అంటే రోజులో పన్నెండవ వంతు రోజులో నింప గలవు అన్నీ కలిసి ! అంటే 24 గంటలలో  పన్నెండవ భాగ సమయం, రెండు గంటలు !  వెయ్యి సంవత్సరాల క్రితమే , భాస్కరా చార్యుడు,  గణితాన్ని,తన కుమార్తె లీలావతి కీ, ( ఇతర  విద్యార్ధులకూ ) సులభం గా అర్ధమవడానికి ఎంత చక్కగా ప్రశ్నలను  ఆసక్తి కరం గా ( కధా రూపం లో ) అడిగేవాడో !
 
వచ్చే టపాలో ఇంకొన్ని కిటుకులు ! 


చదువుకోవడం ఎట్లా? 18. పరీక్షల ముందు, ఎట్లా చదివితే ఎక్కువ లాభం ?

In ప్ర.జ.లు., మన ఆరోగ్యం., మానసికం, Our Health, Our minds on డిసెంబర్ 3, 2013 at 7:55 సా.

చదువుకోవడం ఎట్లా? 18. పరీక్షల ముందు ఎట్లా చదివితే ఎక్కువ లాభం ? 

 
క్రితం టపాలో , పద చిత్ర  గురించి తెలుసుకున్నాం కదా , అది ఎట్లా మీకు ఉపయోగ పడుతుందో ఇక మీరే, అనుభవం మీద చెప్పాలి,  మిగతా వారికి ! తరువాతి  కిటుకు  గురించి తెలుసుకుందాం ఇప్పుడు ! 

సంక్షిప్తాక్షరాలూ , పొట్టి పదాలు :  దీనినే ఆంగ్లం లో నెమొనిక్స్ , యాక్రోనిమ్స్ అని కూడా అంటారు !  అంటే పొడవైన పదాలను , ఎక్కువ గా ఉన్న వాటిని కుదించి ,  చిన్న చిన్న అక్షరాలూ , పదాలు గా  రాసుకోవడం ! ఈ పధ్ధతి , చాలా మంది విద్యార్ధులు , చాలా తరచు గా ఉపయోగించే పద్ధతే ! 
కాకపొతే , చాలా మంది విద్యార్ధులు , ఈ పధ్ధతి ని సంపూర్ణం గా ఉపయోగించుకోరు !   సరి అయిన పధ్ధతి లో ఈ పధ్ధతి ని ఉపయోగించుకుంటే ,  వాటి లాభాలు చాలా ఉంటాయి !  ఈ పధ్ధతి గురించి వివరం గా తెలుసు కుందామిప్పుడు !
ఉదాహరణలు : 
వార్తలను ఆంగ్లం లో NEWS  అని అంటారు ఎందుకో తెలుసా ? ఉత్తర , తూర్పు , పడమర , దక్షిణ దిక్కులనుంచి  వచ్చే సమాచారాన్ని  వార్త అంటారు కనుక అందుకు నాలుగు ప్రధాన దిక్కుల మొదటి అక్షరాలను కలిపి NEWS  అనే ఒక పదం ఏర్పాటు చేశారు !  మనం త్వరగా ఒక పనిని చేయమని ఎవరికైనా రాత పూర్వకం గా చెప్పడానికి , ASAP  అని రాస్తాము కదా !  అంటే As Soon As Possible అనే వాక్యం లో పదాల మొదటి అక్షరాలు ! 
అట్లాగే U.S. అంటే యునైటెడ్ స్టేట్స్ అని కదా ! ఇట్లా ఇంకొన్ని చూద్దాం ! ఇంధ్ర ధనుస్సు లో సప్త వర్ణాలనూ , VIBGYOR  అని అంటారు, సులభం గా గుర్తు ఉంచుకోవడానికి . దానినే విబ్ జియార్ అని గుర్తు ఉంచుకోవచ్చు !   మరి వాటికీ ఇంధ్ర ధనుస్సు లో రంగులకూ , సంబంధం ఏమిటి ? 
V అంటే వయోలెట్ రంగు I అంటే ఇండిగో రంగు , B అంటే బ్లూ రంగు , Y అంటే ఎల్లో రంగు , O అంటే ఆరెంజ్ రంగు , ఇక చివరగా R అంటే రెడ్ రంగు ! చూశారా ఒక్క VIBGYOR  అనే పదాన్ని గుర్తు ఉంచుకుంటే , అన్ని రంగులూ మీకు గుర్తు ఉన్నట్టే కదా ! 
ఇక కాస్త పెద్ద క్లాసులలో పాఠాల నెమొనిక్స్ కొన్ని చూద్దాం : 
My Very Easy Method Shows Us Just Nine Planets అనే వాక్యం గుర్తుంచుకునారనుకోండి ! మీకు సూర్యుడి చుట్టూ తిరిగే  నవగ్రహాల పేర్లు తెలిసి పోయినట్టే ! అది ఎట్లా గంటే ,  My  లో మొదటి అక్షరం Mercury , Very లో మొదటి అక్షరం Venus ,Easy లో మొదటి అక్షరం Earth, Method లో మొదటి అక్షరం Mars , Shows లో మొదటి అక్షరం Saturn ,Us లో మొదటి అక్షరం Uranus , Just లో మొదటి అక్షరం Jupiter , Nine లో మొదటి అక్షరం Neptune , Planets లో మొదటి అక్షరం Pluto !  ఇంకో ఆసక్తి కరమైన విషయం ఏమిటంటే  ఈ వాక్యం మొదట సూర్యుడు ఉన్నట్టు మనం ఊహించుకుంటే ,   గ్రహాలన్నీ కూడా పదాల క్రమం లోనే  కక్ష్యల  లో ఉంటాయి ! 
జీవ శాస్త్రం అంటే బయాలజీ లో  వర్గీకరణ క్రమం గుర్తు పెట్టుకోవాలంటే , Don King Plays Chess On Friday , Generally Speaking ‘ అనే వాక్యం మీరు గుర్తు ఉంచుకుంటే ,  మీకు తెలిసిపోయినట్టే !  Don లో మొదటి అక్షరం Domain , King లో మొదటి అక్షరం Kingdom , Plays లో మొదటి అక్షరం phylum , Chess లో మొదటి అక్షరం Class , On  లో మొదటి అక్షరం Order , Friday లో మొదటి అక్షరం Family , Generally లో మొదటి అక్షరం Genus , Speaking లో మొదటి అక్షరం Species అనీ గుర్తు పెట్టుకోవాలి !  
పైన చెప్పిన విధం గా వివిధ సబ్జెక్ట్ లలో ముఖ్యమైన పదాలనూ , మీకు ఇష్టమైన రీతి లో నెమొనిక్స్ అంటే క్లుప్త పదాలుగానూ , అక్షరాలు గానూ మీరు  పాఠం లో ఆ పదాలు చదువుతున్నప్పుడే , ఏర్పరుచుకుంటే ,  మీకు  ఎక్కువ విషయాలు గుర్తుంటాయి , ఎక్కువ కాలం !  ముఖ్యమైన విషయం ఏమిటంటే , మీరు ఇట్లా క్లుప్త పదాలు ఏర్పరుచు కున్నప్పుడు , మళ్ళీ మళ్ళీ మీకై  మీరే పరీక్ష చేసుకుంటూ ఉండాలి  అవి పూర్తి గా మీకు వచ్చే వరకూ ! 
 
