Our Health

Archive for the ‘Our Health’ Category

ఒథెల్లో సిండ్రోమ్……… 3.

In మన ఆరోగ్యం., మానసికం, Our Health, Our minds on జనవరి 15, 2017 at 10:29 ఉద.

ఒథెల్లో  సిండ్రోమ్……… 3. 

 

Image result for sunrise and birds
కాలం బరువు గా గడుస్తూంది !
నవీన్  మనసు లో అనుమాన బీజం  వేళ్లూనుకుంటూ ఉంది  !
ఏదో  వెలితి , మనసులో !
వనిత కు ‘ దగ్గర ‘ కాలేక పోతున్నాడు !
‘ వనిత ఇంకొకడి తో సంబంధం పెట్టుకుంది ‘ ఇదే ఆలోచన పదే పదే  కాగుతుంది,  గుండెల్లో !
ఇంటికి రాగానే , ఎదో ఒక సమయం లో వనిత హ్యాండ్ బ్యాగ్ లో చేతులు పెట్టి , హడావిడి గా వెదుకు తున్నాడు , సెల్ ఫోన్ నంబర్ లు  నోట్ చేసుకుంటున్నాడు !
మెసేజెస్ చెక్ చేస్తున్నాడు !
ఆఫీస్ నుంచి ఇంటికి రావడం ఆలస్యం అయినప్పుడల్లా , ఆవేశానికి లోనవుతున్నాడు !
దానితో, అనుమానం అలలు గా ఎగిసి పడుతుంది !
రాగానే వాదన మొదలవుతూ ఉంది , వనిత తో !
తనను అనుమానిస్తున్నందుకు బాధ గా ఉన్నా , అనేక మార్లు  అనునయం గా నిజం చెప్పి , నవీన్  మనసు  మార్చడానికి ప్రయత్నించింది !
అందుకు నవీన్ ను సైకియాట్రిస్ట్ దగ్గరకు కూడా తీసుకు వెళతానంది ! అదంతా వృధా ప్రయాస అయింది ! 
నవీన్ , తనలో ‘ ఏ లోపమూ లేదు , తప్పంతా వనితదే ‘  అని వాదిస్తున్నాడు , పదే పదే  !
వనిత కు నవీన్ ప్రవర్తన లో మార్పు ఎందుకు వచ్చిందో తెలియట్లేదు !
బ్రతుకు భారమవుతోంది  తనకు , డబ్బు  హోదా ఉన్నా, తన తప్పు లేకున్నా!
ఆలోచనలు సుడులు తిరుగుతున్నాయి !
హృదయం నవీన్ కోసం మెత్త బడి నప్పుడల్లా , మెదడు కర్తవ్యాన్ని తట్టి లేపుతూ ఉంది , వనితను  !
నవీన్ అనుమానాలు అతనికి పెను భూతాలయి , పీడిస్తున్నాయి,  అహో రాత్రాలూ !
వనిత రూమ్ లో  ఆమె బట్టలూ , పుస్తకాలూ , చిందర వందర అవుతున్నాయి !
నవీన్ , ఆమె లేని సమయం లో వెదుకుతున్నాడు, ఆమె కు లేని సంబంధాలను అంటగట్ట డానికి  ! ఉన్న సంబంధాన్ని , మంట గలపడానికి ! 
ఆ మంటలు ఉవ్వెత్తున ఎగసి పడడానికి , నవీన్ కు మద్యం తోడవుతూ ఉంది , రోజూ ! 
ఇట్లా నెలలు  గడిచాయి !
ఒక ఆది వారం ఉదయమే , ‘ అమ్మా వనితా ‘  అంటూ తలుపు తట్టాడు , ఆమె తండ్రి !
శని వారం రాత్రి త్వరగానే పడుకున్నా , నిద్రలేమి తో , నిరాశతో , తలుపు తెరిచింది , వనిత !
ఒక్కసారిగా  తండ్రిని చూడగానే బావురుమని ఏడిచింది , గుండెలకు హత్తుకుని , చిన్న పాపాయి లా !
విషయమంతా , బాగా అర్ధమయింది  తండ్రికి , ఆమె ఇమెయిల్స్ తో పాటుగా ,ప్రత్యక్షం గా వనితను కూడా చూశాక ! అక్కడక్కడా మచ్చలూ ,మానిన గాయాలూ కూడా కనిపించాయి, తన ‘ బంగారు తల్లి ‘ ఒంటి మీద !
ప్రమాద వశాత్తూ అయ్యాయని తండ్రికి  చెప్పడానికి  వనితకు ఎన్ని వంకలు దొరుకుతాయి కనక !
నవీన్  చీకటి గది లో, గాఢ నిద్రలో ‘  పడి ‘ ఉన్నాడు ,  జీవితాన్ని అంధకారం చేసుకుంటూ !
అతి కష్టం మీద తండ్రి ఉద్రేకాన్ని నివారించి , సూట్ కేస్ ను రోల్ చేసుకుంటూ , తండ్రితో కూడా బయటకు వచ్చింది వనిత !
బయట ఎంతో వెలుతురు గా ఉంది , ఆ ఉదయం ! ప్రత్యేకించి వనిత కు !
సూపర్ డీలక్స్ బస్ ఎక్కబోతూ ఒక్క ఫోన్ చేసింది, సంతోషం గా  తన తల్లికి ‘ అమ్మా నేనూ, నాన్నా మధ్యాహ్నం కల్లా ఇంటికి చేరుకుంటాం ‘ అని !
వెంటనే , సెల్ ఫోన్  ను బస్ ముందు టైర్ కింద టక్ చేసింది ఎవరి కంటా పడకుండా !
బస్ సిటీ లిమిట్స్ దాటుతూండగా , ఆకాశం లో స్వేచ్ఛ గా ఎగురుతున్న పక్షుల తో  సింక్రొనైజ్ అయింది వనిత మనసు,  హాయి గా ! 
వచ్చే టపాలో ఇంకొన్ని సంగతులు !

