Our Health

Archive for the ‘Our Health’ Category

తినే ఆహారం తో, కామ వాంఛ ను అధికం చేసుకోవడం ఎట్లా ?7.

In Our Health on జనవరి 17, 2015 at 10:38 ఉద.

తినే ఆహారం తో, కామ వాంఛ ను అధికం చేసుకోవడం ఎట్లా ?7. 

13. యాలకులు ( కొన్ని ప్రాంతాలలో ఇలాచీ లు అని కూడా అంటారు ) ( పై చిత్రం చూడండి )  : యాలకులలో ‘ సినియోల్’  అనే రసాయన పదార్ధం , మన దేహం లో  అనేక  అవయవాలకు , ముఖ్యం గా మర్మావయవాలకు , రక్త సరఫరా వృద్ధి చేస్తుంది ! దానితో , కామ వాంఛ  అధికం అవడమే కాకుండా ,  రతి క్రియా శక్తి కూడా పెంపొందుతుంది ! అంటే యాలకులు,  సహజం గా లభించే వయాగ్రా  ! అందుకే పూర్వ కాలం లో ప్రియురాలు  , శయన మందిరం లో ,  తన మమతానురాగాలతో పాటుగా ,  యాలకులు, లవంగాలు  కూడా వేసిన తాంబూలం , ప్రియుడికి   అందించే ఆచారం ఉండేది !  ఆ ఆచారం   పురాతనమైనదే అయినా , ( కామ ) ఆరోగ్య రీత్యా , ఎప్పటికీ అధునాతన మైనదే ! 
14. గుమ్మడి విత్తనాలు( పై చిత్రం చూడండి )  : గుమ్మడి విత్తనాలలో ‘ జింక్ ‘  అనే ఖనిజం అధికం గా ఉంటుంది !  ఈ జింక్ ఖనిజం, శరీరం లో అనేక రసాయన చర్యలలో ప్రముఖ పాత్ర వహిస్తుంది ! అందులో ‘ టె స్టో స్టిరాన్ ‘  అనే  కామ వాంఛ కూ , రతి క్రియ కూ  అనివార్యమైన హార్మోను  ఉత్పత్తి కూడా ఒకటి ! ఇంకా ‘  ప్రోస్టా గ్లాండిన్ ‘  ల ఉత్పత్తి కి కూడా జింక్  ఉపయోగ పడుతుంది ! ప్రోస్టా గ్లాండిన్ లు కూడా కామ వాంఛ , మిధునం , లేదా రతి క్రియ లో కీలక పాత్ర వహిస్తాయి !  
గుమ్మడి విత్తనాలను ఎట్లా తినాలి ?: గుమ్మడి విత్తనాల బయట పొర  భాగం ,గట్టిగా పీచు పదార్ధం తో నిర్మితమై ఉంటుంది ! ఈ భాగాన్ని తిన కూడదు !  ఈ పొర ను చీల్చాక , లోపల ఉన్న ఎండొ స్పెర్మ్ నే తినాలి ! అంటే, విత్తనాలను అదే విధం గా తినకూడదు ! 
15. వాల్నట్ లు( పై చిత్రం చూడండి )  : ఈ  విత్తనాల మధ్య భాగం ( దానినే ఎండొ స్పెర్మ్  అంటారు )  తిన వచ్చు.  ఈ భాగం  లో లభ్యం  అయే అనేక రసాయన పదార్ధాలు , వీర్య వృద్ధి కలిగిస్తాయి ! అంటే  వీర్య కణాల సంఖ్య ను ఎక్కువ చేయడమే కాకుండా , ప్రతి వీర్య కణాన్నీ శక్తి వంతం గా కూడా నిర్మించడం లో నూ , ఉత్పత్తి చేయడం లోనూ ముఖ్య పాత్ర వహిస్తాయి ఈ వాల్నట్ లో లభించే రసాయనాలు !  వీటిలో ‘ ఒమేగా 3 ఫాటీ ఆమ్లాలు ‘   కూడా అతి ముఖ్యమైనవి ! ఈ ఒమేగా 3 ఫాటీ ఆమ్లాలు , డోపమిన్ అనే రసాయనం, ఇంకా  ఆర్జినిన్  అనే రసాయనం తయారు చేయడం లోనూ అతి ముఖ్యమైనవి ! 
 డోపమిన్ మనకు ఎందుకు అవసరం ? : డోపమిన్ అనే రసాయనం , మన  మెదడు లో అనేక రకాలైన  ఆలోచనలకు , అనుభూతులకు , అనివార్యమైన జీవ రసాయనం ! ఈ  డోపమిన్ ను  ‘  ఆహ్లాద రసాయనం ‘ అని  కూడా అంటారు  అందుకే ! ( ప్లెజర్ కెమికల్ ) 
 ఆర్జినిన్  మనకు ఎందుకు అవసరం ? : ఆర్జినిన్ అనే రసాయనం కూడా ముఖ్యమైనది ! ఈ ఆర్జినిన్  ,  జననాంగాల రక్త ప్రసరణ ను అధికం చేయడం లో ప్రముఖ పాత్ర వహించే నైట్రిక్ ఆక్సైడ్ అనే రసాయనాన్ని విడుదల చేస్తుంది !   ఆ తరువాతే , పురుషాంగం అనేక రెట్లు వ్యాకోచించి , ( దీనినే పురుషాంగ స్థంభన లేదా ఎరెక్షన్ అంటారు )  రతి క్రియ లో పాల్గొన డానికి సన్నద్ధం అవుతుంది !  స్త్రీలలో కూడా ఈ నైట్రిక్ ఆక్సైడ్  , సున్నితమైన యోని , ఇంకా యోని కీల ( క్లిటోరిస్ ) భాగాలలో అత్యధికం గా రక్త ప్రసరణ కలిగించి , ఆ యా భాగాలు పురుషాంగం స్వీకరించడానికి ఉవ్విళ్ళూ రేలా సన్నద్ధం చేస్తుంది ! 
అందుకే , సంసార సుఖం కోసమూ , ప్రత్యేకించి  సంతానం కలగని దంపతులకూ , ఈ వాల్నట్ లు ఎంతగానో ఆరోగ్య దాయకం !
వచ్చే టపాలో మరి కొన్ని సంగతులు !  