వచ్చే టపాలో ఇంకొన్ని కిటుకులు ! 

చదువుకోవడం ఎట్లా ? 17. పరీక్షల ముందు ఎట్లా చదివితే ఎక్కువ లాభం ?

In ప్ర.జ.లు., మన ఆరోగ్యం., మానసికం, Our Health, Our minds on డిసెంబర్ 2, 2013 at 8:08 సా.

చదువుకోవడం ఎట్లా ? 17. పరీక్షల ముందు ఎట్లా చదివితే  ఎక్కువ లాభం ? 

 
మునుపటి టపాలలో ,  చదువు కోవడం ఎట్లాగో తెలుసుకోవడం లో భాగం గా , క్లాసులో నోట్సు తీసుకుంటే ఉండే ప్రయోజనాలూ , పాఠ్య పుస్తకాలు చదివే తీరూ , పాఠాలు సులువుగా నేర్చుకునే కిటుకులూ , తెలుసుకున్నాం కదా !  మరి పరీక్షలు కొద్ది నెలలో , కొన్ని వారాలో ఉన్నప్పుడు ఎట్లా చదవాలి ? 
ఈ సందేహం అనేక మంది విద్యార్ధులలో కలుగుతుంది ! అది సహజమే !  అందుకే ‘ ఫియర్ ఈజ్ ద కీ ‘ అని అంటారు !  అన్నిటికీ,  భయం కీలకం !  అంటే,  మనం చదువు అంటే కొంతైనా భయం కలిగి ఉండాలి !   శాస్త్రీయం గా కూడా , మనం ఏపనైనా చేసేందుకు , మనకు వత్తిడి అంటే టెన్షన్  ఉంటే , ఆ పనిని ఎక్కువ సమర్ధ వంతం గా నూ ,ఏకాగ్రత తోనూ చేయగలం ! గమనించ వలసినది ,  ఈ టెన్షన్ సమ పాళ్ళలో నే ఉండాలి ! అంటే అతి గా ఉండకూడదు !  అవసరమైనంతే  ఉండాలి ! మరీ  ఏ టెన్ష నూ లేకుండా ఉంటే , పూర్తి గా యాదాలాపం గా ఆ పనిని చేసి ,  ఏదో చేశామనిపించుకుంటాం కదా ! 
మరి పరీక్షలు ముందుకు వస్తుంటే , అప్పుడు సమయాన్ని వృధా చేయకుండా , చదువుకోవాలి , కానీ ఆ సమయం లో కూడా , తీరిక గా ఒక్కో పేజీ చదువుతూ ఉంటే , సమయం చాలదు కదా !  అప్పుడు మనం  మన గేరు మార్చాలి !  గమనించారో లేదో , కారు మొదలు చేసే ముందు , అంటే స్టార్ట్ చేశాక రోడ్డు మీదకు వెళ్ళే వరకూ, తక్కువ గేర్ లలో నే కారు ను నడపాలి ! ఎందుకంటే , తక్కువ గేర్ లో ఇంజన్  ఎక్కువ పని చేస్తుంది ! ఒక సారి కారు రోడ్డు మీదకు వచ్చి ఒక నియమిత వేగం పుంజు కున్నాక , కారు  స్మూత్ గా వేగం అందుకుని పోడానికి , గేర్ ను మార్చి ఎక్కువ గేర్ లో పెట్టడం జరుగుతుంది కదా ! అదే విధం గా ,  మొదట్లో , ఏరోజు చెప్పిన పాఠం , ఆరోజు  చదువు కునే సమయం లో కాస్త ఎక్కువ శ్రమ పడడం జరుగుతుంది ! ఇక పరీక్షల ముందు గేర్ మార్చి వేగం గా పునశ్చరణం చేయడం అంటే రివైజ్ చేయడం ఎంతగానో ఉపయోగ పడుతుంది !  మరి దానికి కిటుకు లేంటి ? 
1. పద-చిత్రాల జత : అంటే ఇమేజ్ -వర్డ్  అసోసియేషన్ :  ఈ పధ్ధతి లో మీరు, పాఠ్య పుస్తకం లో చదివే కొత్త పదాలను, మీకు అంతకు ముందే తెలిసి ఉన్న చిత్రాలతో  లింకు వేసు కుంటారన్న మాట ! అప్పుడు , మీరు గుర్తుకు తెచ్చుకోవాలనుకున్న కొత్త పదం వెంటనే గుర్తు కు రాక పోయినా కూడా , 