ఒథెల్లో సిండ్రోమ్……. 2.

In మన ఆరోగ్యం., మానసికం, Our Health, Our minds on నవంబర్ 20, 2016 at 7:57 సా.
ఒథెల్లో సిండ్రోమ్……. 2. 
Image result for sad indian couple
ఉదయం లేవ గానే , పరుగు మొదలు !
వనిత  ముందే లేచి,  బ్రెక్ ఫాస్ట్ తయారు చేసి , తను తిని , ఆఫీస్ కు బయలు దేరింది !
‘ టేబుల్ మీద బ్రెక్ ఫాస్ట్ ఉంది , ఇవాళ త్వరగా బయలు దేరుతాను ఆఫీస్ నుంచి , హోప్ ఫుల్లీ , త్వరగా ఇంటికి చేరుకుంటే , సినిమాకు వెళదాం సరేనా? ‘ అన్నది .
ముభావం గా తల ఊపాడు  నవీన్, సరే నన్నట్టుగా !తరువాత ,  తనూ తయారై, తన కంపెనీకి వెళ్ళాడు !
లంచ్ టైం లో ఓ సారి కాల్ చేశాడు వనిత తో మాట్లాడదామని ! రెస్పాన్స్ రాలేదు ! మరో మూడు సార్లు వెంట వెంటనే కాల్ చేశాడు ! వనిత దగ్గర్నుచి ఎస్సెమ్మెస్ మెసేజ్ వచ్చింది , చాలా పని వత్తిడి గా ఉందని, త్వరగా ఇంటికి వచ్చే ప్రయత్నం చేస్తున్నానని  !
వనిత అలా చేయదే ! ఇంకెవరితోనో ఫ్రెండ్లీ గా ఉంటుందేమో ఆఫీస్ లో !? తనతో మరి ఎందుకు ప్రేమ నటిస్తుంది ?! ‘ ఈ ఆలోచనలతో , ఎదో తిన్నాననిపించాడు లంచ్ , నవీన్ !
తన వర్క్ కూడా వేగం గా చేయలేక పోయాడు,హెడేక్ గా ఉందని, ముందుగానే బయలు దేరాడు, ఇంటికి !
వనిత ఇంట్లోకి అడుగు పెడుతూనే , ‘ వచ్చేశా ! ‘  అలసిపోయినా , ఉల్లాసం గా, నవ్వు ముఖం తో అంది , నవీన్ తో !
టీవీ  చూస్తున్న నవీన్ , తన మొహం ఆమె వైపు కనీసం చూడకుండా , ‘ అన్ని సార్లు చేసినా , నా కాల్  రిటర్న్ చేయలేనంత బిజీ అయ్యావా నువ్వు ?!’  అని అడిగాడు ! ‘
‘ నీకు తెలుసు కదా నవీన్ ‘ ఎంత బిజీ గా ఉంటుందో మా ఆఫీస్ ‘?! అన్నది వనిత అనునయం గా.
సరే పద సినిమా కు ‘ అన్నాడు షూ లేసెస్ కట్టుకుంటూ , ఆమె దగ్గరకైనా వెళ్లకుండా !
బాక్స్ లో కూర్చుని సినిమా చూస్తున్నా , సినిమా మీదకు మనసు పొవట్లేదు ! నవీన్ కు !
వనిత , పక్కనే ఉన్నా , తనకు దూరమవుతూ  ఉన్నట్టు అనిపిస్తుంది !
వనితకు , పరిస్థితి అర్ధం కావట్లేదు ! తాను చేసిన తప్పేంటో తెలియట్లేదు !
ఎదురుగా  స్క్రీన్ మీద రొమాంటిక్ సినిమా ! హీరో , హీరోయిన్  తరచూ , చిలిపిగా దగ్గరికి చేరుకొని , ముద్దులు కుమ్మరించు కుంటున్నారు ఒకరి మీద ఒకరు !
నవీన్ లో ‘ చలనం ‘ కనబడటం లేదు వనితకు !
సినిమా అవగానే , కార్ స్టార్ట్ చేసి , దారిలో ఓ రెస్టారెంట్ ను బైపాస్ చేశాడు నవీన్ !
నిశ్శబ్దం గా ఇంటికి చేరుకున్నారు,  ఇద్దరూ !
ఆకలి అవుతున్నా , ఫ్రిజ్ ఓపెన్ చేసి , వైన్ బాటిల్ ఓపెన్ చేసి , ఓ రెండు గ్లాసులు  తాగాడు నవీన్  !
అమాయకం గా , చిన్న పిల్ల లా ఒక పక్కకు తిరిగి , ఒళ్ళు తెలియకుండా , నిద్రపోతున్న  వనితను చూస్తూ , తనూ జారుకున్నాడు, నిద్ర లోకి !
వచ్చే టపాలో మరి కొంత ! 

ఒథెల్లో సిండ్రోమ్ గురించి యువత ఎందుకు తెలుసుకోవాలి ? 1.