తినే ఆహారం తో, కామ వాంఛ ను అధికం చేసుకోవడం ఎట్లా ? 6.

In Our Health on జనవరి 10, 2015 at 1:08 సా.

తినే ఆహారం తో, కామ వాంఛ ను అధికం చేసుకోవడం ఎట్లా ? 6.

11.ఖర్జూరాలు ( పై చిత్రం )  : ఎడారి ప్రాంతాలలో , లేదా ఎడారి వాతావరణం లో పెరిగే ఖర్జూర చెట్టు నుంచి ఫలించే ఈ ఖర్జూరాలు , రతి క్రియా సమయం లో అలసి , సొలసి ఉండే ప్రేయసీ ప్రియులకు, ఒయాసిస్ లాగా పనిచేస్తాయి ! ఖర్జూరాల లో శక్తి కి అవసరమయే క్యాలరీ ల తో పాటు గా , శరీరానికి నిత్యం అవసరమయే అనేకమైన  విటమిన్లూ , ఖనిజాలూ నిక్షిప్తమై ఉంటాయి !  త్వర గా శక్తి ని  ఇచ్చే చెక్కర పదార్ధాలు ఖర్జూరాల్లో  ఎక్కువ గా ఉంటాయి ! అందువల్ల , మధుమేహ వ్యాధి ఉన్న వారు , అతి జాగ్రత్త వహించాలి !  సామాన్యం గా వారు అతి గా చెక్కరలు  ఉన్న ఏ పదార్ధాలూ తినగూడదనీ , లేదా అతి తక్కువ గా తినాలనీ సలహా ఇస్తారు నిపుణులు !
12.అల్లం  ( పై చిత్రం )  : రక్త ప్రసరణ కు దివ్యమైనది అల్లం ! మన శరీర ఉష్ణోగ్రత ను సమం గా ఉంచడానికీ , మన ఊపిరితిత్తులలో  మ్యూకస్ అంటే ఒక రకమైన చిక్కటి ద్రవం , లో ఇరుక్కు పోయే సూక్ష్మ క్రిముల ను తొలగించడం లో కూడా అల్లం ఉపకరిస్తుంది ! ముఖ్యం గా  అల్లం  ఆలు మగల లేదా ప్రేయసీ ప్రియుల  సంగమాన్ని బెల్లం లా తీయగా చేస్తుంది, ఘాటుగా ఉన్నా ! జలుబు దగ్గుల నివారణ కూ , ఉప శమనానికి కూడా అల్లం  ఎంతగానో ఉపయోగ పడుతుంది ! క్యాన్సర్ నివారణలో కూడా అల్లం పని చేస్తుందని కొన్ని పరిశోధనలు తెలిపినా , ఖచ్చితం గా క్యాన్సర్ నివారణలో ఉపయోగ పడుతుందో లేదో అనే విషయం ఇప్పటి వరకూ తేల్చలేదు నవీన శాస్త్రజ్ఞులు !
వచ్చే టపాలో ఇంకొన్ని సంగతులు !

తినే ఆహారం తో, కామ వాంఛ ను అధికం చేసుకోవడం ఎట్లా ? 5.

In Our Health on జనవరి 6, 2015 at 6:22 సా.

తినే ఆహారం తో, కామ వాంఛ ను అధికం చేసుకోవడం ఎట్లా ?5. 