మీరు జత చేసిన చిత్రం గుర్తుకు వచ్చి , దాని ద్వారా మీకు ఆ పదం కూడా గుర్తుకు వస్తుంది వెంటనే !   అందువల్లనే దీనిని పద – చిత్రాల జత అనవచ్చు ! ప్రముఖ భాషా శాస్త్రజ్ఞుడు కృశ్చెవ్ స్కీ ఇట్లా తెలిపాడు,  ప్రతి పదమూ , కొన్ని ప్రత్యేకమైన సూత్రాల వలన , మన మెదడు లో, అదే రకమైన పదాలను ప్రేరేపిస్తుంది ! కొన్ని ఉదాహరణలు: 
మీకు   సైన్స్ లో , జీవ కణం లో ప్రధానమైన భాగమైన ,   మై టో  ఖాండ్రి యా  అనే పదం వస్తే దానిని పవర్ హౌస్ అఫ్ ది సెల్ అని గుర్తు ఉంచుకోవడం లేదా ఎలెక్ట్రిక్ పవర్ స్టేషన్ గుర్తుకు తెచ్చుకోవాలి ! ఎందుకంటే , మై టో  ఖాండ్రి యా లోనే మన శరీరానికి కావలసిన శక్తి దాచ బడి ఉంటుంది ! 
అట్లాగే , లెక్కలలో పైథాగరస్ అనే గణిత శాస్త్రజ్ఞుడి పేరు గుర్తు కు రావాలంటే పైథాన్ ను గుర్తుకు తెచ్చుకోవడం ! ఇట్లా ,  ఎవరి ఇష్టం వచ్చినట్టు వారు , తమకు కష్టం గా ఉన్న పదాలను , వారికి అంతకు ముందే తెలిసి ఉన్న చిత్రాలతో కానీ , ఫోటోలతో కానీ లింకు చేసుకుని ఉండాలి ! అంతే కాకుండా , వాటిని పరీక్షలకు ముందే తరచూ పోల్చి చూసుకుంటూ ఉండాలి ! అంటే పరీక్షా సమయం లో రెండూ మరచి పోయే పరిస్థితి తెచ్చుకో కూడదు ! ఈ టపా చదివాక , మీరు ఒక పాఠం సెలెక్ట్ చేసుకుని అందులో కష్టం గా ఉన్న పదాలను , పైన చెప్పిన విధం గా లింకు చేసుకోడానికి ప్రయత్నించండి ! అది సరదా గా ఉండడమే కాకుండా , ఆ పదాలన్నీ కూడా , మీకు గుర్తుండి పోతాయి ! కొన్ని సమయాలలో , మీ స్నేహితులతో కూర్చుని , ఆ పదాలన్నీ కూడా ఒక దాని తరువాత ఒకటి  టిక్ చేసుకుంటూ , మరచి పోయే వాటిని , అందరూ కలిసి అందరికీ గుర్తుకు వచ్చే ఒక చిత్రం తో లింకు చేసుకోవడం కూడా సరదా గా ఉంటుంది ! సరదా తో పాటుగా , మీకు పాఠం కూడా చాలా వరకూ గుర్తుండి పోతుంది ! పరీక్షల లో కూడా !  ( పైన ఉన్న చిత్రం లో పదాలు ఎట్లా ఒకదానితో ఒకటి లింక్ అయి ఉన్నాయో చూడండి ! మనం చేయ వలసినదల్లా , ఆ లింకులను అర్ధం చేసుకుని , గుర్తు తెచ్చుకోవడం ప్రాక్టీస్ చేయడమే ! 
వచ్చే టపాలో ఇంకొన్ని పద్ధతులు, పరీక్షల ముందు ఉపయోగ పడేవి , తెలుసుకుందాం !  
 


చదవడం ఎట్లా ? 16. పాఠ్య పుస్తకాలు, సులభం గా అర్ధం చేసుకోవడం ఎట్లా ?

In ప్ర.జ.లు., మన ఆరోగ్యం., మానసికం, Our Health, Our minds on డిసెంబర్ 1, 2013 at 2:55 ఉద.

చదవడం ఎట్లా ? 16. పాఠ్య పుస్తకాలు  సులభం గా అర్ధం చేసుకోవడం ఎట్లా ? 

 
S Q R 4. ( R4= RRRR )
 