In ప్ర.జ.లు., మన ఆరోగ్యం., మానసికం, Our Health, Our minds on అక్టోబర్ 22, 2016 at 8:21 సా.

ఒథెల్లో సిండ్రోమ్ గురించి యువత ఎందుకు తెలుసుకోవాలి ? 1. 

Image result for woman in a wine bottle

నవీన్ ఓ ఐటీ  కంపెనీ లో పని చేస్తున్నాడు !  చాలినంత జీతం. ముందే  మనసులు కలిసిన మగువతో పెళ్లయింది కూడా !  వనిత  కూడా ఇంకో ఐటీ  కంపెనీలో సాఫ్ట్ వేర్ ఇంజినీర్ !
కొంత కాలానికి  సంతానం మాట దాటవేస్తూ , తమ పొందు లో అంతులేని  ఆనందం అనుభవిస్తూ ఉన్నారు, పగలూ రాత్రీ కూడా !
వనిత , అధునాతన మైన హేర్ స్టైల్  తో ,  పిచ్చెత్తించే తన అందాలను కూడా,  తీరిక గా చూసుకోవడం, వాటి పై  శ్రద్ధ తీసుకోవడం  నేర్చుకుంటూ  ఉంది  ! ఇతర కొలీగ్స్ కూడా అసూయ పడే అందం ఆమెది ! ఆ వయసులో కనిపించే  ఆమె  ముక్కు సూటి గా పోయే స్వభావం , కొంత చిలిపితనం , చుట్టూ ఉన్న అందరినీ ‘ కట్టి పడేస్తాయి’  ! దానికి తోడు , వర్క్ కూడా అంకిత భావం తో చేస్తూ ఉండడం తో  ప్రమోషన్ కూడా వచ్చింది,  ఈ మధ్యనే !
గత కొన్ని నెలలు గా నవీన్ , వనితను ‘ ఇంకోలా ‘ చూడడం మొదలెట్టాడు ! ఇంటికి రావడం కాస్త ఆలస్యం అయినా, ఆరాలు తీస్తున్నాడు ! వనిత , అది విరహం అనుకుంది !
ట్రాఫిక్ ను దాటుకుంటూ , ఇంటికి  రావడం ఆలస్యం అయినా కూడా , ఆ అలసట కనబడ నీయక , ప్రేమ భావనతో , చక చకా వంట చేసి , ఇద్దరూ తిన్నాక  ,ఎర్ర బడుతున్న బుగ్గలతో , నవీన్ తో  సరసాల కు సమయం కేటాయించింది !
నవీన్ మాత్రం , ముభావం గా ఉంటున్నాడు !
‘ ఏంటి,  నవీన్ గారు ఈ రోజు అంత ఫ్రిజిడ్ గా ఉన్నారు ?! ‘ అంది !
‘ ఎందుకు ఇంత ఆలస్యం అయింది ?’
‘ నీకు తెలుసు కదా ,నా రూట్ లో  వెధవ ట్రాఫిక్  సంగతి ? డ్రైవింగ్ నత్త నడక అయింది ! ‘
కొంత వర్క్ ఉంది చేయాల్సి ఉంది  ‘ అని ల్యాప్ టాప్ ఆన్ చేసి , అందులో మునిగి పోయాడు నవీన్ !
తన అందాలను అతి సున్నితం గా ‘ స్పృశించే ‘ నవీన్ ‘ మడి ‘ కట్టుకోవడం అసాధారణం గా అనిపించింది వనితకు !
నిరాశ కు అలసట  కూడా తోడై , బెడ్ మీద వాలి కళ్ళు మూసుకుంది , ఎప్పుడు నిద్ర వచ్చిందో తెలియ లేదు !
వచ్చే టపాలో ఇంకొన్ని సంగతులు ! 

ఫెటిషిజానికి చికిత్స ఏమిటి ? 5.

In ప్ర.జ.లు., మన ఆరోగ్యం., మానసికం, Our Health, Our minds on సెప్టెంబర్ 16, 2016 at 7:55 సా.

ఫెటిషిజానికి చికిత్స ఏమిటి ? 5. 