9. చాక్లెట్ : chocolate( పైన ఉన్న చిత్రం చూడండి ! ) : ఈ రోజుల్లో చాక్లెట్ తినని పిల్లలు ఎవరూ ఉండరు ! స్త్రీ పురుషులు కూడా ! ప్రతి సందర్భాన్నీ , ఒక  చాక్లెట్ బాక్స్ తో  ఘనం గా జరుపుకోవడం అత్యంత సామాన్యం , పాశ్చాత్య దేశాలలో ! ఆ సాంప్రదాయం , సహజం గానే మన దేశానికీ పాకింది ! 
చాక్లెట్  తియ్యగా ఉంటుంది అనే సత్యం అందరికీ తెలిసినదే ! మరి ఆ చాక్లెట్ రుచి ఎట్లా వస్తుంది ? అందులో కోకో  అనే పదార్ధం కలపడం వల్ల ! ఈ పదార్ధం , కోకో గానూ , కోకో వెన్న గానూ , కోకో విత్తనాల నుంచి గ్రహింప బడుతుంది !  ఐవరీ కోస్ట్ , ఘనా , ఇండొనీషియా  – ఈ మూడు  దేశాల నుంచే ,  ప్రపంచం లో లభించే చాక్లెట్ లలో 70 శాతం వాటికి లభించే కోకో  ఎగుమతులు ! 
చాక్లెట్ మరి కామ వాంఛ ను అధికం చేస్తుందా ? చాక్లెట్ లో ఏ పదార్ధాలు కామ వాంఛ కలిగిస్తాయి !? : 
చాక్లెట్ లో కోకో , కోకో లో ఉండే ఒక  రసాయన పదార్ధం థియో బ్రోమిన్ అనే కాఫీలో ఉండే పదార్దమే ! అంతే కాకుండా , కోకో లో ఫినైలిథైల్ అమిన్ అనే  ‘ మనకు కావలసిన ‘ అతి ముఖ్యమైన పదార్ధం  ఉంటుంది ! ఈ పదార్ధం  చాక్లెట్ తిన్న వారిలో   ‘ ప్రేమ లో పడిన భావన కలిగిస్తుంది ‘ ! కామ వాంఛ కు సంబంధించిన ఒక పత్రిక , ఒక పరిశోధన చేసి , రోజూ ఒక ముక్క చాక్లెట్  తినే స్త్రీలు  , చాక్లెట్ తినని స్త్రీల కన్నా కామ పరమైన సుఖమూ , సంతృప్తీ చెందుతున్నారని విశదం అయింది ! 
స్వచ్ఛ మైన కోకో లో టీ , కాఫీ లలో ఉండే వాటికన్నా ఎక్కువ యాంటీ ఆక్సిడెంట్ లు ఉంటాయి ! వీటిలో ముఖ్యమైన వి ఫ్లావినాయిడ్ లు , ఇంకా ఎపి కాటెచిన్ అనేవి ! ఈ పదార్ధాలు , హృదయ రక్త ప్రసరణ కు ఉపయోగకరమని తెలిసింది ! ముఖ్యం గా డార్క్ చాక్లెట్ లో అంటే బాగా ముదురు చాక్లెట్ రంగు లో ఉన్న చాక్లెట్ ల లో అత్యధికం గా యాంటీ ఆక్సిడెంట్ లు ఉంటాయి ! అందుకే చాక్లెట్ తిన్న యువతులు ,  చెప్పలేని మధురానుభూతులు పొందుతారని అంటే , అందుకు శాస్త్రీయ  కారణం కూడా లేక పోలేదు !  
మరి చాక్లెట్ తింటే లావు అవుతారని అంటారు కదా ! ?:
ఇది మంచి ప్రశ్న . కోకో ఒక్కటే చాక్లెట్ లోఉండే , కామ వాంఛ ను అధికం చేసే పదార్ధం ! ఈ పదార్ధం సహజం గా చేదు గా ఉంటుంది !  ఆ చేదును హరించ డానికి ,  వ్యాపార మానవులు( క్రీమూ , పంచదారా కలిపి )  కనిపెట్టిన  మధురమైన పదార్ధమే చాక్లెట్ !  సహజం గానే, అతిగా చాక్లెట్ తినడం వలన  పంచదార , కొవ్వు కలిపిన చాక్లెట్ ల లో , క్యాలరీలు ఎక్కువ గా ఉండడమే కాకుండా , కొవ్వు కూడా ఉండి , అవి అన్నీ కలిసి  ఊబకాయమూ , ఇతర అనర్ధాలూ కలిగిస్తాయి , మానవ శరీరం లో ! గమనించ వలసినది ! మితం గా తినడమే ఆరోగ్యకరమని ! 
10. మకా ( పైన ఉన్న చిత్రం చూడండి ! ) :  ఈ కూర ఒక దుంప కూర ! ( దుంప కూరలన్నీ , ఆ యా మొక్కల వేర్లు అంటే రూట్స్ , రూపాంతరం చెంది , అంటే మారి పోయి , ఆహారం నిలువ చేసుకోడానికి దుంపలు గా మారతాయి !  బంగాళా దుంప లేదా ఆలుగడ్డ , ఇంకా కారెట్ , ఈ కోవ కు చెందినవే ! ) పెరూ దేశం లో ముఖ్యం గా ఎక్కువ గా లభిస్తుంది ! ఈ దుంప కూర లో అనేక రకాలైన ఖనిజాలూ , విటమిన్లూ , అమైనో యాసిడ్ లూ ఉంటాయి ! ఈ పదార్ధాలన్నీ ,  పురుషులలో   అంగ స్థంభ న అధికం చేస్తాయి !  అంటే అంగ స్థంభ న సమస్యలతో సతమతం అయ్యే పురుషులకు , ఈ దుంప కూర లాభం చేకూరుస్తుంది ! ఈ మకా  దుంప పొడి కూడా మార్కెట్ లలో లభ్యం అవుతుంది ! ఈ పొడి ని పళ్ళ రసాలలో రోజూ ఒక చెంచా కలుపుకుని తాగ వచ్చు , ఫలితాలు రావడానికి ! 
ఈ టపాల మీద మీ అభిప్రాయం తెలియచేయండి , మీ సందేహాలతో కూడా ! 

నిజాం, నిజంగా గొప్ప రాజేనా ?

In Our Health on జనవరి 2, 2015 at 4:48 సా.

నిజాం, నిజంగా  గొప్ప రాజేనా ? 

Richest man of the world in 1940s.

నిన్న,  తెలంగాణా ముఖ్య మంత్రి  చంద్ర శేఖర్ రావు గారు ‘ నిజాం ఎంతో గొప్ప పాలకుడని ‘ ప్రశంశ లలో ముంచెత్తారు ఆయనను ! మరి  నిజాం, గొప్ప వాడో కాదో తెలుసుకునే ముందు , నిజాం గురించి కొంత తెలుసుకుందాం ! 