క్రితం టపా లో మనం, S  అంటే సర్వే అనీ , Q  అంటే , చదివే సమయం లో  వేసుకునే ప్రశ్నలు అంటే , what , where ,when,how , who ,why  అనే ప్రశ్నలు ప్రతి పాఠం లోనూ మీ అంతట మీరే ప్రశ్నలు వేసుకుని , వాటికి సమాధానాలు రాబట్టు కోవడానికి , శ్రమ పడితే ,  పాఠం  మీకు ఎంత త్వరగా అర్ధం అవుతుందో కూడా తెలుసుకున్నాం కదా ! మరి ఇప్పుడు R 4 అంటే ఏమిటో చూద్దాం ! R 4 అంటే నాలుగు R లు ( Read , Recite , Record , Review  )  అంటే రీడ్ , రిసైట్ , రికార్డ్ , రివ్యూ  అని ! 
మరి చదివే సమయం లో, ఈ నాలుగు R లూ ఎట్లా ఉపయోగ పడతాయి ?  ( R4= RRRR )
Read :  మొదటి దశలో మీరు సర్వే చేశాక , ప్రశ్నించు కోవడం కూడా చేశాక , ఆ పాఠాన్ని జాగ్రత్త గా చదవడం చేయాలి ! ఈ సారి చదివే సమయం లో కేవలం పై పైన సర్వే చేయడం కాక , పాఠం లో వివరాలు తెలుసుకునే ప్రయత్నం చేయాలి ! అంటే పాఠం , కూలంక షం గా చదవాలి ! అంటే అన్ని వివరాలూ చదువుతూ , ఏవి ముఖ్య విషయాలో , వాటి మీద ఎక్కువ ధ్యాస పెట్టాలి ! ఒక వేళ , ఆ పాఠం  లో కనుక మీకు పరీక్ష ఉంటే , ఏ రకాలైన ప్రశ్నలు అడగ వచ్చు ? అనే విషయం కూడా మీరు మనసు లోనే ఆలోచించి , వాటికి సమాధానం మీకు తెలుసో లేదో కూడా , చదివే సమయం లోనే  మీరు అంచనా వేసుకుంటూ ఉండాలి ! 
Recite : రిసైట్ చేయడం అంటే, వల్లె వేయడం.  అంటే , మీరు చదివిన పాఠాన్ని ,  రెండో మారు మననం చేసుకోవడం , అంటే, ఈ సారి మీరు పాఠ్య పుస్తకం లో పాఠం చూడకుండా ,  మీరు చదివినది గుర్తు కు తెచ్చుకోవడం !   ఈ చర్యలో, మీరు చదివిన పాఠాన్ని, ఉన్నది ఉన్నట్టు , గుర్తు తెచ్చుకో నవసరం లేదు !   చదివినది , క్లుప్తం గా గుర్తుకు తెచ్చుకుంటే , మంచిది ! పాఠం లో ఉన్న పదాలే ఖచ్చితం గా మళ్ళీ గుర్తుకు తెచ్చు కోవలసిన అవసరం కూడా లేదు  !  మీ స్వంత పదాలు కూడా ఉపయోగించ వచ్చు ! ( కానీ పాఠం లో ఉన్న కొత్త సాంకేతిక పదాలనే వాడితే , పరీక్షలో మార్కులు ఎక్కువ వస్తాయి ! ) ఈ రిసైట్ చేయడం లో  మీరు వేసుకోవలసిన ప్రశ్నలు ( పైన చెప్పినవి ) మళ్ళీ వేసుకుని , ఆ ప్రశ్నలకు సమాధానాలు మీరు చదివి , మననం చేసుకున్న పాఠం  లో ఉన్నాయా? లేదా? అని సరి చూసుకోవాలి !  ఈ సరి చూసుకోవడం , మీరు   విశ్వసనీయం గా అంటే సిన్సియర్ గా చేసుకోవాలి ! అంటే ,విషయాలన్నీ గుర్తుకు రాకపోయినా కూడా మీరు , ‘ బాగా చదివేశాను లే ‘ అని  ప్రశంసించు కోకూడదు !  మీరు , గుర్తు చేసుకున్న పాఠం  లో విషయాలన్నీ కూడా సంపూర్ణం గా లేదని మీకు అనిపించినా , లేదా మీకు తృప్తి గా లేక పోయినా కూడా , పాఠాన్ని మళ్ళీ అంటే రెండో సారి , అవసరం అవుతే , మూడో సారీ  చదవడానికి వెనుకాడ కూడదు !  ప్రతి సారీ చదివాక , మీరు చేయవలసినది, మొదట చేసినదే , అంటే  మళ్ళీ పాఠాన్ని మననం చేసుకోవడం ,  ఆరు ప్రశ్నల సహాయం తో (  what , where ,when,how , who ,why ) ! 
Record : పై విధం గా మీరు మననం చేసుకుని , మీ స్వంత పదాలతో గుర్తు కు తెచ్చుకున్న పాఠాన్ని , నోట్స్ లో రాసుకోవడం ! అంటే  మీరు పరీక్ష లో రాసినట్టు రాసుకుంటున్నారన్న  మాట ! కాక పొతే, మీ నోట్స్ లో !  ఈ నోట్స్ కేవలం, మీరు చదివినది రికార్డ్ చేయడం కోసమే !  ఈ రికార్డ్ చేసుకోవడం అంటే నోట్స్ ఎట్లా రాసుకోవాలో ,మీరు ఇప్పటికే తెలుసుకున్నారు కదా !  ఆ పధ్ధతి ని అనుసరించడమే ! పాఠం లో వచ్చే , ముఖ్యమైన ( సాంకేతిక )  పదాలను కూడా,  మర్చి పోకుండా రాసుకోండి !  
Review : ఇక నాలుగో R  అంటే రివ్యూ చేసుకోవడం : అంటే  పునశ్చరణం చేసుకోవడం ! ఈ దశలో , మీరు నోట్స్ లో రాసుకున్న పాఠం  లోని విషయాలను ఒక సారి చూసుకోవడం చేయాలి !   మీరు చదివిన పాఠానికీ , మీరు రాసుకున్న నోట్స్ కూ , పొంతన ఉందా లేదా అని సరి చూసుకోవాలి ! అంటే , పాఠం లో ఉన్న అన్ని ముఖ్య విషయాలూ , నోట్స్ లో  మీరు ఒక పధ్ధతి లో రాసుకున్నారా లేదా అని చూసుకోవడం !  ఏవైనా ఇంకా ఆ నోట్స్ లో చేర్చాలా ? అనే విషయం కూడా అప్పుడు నిర్ణయించు కోవాలి ! మీ నోట్స్ కేవలం ముఖ్యమైన విషయాలు క్లుప్తం గా రాయబడి , మీరు తరువాత సులభం గా గుర్తు తెచ్చుకోడానికి  అనుకూలం గా ఉండాలే కానీ , చాలా వివరం గా   ప్రింటు లో కాక , చేతి రాత తో రాసిన పాఠ్య పుస్తకం లా ఉండ కూడదు !  
మొదట్లో , పైన వివరించిన విధం గా చదవడం , కొద్దిగా శ్రమ గా నే అనిపించ వచ్చు !   కానీ మీరు ఒకే పధ్ధతి S Q R 4.  ( ఈ పద్ధతే  కూడా అవసరం లేదు ! ) అలవాటు చేసుకుని , దానినే ఎప్పుడూ అనుసరిస్తూ ఉంటే , మీకు పాఠాలు నేర్చుకోవడం అతి సులభం అవుతుంది !  విజయం  కూడా మీదే అవుతుంది ! 
వచ్చే టపాలో ఇంకొన్ని సంగతులు ! 