Image result for Indian women in blouse

ఫెటిషిజం ఒక జిడ్డు లాంటి మానసిక రుగ్మత ! ఈ సమస్య ఉన్న వారికి చికిత్స చేయ వచ్చు ! కానీ ఒక రోజో , రెండు రోజులో చికిత్స చేయించుకుంటే సరిపోదు ! దీర్ఘకాలికం గా , అంటే , కొన్ని నెలలూ , సంవత్సరాల తరబడీ చేయించుకుంటే , ఆ చికిత్స కు ఫలితం ఉంటుంది !
సాధారణం గా చికిత్స , మానసిక చికిత్స అంటే సైకోథెరపీ , మంచి ఫలితాలను ఇస్తుంది !
కొన్ని రకాలైన మందులు కూడా , కొంత వరకూ , పదే  పదే వచ్చే , చెడు ఆలోచనలను తగ్గిస్తాయి !
ఫలితాలు చాలా బాగా ఉండాలనుకుంటే ,  సైకో థెరపీ తో పాటుగా , మందులు కూడా తీసుకోవాలి ! 
ఈ  సైకో థెరపీ కానీ మందులు కానీ , క్షుద్ర విద్యలు చేసే వారూ , చేత బడులు చేసే వారూ కాకుండా ,
అనుభవజ్ఞులైన  , స్పెషలిస్ట్ డాక్టర్ ల వద్ద తీసుకుంటే బాగుంటుంది !
ఈ కండిషన్ , ప్రధానం గా యువకులలో ఉంటుంది కాబట్టి , కొన్ని , కొన్ని ప్రత్యేకమైన కేసులలో
పురుష హార్మోను లను తగ్గించే మందులు కూడా పైన చెప్పిన చికిత్సా పద్ధతు లల్లో కలపడం జరుగుంది !
పదే పదే వచ్చే కామ పరమైన ఆలోచనలను , కొన్ని కొన్ని ఆర్డర్ ల ద్వారా ఆపడం , లేదా , ఆ ఆలోచనల దిశను మార్చడం ద్వారా  ఫెటిషిజం తీవ్రత ను క్రమేణా తగ్గించడం , సైకో థెరపీ లో ప్రధానం గా జరుగుతుంది !
కొన్ని ప్రత్యేక మైన , మొండి కేసుల్లో ,  కామ పరమైన ఆలోచనలు ఎక్కువ అవుతూ ఉన్నప్పుడు , వాటిని వెంటనే ‘ చల్లార్చడానికి ‘ ఒక దుర్గంధమైన వాసన ను  పేషేంట్ ఉన్న గది లో ప్రవేశ పెట్టడం లాంటి చికిత్సలు కూడా చేస్తూ ఉంటారు !
ఫెటిషిజం అనే రుగ్మతను , దాని తీవ్రతనూ , గుర్తించడం , అందుకు తగిన చికిత్స తీసుకోవడం ,
నిపుణులైన వైద్యుల వద్దనే చేయాలి ! 
వచ్చే టపాలో ఇంకొన్ని సంగతులు !

ఫెటిషిజం కారణాలు . 4.

In మన ఆరోగ్యం., మానసికం, Our Health, Our minds on సెప్టెంబర్ 3, 2016 at 7:10 సా.

ఫెటిషిజం కారణాలు . 4. 

 

Image result for Indian lady with bra
మునుపటి టపాల లో చూశాము కదా ,ఫెటిషిజం అంటే ఏమిటో , ఏ ఏ రకాలు గా అది ఉండ వచ్చో !
మరి,  ఈ మానసిక రుగ్మత కారణాలు కనుక  పరిశీలించి నట్టయితే , ఖచ్చితమైన కారణాలు శాస్త్రీయం గా తెలియలేదు !
కానీ , అనేక రకాలు గా పలు శాస్త్రజ్ఞులు ఈ పరిస్థితిని తమదైన రీతిలో విశ్లేషించి , వ్యాఖ్యానించారు !
కొందరు , చిన్నతనం , లేదా బాల్యం లో కలిగిన అనుభవాలు , కాల క్రమేణా మనసు లేదా మెదడు లో గట్టి పడి , ఈ రుగ్మత కు దారి తీస్తాయని అన్నారు !
ఉదాహరణకు : ప్రవీణ్ చిన్నప్పుడు , పక్కింటి యువతి  , తన వక్షోజాలను కప్పిన బ్రా ను అతి నిదానం గా ఊడ  తీసుకుని , తన అందాలను ఎదురు గా ఉన్న అద్దం లో చూసుకోవడం , చాటుగా , కిటికీ సందుల్లోంచి  చూశాడు !  యుక్త వయసు వచ్చే సరికి , ప్రవీణ్ కు   , క్రమేణా ,  ఎక్కడ బ్రా కు సంబంధించిన  ప్రకటనలు కానీ , లేదా , అసలు బ్రా లు కానీ కనబడితే నే , కామోత్తేజం చెందడం జరిగిపోతుంది , అప్రయత్నం గానే ! అంతే కాకుండా , తాను ఒంటరి గా ఉన్నప్పుడు , యువతి  లంగా కానీ , బ్రా కానీ , చూసిన దృశ్యం గుర్తుకు వచ్చినప్పుడల్లా , ‘ హస్త ప్రయోగం ‘ చేసుకోవడం కూడా !
మరి కొందరి  విశ్లేషణ ప్రకారం , తీవ్రమైన సామాజిక , సాంఘిక కట్టుబాట్ల వల్ల , తమ ఈడు అమ్మాయిలతో , వ్యక్తి గత సంబంధాలకు అవరోధం కలిగి , వారి లో నిగూఢ మై ఉన్న కామ కోరికలు , ఈ రకం గా బయటకు వస్తాయని !
ఈ పరిస్థితి , మతపరమైన , లేదా సంఘ పరమైన కట్టు బాట్లు , తీవ్రం  గా ఉన్న దేశాలలో , ( భారత దేశం కూడా ) ఉన్న యువతులకు , ప్రత్యేకించి యువకులకు కూడా వర్తిస్తుంది ! గత ఒకటి రెండు దశాబ్దాలలో ,  భారత దేశం లో కూడా , ఈ పరిస్థితిలో మార్పు వస్తుంది  ! 
ప్రపంచీకరణ కూడా అందుకు ప్రధాన కారణం , అంతర్జాల విప్లవం తో పాటుగా !
యుక్త వయసు వస్తున్న యువకులకు తమ కామ సామర్ధ్యం మీద తమకు ఆత్మ విశ్వాసం తక్కువ గా , అంటే కాన్ఫిడెన్స్ తక్కువ గా ఉండడం , యువతులు  తమను ( కామ పరమైన  సంబంధం కోసం ) అంగీకరించరేమో అన్న అనుమానాలు కలుగుతూ ఉండడం , దానితో కూడా కలిగే ఆత్మ న్యూనతా భావం కూడా ఫెటిషిజానికి  కారణాలు గా పేర్కొంటారు శాస్త్రజ్ఞులు !   ఈ రోజుల్లో  వీరివి గా లభ్యం అవుతున్న నీలి వీడియో లలో , గంటల సేపు , నిరంతరాయం గా  కామ క్రీడ జరుపుతున్న పురుషులను చూడడం కూడా , ఇట్లా ఆత్మ న్యూనతా భావం , వారి కామ సామర్ధ్యం మీద వారికి కాన్ఫిడెన్స్ సన్నగిల్లడానికి ఒక కారణం ! 
వచ్చే టపాలో మరిన్ని సంగతులు ! 