నిజాం ( మీర్ ఉస్మాన్ అలీ ఖాన్ ), హైదరాబాదు సంస్థానాన్ని పాలించిన , నిజాం వంశస్తులలో ఆఖరి వాడు ! అతడు ముప్పై ఏడు సంవత్సరాలు హైదరాబాదు సంస్థానాన్ని పాలించాడు ( 1911 -1948  ) ఉస్మానియా విశ్వ విద్యాలయాన్నీ , ఉస్మానియా ఆస్పత్రినీ , ఇంకా హైదరాబాదు లోనూ , చుట్టు పక్కలా , అనేక ఇతర  కట్టడాలనూ , కట్టించాడు ! 85 శాతం మంది తెలుగు వాళ్ళు నివసించే హైదరాబాదు సంస్థానం లో, ఉర్దూ ను అధికార భాష చేసి పాలించాడు !
86 మంది స్త్రీలు , ఆ నిజాం కు ఉంపుడు గత్తె లు గా ఉండే వారు ! తాను తప్ప , మిగతా పురుషుల నెవ్వరినీ , వారి ముహం కూడా చూడ నిచ్చే వాడు కాదు ! అంటే పరదా వ్యవస్థ పటిష్టం గా ఉండేది ! వారితో ,  100 మంది  చట్ట విరుద్ధం గా జన్మించిన  కుమారులు !
80 ఏళ్ల వయసులో , తాను చనిపోయే నాటికి  ( 1967 లో ) ప్రపంచం లోని అత్యంత ధనవంతుల జాబితాలో మొట్ట మొదటి వాడు ! కాగితాలు ఎగిరి పోకుండా మీద ఉంచే పేపర్ వెయిట్ గా  50 మిల్లియన్ పౌండ్ల విలువ చేసే వజ్రాన్ని  ఉపయోగించే వాడు ! 
1948 లో ఇంగ్లండు లోని ఒక బ్యాంకు లో ఒక మిలియన్ పౌండ్లు దాచి పెట్టాడు ! ఆ సమయం లో తను , పాకిస్తాన్ తో చేతులు కలిపి , ఆ దేశం లో అంతర్భాగం  లేదా విలీనం కావడానికి విశ్వ ప్రయత్నాలు చేశాడు ! అప్పట్లో ఇంగ్లండు బ్యాంకు లో పెట్టిన ఆ ఒక మిలియన్ పౌండ్ల డబ్బు  విలువ ఇప్పుడు 30 మిలియన్ల పౌండ్లకు సమానం ! 
అంటే మూడు వందల కోట్ల రూపాయలు ! అప్పట్లో, తన మొత్తం ఆస్తి లో ఆ మొత్తం కేవలం సముద్రం లో కాకి రెట్ట  మాత్రమే ! అప్పట్లోనే , 100 మిలియన్ పౌండ్ల విలువ చేసే  బంగారమూ , 400 మిలియన్ల విలువ చేసే వజ్ర వై డూర్యాలూ  నిజాం ఆస్తి ! 
నిజాం అత్యంత పీనాసి గా కూడా  పేరు తెచ్చుకున్నాడు ! తన సాక్సు ను తనే అల్లుకునే వాడు ! నెలల తరబడీ ఒకసారి వేసుకున్న  బట్టలను తన ఒంటి మీద అట్లాగే ఉంచుకునే వాడు ! తాను ఆతిధ్యం ఇచ్చిన అతిధుల  దగ్గరనుంచి సగం కాల్చిన సిగరెట్ పీకలు తీసుకుని కాల్చేవాడు ! 
తన సేవకుడికి ఒక సారి,  కేవలం 25 రూపాయల దుప్పటి మాత్రమే కొనుక్కు రమ్మని డబ్బు ఇచ్చి పంపాడు ! ఆ సేవకుడు , పట్టణం అంతా గాలించినా , 35 రూపాయలకు తక్కువ  కాని దుప్పట్లు అమ్ముతుంటే , ఏమీ కొనకుండా తిరిగి వచ్చి , ఆ 25 రూపాయలూ తిరిగి నిజాం కు ఇచ్చాడు ట ! దానితో నిజాం కేవలం తన పాత చింకి దుప్పటి నే కప్పుకున్నాడుట !అత్యంత చౌక అయిన సిగరెట్ లు కాల్చే వాడు ! అంతే కాకుండా , కొద్దిగా తాగి పారేసిన సిగరెట్ పీకలను మళ్ళీ వెలిగించి వాటితో స్మోకింగ్ చేసే వాడు ! 
తనకు వస్త్రాల బీరువాలు  ఒక అర మైలు దూరం వరకూ విస్తరించి ఉండేవి ! తన పదవికి ముప్పు వస్తుందని భయపడుతూ , భూగృహాలలో , ట్రక్కుల నిండా వజ్ర వైడూర్యాలనూ , మణి మాణిక్యాలనూ నింపి ఉంచేవాడు ! ( పరిస్థితి విషమిస్తే , ఆ ట్రక్కులలో , ధన రాశులనూ , వజ్రాలనూ , నగలనూ , తరలించ వచ్చనే  ఆలోచన తో ! ) 
ఒక సారి మూడు మిలియన్ల  విలువ చేసే  దాచి పెట్టిన నోట్ల ను ఎలుకలు కొట్టేయగా , ఆ విషయాన్ని  మంత్రులు చెబితే , కేవలం భుజాలు దులుపు కున్నాడట ! 
తన చట్ట బద్ధ  వారసుడు , మనమడు అయిన ముకరం జా  , తాత మరణించగానే , అనేక రకాలైన ఆర్ధిక ఇబ్బందులలో కూరుకుపోయి , ఆస్ట్రేలియా వలస వెళ్ళాడు ! అక్కడ కూడా ఒక గొర్రెల ఫార్మ్  షీప్ ఫార్మ్  మొదలు బెట్టి , అందులో కూడా రాణించ లేక పోయాడు ! 
నిజాం  భవనం లో , 14 , 718 మంది సేవకులు , 3,000 మంది  అంగ రక్షకులు , 28 మంది కేవలం నీళ్ళు మోసుకు రావడానికీ , 38 మంది పని వాళ్ళు కేవలం తన భవనం లోని దీపాలను తుడవడానికే, ఇంకా అనేక మంది కేవలం  వాల్నట్ ( ఒక రకమైన  బాదం కాయ లాంటి  కాయ ), వాటిని ఒలిచి, పప్పును బయటకు తీయడానికే నియమించ బడి ఉండే వారు ! 
మరి నిజాం కు అంత డబ్బు ఎట్లా వచ్చింది ?
1. 1900 వ సంవత్సరం వరకూ ప్రపంచం లో ఒక్క ప్రదేశం లో మాత్రమే , వజ్రాల గనులు ఉండేవి,  ఆ ప్రదేశమే గోల్కొండ ! , గోల్కొండ లో , ఇంకా చుట్టు పక్కలా ,  అపారమైన వజ్రాల గనులు ఉండేవి ! ఆ గనులలో లభించిన వజ్రాల అమ్మకం ద్వారా వచ్చే ఆదాయం లో ప్రధాన భాగం నిజాం ఖజానా  కు చెందేది ! 
2. జమీందారీ వ్యవస్థ మూలకం గా అనేక రకాలు గా శిస్తు అంటే పన్ను  నిజాం ఖజానా లోకి జమ అయ్యేది ! నిజాం తన వ్యక్తి గత అవసరాలకూ , ఇంకా వివిధ ప్రజావసరాలకూ అని రెండు రకాలైన పన్నులు వసూలు చేసే వాడు ! అంటే  వర్షాలు వచ్చినా రాక పోయినా , పంటలు పండినా , పండక పోయినా కూడా , తనకు రావలసిన పన్ను రావాల్సిందే ! తన ప్రభుత్వానికి రావలసిన పన్ను కూడా రావలసిందే ! 
3. ప్రధమ స్వాతంత్ర్య సంగ్రామ సమయం లో , అప్పటి బ్రిటిష్ ప్రభుత్వం తో చేతులు కలిపి , సిపాయిల తిరుగుబాటు ను అణిచి వేయడానికి సహాయ పడినందుకు గాను ‘  నిజాం ప్రభుత్వం   ‘ అంత్యంత విధేయ సామంత రాజ్యం ‘ గా  గుర్తింపు  పొందింది ! దానితో  పన్ను వసూళ్ళ విషయం లో  , నిజాం ప్రభుత్వానికి పూర్తి స్వాతంత్ర్యం లభించి , ఇష్టారాజ్యం గా పన్నులు వసూలు చేయడం జరిగింది !  ప్రజలను పీడించి పన్నులు అనేక రకాలు గా వసూలు చేస్తున్నా , బ్రిటీష్ ప్రభుత్వం ఏ విధం గానూ ( అత్యంత విధేయ సామంత రాజ్యం హోదా ఇచ్చిన  ) నిజాం పాలన లో జోక్యం చేసుకోలేదు ! 
 