చదువుకోవడం ఎట్లా ?. 15.పాఠ్య పుస్తకాలు ఎట్లా చదివితే, ఎక్కువ ఉపయోగం ?

In ప్ర.జ.లు., మన ఆరోగ్యం., మానసికం, Our Health, Our minds on నవంబర్ 30, 2013 at 10:27 ఉద.

చదువుకోవడం ఎట్లా ?. 15.పాఠ్య పుస్తకాలు ఎట్లా చదివితే ఎక్కువ ఉపయోగం ? 

 
మునుపటి టపాలలో  చదువుకు కావలసిన సరంజామా  గురించీ ,  క్లాసు లో చెప్పే పాఠాల నోట్సు తీసుకునే పధ్ధతి గురించీ , తెలుసుకున్నాం కదా !  మనం తెలుసుకునే విషయాలన్నీ కూడా ,  మన లక్ష్యాన్ని అంటే బాగా చదువుకుని , మంచి ఫలితాలు పొందాలనే లక్ష్యాన్ని , చేరుకోవడానికి , ఎంతో సహాయ పడతాయి ! మంచి ఫలితాలు అంటే అవి కేవలం , పరీక్షలలో , మంచి మార్కులు రావడానికే పరిమితం అవకుండా , జీవితాలలో కూడా , చేసే ప్రతి పని లో నూ , ఒక పధ్ధతి ఏర్పడి ,  విజయం పొందే లా  ఉంటాయి , ఆ ఫలితాలు ! ఇప్పుడు పాఠ్య పుస్తకాలు చదివే విధానం గురించి  శాస్త్రీయం గా తెలుసుకుందాం !  చాలా మంది అనుభవజ్ఞులు తమ సంతానానికి ,  ‘ బాగా చదవాలి ‘ కష్ట పడి చదవాలి ‘ అనీ ,   పాఠ్య పుస్తకాలన్నీ , వల్లె వేయాలి , ‘ కంఠ తా పట్టాలి ‘  అని సాధారణ సలహాలు ఇస్తూ ఉంటారు ! అవన్నీ నిజమే , కానీ  ఆ చదివే పద్ధతుల గురించి విద్యార్ధులకు తెలియ జేయరు ! దానితో , పాఠ్య పుస్తకాలను చూడగానే , విద్యార్ధులకు  ఒక రకమైన గుబులు పుట్టుకుంటుంది ! ‘ ఇదంతా నేను చదవాలా ? ‘ అని  ఆందోళన పడుతూ ఉంటారు !  
ఈ క్రింది సూచనలు గమనించి , వాటిని అనుసరించడం అలవాటు చేసుకుంటే ,  పెద్ద పెద్ద పాఠ్య పుస్తకాలు చదివి ఆకళింపు చేసుకోవడం కూడా  చాలా సులువు అవుతుంది !   
 
ప్రధమ సూత్రం : S Q R 4   : ఈ అక్షరాలనూ , అంకె నూ , ‘ ఎస్క్యూ ఆర్ఫోర్ ,ఎస్క్యూ ఆర్ఫోర్ ,ఎస్క్యూ ఆర్ఫోర్ ,ఎస్క్యూ ఆర్ఫోర్ ‘  అని,  అనేక సార్లు వల్లించి,   అది మీ మనసులో నాటుకునేట్టు  అంటే మీరు మీ జీవితం లో ఎప్పుడూ మర్చిపోకుండా , నేర్చుకోండి ! 
 
S  అంటే సర్వే : ( survey  ) :  అంటే మీరు చదవ బోయే  పాఠమైనా , మొదట గా చూడగానే కంగారు పడకుండా ,  ఆ పాఠాన్ని , మొదలు నుంచి , ముగింపు దాకా  ఒక సర్వే చేయండి ! అంటే   ఉదాహరణకు : ఒక పాఠం  అయిదు పేజీలలో ఉంటే , మొదటి పేజీ లో ముందుగా ఆ పాఠం పరిచయం ఎట్లా చేశారు ? ఆ పాఠం దేని గురించి ? ,   అనే విషయం తెలుసుకోండి ! తరువాత  ఆ పాఠం లో తెలుసుకోవలసిన విషయాలను ఏదైనా సైడ్ హెడింగ్స్ రూపం లో ఇచ్చారా? ఇస్తే , ఆ సైడ్ హెడింగ్స్ ఏమిటి ?  అనే విషయం గమనించండి !  చివరగా , ఆ పాఠం  చివర గా  ఇచ్చిన సంగ్రహ వాక్యాలు అంటే సమ్మరీ కూడా చదవండి ! ఇట్లా సర్వే చేయడం వల్ల  మీకు , ఆ పాఠం తో మీకు  రచయిత ఏమి బోధించ దలుచుకున్నాడో  అర్ధం అవుతుంది !  గుర్తు ఉంచుకోండి : మీరు ఈ సర్వే లో కేవలం  ఆ పాఠం  గురించి ఒక  స్థూలమైన అంటే జెనరల్ అభిప్రాయం ఏర్పరుచు కుంటున్నారన్న మాట ! 
Q  అంటే క్వశ్చన్ : లేదా ప్రశ్న :  ఇది మీరు చదివే ఏ  పాఠమైనా , తప్పని సరిగా ఉండవలసిన లక్షణాలలో ఇంకొకటి ! ఒక సారి మీరు చదివే పాఠాన్ని సర్వే చేశాక , మీరు ఆ పాఠాన్ని , అనేక రకాలు గా ప్రశ్నించాలి.  అంటే , ఆ పాఠం , మిమ్మల్ని , రచయిత ఎందుకు నేర్చుకోమంటున్నాడు ?  ఆ పాఠం లో ప్రధాన విషయం ఏమిటి ?  అనే ప్రశ్నలన్నీ మీకై మీరు వేసుకోవాలి ! అంటే   చదివే సమయం లో, ఈ ప్రశ్నలకు జవాబులు అన్నీ మీరు ఆ పాఠం లో వెదకాలి !
 ఈ ప్రశలన్నీ కూడా తేలిక గా గుర్తు ఉంచుకోవడానికి  what? where? why? how? when? who?  ఈ ఆరు ప్రశ్నలనూ మీరు ప్రతి పాఠం నేర్చుకునే సమయం లో తప్పని సరిగా మీకై మీరే వేసుకుని , వాటి సమాధానాల కోసం ప్రయత్నించాలి !  మీరు ఆ  సమాధానాలన్నింటినీ ,  రాబట్టుకున్నారంటే , మీరు మీ పాఠం  , చాలా వరకు నేర్చుకున్నారనే చెప్ప వచ్చు !  విజ్ఞానం సంపాదించుకోవడానికి , లేదా చదువుకుని విద్యావంతులవడానికీ , ఈ  ఆరు ప్రశ్నలూ ,  అతి ముఖ్యమైనవి !  మీరు ఏ సబ్జెక్ట్ చదువు దామనుకున్నా కూడా ! 
వచ్చే టపాలో ఇంకొన్ని వివరాలు ! 