ఫెటిషిజం లక్షణాలు ! 3.

In మన ఆరోగ్యం., మానసికం, Our Health, Our minds on ఆగస్ట్ 20, 2016 at 11:27 ఉద.

ఫెటిషిజం లక్షణాలు !3.

మునుపటి టపాలో చెప్పుకున్నట్టు , ఫెటిషిజం అంటే , నిర్జీవ వస్తువులను చూసి లేదా , 
జనాంగాలు కాని ఇతర  భాగాలను చూసి కానీ , కామాతృత చెందడమూ , లేదా కామానుభూతులు ఎక్కువ కావడమూ ! 
అనేక భారత భాషల సినిమాలలో  స్త్రీ  నాభి స్థానాన్ని చూపడమూ , లేదా , కాలి వేళ్ళను , కామ పరం గా చూపుతూ ఉంటారు , అది ఈ కోవ కు చెందినదే !
సాధారణం గా మనం , ఈ చిత్రాలు చూసినా , సినిమా బయటకు రాగానే , ఆ యా సందర్భాలు , మన మెదడు లో నిక్షిప్తమై ఉండవు !  కానీ ఫెటిషిజం అనే మానసిక రుగ్మత ఉన్న వారు, ఆ సీనులు పదే పదే గుర్తుకు తెచ్చుకుంటూ , కామానుభూతి చెందుతూ ఉంటారు !
అంతే కాకుండా , ఈ రకమైన అనుభూతులు , కనీసం  ఆరు నెలలకు మించి కలుగుతూ ఉంటే , అపుడు ‘ వ్యవహారం ‘ తీవ్రమైందని అనుకోవాలి ! 
అంతే కాక , వీరు , ఈ మానసిక రుగ్మత వల్ల , తీవ్రమైన ఆందోళన కు గురవుతూ ఉంటారు ! వారు విద్యార్థులయితే , చదువు లో ఏకాగ్రత తప్పి , చదువు కుంటు పడుతుంది ! లేదా ఉద్యోగస్తులవుతే , ఉద్యోగం అవకతవకలు గా చేస్తూ , పై అధికారి నుంచి దండన ‘ స్వీకరిస్తారు ‘ !
ఇంకా సమస్య తీవ్రం గా ఉన్న వారు , చెప్పుల షాపు లో లేదా ,  బ్రాల షాపు లోనో ఉద్యోగం కోసం ప్రయత్నం చేస్తారు లేదా , వాటిలో ఉద్యోగం చేస్తూ , ‘ స్వాంతన ‘ చెందుతూ ఉంటారు !
వచ్చే టపాలో ఇంకొన్ని సంగతులు !

ఫెటిషిజం అంటే ? 2.

In ప్ర.జ.లు., మన ఆరోగ్యం., మానసికం, Our Health, Our minds on ఆగస్ట్ 14, 2016 at 11:08 ఉద.

ఫెటిషిజం అంటే ? 2. 