ఇక నిజాం గొప్ప వాడా కాదా ? అన్న విషయం పాఠ కుల విజ్ఞతకే వదిలేస్తున్నా ! 

తినే ఆహారం తో, కామ వాంఛ ను అధికం చేసుకోవడం ఎట్లా ?4.

In Our Health on జనవరి 1, 2015 at 1:52 సా.

తినే ఆహారం తో, కామ వాంఛ ను అధికం చేసుకోవడం ఎట్లా ?4. 

అవకాడో ( avocado ): 
అవకాడో ఒక చెట్టు ఫలం ! ( పై చిత్రం చూడండి )ఈ ఫలం లో ఫోలిక్ యాసిడ్ , ఇంకా పొటాషియం సమృద్ధి గా లభిస్తాయి ! ఇంకా పైరిడాక్సిన్ అనే విటమిన్ ( దీనినే విటమిన్  B 6  అని కూడా అంటారు )  ఈ పండు , స్త్రీ పురుషులిద్దరిలోనూ , కామ వాంఛ ను అధికం చేస్తుంది !  అజ్ టెక్ నాగరికత లో ప్రజలు  అవకాడో ను  ‘ వృషణాల ‘ వృక్షం అని పిలిచేవారు, అందుకే ! పొటాషియం , థైరాయిడ్  గ్రంధి ని సరి అయిన స్థితిలో ఉంచి , ఆ గ్రంధి లో నుంచి మన దేహానికి అనునిత్యమూ అవసరమయే థైరాయిడ్ హార్మోనులను సమ తుల్యం చేసి , మన రక్తం లో విడుదల చేయడానికి దోహద పడుతుంది !  థైరాయిడ్ గ్రంధి  సరిగా పని చేయలేక పొతే కూడా , కామ వాంఛ తగ్గుతుంది ! స్త్రీలలోనూ , పురుషులలో కూడా  థైరాయిడ్ లోపం జరగవచ్చు !
అల్మండ్స్ ( సీమ బాదం పప్పు ) ( almonds )( పై చిత్రం చూడండి ):  మన దేహానికి ఫాట్టీ ఆమ్లాలు అవసరం ఉంటాయి . ఈ ఫాట్టీ ఆమ్లాలు అందుకే ‘ అత్యవసర ఫాట్టీ ఆమ్లాలు లేదా ఎసెన్షియల్ ఫాట్టీ యాసిడ్ లు అనబడతాయి !
ఈ అత్యవసర ఫాట్టీ యాసిడ్ లకు ఆ పేరు ఎందుకు వచ్చింది ?:  మన దేహం లో , మనకు నిత్యం అవసరమయే  అనేకమైన హార్మోనుల తయారీకి  మూల రసాయన పదార్ధాలు ఈ  అత్యవసర ఫాట్టీ ఆమ్లాలే ! అంటే  కామ వాంఛ కు  అనివార్యమయే ఈస్ట్రో జెన్ , టె స్టో స్టిరాన్  హార్మోనులు కూడా ఈ ఎసెన్షియల్ ఫాట్టీ ఆమ్లాల నుంచి ఉత్పత్తి అయే జీవ  రసాయనాలే ! అంటే హార్మోనులను ఉత్పత్తి చేయడానికి అవసరమయే ముడి సరుకు  ఈ ఎసెన్షియల్ ఫాట్టీ ఆమ్లాలు  ! సీమ బాదం పప్పు లో ఈ ఎసెన్షియల్ ఫాట్టీ ఆమ్లాలు అధికం గా ఉండడమే కాకుండా , ఇతర విటమిన్లు , అంటే విటమిన్ E , B 2, ఇంకా ముఖ్యమైన ఖనిజాలు – మెగ్నీషియం , కాల్షియం కూడా లభిస్తాయి !
ఈ సీమ బాదం పప్పు వాసన కూడా ,  స్త్రీ పురుషులలో కామ వాంఛ ను  రగిలిస్తుందని ప్రయోగాల ద్వారా తెలిసింది అందుకే ,అనేక దేశాలలో  ఈ సీమ బాదం పప్పు వాసన వేసే క్యాండిల్స్ ను కూడా అమ్ముతారు, శయన మందిరం లో , వెలుతురు తో పాటుగా , కామ దీపాన్ని కూడా దేదీప్యం చేయడానికి !
మరి ఈ సీమ బాదం పప్పును ఎట్లా తినాలి ? : వీటిలోని పోషక పదార్ధాలను  వృధా కాకుండా  పొందాలంటే , పచ్చి వాటినే , ( రోస్టు చేయడం అంటే వేయించడం , లేదా , చెక్కర  లేదా ఉప్పు కలిపినవి కానీ కాకుండా  ) తింటే మంచిది !
వచ్చే టపాలో ఇంకొన్ని సంగతులు ! 

2014 in review

In Our Health on డిసెంబర్ 30, 2014 at 8:05 ఉద.

The WordPress.com stats helper monkeys prepared a 2014 annual report for this blog.

Here’s an excerpt:

The concert hall at the Sydney Opera House holds 2,700 people. This blog was viewed about 28,000 times in 2014. If it were a concert at Sydney Opera House, it would take about 10 sold-out performances for that many people to see it.