చదువుకోవడం ఎట్లా ? 14. నోట్సు రాసుకోవడం ఎట్లా ?

In ప్ర.జ.లు., మన ఆరోగ్యం., మానసికం, Our Health, Our minds on నవంబర్ 29, 2013 at 5:50 సా.

చదువుకోవడం ఎట్లా ? 14. నోట్సు రాసుకోవడం ఎట్లా ?  

పోలికలు మంచిదే ! :
క్రితం టపాలో, నోట్సు ఎట్లా తీసుకోవాలనే విషయం చాలా వరకూ తెలుసుకున్నాం కదా !   విద్యార్ధులు, కేవలం వారి కోసమై నోట్సు రాసుకోవడం అలవాటు చేసుకున్నా , ఇంకొన్ని ముఖ్యమైన విషయాల మీద కూడా దృష్టి పెడితే , వారు రాసుకున్న నోట్సు తో అత్యధికం గా లాభం పొందుతారు ! ఆ విషయాల లో ఒకటి ,  తాము రాసిన నోట్సు ను , తోటి విద్యార్ధుల నోట్సు తో పోల్చుకోవడం. ఇట్లా చేయడం వల్ల అనేకమైన ఉపయోగాలున్నాయి ! సామాన్యం గా , ఒక విద్యార్ధి , కేవలం తను ఒక రోజో లేదా కొన్ని రోజులో , స్కూలు కు కానీ , కాలేజీ కి కానీ వెళ్లక పోవడం వల్లనే , ఇతర స్నేహితుల వద్దనుంచీ , తోటి విద్యార్ధుల నుంచీ ,నోట్సు తీసుకుంటారు !  కానీ ఈ అలవాటును ఒక క్రమ పధ్ధతి లో చేస్తే , అంటే ,  ప్రతి వారమూ , తోటి విద్యార్ధుల నుంచి నోట్సు తీసుకోవడం అలవాటు చేసుకోవాలి !  ఈ పధ్ధతి తో , తాము మిస్ అయిన ముఖ్యమైన విషయాలను ఇతర విద్యార్ధుల నోట్సు తో  పోల్చుకుని , ఆ పాయింట్స్ కూడా  తమ నోట్సు లో రాసుకోవడానికి అవకాశం ఉంటుంది ! ముఖ్యం గా, తోటి విద్యార్ధులు ఆ పాఠాన్ని ఎట్లా అర్ధం చేసుకుంటున్నారు ? , తమ కన్నా భిన్నం గా ? అని ఒక అంచనా కూడా వేసుకోవచ్చు !  తమ నోట్సు ను ఆ రకం గా ఇంకా బాగా రాసుకోవడం చేయవచ్చు !  వారు పాఠాన్ని వినే సమయం లో ఇంకేవైనా విషయాల మీద దృష్టి కేంద్రీకరించాలా లేదా అన్న విషయం కూడా వారికి బోధ పడుతుంది , ఇతర విద్యార్ధుల నోట్స్ తో వారి నోట్స్ ను పోల్చుకుంటే !  వారిలో స్నేహ భావం కూడా అలవడుతుంది ! పోటీ స్వభావం కూడా పెంపొందుతుంది !  ఈ పోటీ , కేవలం ఒక ఆరోగ్యదాయకమైన పోటీ గానే ఉండాలి కానీ , అసూయా ద్వేషాలకు  అవకాశం ఇవ్వ కూడదు ! 
సమీక్షించడం ( రివ్యూ ) , మళ్ళీ మళ్ళీ రాసుకోవడం ! మెరుగులు దిద్దడం : 
ఒక సారి,  ప్రతి పాఠం చెప్పే సమయం లోనూ నోట్సు రాసుకోవడం అలవాటు చేసుకున్నాక ,  ఇంకో అతి ముఖ్యమైన విషయం కూడా విద్యార్ధులు ఎప్పుడూ గుర్తు ఉంచుకోవాలి !  అది, నోట్సు రాసుకోవడం  అనేది ఒక్క సారి చేశాక , మీ పని అయి పోయిందని , చేతులు దులుపు కో కూడదు ! అంటే ఒక సారి రాసిన నోట్సు , ఫైనల్ కాకూడదు !   ఇంటికి వచ్చాక , ఆ నోట్సు ను అనేక సార్లు సమీక్షించుకోవాలి ! అంటే , ఆ విషయం మీద, మీరు రాసుకున్న నోట్సు , సంపూర్ణం గా ఉందో లేదో , తరచి చూసుకుంటూ ఉండాలి !  ఇట్లా చూసుకోవడం, అనేక మార్లు చేయాలి , అవసరమైతే !   ఈ చర్యలో పైన ఉదహరించిన , ఇతర విద్యార్ధుల నోట్సు తో పోలికే కాక ,ఒక పాఠ్య పుస్తకం నుంచి కూడా రిఫర్ చేసి  కొన్ని ముఖ్యమైన  విషయాలను , నోట్సు లో రాసుకోవచ్చు ! అంతే కాక , మీరు రాసుకున్న విషయాలను ఒక  పధ్ధతి లో  ఆర్గనైజ్ చేసుకోవాలి మీరు మీ నోట్సు లో !  ఇట్లా ఆర్గనైజ్ చేసుకుంటే , మీరు రాసుకున్న నోట్సు సులభం గా అర్ధం అవుతుంది !   కొన్ని సమయాలలో మీరు కొన్ని పటాలు కూడా చేర్చు కోవలసిన అవసరం ఉండ వచ్చు , మీ నోట్సు లో !   మీరు, మళ్ళీ ,మళ్ళీ, నోట్సు ను రివైజ్ చేసి, కుదించి , మెరుగులు దిద్దుతూ ఉండడం వల్ల , మీకు   మీరు రాసుకున్న నోట్సు లో ఉన్న విషయాలు చాలా వరకు అర్ధం కావడమే కాక , మీరు ఎక్కువ కాలం గుర్తు ఉంచుకో గలుగుతారు కూడా  !  ఇట్లా చేయడం అలవాటు చేసుకుంటే , విద్యార్ధులకు చిన్న తనం నుంచే , తాము ( పాఠం లో ) గ్రహిస్తున్న విషయాలను , తరచి చూసి , సునిశితం గా పరిశీలించే , పరిశీలనా జ్ఞానం కూడా పెంపొందుతుంది !  చదివే ఏ చదువు లక్ష్యం అయినా అదే కదా !   చివరగా , ఇట్లా  మీరు శ్రమ పడి , అనేక రకాలు గా విషయాలను సేకరించి , రాసుకున్న నోట్సు ను  జాగ్రత్తగా , ఒక ఫైల్ లో నో ఫోల్డర్ లోనో  , బైండర్ లోనో పెట్టుకోండి !
నోట్సు   తీసుకోవడం ఎప్పుడూ, ఒక పధ్ధతి గా ఎట్లా చేయాలో సులభం గా గుర్తుంచు కోవడానికి    5R లు అంటే అయిదు R లు :  Record,Reduce, Recite, Reflect, and Review  ఉపయోగ పడతాయి , విద్యార్ధి జీవితం లో ! 
వచ్చే టపాలో ఇంకొన్ని సంగతులు ! 


