ఈశ్వర్ గారు, ముందుగా మీ ఇరువురికీ అభినందనలు.
మీరు ఒక సంవత్సరం వరకూ తాత్కాలిక కుటుంబ నియంత్రణ పద్ధతులు పాటిద్దామని అని నిర్ణయం తీసుకోవడం కూడా అభినందనీయమే.
ఇక పద్ధతుల మాట వస్తే, టాబ్లెట్ లు , ఇంజెక్షన్ లు , లేక చర్మం కింద పెట్టించుకునే ఇంప్లాంట్ లు, లేక స్త్రీల గర్భాశయం లో అమర్చే లూప్ లు లేక IUD/ IUS లు అందుబాటులో ఉన్నాయి. ( ఈ పైన వివరించిన పద్ధతులలో చాలావరకు హార్మోనులతో చేసినవే ! ) అలా కాక మీ ఇద్దరికీ హార్మోనులు వాడడం ఇష్టం లేక పొతే, రిధం పధ్ధతి అని ఉంటుంది.
ఈ పధ్ధతి స్త్రీకి ఋతుక్రమం సక్రమం గా ఉన్నప్పుడు మాత్రమె అవలంబించాలి. కాక పొతే ఈ పధ్ధతి లో మీరు ఇరువురూ తప్పనిసరిగా , నెలలో ఒక నిర్ణీత రోజులలోనే రతిక్రియలో
పాల్గొనాలి. మిగతా రోజులలో సంభోగం జరిగితే, గర్భం వచ్చే అవకాశం ఎక్కువ గా ఉంటుంది.
ఇక ఇంజెక్షన్ ల గురించి : LARC అంటే లాంగ్ యాక్టింగ్ రివర్సిబుల్ కాంట్రా సెప్షన్ అంటే ఈ పద్ధతులలో మీరు ఇరువురూ లేదా స్త్రీ కావాలనుకున్నంత వరకూ ఒక క్రమ పద్ధతిలో ఇంజెక్షన్లు తీసుకుంటూ ఉండాలి. అంటే హార్మోను ఇంజెక్షన్లు.
డిపో ప్రోవేరా ( Depo provera ) అనే ఇంజెక్షన్ మంచిది గా తోస్తున్నది. ఈ ఇంజెక్షన్ స్త్రీ ఒకసారి తీసుకుంటే , అది పన్నెండు వారాలు అంటే మూడు నెలలు గర్భ నిరోధకం గా పని చేస్తుంది. మీరు సంతానం కావాలనుకున్నప్పుడు ( స్త్రీ ) ఆ ఇంజెక్షన్ తీసుకోకుండా ఉంటె సరిపోతుంది.
మీరు ఇద్దరూ ఏ పధ్ధతి అవలంబించాలని అనుకున్నా , గైనకాలజిస్ట్ ను సంప్రదించి మీ సందేహాలు తీర్చుకుని నిర్ణయం తీసుకోవడం ఉత్తమం.