Click here to see the complete report.

తినే ఆహారం తో, కామ వాంఛ ను అధికం చేసుకోవడం ఎట్లా ?3.

In Our Health on డిసెంబర్ 26, 2014 at 3:31 సా.

తినే ఆహారం తో, కామ వాంఛ ను అధికం చేసుకోవడం ఎట్లా ?3. 

Fig : ఫిగ్ లేదా తెలుగులో దానినే అత్తి పండు లేక అంజీరము అని కూడా అంటారు ! ( పై న ఉన్న చిత్రం చూడండి ! ) ఈ పండు లో,  కామ వాంఛ ను అధికం చేయడానికి అవసరమయే అనేక రకాల అమీనో యాసిడ్ లు  ( అంటే జీవ రసాయన పదార్ధాలు ) లభిస్తాయి !
మరి కామ వాంఛ కు  అమీనో యాసిడ్ లు ఎందుకు అవసరం ?
అమీనో యాసిడ్ లు అనేక రకాల రసాయన చర్యల తరువాత , నైట్రిక్ ఆక్సైడ్ గా మారుతాయి , మన శరీరం లో ! ఈ నైట్రిక్ ఆక్సైడ్  మార్మాంగాల  రక్త  నాళాలను వ్యాకోచింప చేసి ,  తద్వారా   వాటిని ఉత్తేజ పరుస్తుంది !  దానితో , మానసిక ఉత్తేజం కూడా కలిసి , కామ వాంఛ అధికం అవడమే కాకుండా ,  కామ క్రీడ లో ఉత్సాహం గా పాల్గొంటూ , అధికానందం కలుగుతుంది !  అత్తి పండు లో పొటాషియం , మెగ్నీషియం , ఇంకా అనేక రకాలైన యాంటీ ఆక్సిడెంట్ లు కూడా లభిస్తాయి ! అత్తి పండు లో  లభించే అనేక రసాయనాలు , మన శరీరం లో , ముఖ్యం గా  మన రక్తాన్ని   సమతుల్యం గా ఉంచడానికి ఉపయోగ పడతాయి ! అంటే మన రక్తం లో ఆమ్ల క్షారాల నిష్పత్తి , సమ పాళ్ళ లో ఉంచుతాయి ! 
Chillies : మిరపకాయ / మిరప పండు : ( పైన ఉన్న చిత్రం ) :  తెలుగు వారికి చిర పరిచితమైన మిరప కాయలూ , మిరప పళ్ళూ , కామ వాంఛ ను , అతి తక్కువ ధరలోనే అధికం చేయ గల అమూల్యమైన  ఆహారం !  వీటిలో ఉండే ,  క్యాప్సియాసిన్ అనే జీవ రసాయనం , మన శరీరం లో వివిధ కీలక అవయవాలలోనూ , మర్మాంగాల లోనూ , రక్త ప్రసరణ అధికం చేయడమే కాకుండా ,  కామ వాంఛ కూ , రతి క్రీడ కూ  ఎంతో అవసరమయే , కీలకమైన ఎండార్ఫిన్ లను  విడుదల చేయడం లో ప్రముఖ పాత్ర వహిస్తాయి ! అంతే కాకుండా  హృదయ స్పందనకూ , హృదయ ఆరోగ్యానికీ  ఎంతగానో ఉపయోగ పడతాయి మిరప కాయలూ , మిరప పళ్ళూ ! మెక్సికో దేశం లో సగటున  ప్రతి ఒక్కరూ ,  నెలకు ఒక కిలో కు పైగా మిరప కాయలను తింటారు ! ( వారి కామ వాంఛ ను కొలిచిన దాఖలాలు  కనబడలేదు ! ) 
వచ్చే టపా లో ఇంకొన్ని సంగతులు ! 

తినే ఆహారం తో, కామ వాంఛ ను అధికం చేసుకోవడం ఎట్లా ?2.

In Our Health on డిసెంబర్ 20, 2014 at 11:08 ఉద.

తినే ఆహారం తో, కామ వాంఛ ను అధికం చేసుకోవడం ఎట్లా ?2.. 