చదువుకోడం ఎట్లా? 13. నోట్స్ ఎట్లా తీసుకుంటే ఎక్కువ ఉపయోగం ?

In ప్ర.జ.లు., మన ఆరోగ్యం., మానసికం, Our Health, Our minds on నవంబర్ 28, 2013 at 2:06 సా.

చదువుకోడం ఎట్లా? 13. నోట్స్ ఎట్లా తీసుకుంటే ఎక్కువ ఉపయోగం ? 

An Image On How To Take Good Notes In School.

నిన్నటి టపాలో నోట్స్  తీసుకోవడం ఎందుకో తెలుసుకున్నాం కదా ! మరి నోట్స్ ఎట్లా తీసుకోవాలి ?  
కావలసినవి : చిన్న క్లాసులలో : రెండో మూడో పెన్నులూ లేదా పెన్సిళ్ళూ  , ఇంకా రాసుకునేందుకు  తెల్ల కాగితాల నోటు పుస్తకం  ఇవి కనీస అవసరాలు !  పెద్ద క్లాసులు , లేదా కాలేజీ లో లెక్చర్లకు :  కూడా పెన్నులూ , నోట్ పుస్తకాల తో పాటుగా , మీరు లెక్చర్ ను కనుక టేప్ చేసుకోవాలని అనుకుంటే అదోకటీ ! కానీ ముందుగా లెక్చరర్ అనుమతి తీసుకోవాలి !   దీనివల్ల ఉపయోగం : లెక్చర్ నోట్ చేసుకొనే సమయం లో ఏమైనా  ముఖ్యమైన వివరాలు  నోట్ చేసుకోలేక పోయినా , తరువాత టేప్ విని , వాటిని మననం చేసుకోవడం కానీ , లేదా మళ్ళీ నోట్స్ లో నోట్ చేసుకోవడం కానీ చేయవచ్చు !  ఏ క్లాసు లో ఉండి చదువుకుంటున్నా , ముఖ్యం గా కావలసినది , మీ కృత నిశ్చయమూ , మీ ఏకాగ్రతా , మీ ఓపికా కూడా !  ఇంకో ముఖ్య విషయం :  క్లాసు లో చెప్పే పాఠం  వినపడక పోయినా , లేదా అర్ధం కాక పోయినా , చాలా మంది విద్యార్ధులు వారి నోట్ పుస్తకం లో,  బొమ్మలు గీస్తూ ( నేనూ చేశాను, కొన్ని క్లాసులలో ఇట్లా ! )  , లేదా అమ్మాయిలయితే , ముగ్గులు వేసుకుంటూ నో కాల యాపన చేస్తూ ఉంటారు !   కానీ అనుభవ పూర్వకం గా తెలుసుకున్నదేంటంటే , ఇది మంచి పధ్ధతి కాదు అని !   క్లాసు లో పాఠాన్ని వీలైనంత అర్ధం  చేసుకోవడానికి  అన్ని విధాలా ప్రయత్నించాలి !  కొన్ని సమయాలలో పాఠం అర్ధం కాక పోయినా , ఆ పాఠం లో మనకు కనీసం , కొత్త పదాలు తెలుస్తాయి !  
శ్రవణ కుమారులవ్వాలి, విద్యార్ధు  లందరూ ! :  అంటే మీరు చెప్పే మాటలను శ్రద్ధ గా వినడం అలవాటు చేసుకోవాలి !  ఒక తరగతి లో కానీ , లెక్చర్ హాలు లో కానీ , అనేక రకాలైన శబ్దాలు అవుతూ ఉంటాయి ! కొన్ని అనివార్యమూ , కొన్ని కావాలని చేసే శబ్దాలూ !  బోధించే వారి గొంతు నే ఏకాగ్రత తో వినడం అలవాటు చేసుకోవాలి ! మిగతా శబ్దాలను మీరు, మనసు తో ఫిల్టర్ చేసుకోవడం అలవాటు చేసుకోవాలి !  ఎందుకంటే , చెవులు సహజం గానే , వినబడే శబ్దాలనన్నిటినీ , రిసీవ్ చేసుకుంటాయి !  ఈ చర్య కు కేవలం మనం చెవులప్పగించి వినడమే ! కానీ ఏ శబ్దాలను  పట్టించుకోవాలి ? ! అంటే , మనసుకు పట్టించుకోవాలి , వేటిని  పట్టించుకోకూడదు ? అనే విషయాలను మనమే నిర్ణయించుకోవాలి !  అనేక రకాల అవరోధాలు ఉన్నా కూడా , ఏకాగ్రత తో కేవలం లెక్చరర్ చెప్పేదే , లేదా టీచర్ చెప్పేదే వినే  అలవాటు చేసుకోవాలి ! అంతే కాకుండా , కేవలం బోధించేది విని , త్వర త్వర గా అంతా రాసుకోవడానికి తంటాలు పడనవసరం లేదు !  ఆ  ప్రయత్నం లో , వినడం శ్రద్ధగా వినలేక పోవచ్చు ! కానీ శ్రద్ధ గా విని , అవసరమైన పదాలనే ,లేదా వాక్యాలనే రాసుకోవాలి !  ప్రతి సబ్జెక్ట్ లోనూ కొన్ని కొత్త పదాలు తెలుస్తూ ఉంటాయి , ప్రతి విషయం లోనూ ! ఆ పదాలను తప్పని సరిగా నోట్ చేసుకోవాలి  !  
మీదైన శైలి ని  అభివృద్ధి చేసుకోండి ! ( అదరాలి మీ స్టైల్ !  )  :   నోట్స్ తీసుకోవడం ఏ ఒక్కరి ఆస్థీ  కాదు ! ఏ ఒక్కరి హక్కూ కాదు !  విద్యార్ధులు తరచు గా ‘   ఆ అమ్మాయి నోట్స్ బాగా రాస్తుంది ! అనో , లేదా , ఆ అబ్బాయి బాగా రాస్తాడు ‘ అనో  ఇతర విద్యార్ధులను  అభినందించే పని లోనే ఉంటారు , కానీ వారంతట వారే ఆ పని  చేయరు ! అది చాలా పొరపాటు ! విద్యార్ధులంతా కూడా చక్కటి నోట్స్ రాయ గలరు ! ఎందుకంటే ప్రతి ఒక్కరి కీ రెండు చక్కగా పని చేసే చెవులూ , చక్కగా రాయగలిగే ఒక చేయీ ఉన్నాయి కనుక !  వాటికి మీ మనసు ను తోడు చేస్తే,  మంచి నోట్స్ మీదే ! కొన్ని సూచనలు : నోట్స్ లో టీచర్ చెప్పే ప్రతి విషయాన్నీ రాసుకోవాలనే ప్రయత్నం చేయకండి , ఇది చాలా శ్రమ తో కూడినదే కాక ,  మీ ఏకాగ్రతను కూడా పరీక్షిస్తుంది !  2. మీ కోసమే , మీరు సంక్షిప్త పదాలను లేదా అక్షరాలను రాసుకోండి ! అంటే     భారత దేశం అని  బోధిస్తూ ఉంటే , Ind  అని నోట్ చేసుకోవచ్చు ! అట్లాగే,   విద్యార్ధులు అని బోధిస్తూ ఉంటే , stu. అని నోట్ చేసుకుని గుర్తుంచుకోండి !  ఈ రకం గా చేస్తే , మీరు విషయాలు అన్నీ నోట్ చేసుకోగలుగు తారు ! ఉన్న సమయం లో ! తక్కువ శ్రమ తో !  కానీ ఈ  సంక్షిప్త పదాలు , ఇంటికి వచ్చాక,  మీకు ఆ పదం పూర్తిగా గుర్తు వచ్చేయాలి !  ఇంకొన్ని ఉదాహరణలు : mathematics  ను maths అనీ ,  chemistry ని chem  అనీ ,  relative  density అని ఉంటే  re.d  అనీ రాసుకోవచ్చు కదా !  ఈ రకం గా, పెద్ద పెద్ద వాక్యాలకు షార్ట్ ఫాం లు మీరే ఏర్పరుచుకుని , నోట్స్ తీసుకునే సమయం లో వాటిని వాడితే ,  కాస్త మెదడు కు మేత లా ఉంటుంది !  అంతే కాకుండా , మీరు బోధించే విషయాలన్నీ కూడా గ్రహించ డానికి అవకాశం హెచ్చుతుంది ! 
 
 
 
 
వచ్చే టపాలో ఇంకొన్ని సంగతులు !