 ‘ ఫెటికోస్ ‘ అనే పోర్చు గీస్  పదం నుంచి  పుట్టింది ‘ ఫెటిషిజం ‘  దీని నిర్వచనం : అదేపనిగా ఒక నిర్జీవ వస్తువు ను చూస్తూ కానీ , తాకుతూ కానీ , కామోద్రేకం పొందడం.  మానవులు యుక్త వయసు వచ్చినప్పటి నుంచీ , తమకు నచ్చిన , అందమైన స్త్రీలను చూసినప్పుడు , ఆకర్షింప బడి , వారి లో  , కామ భావనలు కలగడం , సహజమే , కానీ నిర్జీవ వస్తువులు  అంటే , లంగాలో, బ్రా లో , హ్యాండ్ బ్యాగు లో , లేదా హై హీల్ పాద రక్ష లో చూసినప్పుడు , కామానుభూతులు పొందడాన్ని  ‘ ఫెటిషిజం ‘ అంటారు !’  ఆ డ్రెస్ లో ఆ యువతి బాగుంటుంది , లేదా ,ఆ గెట్ అప్ లో అతడు బాగుంటాడు ‘ అనే భావనలు సహజం గా వచ్చేవే ! ఇక్కడ బట్టలు నిర్జీవమైన వస్తువులయినప్పటికీ , ఆ భావనలు వచ్చిన వారికి , ఫెటిషిజం ఉన్నట్టు కాదు ! ఫెటిషిజం తీవ్రం గా ఉంటే , వారు  , అంతకు ముందు ఏ ఏ వస్తువులయితే , తమకు కామోత్తేజం కలిగించాయో , ఆ వస్తువులు లేనిదే , కామ క్రియ లో పాల్గొన లేరు !వారికి ఆ వస్తువులు అందుబాటులో  ఉండక పొతే , కామ క్రియ అసాధ్యం అవుతుంది , భౌతికం గా ఏ అవయవ లోపమూ లేనప్పటికీ ! 
ఫెటిషిజం,  స్త్రీలకంటే , పురుషులలోనే ఎక్కువ గా కనబడుతుంది ! అరుదుగా స్త్రీలలో కూడా ఉంటుంది . అందుకు కారణాలు స్పష్టం గా తెలియలేదు , ఇప్పటి వరకూ !
ఫెటిషిజం లో రకాలు ఉంటాయా ?:
ఫెటిషిజం ప్రధానం గా రెండు రకాలు :
1. ఆకార ఫెటిషిజం( ఫార్మ్ ఫెటిషిజం )  :  ఈ రకమైన  ఫెటిషిజం ఉన్న వారు , ప్రత్యేకమైన ఆకారం లో ఉన్న వస్తువులను చూస్తేనే , కామోత్తేజం చెందుతారు ! ఉదాహరణకు ,  ఒక యువతి  , సాధారణ ఆకారం లో ఉన్న చెప్పులు వేసుకుంటే , పెద్దగా ఆకర్షింపబడరు , ఆ  యువతి అందం గా ఉన్నా కూడా ! ఇంకో యువతి  హై హీల్స్ వేసుకుని నడుస్తూ ఉంటే , కామోత్తేజం కలుగుతుంది , కేవలం ఆ హై హీల్స్ కనబడగానే , ఆ యువతి ని  పూర్తి గా చూడక పోయినా కూడా ! 
2. పదార్ధ  ఫెటిషిజం:  దీనిని మీడియా ఫెటిషిజం అని అంటారు . ఈ రకమైన ఫెటిషిజం ఉన్న వారు , స్త్రీలు ధరించే బట్టలు లేదా ఇతర వస్తువులు తయారు చేయబడ్డ పదార్ధం తో కామోత్తేజం చెందుతారు !
ఒక యువతి , ఉతికి , ఇస్త్రీ చేసిన నూలు (కాటన్ ) బట్టలు వేసుకుని కనిపిస్తే కానీ , లేదా ఇంకొందరు ,యువతి,    పట్టు వస్త్రాలు ధరిస్తే కానీ ,  జంతు చర్మం తో చేసిన జాకెట్ ధరిస్తే కానీ , అమితం గా ఉత్తేజం చెందుతారు !
వచ్చే టపాలో ఇంకొన్ని విషయాలు !
మీ స్పందనలూ , సందేహాలూ తెలపండి , ఏమైనా ఉంటే  ! 

ఫెటిషిజం .1.

In మన ఆరోగ్యం., మానసికం, Our Health, Our minds on ఆగస్ట్ 13, 2016 at 1:26 సా.

ఫెటిషిజం .1.