3. అరటి పండు (  పై చిత్రం గమనించండి ): 
అనేక శతాబ్దాలు గా మన భారత దేశం లో జరిగే ఈ కార్యక్రమం లోనైనా , అరటి పండు ప్రధాన ఫలం గా కనబడడమే కాక ,  సంతాన సాఫల్యానికి అంటే ఫర్టిలి టీ  కి  ఒక సంకేతం గా ఉంది !
అరటి పండు లో బ్రోమలైన్ అనే ఎంజైమ్ లభిస్తుంది !  ఈ బ్రోమలైన్ అనే ఎంజైమ్ , కామ వాంఛ ను అధికం చేయడమే కాకుండా ,  వంధ్యత్వాన్ని కూడా నివారిస్తుంది ! బ్రోమలైన్ అనే ఎంజైమ్, ఇంకా , శరీర సహజ రోగ నిరోధక శక్తి ఎక్కువ గా ఉండడానికి కూడా సహకరిస్తుంది !  అంతే కాకుండా , ఈ బ్రోమలైన్ , ఆర్త్రైటిస్ అంటే కీళ్ళ నొప్పులు కూడా నివారిస్తుంది .  అరటి పండు లో లభ్యమయే , విటమిన్లు ( రైబో ఫ్లేవిన్ ) , ఖనిజాలు ( పొటాషియం ) అనేక జీవరసాయన చర్యలలో  ప్రముఖ పాత్ర  ప్రముఖ పాత్ర వహిస్తూ , నిరంతరం , శరీరాన్ని , ఆరోగ్యం గా ఉంచడమే కాకుండా , శరీరాన్ని శక్తివంతం గా ఉంచుతాయి !  అరటి పండు లో , కనీసం పది విటమిన్ లూ , పది ఖనిజాలూ , లభ్యం అవుతాయి , పిండిపదార్ధమూ , గ్లూకోజు తో సహా ! 
అరటి పండు ను ఎట్లా తినాలి ?:  కామ వాంఛ అధికం అవ్వాలనుకునే ప్రేయసీ ప్రియులు , అరటి పండును ముక్కలు గా కోసి  ఒకరి నగ్న శరీరం మీద ఉన్నవి ఇంకొకరు తింటే , బాగా ప్రయోజనం ఉంటుందని , కొన్ని అంతర్జాల సైట్ లలో సలహా ఇవ్వడం జరిగింది !  మరి ఎట్లా తినడం అనేది , ఎవరి ఇష్టం వారిది ! 
4. ఆస్పరాగస్ (  పై చిత్రం గమనించండి ):ఆస్పరాగస్  ఒక మొక్క లేత కాడ ! ఈ కాడ లో మన శరీరానికి అవసరమయే ఫోలిక్ యాసిడ్ అనే విటమిన్ పుష్కలం గా లభిస్తుంది !  
మరి ఫోలిక్ యాసిడ్ కూ ,  వాంఛ కూ సంబంధం ఏమిటి ? 
కామ వాంఛ అధికం కావడానికి అవసరమయే హిస్టమిన్ అనే జీవ రసాయనం తయారు కావడానికి , ఫోలిక్ యాసిడ్ అవసరం ఉంటుంది ! అంటే ఫోలిక్ యాసిడ్ తక్కువ గా  శరీరం లో ఉంటే ,  హిస్టమిన్ కూడా తక్కువ గా ఉత్పత్తి అయి , తద్వారా , కామ వాంఛ కూడా అంతంత మాత్రం గానే ఉంటుంది ! పురుషుల్లోనూ , స్త్రీలలోనూ కూడా ! 
ఆస్పరాగస్ ను ఎట్లా తినాలి ? : ఆస్పరాగస్ కాడలను లేతవి గా ఉన్నవి కొని , శుభ్రం గా , స్వచ్చమైన ( గోరువెచ్చటి ) నీటిలో కడిగాక ,  కొద్దిపాటి నీటిలో ( ఎక్కువ నీళ్ళ లో అయితే విటమిన్లు , మిగతా పోషక పదార్ధాలు అన్నీ ఆ నీటిలో కలిసి పోయి వృధా అవుతాయి )   , తగినంత సేపు ఉడికించి , సలాడ్ లలో కలుపు కోవడ మో , లేదా మిగతా కూరల్లో కలుపుకోవడమో చేసి , తినవచ్చు ! విదేశాలలో , ఈ ఆస్పరాగస్ విరివి గా లభ్యం అవుతుంది ! 
వచ్చే టపా లో ఇంకొన్ని సంగతులు ! 

తినే ఆహారం తో, కామ వాంఛ ను అధికం చేసుకోవడం ఎట్లా ?1.

In Our Health on డిసెంబర్ 15, 2014 at 6:39 సా.
తినే ఆహారం తో, కామ వాంఛ ను అధికం చేసుకోవడం ఎట్లా ?1. 
మునుపటి టపాలలో , మనకు నిత్యం అవసరమయే అనేక రకాల విటమిన్లు , ఏ ఏ  సహజ మైన ఆహార పదార్ధాలలో లభిస్తాయో , ఆ యా విటమిన్లూ , ఖనిజాలూ , మన శరీరం లో లోపిస్తే , లేదా, ఉండ వలసిన దానికన్నా తక్కువ గా ఉంటే , కలిగే అనారోగ్యాల గురించి కూడా , వివరం గా తెలుసుకోవడం జరిగింది కదా ! 
ఇప్పుడు , కామ వాంఛ ను అధికం చేసే ,ఆ కొన్ని  సహజ ఆహార పదార్ధాల గురించి తెలుసుకుందాం ! 
ఈ సంగతి తెలుసుకోవడం ఎందుకు ? :  కామ కోరికలు, ప్రకృతి లో ,  అత్యంత సహజమైన కోరికలు !  నవీన మానవులు, అనేక మంది ,  అనేక కారణాల వల్ల , రతి లో సుఖం అనుభవించ లేక పోవడమే కాకుండా , అశాస్త్రీయ పద్ధతుల ద్వారా , ఆ కామ కోరికలను ఎక్కువ చేసుకునే ప్రయత్నాలు చేస్తున్నారు ! బజారు లో దొరికే , అనేక రకాల మందులు కొంటూ , ఫలితాలు లేక పోగా , తమ ధనం కూడా వృధా చేసుకుంటున్నారు ! సహజం గా లభించే ఆహార పదార్ధాలను తీసుకుంటే , ఎక్కువ ఫలితాలు ఉండడమే కాకుండా , అవి తినే వారి ఆరోగ్యం కూడా అనేక రకాలు గా వృద్ధి చెందుతుంది ! అంటే , శారీరిక , మానసిక , కామ ఆరోగ్యాలు అన్నీ కూడా !   

1.కర్బూజా పండు: 

సహజ వయాగ్రా గా పేరు గాంచిన కర్బూజా పండు ( పై చిత్రం చూడండి )  లో  సిట్రుల్లిన్ అనే రసాయన పదార్ధం ఉంటుంది. ఈ సిట్రుల్లిన్  , శరీరం లోని రక్త నాళాలను వ్యాకోచింప చేసి , తద్వారా కామోద్దీపన ఎక్కువ చేస్తుంది ! అంటే , మిగతా భాగాల తో పాటుగా , మెదడూ , మర్మాంగాలలో  కూడా రక్త ప్రసరణ ఎక్కువ అయి ( ఆయా భాగాలలో ఉన్న రక్త నాళాలు వ్యాకోచించడం ద్వారా )  కూడా ! ఈ సిట్రుల్లిన్ ను  వ్యాపార పరం గా , వివిధ హెల్త్ ఫుడ్స్ లోనూ టానిక్ లలోనూ కలుపుదామని , వ్యాపారులు, శాస్త్ర వేత్తలూ , అనేక ప్రయత్నాలు చేసి విఫలం చెంది ,  కర్బూజా పండు ను సహజం గానే తింటే , ఈ సిట్రుల్లిన్ , అత్యధికం గా  శరీరానికి లభించి , తగిన ఫలితాలను ఇస్తుందని తేల్చారు ! 
కర్బూజా పండు ను ఎట్లా తినాలి ? :  పుడ్డింగ్ లో కానీ , కేకు లలో కానీ , తినేకన్నా , కర్బూజా పండు ను సహజం గానే ముక్కలు గా కోసి తినడం ఉత్తమం !  దాని ఔషధ గుణాలు కావాలనుకుంటే ! పైన చెప్పిన కారణాల వల్ల ! 