ఉదయం  లేవగానే , స్నానం చేసి , ఉతికి ,ఇస్త్రీ చేసిన బట్టలు వేసుకుని , తాజాగా తయారయ్యాడు , ఆకాష్ !  వేడి ఇడ్లీలూ , సెగలొస్తున్న సాంబారూ తిని, హెల్మెట్ పెట్టుకుని , కాలేజీకి బయలు దేరాడు , తన ‘ పంచ కల్యాణి ‘ బైక్ మీద, ఒక యోధుడి లాగా  !
 బైక్ తో పాటుగా , తన మనసు కూడా ఉరకలు వేస్తూ ఉంది !  యవ్వనం లో తనలో వచ్చే మార్పులతో , తనకు తెలిసిన అమ్మాయిల్లో మార్పులు కూడా నిశితం గా పరిశీలిస్తున్నాడు ! వారితో మాట్లాడుతున్నా , వారి పొందులో , సరదా గా కాలం గడిపినా , ఎంతో ఆనందం గా ఉంటున్నాడు ! తనలో ఆత్మ విశ్వాసం కూడా ఎక్కువ గా శ్వాస తీసుకుంటుంది ! కానీ అప్పుడే ఎక్కువ  చనువు తీసుకో లేక పోతున్నాడు , ఏ ఒక్క అమ్మాయి తోనూ !
అది ఓ  వేసవి మధ్యాహ్నం, నాలుగు గంటలయి ఉంటుంది. కాలేజీ అయ్యాక , ఇంటికి వచ్చే దారి లో  ఒక దుకాణం ముందు ఆగాడు , దాహం గా  ఉంటే , కూల్ డ్రింక్ కోసం. డ్రింక్ సిప్ చేస్తూ ,యదాలాపం గా  కొన్ని గజాల దూరం లో , రోడ్డు కు ఆవల కనిపిస్తున్న  ఒక మేడ వైపు చూశాడు ! పిట్ట గోడ మీద రెండు వైపులా చక్కటి పూల కుండీలు , ఆ మధ్య ,  ఆరేసిన బట్టలు కనిపిస్తున్నాయి !  నారింజ రంగులో ఉన్న కమీజ్ , చిలక పచ్చ రంగులో సల్వార్ , ఆ పక్కనే ఒక ముదురు నీలం రంగు పరికిణీ , ఆకు పచ్చని ఓణీ , ఆ పక్క గా , రెండు తెల్లటి బ్రాలు ! అన్నీ , వీస్తున్న గాలికి , రెప రెప లాడుతున్నాయి , వెనకా ముందుకు ఊగుతున్నాయి ! అప్పటి దాకా ఓ చూపు చూసిన ఆకాష్ కళ్ళు , తెల్లటి బ్రాలు  కనిపించగానే , ఒక్క సారిగా తీక్షణం అయ్యాయి ! అదే పనిగా పరిశీలించ సాగాయి ! ఆ బ్రాలు పెద్దవి గా కనబడుతున్నాయి , తన కళ్ళు బైనాక్యులర్స్ కానప్పటికీ ! ” ఆ గాలి కాస్త ఎక్కువ అవకూడదూ ?! కనీసం ఒక్క బ్రా , ఎగిరి , ఆకాశం లో తేలి పోతూ , ఈ ఆకాష్ మీద పడ కూడదూ ?! “  అనుకుంటూ , అప్రయత్నం గా తన తలను కూడా ముందుకు ఊపుతున్న ఆకాష్ కు  కూల్ డ్రింక్ సీసా  లో స్ట్రా చేసిన శబ్దం తో తెలిసింది, ఆ సీసా  ఖాళీ అయి చాలా సేపయిందని !  ఇంటికి చేరుకున్నాడు ఆకాష్ , ఇప్పుడు బైక్ కన్నా , తన ఆలోచనలు వేగం గా కదలాడుతున్నాయి. తాను చూసిన ఆ పరికిణీ , సల్వార్ , కమీజ్ , ఓణీ , ప్రత్యేకించి , ఆ  తెల్లటి బ్రా లు ! అవి వేసుకునే ఆ అమ్మాయి ఎంత బాగుంటుందో ?! ,ఆమె  తన వయసుదే   అయి ఉంటుంది ! తనతో స్నేహం చేస్తుందా ?! ఇట్లా ఆకాష్ ఆలోచనలు పరి పరి విధాలు గా పోతున్నాయి !
అప్పటి నుంచి , క్రమం తప్పకుండా , రోజూ కూల్ డ్రింక్ తాగుతున్నాడు , అదే దుకాణం లో , ఆకాష్ ! తన కళ్ళు , తనకన్నా ఆతృత గా ఎదురింటి మేడ  వైపు పోతున్నాయి ! కొన్ని సార్లు , ఇంకో రంగుల బట్టలు ఆరేసి ఉంటున్నాయి ! కానీ ఆకాష్ కళ్ళు , ఎదో ఒక చోట ఆరేసి ఉన్న బ్రా ల మీదే ఉంటున్నాయి ! అవి కనిపించక పొతే , నిరాశ చెందుతున్నాడు ! కనిపిస్తే , ఎదో ఒక మత్తైన పరవశానికి లోనవుతున్నాడు , ఆకాష్ ! రాత్రుల్లో , ఆ దృశ్యం పదే  పదే   గుర్తుకు వస్తోంది ! తనలో కామ పరమైన ఆలోచనలు చెలరేగుతున్నాయి ! 
వచ్చే టపాలో  మిగతా సంగతులు ! 

( రోడ్ రేజ్ ) దారి క్రోధం పరిస్థితికి పరిష్కారం ఏమిటి ?4.

In మన ఆరోగ్యం., మానసికం, Our Health, Our minds on జూలై 10, 2016 at 1:56 సా.
మీరు రోడ్డు మీద సవ్యం గానే మీ వాహనాన్ని నడుపుతూ పోతూ ఉన్నారు. అప్పుడు మీరు గమనిస్తారు , ఇంకో వాహనాన్ని , ఇతరులు ,తమ ఇష్టానుసారం గా నడుపుతూ ఉన్నారని ! అప్పుడు మీరు చేయ వలసినది :
1. ఆ వాహనదారుడికి అవరోధం కలిగించకుండా , మీ వాహనాన్ని పక్కకు తప్పించుకోవడం ఉత్తమం !
2. ఆ వాహన దారుడు తన వెకిలి చేష్టలతో మిమ్మల్ని కవ్విస్తే , ఆ విషయం పట్టించు కోనట్టు ప్రవర్తించడం  మంచిది !
3. ఒక ముఖ్య మైన సలహా :  ఆ పరిస్థితి లో మీరు దీర్ఘం గా ఊపిరి తీసుకుని వదులుతూ ఉండండి ! అప్పుడు , మీ మెదడు కు రక్త సరఫరా సాఫీ గా జరిగి , మీ ఆందోళనా , ఆదుర్దా , తగ్గుతాయి ! లేదంటే , అవి పెరిగి , మీరూ ఆ పరిస్థితి విషమించడానికి కారణమవ వచ్చు !
4. మీరు ప్రార్ధన ను నమ్ముతే ( ఏ మతానికి చెందిన వారైనప్పటికీ ! ), మనసులో ప్రార్ధించు కుంటే , మీరు శాంత పడతారు ! మీరు ఉన్న పరిస్థితి ఆందోళనకరం గా ఉన్నా కూడా !
5. మీకు ప్రియమైన , ఇష్టమైన , ఆప్తులను , తోబుట్టువులను కానీ  స్మరణకు తెచ్చుకోండి !  అప్పుడు , మీరు , ఉద్రేక పడకుండా , మీ వాహనాన్ని సవ్యం గానే నడప గలుగుతారు !
6. మీరు ముఖ్యం గా  గమనించ వలసినది ,  ఇతర వాహన దారుల  ప్రవర్తనా , వారి చోదకం ( డ్రైవింగ్ ) కన్నా , ఆ పరిస్థితి ని గమనించిన మీరు , మీ ప్రవర్తన ఎట్లా మార్చుకున్నారు అనే విషయం మీద నే మీరు ధ్యాస పెట్టాలి, అప్పుడే , మీ ప్రయాణం సురక్షితం అవుతుంది ! అంటే సమస్య ఇతర వాహన దారులు కాదు ! మీరు ఆపరిస్థితి లో  ఎట్లా రియాక్ట్ అవుతారనే విషయం మీద సమస్య తీవ్రత ఆధార పడి ఉంటుంది !
7. ఇతర వాహనదారుల్లో మీరు చూసిన క్రోధం,  మీ క్రోధం కూడా కలిస్తే , ప్రమాద కరం గా మారవచ్చు ! అందుకే , మీరు  ఆ పరిస్థితిలో , మీ కోపాన్ని , నివారించుకుని , లేదా నియంత్రించుకుని , మీ వాహనాన్ని , సురక్షితం గా గమ్యానికి చేర్చాలి , మీరూ చేరుకోవాలి !
మీకోసమూ , మీరు ప్రేమించే వారికోసం , మీరు ప్రయాణించే రోడ్డు మీద నడిపే ఇతర వాహనదార్ల  కోసమూ కూడా !