2. సెలరీ : సెలరీ  ఆకుపచ్చని కాడల లా కనిపిస్తుంది ! ( పైన ఉన్న చిత్రం చూడండి ) ! మన దేశం లో కూడా దొరుకుతుంది , కూరగాయల మార్కెట్ల లో ! విదేశాలలో , అన్ని సూపర్ మార్కెట్ లలోనూ కనిపిస్తుంది !  సెలరీ లో యాన్ డ్రో స్టిరోన్ అనే హార్మోను ఉంటుంది ! ఈ హార్మోను  ఫిరమోను లా పనిచేస్తుంది ! ఫిరమోను లు , స్త్రీలలోనూ , పురుషుల్లోనూ ఉంటాయి ! ప్రత్యేకించి , స్త్రీలోనూ , పురుషుల్లోనూ , వారి , వారి స్వేదం , అంటే, చెమట ద్వారా బయటకు వస్తాయి , శరీరం నుంచి  !  తద్వారా ,  ప్రతి స్త్రీకీ , పురుషుడి కీ ఒక ప్రత్యేక మైన వాసన కలిగిస్తాయి !  పరస్పర ఆకర్షణ కు కారణమవుతాయి ! ఫిరమొనులు  స్త్రీలలో నూ , పురుషుల్లోనూ ,  మెదడు మీద తమ ప్రభావం చూపి , వారిని కామ కేళి కు ప్రేరేపిస్తాయి ! అంటే , సెలరీ లో ఉండే యాన్ డ్రో స్టిరోన్  అనే హార్మోను , కామకేళి మొదలు పెట్టమని సంకేతాలిచ్చే సిగ్నల్ ! 
మరి సెలరీ ని ఎట్లా తినాలి ? : సెలరీ ని  పచ్చిగానే సలాడ్ లలో వేసుకుని తినాలి !   
వచ్చే టపాలో ఇంకొన్ని సంగతులు ! 

అనుమానం, పెనుభూతం ! 4. మరి చికిత్స మాటేంటి ?

In Our Health on డిసెంబర్ 6, 2014 at 9:53 సా.

అనుమానం, పెనుభూతం ! 4. మరి చికిత్స మాటేంటి ?

క్రితం టపాలలో , అనుమానం , పెనుభూతం గా మారితే, మనుషులలో కనబడే మార్పుల గురించి తెలుసుకున్నాం కదా ! మరి చికిత్స మాటేంటి ?
మానసిక సమస్యలకు , సామాన్యం గా  రెండు రకాల చికిత్సా పద్ధతులుంటాయి !  కనబడే ఆ మానసిక రుగ్మత  పూర్వా పరాలు  కనుక్కొని , వాటికి  కారణాలు వెదకడం లో మానసిక వైద్యుల పాత్ర ఎంతగానో ఉంటుంది !  మానసిక రుగ్మతలు ఉన్న వ్యక్తి , బాగా తెలివి గల వారైతే ,  కేవలం వారి ఆలోచనలనూ , అనుభవాలనూ విశ్లేషించి , వాటి పరిష్కార మార్గాలను చెప్పి , ఆ రకమైన ఆలోచనా ధోరణులను  సమూలం గా మార్చ గలిగే సామర్ధ్యం మానసిక వైద్యులకు ఉంటుంది ! 
చాలా సందర్భాలలో , ఇట్లా మార్చగలిగే అవకాశం , కొన్ని మందులు కూడా కలిపితే హెచ్చుతుందీ , త్వరగా చికిత్సా ఫలితాలు కనబడతాయీ కూడా ! 
మొండికి బడ్డ , తీవ్రమైన అనుమానాలు , అంటే పెనుభూతాల తో సతమత మవుతున్న వారితో ఎట్లా ప్రవర్తించాలి ? 
ఇది కష్టమైన పనే , ప్రత్యేకించి , మానసిక రోగాల మీద ఏ రకమైన జ్ఞానమూ లేని వారికి  !  తీవ్రమైన ‘ అనుమానాలతో ‘ అంటే పారనోయియా తో బాధ పడుతూ ఉండే వారు కొందరు , చీటికీ మాటికీ , విసుగు ప్రదర్శిస్తూ ఉంటారు !  సద్విమర్శలు ఎవరైనా బాగు కోరేవారు చేసినా  కూడా , తీవ్రం గా రియాక్ట్ అవుతారు ! మనసులో మాట , ధైర్యం గానూ , స్వేచ్చ గానూ , బయటకు చెప్పుకోవడానికి  జంకుతూ , చాలా  రహస్యం గా ఉంటారు ! చాలా త్వరగా  కోపోద్రేకులవుతూ ఉంటారు ! ఇట్లాంటి లక్షణాలు ప్రదర్శించే వారితో , జాగ్రత్త గా వ్యవహరించాలి ! అంతే కాకుండా , వారికి చికిత్స చేయడం కూడా ఎంతో శ్రమ తో కూడుకున్నదే కాక , సమయం కూడా పడుతుంది ! 
యాంగ్జైటీ ను తగ్గించే పద్ధతులూ , రిలాక్స్ అయ్యే పద్ధతులూ కూడా , వీరికి ఎంతగానో ఉపయోగ పడతాయి ! ఈ లక్షణాలున్న వారిని , ముందుగా , మానసిక వైద్యుల దగ్గరకు తీసుకు వెళ్లి , పరీక్ష చేయించడం ఉత్తమం !  వీరికి వీరి తల్లి దండ్రులూ , బంధువులూ , స్నేహితులూ ఇచ్చే సహకారం కూడా ఎంతో ఉపయోగ పడుతుంది ! అంతే కాకుండా , వారి చికిత్స లో ప్రముఖ పాత్ర వహిస్తారు , వీరందరూ ! 
వచ్చే టపాలో ఇంకొన్ని సంగతులు !