( రోడ్డు రేజ్ ) దారి క్రోధం ఎందుకు వస్తుంది ? 3.

In ప్ర.జ.లు., మన ఆరోగ్యం., మానసికం, Our Health, Our minds on జూన్ 11, 2016 at 10:50 ఉద.

దారి క్రోధం వచ్చే వారి మానసిక స్థితి ఎట్లా ఉంటుంది ?: 

road rage

1. ఇతర వాహన దారుల మీద ఎక్కువ కోపం : వారికి , వారు వాహనం నడుపుతూ చేసే తప్పులకన్నా , ఇతర డ్రైవర్ లు నడిపే పధ్ధతి ని వెంటనే   జడ్జ్ చేస్తూ అంటే నిర్ణయం చేస్తూ , వారిని విమర్శించడమే కాకుండా , వారిని అవమాన పరుస్తూ , వారి మీద హింసాత్మక దాడి చేయడానికి కూడా పూనుకుంటారు !
2. వారు అధిక రిస్క్ తీసుకుంటారు : అధిక క్రోధం తెచ్చుకునే వారు ,  వారి వాహనాలను నియమిత వేగం కన్నా  ఎక్కువ వేగం తో నడపడమే కాకుండా , వేగం గా లేన్లు మారుస్తూ , లేదా ముందు వెళుతున్న వాహనాలకు అతి దగ్గరగా నడుపుతూ ఓవర్ టేక్ చేస్తూ వాహనాలను నడుపుతారు కూడా !
3. త్వరగా ఉద్రేకం రావడమే కాకుండా ,  వారు  ఆ క్రోధం తో ఇతరులను తిట్టడమూ, కొట్టడానికి కూడా వెనుకాడరు !
4. వారు వారి వాహనాలలో కూర్చునే ముందే , క్రోధం తో  ఉంటారు , అంటే , వారి ఇంటి లో గొడవ పడడమో , లేదా ఆఫీసులో , ఏదో సంఘటన మీద  ఉద్రేకం చెందడమో జరుగుతుంది ! అంటే వారి ఆలోచనలు , ఉద్రేకం చెంది ఉంటాయి , వారు వాహనం నడిపే ముందే !
ఇక వాహనం నడుపుతూ ఉన్న సమయం లో , ఇతర వాహన దారులు చేసే , చిన్న తప్పిదాలకైనా , విపరీతం గా స్పందించి , వారిని దూషించడం , లేదా వారి మీద దాడి చేయడం కూడా చేస్తారు !  వారికి ఇంప ల్సివిటీ  అంటే , క్షణి కోద్రేకం  అధికం గా ఉంటుంది !
5. దారి క్రోధం తెచ్చుకునే వారు తరచూ వాహన ప్రమాదాలకు లోనవుతూ ఉంటారు , వారి ఆ మానసిక స్థితి తో ! 
మరి అట్లాంటి వాహన దారులు మీకు ఎదురైతే , మీరు చేయ వలసినది ఏమిటి ? : 
1. వారి చర్యలతో , మీరు ఉద్రేకం చెందక పోవడం ఉత్తమం ! :  ఒకరు ఉద్రేకం చెందితే నే , అక్కడ పరిస్థితి  ఆందోళన కరం గా మారుతుంది , అందుకు మీ ఉద్రేకం కూడా తోడ వుతే , ఆ పరిస్థితి విషమిస్తుంది . అందుకే , మీ క్రోధాన్ని అదుపులో ఉంచుకోవాలి ! మీరు మీ సహనం కోల్పోకూడదు !
2. అధిక ఉద్రేకం చెంది , దానిని ఇతరుల మీద చూపే వాహన దారులకు మీ మీద వ్యక్తి గత ద్వేషం లేదు ! :
వారు ఆ సందర్భం లో , ఆ స్థానం లో మీరు కాక , ఇంకెవరైనా ఉన్నా కూడా అదే రకం గా ప్రవర్తిస్తారు , అంటే , సమస్య వారికే ఉంది , మీకు కాదు కదా ! అందువల్ల , వారి ప్రవర్తన ను మీరు తీవ్రం గా పరిగణించ కూడదు !
వచ్చే టపాలో , దారి క్రోధం చూపుతున్న వారితో ఎట్లా ప్రవర్తించితే , మనకు  క్షేమమో తెలుసుకుందాం ! 
%d bloggers like this: