Our Health

Archive for the ‘మన ఆరోగ్యం.’ Category

చుంబన రహస్యాలు.10. ఫ్రెంచి ముద్దు, మనకు వద్దా ?

In ప్ర.జ.లు., మన ఆరోగ్యం., మానసికం, Our Health, Our minds on సెప్టెంబర్ 25, 2013 at 9:22 సా.

చుంబన రహస్యాలు.10. ఫ్రెంచి ముద్దు మనకు కాదా ?

ఫ్రెంచి ముద్దు ! 
తెంచు, ప్రేమ సరిహద్దు ! 
రేగు కోరికలు, ఉవ్వెత్తు ! 
చేయు ప్రియులను , ఉన్మత్తు ! 
అనేక సినిమాలలో చూసి ఉంటాము ! ఫ్రెంచి ముద్దు !  స్త్రీ పురుష  రమణీయ ప్రేమకు సయ్యాట !  చిరకాలం నుంచీ ప్రసిద్ధి చెందినది !  ఆ ముద్దు , కేవలం ఫ్రెంచి వారి ఆస్తి కాదు !  ప్రేమికులందరిదీ ! మరి ముద్దులలో రకాలు ఏమిటి?  ఫ్రెంచి ముద్దు లో తేడా ఏమిటి ? ఈ క్రింద స్టెప్పులు పరిశీలిస్తే, తెలుస్తాయి వివరాలు ! 
1. ముందు గా మీ పెదవుల తడి ఆరనీయకండి !:  పొడి గా ఉన్న పెదవులతో చుంబనం ,  దాహాన్నే తెలియ చేస్తుంది కానీ ,  ప్రేమనూ మొహాన్నీ కాదు ! అప్పుడు ప్రేమ కూడా పొడి పొడి గా కనబడుతుంది !  పెదవులను తడి ఆరకుండా  చేయ వలసినది,  డీ హైడ్రేట్ అవకుండా రోజులో క్రమం గా నీరు త్రాగడం ! కావాలనుకుని డీ హైడ్రేట్ అవక పోయినా , చదువు , పని , లేదా  ప్రయాణ వత్తిడి లో  రోజూ అవసరమయే  రెండు మూడు లీటర్ల నీరు ( ఎండాకాలం లో ఇంకా ఎక్కువ గా ! ) త్రాగక పోవడం వల్లనే  , తెలియకుండా డీ హైడ్రేట్ అవడం జరుగుతుంది. పెదవులు తడి ఆరడానికి ఒక ప్రధాన కారణం , డీ హైడ్రేషన్ !  ఆ తరువాత , మీకు ఇష్టమనిపిస్తే , పెదవుల మీద , మార్కెట్ లో లభ్యం అయే  ఒక మంచి బామ్ పూసుకుంటే కూడా  ముద్దు ‘ రుచి ‘ పెరుగుతుంది ! పెదవులను , నాలుక ద్వారా , లాలా జాలం తో తడి గా ఉంచితే ,  ముద్దు ‘ రస మయం ‘ గా ఉంటుంది !
2. తాజా శ్వాస ! : స్వచ్ఛ మైన గాలిని పీల్చిన శ్వాస , మీ ప్రేమ స్వచ్ఛతను కూడా తెలియచేస్తుంది ‘ ఆమెకు ‘ !  జర్దా నమిలిన శ్వాసా , ధూమ పానం చేసిన శ్వాసా , బాగా మసాలాలు దట్టించిన ఆహారం తిన్న తరువాత శ్వాసా , ఉల్లి పాయలో,వెల్లుల్లో వేసిన ఆహారం తిన్న శ్వాసా ,  ఆల్కహాలు ( ఏరూపం లో నైనా , అంటే బీరు కానీ , వైన్ కానీ , విస్కీ కానీ ), కాఫీ కూడా , తాగిన తరువాత శ్వాసా , ఇవన్నీ  ముద్దును ‘ కలుషితం’ చేస్తాయి ! ఆ పరిస్తితులలో  ‘ ఆమె ‘ కు పెట్టే ముద్దు , ఒక మరపు రాని అనుభూతి అవ్వదు ! ‘  ముద్దు ‘ ను ఆమె కు ‘ బలవంతం ‘ గా ‘రుద్దుతున్నట్టు ‘ అవుతుంది ! పైన చెప్పినవి కొన్నీ కానీ , అన్నీ కానీ చేస్తున్న వారు , ముద్దు పెట్టాలని అనుకుంటే , ప్రత్యేక శ్రద్ధ తీసుకోవాలి !  వాటిని తినడం , తాగడం చేశాక , దంత ధావనం చేసుకోవాలి , పలు మార్లు నోటిలో నీటి తో  రిన్స్ చేసుకోవాలి, పళ్ళు బ్రష్ చేసుకున్నాక !  నోటిలో ఎప్పుడూ ఫ్రెష్ మింట్ ను చప్పరించడం చేయాలి ! 
3. సుముహూర్తం : ఫ్రెంచి ముద్దు , మది లో మెదిలే తీవ్ర ప్రేమోద్వేగాన్ని ప్రేయసి కి తెలిపే చర్యలో పరాకాష్ట గా చెప్పుకో బడుతుంది !  అంటే, ముద్దులలో బ్రహ్మాస్త్రం అనుకోవచ్చు !  మరి ‘ అంతటి ‘ విలువైన’ బ్రహ్మాస్త్రాన్ని సమయం సందర్భం లేకుండా ‘విడుదల ‘ చేస్తే  , ఆ ముద్దు శక్తి ని మీరు పూర్తి గా పొంద లేరు !  మీకు ఆమె తో కానీ అతనితో కానీ పరిచయం బాగా పెరిగినప్పుడు , ఆమె కానీ, అతడు కానీ,  మీకు చాలా చేరువలో ఎక్కువ సమయం ఏకాంతం గా గడుపుతున్నప్పుడు కానీ , ఆమె దేహ భాష ను గమనించి, మీరు ‘ ముందడుగు ‘  వేసే  సుమూహూర్తం మీరే నిర్ణయించు కోవాలి , ( ప్రేమ ) పురోహితులను సంప్రదిస్తే , విలువైన దక్షిణ సమర్పించుకోవాల్సి ఉంటుంది ! మీకు అనుమానం గా ఉంటే , ఆమెనే  , మీ బిడియం వదిలి అడిగితే ఉత్తమం ! 
మిగతా ముద్దు,  వచ్చే టపాలో ! 

చుంబన రహస్యాలు. 9. ‘ అధర బంధం ! ‘

In ప్ర.జ.లు., మన ఆరోగ్యం., మానసికం, Our Health, Our minds on సెప్టెంబర్ 22, 2013 at 10:23 ఉద.

చుంబన రహస్యాలు. 9. ‘ అధర బంధం ‘ 

 
ఆమె బుగ్గల ముందుకు వంగడం :
నింపాది గా ఆమె బుగ్గల ముందుకు మీరు వంగి, ఆమె రెస్పాన్స్ కోసం వేచి చూడండి. ఇట్లా చేయడం, ఆమె కు సరిపోయినంత సమయాన్ని ఇస్తుంది , ఒక వేళ ఆమెకు ‘ ఆ పని ‘ నచ్చక పొతే , ఆమె కనుక తన చెక్కిలి ని దూరం జరుపుతూ , సంభాషణ ఇంకో దిశ లో కొనసాగిస్తూ ఉంటే , మీరు ఆ ప్రయత్నాన్ని , ప్రస్తుతం విరమించడం మంచిది ! ఇంకో సారి ప్రయత్నం చేయవచ్చు ! అట్లా కాక , ఆమె మీ చుంబ నాన్ని స్వీకరిస్తే  మీరు విజయులయినట్టే ! 
ఆమె బుగ్గల మీద ఉన్న మీ పెదవులను మెల్లిగా ఆమె పెదవుల మీదకు జార్చ వచ్చు . 
మెల్ల , మెల్ల మెల్లగా ! : 
మీ మొదటి ముద్దు ఇచ్చిన తరువాత , విపరీతమైన ఉత్సాహం తో , ఆమె ను మీ శక్తి అంతా  మీ పెదవుల మీద కేంద్రీకరించి , ఆమె పెదవులను గట్టి గా ముద్దాడడం కూడదు !  మొదటి ముద్దులు మెత్త గా సున్నితం గా , తాకీ తాకనట్టు , లేదా కేవలం ఆమె పెదవులను మీరు స్పృ సిస్తున్నట్టు మాత్రమే ఉండాలి ! ‘ సాఫ్ట్ అండ్ లైట్ ‘  ఆమె క్రింది పెదవి ని, మీ రెండు పెదవులతో సున్నితం గా ముద్దాడితే కూడా సున్నితం గానే ! 
నిశ్శబ్దం గా : ముద్దులు కుమ్మరించు తున్నపుడు ,  నిశ్శబ్ద వాతావరణా న్ని  భంగం చేయకండి ! అంటే , ముద్దులు  చ్ చ్ ప్చ్ ,ప్చ్  అని శబ్దం చేస్తూ పెట్టడం కూడదు ! అట్లా చేయడం , ప్రణయ వాతా వరణానికి భంగ కరం ! 
చేతులకు ‘ పని ‘ చెప్పడం : 
ఆమె ను ముద్దాడే సమయం లో, మీ చేతులను, కేవలం మీకు ఇరు వైపులా వేలాడే అవయవాలు గా భావించ నవసరం లేదు ! వాటి పని అవి చేసుకుంటూ పోవాలి ! 
కొన్ని  కీలక ప్రదేశాలు, ఉదాహరణకు : 
ఆమె ముఖం మీద ,
ఆమె చుబుకం అంటే చిన్ మీదా ,
ఆమె శిరోజాలలో,  ఏదో వెతుకుతున్నట్టు ,
ఆమె భుజాల మీదా !
ఆమె నడుము మీదా !  
పైన ఉదహరించిన స్థానాలలో  మీ చేతులు  ఆమెను లావణ్యం గా  పొదివి పట్టుకొని చుంబనం సాగించితే ,  అనురాగం , ఆనందం రెట్టింపవుతుంది !  ఈ విషయం లో ఆమె  ఇంట్రస్ట్ కనుక్కోవడం కూడా ఒక కళ ! అంటే , ఆమెకు పైన చెప్పిన స్థానాలు కాక , మరికొన్ని ‘ కీలక ‘ స్థానాలు ఉండి ఉండ వచ్చు ! అవి మీరే తెలుసుకుని , చిలిపి గా  ఆ యా స్థానాలలో  మీ ‘ పట్టు ‘ ‘ బిగించాలని ‘ ఆమె అనుకుంటే , మీ మెదడుకు కూడా   పని పెట్టాలి మరి, కేవలం పెదవులకే కాక ! 
ఆమె  మీ ముద్దుకు ఉత్సాహ పడుతూ ఉన్నా , బిడియ పడుతూ సిగ్గు గా ఉంటే,   మీరు ముందుగానే ఆమె మీ చేతులతో ఆమె చేతులను మీ భుజాల మీద ఉంచి  ముద్దుకు ‘ ఉపక్రమించ వచ్చు ‘ దీనితో ‘,  మీరే ఆ పని చేస్తున్నారని , ఆమె లో ‘ అపరాధ ‘ భావం తగ్గుతుంది ! 
ఆమె మీ దీర్ఘమైన ముద్దులకు  క్రమం గా అలవాటు పడుతూ ఉంటే , ఇక మరి ఆ ముద్దులలో కొత్త దనం కోసం ప్రయత్నించ వచ్చు !  ఉదా: ఫ్రెంచ్ కిస్! 
వాటి గురించి వచ్చే టపాలో ! 

 

చుంబన రహస్యాలు. 8. ఆమె పెదవులను చేరుకోవడం ఎట్లా ?

In ప్ర.జ.లు., మన ఆరోగ్యం., మానసికం, Our Health, Our minds on సెప్టెంబర్ 21, 2013 at 9:06 సా.

చుంబన రహస్యాలు. 8. ఆమె పెదవులను చేరుకోవడం ఎట్లా ? 

క్రితం టపాలలో, చుంబనం ముందు , ఆమె  అనుభూతుల ప్రాంగణం లో, కుతూహల చందనం ఎట్లా చిమ్మాలో తెలుసుకున్నాం కదా ! మరి ఆ తరువాత ?  మరి, మీ ముద్దు స్వీకరిస్తుందో లేదో ఎట్లా తెలుసుకోవడం ? 
1. ఆమె ను తాకి చూడడం : ఆమెను సున్నితం గా తాకితే , ఆ ‘ మెరుపు తీగ ‘,  కరెంటు షాక్ తగిలినట్టు ఉలిక్కి పడుతుందా ?  లేక  మీ స్పర్శ , ఆమె లో కొత్త శక్తి ని ఛార్జ్ చేస్తుందా? అన్న విషయం తెలుస్తుంది !  మరి ఎట్లా తాకాలి ? 
a . ఆమె తో నడుస్తూ ఉన్నప్పుడు ,  ఆమె ముని వెళ్ళను కానీ , ఆమె చేతిని కానీ తాకి, లేదా మెత్తగా పట్టుకోవడం గానీ చేయ వచ్చు ! 
b . ఆమె ప్రక్క న కూర్చున్నప్పుడు , ఆమె చేతులు కట్టుకుని కూర్చోకుండా , చేతులు ఇరు ప్రక్కలా పెట్టి , మీతో సంభాషిస్తున్నపుడు , ఆమె చేతులు పట్టుకోవడం !  
c. ఆమె ప్రక్కగా కూర్చున్నప్పుడు , ఆమె భుజాల మీదుగా మీ చేయి యదాలాపం గా పోనివ్వ వచ్చు !  ఆమె భుజాల మీద సున్నితం గా మీ చేయిని ఉంచి , ఆమెతో సంభాషణం కొనసాగించ వచ్చు , ఏమీ జరగనట్టుగా ! 
d. అదే సమయం లో , ఆమె మీ పొందును అంగీకరిస్తుంటే , ఒక్క సారి  మీ చేతి తోనే మీ అక్కున చేర్చుకోవచ్చు , ఆమెను, వెచ్చగా !   మీ  ఆలింగనం లో వెచ్చదనం చవి చూసిన ఆమెను , ఆ తరువాత , తరచుగా  కౌగిలించుకోవచ్చు ! 
e . ఇక ఆలింగనాలు తరచూ అవుతూ ఉంటే , పెదవులు పులకరిస్తూ ఉంటాయి ! కానీ అందరు వనితలూ , బిడియం తో , తమ పెదవులు మీ పెదవులతో కలవాలని చెప్పరు , కానీ ఈ క్రింది విషయాలు మీరు గమనించ గలిగితే మీరు ‘ సన్మార్గం ‘ లో పడుతున్నట్టే లెక్ఖ ! 
a . ఆమె, తనంత తానుగా , సంభాషణ కొన సాగించడమూ , తరచూ జోక్స్ వేసి మిమ్మల్ని నవ్వించే ప్రయత్నం చేయడమూ జరుగుతుంటే !
b . మీ వంక ఓర చూపులు చూడడమూ , మీరు గమనించే లోగా , ఆమె దృష్టి మరల్చుకోవడమూ ! 
c. ఆమె తన పెదవులను , అప్రయత్నం గా కొరుకుతూ  ఉంటే ,  మీ పెదవులను తాకి తన్మయత్వం చెందాలని, తహ తహ లాడుతున్న ఆ పెదవులను , అదుపు లో ఉంచుకోవాలని ఆమె చేస్తున్న ప్రయత్నమే ! 
d . ఆమె తన పెదవులను తరచుగా , తన నాలుక తో తడుపుకుంటూ ఉంటే ! (  ఆ ప్రయత్నం , మీ పొందులో  పరవశించి పోతున్న ఆమె ఆధారాల తడి , ఆరుతూ ఉంటున్నందుకు ! ) 
e . మీరు ఏ విషయమైనా చెబుతున్నప్పుడు కానీ , లేదా మీరు ఆమెను తాకుతున్నప్పుడు కానీ , ఆమె అప్రయత్నం గా మీకు ఇంకా చేరువ అవుతూ , మీ స్పర్శ ను ఆస్వాదిస్తూ ఉంటే ! 
f . ఆమె శ్వాస బరువు గా అవుతూ , ఆమె గుండె చప్పుళ్ళు మీకు వినబడుతుంటే !  మీ అమూల్యమైన , పవిత్రమైన చుంబనానికి సుముహూర్తం సమీపించినట్టే !  
1. ఆ సమయం లో ఆమె చేతిని అందుకుని , ఆ ‘ అమృత హస్తం’ వెనుక భాగాన,  అతి సున్నితం గా  ఒక ముద్దు ఇవ్వడం  ఆమెకు బాగా రుచిస్తుంది ! ఒక్క సారిగా కౌగిలి నుంచి ఆమె పెదవులను ‘ ముట్టడి ‘ చేయడం కన్నా ! 
2. ఆ తరువాత కూడా పెదవుల ను చేరుకోవాలని ఆతృత పడే  మీ పెదవులను, హద్దులు దాటనీయ కుండా , ఆమె చెక్కిలి మీద ముద్దాడడం చేయడం శ్రేయస్కరం ! ఇక్కడ మీ పెదవులు కేవలం ఆమె చెక్కిలి ని కేవలం తాకుతున్నంత సున్నితం గా ఉండాలి ఆ చుంబనం ! 
3. ఇప్పుడు, తరువాతి ప్రయత్నం చేసే ముందు ఆమె కళ్ళ లోకి  చూడండి ! ఆమె మీ కళ్ళతో తన కళ్ళు కలిపి  ‘ నయన బంధనం ‘ జరిపితే , మీరు చుంబనం నిరభ్యంతరం గా చేయవచ్చు ! అదే ఆమె తన దృష్టి మరల్చి , మాట కూడా మారుస్తూ ఉంటే , ఆమెకు ( కనీసం ప్రస్తుతం ) ఆ ఆసక్తి లేదని అనుకోవాలి ! 
 
మరి అసలు చుంబన ముహూర్తం వివరాలు  వచ్చే టపాలో తెలుసుకుందాం ! 
 
 

చుంబన రహస్యాలు.7. సరస సంభాషణం ……

In ప్ర.జ.లు., మన ఆరోగ్యం., మానసికం, Our Health, Our minds on సెప్టెంబర్ 19, 2013 at 8:40 సా.

 చుంబన  రహస్యాలు.7. సరస సంభాషణం …… 

ప్రపంచం లో ప్రతి వారూ , ప్రశంసా పాత్రులే !  అందుకు యువతులు మినహాయింపు కాదు !  చక్కని ప్రశంస లు, యువతులు మీ మీద మక్కువ పడే లా చేయగలిగే మంత్ర దండాలు !
 మరి ఆ ప్రశంస లు ఎట్లా చేయాలి ?
ప్రశంస ఎప్పుడూ కృత్రిమం గా ఉండకూడదు ! మీకు  ‘ ఆమె ‘ లో నిజం గానే నచ్చిన  విషయాన్ని తీసుకోండి ! ఆమె లో ఉన్న ఆ లక్షణం, మీకు నిజం గానే, బాగా నచ్చి ఉండాలి ! ఉత్తుత్త గా కాదు !  ఆ ప్రత్యేకత ఆమె లోనే మీకు కనబడాలి ! మీ ఇరువురికీ పరిచయమున్న ఇతర అమ్మాయిల తో పోలిస్తే !  అట్లాంటి ప్రశంస , సహజం గానే బాగుంటుంది ! మీరు, ఆమెను పొగడడానికై చేసిన ప్రశంస లా ఉండదు !  ప్రశంసించే సమయం లో చేయ కూడనివి :ఆమె వక్షోజాలను కానీ , ఆమె ఫిగర్ ను కానీ , లేదా ఆమె బరువు ను కానీ , ప్రశంసించడం చేయకూడదు !  మీరు ఆమె చూపుల గురించి కనుక ప్రశంసిద్దామని అనుకుంటే , మీరు ఫోకస్ చేయ వలసినది , కేవలం ఆమె కళ్ళూ , కేశాలూ , ఇంకా ఆమె చిరు నవ్వు మాత్రమే , మిగతా డిపార్ట్ మెంట్ ల వైపు మీ దృష్టి మరల్చ కండి !  మీ ప్రశంస కేవలం , కొన్ని పదాలతోనే ఏమాత్రం  ( ఆమె ) గుర్తు ఉంచుకోవడానికి వీలు లేనిది గానో , లేదా త్వరగా మరిచి పోయేది గానో ఉంటే , ఉపయోగం ఏముంటుంది ?  నీ  చిరునవ్వు  తళ తళా వెన్నెల లా మెరిసి పోతున్నాయి ! అని కానీ , నీ  నవ్వు ప్రపంచం లోనే నాకు అతి ఇష్టమైన శబ్దం ! అని కానీ , నిజం గానే  నా జీవితం లో ఇప్పటి వరకూ నీ అంత అందమైన సృష్టి ని చూడలేదు ! అని కానీ !  అంటే , ఆమె పెదవులు, మీ పెదవులలో చాక్లెట్ లా కరిగిపోవాలని పరవశిస్తాయి ! అంతే కాక , ఆమె చాలా కాలం మీ ప్రశంస లను గుర్తు పెట్టుకుంటుంది కూడా ! 
మరి పై ప్రశంసలు ఏ టోన్ లో చెప్పాలి ? 
‘ అహో అమ్మాయీ ,  నీ చిరు నవ్వులు తళ తళా వెన్నెల లా మెరిసి పోవుచున్నవి ఎందువలన వనితా ? ‘ అని ఏ ఇంద్రలోకం లో ఇంద్రుడు అన్నట్టు అంటే ఊహించుకోండి , ఆ సందర్భం ఎట్లా ఉంటుందో ! లేదా ‘ నిజం గానే నా జీవితం లో ఇప్పటి వరకూ నీ అంత అత్భుతమైన సృష్టి ని చూడలేదు ‘ అని చక చకా , పరీక్షలో, పాఠం వల్లించినట్టు చెబితే , ఎట్లా ఉంటుంది !  బాగానే ఉంటుందేమో కానీ , ప్రేమ పరీక్ష లో పాసవడం మాత్రం జరగదు !  అందుకే , చెప్పే మూడు మాటలూ , ప్రేమ మయం గానూ , రమణీయం గానూ చెప్ప డానికి ప్రయత్నించండి ! కొద్దిగా స్వరం తగ్గించి చెప్పడం మంచిదంటారు ! అట్లాగే కొద్దిగా ‘ ఆమె వైపు వంగి చెప్పడం కూడా మంచిదంటారు ! ఇంకా కొద్ది గా ముందుకు పోయి , ఆమె ప్రక్కకు వంగి , ఆమె చెవి దగ్గరగా తగ్గు స్వరం తో చెబితే కూడా , ఆ విషయం , వ్యక్తి గతం గా అంటే ప్రైవేట్ గా ఉండడమే కాకుండా , మీరు ఆమె కు ఇష్టమో   లేదో కూడా ఇట్టే    తెలిసి పోతుంది ! 
వచ్చే టపాలో ఇంకొన్ని సంగతులు ! 

చుంబన రహస్యాలు.6. చుంబనానికి ఇంధనం, సరస సంభాషణం !

In ప్ర.జ.లు., మన ఆరోగ్యం., మానసికం, Our Health, Our minds on సెప్టెంబర్ 18, 2013 at 9:10 సా.

చుంబన రహస్యాలు.6. చుంబనానికి ఇంధనం, సరస సంభాషణం ! 

 క్రితం టపాలో, ముద్దుకు మూడ్ తీసుకు రావడం ఎంత ముఖ్యమో తెలుసుకున్నాం కదా !  సమయోచితం గా , సందర్భానుసారం గా మూడ్ క్రియేట్ చేస్తే, ముద్దు ల కోసం  ఆమె ముఖం అరవిందం లా  వికసిస్తుంది !  అప్పుడు, మీరు తేనెటీగ అయి, ఆ అరవిందం లో మకరందాన్ని గ్రోల వచ్చు !  కుట్టకుండా, గుట్టు చప్పుడు కాకుండా ! కానీ , సమయ సందర్భాలు ఆలోచించకుండా , మీరు ‘ ఆమెను ‘ ముద్దు పెట్టుకుందామని చేసే ప్రయత్నాలతో, ఆమె ముఖం కంద గడ్డ లా ఎర్రబడి , మీ ‘పని’ గోవిందా అవుతుంది ! ఇప్పుడు తెలుసుకోవలసిన ఇంకో ముఖ్య విషయం:  మీరు ‘ ఆమె తో చేసే సంభాషణ , ప్రత్యేకించి,  సరస సంభాషణ ,  ‘ ఆమె ‘ లో చుంబన భావాలు జనించడానికి , ఇంధనం అవుతుంది ! ధరల పెరుగుదలలూ  ,  ట్రాఫిక్ ప్రమాదాలూ , లేదా మరణాలూ , ఇట్లాంటివి  సహజమైన  యదార్ధ జీవిత సంఘటనలే అయినా , ముద్దు ప్రయత్నాల ముందు , ఇవన్నీ ,  వ్యర్ధమైన సంభాషణ లే ! అంటే , మీరు ముద్దు పెట్టుకుందామనుకునే  ‘ఆమె ‘ కు ఇవన్నీ అనవసరమైన సంభాషణ లే ! ‘ ఆమె ‘ కు ఇవన్నీ భయాందోళనలు కలిగించి , మనోభావాలను గాయ పరుస్తాయి ! పాఠం : ‘ ఆమె ‘ కు ఆందోళన నూ , దుఃఖాన్నీ కలిగించి ,  ఆమె  హృదయాంతరాళం లో విషాద ఛాయలు ఆవరింప చేసే సంభాషణ చేయకూడదు ! ప్రత్యేకించి , మీరు ‘ ఆమె ను ముద్దు పెట్టుకుందామని , ఆ ప్రయత్నాలు చేస్తున్నప్పుడు  అసలే చేయకూడదు !  

మీరు చేయకూడనివి ఇంకా కొన్ని ఉన్నాయి ! 
1. ఆమె తో ఇతర యువతుల గురించి కానీ , వారి అందాల గురించి పొగడడం గానీ చేయకూడదు ! 
2. మీ జీవిత సమస్యలూ , మీరు అందువల్ల ఎంత అసంతృప్తి గా జీవితం గడుపుతున్నదీ , లేదా మీకు ఇష్టం లేనివీ , ఇవన్నీ కూడా కంప్లైంట్ లు చేయడం కిందకు వస్తాయి !  అందువల్ల ఈ విషయాలు కూడా ‘ ఆమె ‘ తో మాట్లాడ కూడదు, ప్రత్యేకించి ఆమె కు మీ ముద్దు ఇద్దామను కుంటున్నప్పుడు !
3. మీరు సామాన్యం గా , ఇతర మగ స్నేహితులతో చర్చించే విషయాలు , ఆమె తో చర్చించ కూడదు ! 
4. మీ దేహ ధర్మాల గురించి అంటే చెమట పోయడం , నిద్ర గురక పెట్టి పోవడం , ఊపిరి పీల్చుకోవడం లాంటి శరీర ధర్మాల గురించి ‘ ఆమె ‘ తో చర్చించడం కూడదు !  
మరి మాట్లాడ వలసిన విషయాలు ఏముంటా యి ? పైన చెప్పినవన్నీ చేయక పొతే ? !!! అని మీరు అనుకుంటున్నారు కదా ! ఈ క్రింది ముఖ్యమైన  విషయాలు గమనించండి ! 
1. మీ సంభాషణ  అంతా  ‘ ఆమె ‘ గురించే అయి ఉండాలి ! 
2. ఆమె ను ప్రశంసించండి ! ఉదా:  ‘ ఎంత బాగున్నావు !!! ‘ 
3. ఆమె మనసు తెలుసుకోండి !  అది అంత సులభం కాదు ! చాలా సమయాలలో, అది భగీరధ ప్రయత్నం అవ వచ్చు !  అందుకు సన్నద్ధులు కండి ! 
4. మీ ఇరువురిలో కామన్ లక్షణాలు బేరీజు వేయండి !  ఆమెతో ! 
5. మీకు మాటలు తోచక పొతే ( ఒక్కో సమయం లో, మీరు, ‘ ఆమె’  బౌలింగ్ చేయక పోయినా , కొన్ని క్షణాలు క్లీన్ బౌల్డ్ అవుతూ ఉంటారు , ఆ సమయం లో మీకు మాటలు రావు ! ) అప్పుడు , ఆమె హేర్ స్టైల్ బాగుందని ప్రశంసించండి  ! 
వచ్చే టపాలో ఇంకొన్ని సంగతులు !  
 

చుంబన రహస్యాలు.5. ముద్దు కు, మూడ్ ఎట్లా సిద్ధం చేయాలి ?

In ప్ర.జ.లు., మన ఆరోగ్యం., మానసికం, Our Health, Our minds on సెప్టెంబర్ 17, 2013 at 12:22 సా.

చుంబన రహస్యాలు.5. ముద్దు కు, మూడ్ ఎట్లా సిద్ధం చేయాలి ? 

రోజు లో ఇరవై నాలుగు గంటలు ! అందులో  ఓ పది గంటలు నిద్ర , తయారవడానికీ, తినడానికీ  , సరిపోతాయనుకుంటే ,  కనీసం మూడు నాలుగు గంటలు ప్రయాణాలకు ! ఇక మిగిలిన సమయం కాలేజీ లోనో , లేదా ఆఫీస్ లోనో ! (  కలిసి, ఇంటికి చేరే ప్రేమ పావురాలను మినహాయిస్తే ! ) మరి ముద్దు కు సమయం ఎప్పుడు ? ఎక్కడ ? 
ముద్దు ఎక్కడ పడితే అక్కడ పెట్టడం ఎంత వరకూ సమంజసం ! మీరు పెట్టే ముద్దు ‘ ఆమె ‘ మది లో పది కాలాల పాటు ఉండి పోవాలంటే ,  ఆ ముద్దు కు సమయం, స్థానం , సందర్భం అన్నీ కలిసి వస్తేనే  !  మరి  ఆ  విలువైన ముద్దు కు మూడ్ ఎట్లా తీసుకు రావాలి ? 
ప్రణయ వాతావరణం :  వాతావరణం, మేఘావృతమై అధిక వర్ష పాత సూచన ఉంటే , అన్ని చోట్లా అది ప్రణయ వాతావరణం అవదు కదా ! మీరు  ఆ సమయం లో, ఒక వెచ్చని వర్షం పడని ప్రదేశం లో ఉంటే , అది ఒక  ప్రణయ స్థానమే !  ఒక  ప్రణయ వాతావరణం సహజం గా, ‘ సంజె చీకట్లలో , సూర్యాస్తమయ సమయం లో ‘ అని అనుభవజ్ఞులు ప్రవచించారు !  అందుకే , మీ మదిలో మెదిలే మధుర భావనలను , మీకు నచ్చిన ‘ ఆమె ‘ కు, మీ చుంబనం రూపం లో తెలుప డానికి, సంజె వెలుతురూ , లేదా  బాగా కళ్ళు మిల మిల లాడే లా కాకుండా , లో లైట్ అంటే తక్కువ వెలుతురు లైట్లు అమర్చి ఉన్న ప్రాంతం , ఏదైనా కూడా  , ఎదలు గుస గుస లాడడానికి మంచి వాతావరణమే ! మీకు మంచి వ్యూ పాయింట్ కనుక దొరికితే , సూర్యాస్తమయ సమయం అత్భుతం గా ఉంటుంది ! ఆమె మది లో ప్రేమ భావనలు ఉదయించడానికి !  పున్నమి వెన్నెల కూడా ! చంద్రుడి  కాంతి లో ( మీ !  )  ‘ కాంత ‘ , కలువ కన్నులతో , కాంచనం లా మెరుస్తూ ఉంటుంది !  ఆ మెరుపు కు, మీ ముద్దు మెరుపు ను జత చేయడం  రొమాంటిక్ గా కూడా ఉంటుంది !  మీరు ‘ ఆమె ‘ తో కూడా కనుక నడుస్తూ ఉంటే , వీధి దీపాల చిరు  వెలుతురు కూడా , ఆమె లో నులి వెచ్చని భావనలు చెల రేగ డానికి ,  మీ ఇరువురిలో ఆ కొజీనెస్ సృష్టించడానికి ఎంతో అవకాశం ఉంటుంది !   మీరిరువురూ ,  ఒక పిక్నిక్ లేదా టూర్ లో కనుక ఎంజాయ్ చేస్తూ ఉంటే ,  సాయం సమయం లో , వెచ్చని నెగళ్ళ మంట ముందు , ఆ మంటల నాట్యం చూస్తూ , ‘ ఆమె ‘ కళ్ళ లో చూస్తూ , మాట్లాడుతూ ఉంటే , ఆ ప్రణయ వాతావరణమూ, ‘ ఆరాధనా ‘ భావం తో  , మంచి మూడ్ క్రియేట్ అవుతుంది , ముద్దు కు !  ఒక హాల్ లోనో, హోటల్ లోనో, మీరు, ‘ ఆమె ‘  ఒక టేబుల్ దగ్గర కనుక నిశ్శబ్దం గా చేరుకున్నాక  , మీ మధ్య ఉన్న కొవ్వొత్తి  లో మైనం కరుగుతూ , వెలుతురు చిమ్ముతూ ఉంటే ,  ‘ ఆమె ‘ మౌనం,  మధురం గా  ఉంటుంది !  అదీ ప్రణయ వాతావరణమే ! 
వచ్చే టపాలో ఇంకొన్ని ముద్దు సంగతులు ! 

చుంబన రహస్యాలు .4. ‘ ఆమె ‘ కు ముద్దివ్వడం ఎట్లా ?

In ప్ర.జ.లు., మన ఆరోగ్యం., మానసికం, Our Health, Our minds on సెప్టెంబర్ 16, 2013 at 10:48 సా.

చుంబన  రహస్యాలు  .4. ‘ ఆమె ‘ కు ముద్దివ్వడం ఎట్లా ?  

 
యుక్త వయసు వచ్చిన యువకులకూ , యువతులకూ , ముద్దు పెట్టాలనీ , ముద్దు స్వీకరించాలనీ కోరికలుండడం సహజమే ! వారుండే దేశ కాల పరిస్థితుల బట్టి , వారు ఎప్పుడు , ఎక్కడ , ఏ సందర్భం లో ముద్దు పెట్టుకుంటారనే విషయం ఆధార పడి  ఉంటుంది ! ఈ టపాలో విషయాలు కొన్ని ఆంగ్ల వ్యాసాల నుంచి గ్రహింప బడింది ! ఇది ఎవరెవరికి వర్తిస్తుందనే విషయం , వారి విజ్ఞత కే  వదిలేయడం జరుగుతుంది. ఈ విషయాలు తమకు వర్తించని వారు కూడా సరదా గా చదువుకోవచ్చు , ఈ టపాను , వారికి ఉత్సాహం  ఉంటే !  ఒకటి మాత్రం నిజం : సృష్టి లో, చుంబనం , యువతీ యువకులూ ,  స్త్రీ పురుషులూ , పరస్పరం ,తమ   ఆనందానుభూతులను పంచుకునే ఒక సహజ మైన చర్య ! ఇరువురూ ఇష్ట పడి , చేసిన చుంబనం ,  వయసు తో పాటుగా , వారి పరిణితి నీ తెలియ చేస్తుంది ,  తీయటి అనుభూతినీ మిగులుస్తుంది ! 
మరి మీరు ‘ ఆ ‘ యువతి ని ముద్దాడు దామని అనుకుంటే ఏం చేయాలి ? 
ఇక్కడ మీరు తడబడేది రెండు విషయాలలో !  ‘ ఆ ‘ అమ్మాయి కి మీరంటే ఇష్టమో లేదో మీకు తెలియదు ! మీకు  ‘ ఆ ‘ అమ్మాయికి  ముద్దు ఇవ్వడం ఎట్లాగో తెలియదు !  నిజమే ! కొన్ని సమయాలలో ముద్దు పెట్టడం రాకెట్ ను అంతరిక్షం లోకి పంపడమంత సులభం కాదు ! మరి కొన్ని సమయాలలో రాకెట్ ను అంతరిక్షం లో కి పంపడం కన్నా ముద్దు పెట్టడం  కష్టమే !  కానీ మీరు ‘ ఆమె ‘ కు మీ ముద్దు ఇవ్వడం లో కనుక విజయం సాధిస్తే , మీరు అంతరిక్షం లోకి రాకెట్ లో  వెళ్ళ క పోయినా  చంద్రుడి మీద వాలుతారు ! 
ఏకాంతం,  అయస్కాంతం  : ప్రేయసీ ప్రియులకు ఏకాంతం,  ఒక అయస్కాంతం అవుతుంది ! మీరు మీ స్నేహితుల ముందు , మీ వీరత్వాన్ని ప్రదర్శిద్దామనుకుని , ‘ ఆమె ‘ ను ముద్దు పెట్టుకోవడం కానీ , అతి చనువు గా ఉండడం కానీ   చేశారంటే , మీరు పప్పులో కాలేశారన్న మాటే !  మీరు కేవలం ‘ ఆ ‘ అమ్మాయిని మీరు సాధించిన ఒక బహుమతి గా మీ స్నేహితులకు చూపిస్తున్నారన్న మాటే ! అది మీరు వలచిన  వనిత కు ఎంత మాత్రమూ నచ్చదు ! అందుకే , ‘ ఆమె ‘ తో పొందుకు , ఏకాంతం , కేవలం , మీరూ , ఆమే  ఉన్న ఏకాంతం అతి ముఖ్యం !   ఆమె కనుక ఆమె  గ్రూపు లో ఉంటే , కొద్ది సేపు ఆగమని ప్రాధేయ పడండి ! మీరూ , ఆమే , ఒక పార్టీ లో కలుస్తే , లేదా చాలా మంది కలిసిన ఒక మీటింగ్ లో కలిసినా ,  ‘ కాస్త ఫ్రెష్ ఏర్  కోసం బయటకు వెళ్దామా ? ‘ అంటూ మీ ‘ బుద్ధి ‘ బయట పెట్టండి ! ‘ ఆమె ‘ మీరుండే ప్రాంతం లోనే ఉంటుంటే ,  ‘ మీ ఇంటి దాకా ( మీతో ) నడిచి  దింపనా ? ‘ అని అడగడం కూడా ఒక పధ్ధతి ! (  మీ కాలేజ్ దగ్గరే ఆమె తండ్రి   ఆమె ను పికప్ చేయడానికి వెయిట్ చేస్తూ ఉంటే , మీకు ఈ పధ్ధతి  సరి అయినది కాదు ! కారణాలు వివరం గా చెప్ప నవసరం లేదనుకుంటా ! పై  ఉపాయాల తో మీరు సఫలం అవక పొతే ,  మీరు నేరుగా  ‘ ఆమె ‘ ను మీరు ముందే నిర్ణయించుకున్న ప్రదేశానికి   మీతో రమ్మని ఆమెను అడగ వచ్చు ! 
( వార్నింగ్ :  ఈ టపా , కేవలం యువతీ యువకులు, పరస్పరం ఇష్ట పడితే నే వర్తిస్తుంది ! హద్దు మీరి ప్రవర్తించి, సమస్యలు సృష్టించి , సమస్యలు కొని తెచ్చుకుంటే , అందుకు పూర్తి బాధ్యత వారిదే ! )   
వచ్చే టపాలో ఇంకొన్ని  ఉపాయాలు ! 
 

చుంబన రహస్యాలు.3. ప్రేమ , ప్రణయం , కామం లో, చుంబన తీవ్రత ఎందుకు మారుతుంది ?

In ప్ర.జ.లు., మన ఆరోగ్యం., మానసికం, Our Health, Our minds on సెప్టెంబర్ 14, 2013 at 9:29 సా.

చుంబన రహస్యాలు.3. ప్రేమ , ప్రణయం , కామం లో, చుంబన తీవ్రత ఎందుకు మారుతుంది ? 

మానవులు, తమలో ఎగసి పడే,  అనేక రకాల అనుభూతులను, తమ చుంబనం ద్వారా తెలియ చేస్తారు !  ఈ చుంబనం కేవలం నాలుగు పెదిమలు పెనవేసుకోవడమే అయినా కూడా ,  స్వీకరిస్తున్న వారు, ఆ ముద్దును విశ్లేషణ చేయగలరు ! కానీ అందరూ కాదు ! మరి ఇట్లా ఎందుకు జరుగుతుంది ? 
అని విశ్లేషిస్తే , జీవ పరిణామ రీత్యా , ముద్దు  ప్రేయసీ ప్రియుల మధ్యా , తల్లీ శిశువుల మధ్యా ఒక చక్కని అనుబంధానికి పునాది అవుతూ వస్తుంది ! అందువల్లనే , మానవులలో , శిశువు , తన పెదిమలతో తల్లి స్థన కుచాలను ( అంటే నిపుల్స్ ను ) స్పృ శించ గానే ,  ఆప్యాయతా , అనురాగాలకు మూలమైన ఆక్సీ టోసిన్ అనే  జీవ రసాయనం విడుదల అవుతుంది ! ( హార్మోనులు అని అంటారు వాటిని , ఈ హార్మోనుల గురించి వివరం గా ‘బాగు ‘ మునుపటి టపాలలో వివరించడం జరిగింది , ఉత్సాహం ఉన్న వారు చూడగలరు ) ఈ ఆక్సీ టోసిన్,  తల్లి లో, తన శిశువు పట్ల  ఒక విడదీయ రాని బంధం ఏర్పరుస్తుంది ! ప్రేమానురాగాల తో పాటుగా , అనుబంధం , వాత్సల్యం కూడా ! అదే తల్లి ప్రేమ ! అత్భుతం కదా సృష్టి ! 
అదే కారణం చేత , ప్రేయసీ ప్రియులు పరస్పరం చుంబించు కున్నా , గాఢమైన చుంబనాలలో , అంటే  భావానుభూతుల దొంతరాలలో ఒదిగి పోతూ , పట్టు వంటి అతి మెత్తని , అతి సున్నితమైన పెద బంధాలలో , అనేక జీవ రసాయనాలు ప్రవహిస్తాయి !  ఆ జీవ రసాయనాలు అతి తక్కువ పరిమాణం లో ఉన్నా కూడా , ఉత్తుంగ తరంగ జలపాతం లా, అత్యంత  అందమైన అనుభూతులను,  శరీరం లో ప్రవహింప చేస్తాయి ! అపుడే , తనువు , అణువణువునా కంపిస్తూ ఉంటుంది !  ఫిషర్ అనే శాస్త్రవేత్త , దీనికి కారణం ,  ప్రధానం గా ‘ డోపమిన్ ఇంకా నారెపినెఫ్రిన్ ‘ అని అంటారు !  ఆమె మాటల్లోనే ‘ ఈ డోపమిన్ ,నారెపినెఫ్రిన్ అనే రసాయనాల  విడుదల ,  ప్రత్యేకించి ,  ప్రేయసీ ప్రియుల తొలి కలయిక లో, అంటే ఒక  నూతన సందర్భం ( నావెల్ సిచు యే షన్  ) లో నే జరుగుతుంది ! ఇట్లా జరిగినప్పుడు,  ప్రేయసీ ప్రియులలో ( అంటే, కల్ల బొల్లి ప్రేమ కాక , నిజం గా ప్రేమలో ‘ పడ్డ ‘ వారు ! ) నాలుగు రకాల అనుభూతుల అలలు చెలరేగుతాయి: 
1. కామ వాంఛ :  విపరీతమైన కామ వాంఛ లు ఉత్పన్నం అవుతాయి ! అనేక మంది ప్రేయసీ ప్రియులు , ఈ కామ వాంఛ ల అలలో ‘ కొట్టుకు ‘ పోతారు కూడా ! 
2. ప్రణయ భావన : ఈ పరిస్థితి లో ,  కళ్ళు బరువు గా ఉండడం , శరీరం ఎంతో తేలిక అయిపోయిన అనుభూతి కలగడమూ , ఆకలి తగ్గి పోవడమూ , నిద్ర పోవాలని అనిపించక పోవడం , అంటే నిద్ర రాక పోవడం కూడా జరుగుతుంది.  కామ వాంఛల అలలో కొట్టుకు పోయిన వారు, ప్రణయ తీరం చేరి, కళ్ళు తెరిచి చూసే సరికి, ఒకరిమీద ఒకరికి తీవ్రమైన ప్రణయ భావనలు , ఆరాధనా భావనలూ కూడా ఉదయిస్తాయి ! ! 
3. ప్రేమ : వారిరువురి మధ్యా ప్రేమ చిగురిస్తుంది ! 
4.అనుబంధం :   ప్రేయసీ ప్రియులలో అనుబంధం పెనవేసుకుంటుంది , ఆ చిగురించిన ప్రేమకు ఆలంబన గా ! దానితో  ఒకరి మీద ఒకరికి భద్రతా భావం కలుగుతుంది ! అంటే ‘ సెన్స్ ఆఫ్ సెక్యురిటీ ‘ ! సృష్టి విచిత్రం ఏమిటంటే , పైన తెలిపిన నాలుగు   రకాల  అనుభూతులూ కూడా నాలుగు రకాలైన జీవ రసాయనాల వల్లనే ! 
కామ వాంఛ, టె స్టో స్టిరాన్ అనే హార్మోను వల్ల ( స్త్రీల లోనూ ,  పురుషుల లోనూ కూడా ! ) ప్రేమా ప్రణయాలు , డోపమిన్ , నారెపినెఫ్రిన్ అనే జీవ రసాయనాల  పుణ్యం ! ఇక అనుబంధం , ఒకరి ‘ ఒడి ‘ లో ఇంకొకరు స్వాంతన , శాంతీ , ప్రశాంతతా పొందు తున్న అనుభూతులన్నీ కూడా ఆక్సీ టోసిన్ మహిమే !  మీరు ప్రేమ లో పడి పిచ్చి గా పదే , పదే , మీ ప్రేయసిని కలవరిస్తూ , వరించినట్టు  కలలు కంటూ ఉంటే , అది కేవలం మీ  డోపమిన్ మహిమే ! అట్లా కాక , మీరు ‘ ఆ ‘ యువతిని  కామా తృత తో చూస్తూ , శృంగార కామ కేళీ విలాసాలు జరుపుతున్నట్టు కలలు కంటుంటే, అది  టె స్టో స్టిరాన్ అనే హార్మోను పనే ! మీ తప్పు కాదు ! కాక పొతే, ఆ  టె స్టో స్టిరాన్ హార్మోను మీ దే ! అని ఆమె అన్నారు ! 
 
వచ్చే టపా లో ఇంకొన్ని చుంబన రహస్యాలు  ! 

చుంబన రహస్యాలు.2. అధర బంధాలు , విడతీయలేని అనుబంధాలు !

In మన ఆరోగ్యం., మానసికం, Our Health, Our minds on సెప్టెంబర్ 13, 2013 at 7:50 సా.

చుంబన రహస్యాలు.2. అధర బంధాలు , విడతీయలేని అనుబంధాలు ! :  

 
చుంబనం, మానవ కామ కేళీ విలాసాలకు ప్రధాన ద్వారం ! ఈ ద్వారం గుండా ప్రయాణిస్తూ , అసలు సిసలైన  అనుభూతులను ఆస్వాదించగలుగుతాము ! అంతే  కాకుండా , ముద్దులు,  మానవులను ఒకే మూసలో పోసిన వారిలా కాకుండా నవ్యానుభూతుల ప్రాంగణానికి ఆహ్వానిస్తాయి !
హెలెన్ ఫిషర్ అనే శాస్త్ర వేత్త, కేవలం మానవులే కాక, సృష్టి లో అనేక ఇతర జీవాలు కూడా ముద్దులు కురిపిస్తూ ఉంటాయని తెలియ చేశాడు  ! 
తోలి ముద్దు పెట్టగానే , మీరు మీ భాగస్వామి పర్సనల్ స్పేస్ ను అతిక్రమించారన్న మాటే ! అంటే, మీరు చుంబించిన వారిని నమ్ముతున్నారన్న మాటే ! అంతే కాకుండా, మీరు వారిని తాకడమూ , వారి కళ్ళలో కళ్ళు పెట్టి చూడడమూ , వారి శ్వాస లో మీ శ్వాస తీసుకోవడమూ , వారి మనసు తెలుసు కోడానికి ప్రయత్నం చేయడమూ కూడా  చేస్తారు ! 
 అధరాల నుంచి, అనేక వందల రిసెప్టార్ లు మన మెదడు కు  సంధానం అయి ఉంటాయి ! అంతే కాకుండా, పెదిమల నుంచి పంపే సంకేతాలను గుర్తించడానికి మెదడులోని సెన్సరీ కార్టెక్స్ లో ఒక పెద్ద భాగం ( అంటే, ఒక ప్రత్యేకమైన డిపార్ట్ మెంట్ అని చెప్పుకోవచ్చు ) కేటాయింప బడింది ! స్త్రీ లోలురైన  చాలామంది పురుషులు , తాము స్త్రీతో కామ క్రీడల లో , ముద్దాడడం కన్నా , కామ క్రీడలో పాల్గొన డానికే సుముఖం గా ఉంటారుట , కారణం , తదేకం గా వనితను ముద్దాడితే , తీక్షణమైన ఆ ముద్దుల వలలో విల విల లాడి , ఉక్కిరి బిక్కిరి అయి తీవ్రమైన భావోద్వేగాలకు లోనవుతారుట ! అంతటి ప్రభావం ఉంది ముద్దు కు !  
తీక్షణం గా స్త్రీ పురుషులిద్దరూ, నాలుకలు మెలికలు వేసుకుని పెట్టుకునే ముద్దులు , శరీరాలలో , అనేక రకాల జీవ (రస మయ ) రసాయనిక చర్యల ను రగిలించి ,  రోగ నిరోధక శక్తి ని  ఎక్కువ చేస్తాయని పరిశోధనల వల్ల విశదం అయింది ! ( ప్రేయసీ ప్రియులిద్దరూ ఏ రకమైన అంటు వ్యాధులూ లేకుండా ఉంటేనే ! ) 
అధర బంధాలు , విడతీయలేని అనుబంధాలు ! :  ఆప్యాయతా , అనురాగాలతో చేసే స్పర్శ , స్త్రీలలో ఆక్సీ టోసిన్  అనే జీవ రసాయనాన్ని ఉత్పత్తి చేస్తుంది. ఈ ఆక్సీ టోసిన్  శరీరాన్నీ , మనసునూ ప్రశాంత పరిచి , స్వాంతన చేకూరిస్తుంది !  ఒక రకం గా ఆక్సీ టోసిన్ ను ప్రశాంత హార్మోన్ అనుకోవచ్చు !  కానీ  పెదవులతో  బంధం వేసి చేసే స్పర్శ , అత్యంత సున్నితమైనది గా మెదడు లోని న్యురాన్ లను, అంటే నాడీ కణాలను శక్తి వంతం చేసి ఉత్తేజ పరుస్తుంది ! ఈ రకమైన అధర స్పర్శ ,  విడదీయ లేని అనుబంధం గా పరిణమిస్తుంది, ప్రేయసీ ప్రియుల జీవితం లో !  అంటే చుంబనం, ప్రేమ వర్ధనం చేసే,  సహజ ఫెవి కాల్  ! 
 
వచ్చే టపాలో ఇంకొన్ని సంగతులు ! 

చుంబన రహస్యాలు.1.

In మన ఆరోగ్యం., మానసికం, Our Health, Our minds on సెప్టెంబర్ 9, 2013 at 8:02 సా.

చుంబన రహస్యాలు. 1. 

ఒక గొప్ప ముద్దు,  ప్రపంచాన్నే కరిగిస్తుంది !  తనువును తహ తహ లాడిస్తూ , కామ కోరికలు రేపుతుంది ! నేర్పు కల అతివలు , మొదటి ముద్దును రుచి చూసి , తాము కోరుకున్న వారితో బంధం , కల కాలం సాగుతుందో , లేక తెగుతుందో , ఇట్టే చెప్ప గలరు ! అంతటి మహత్యం ఆపాదించ బడింది, ఒక‘ చిరు ‘ చుంబనానికి ! 
తనివి తీరా పెట్టే ఒకే ఒక్క ముద్దు తో , తనువులో అనేక రకాల జీవ రసాయన ప్రక్రియలు చెల రేగుతాయి ! ఈ క్రియలన్నీ కూడా శరీరానికీ , మనసుకూ కూడా అనేక విధాలు గా ఆనందం చేకూరుస్తాయి ! తరచూ , ముద్దులు గుప్పించుకునే ప్రేయసీ ప్రియులు , ఎక్కువ ఆరోగ్య వంతం గానూ , ఆనందం గా నూ  ఉండగలుగుతున్నారు !  ప్రతి ముద్దూ , నిమిషానికి రెండు క్యాలరీల శక్తి  తీసుకుని , అధిక బరువును కూడా తగ్గిస్తుంది ! కాక పొతే నిదానం గా ! ( ట్రెడ్ మిల్ మీద పరిగెత్తితే, మనం నిమిషానికి పదకొండు క్యాలరీల వరకూ ఖర్చు పెడతాము ! ).  
హడావిడి గా ఎడా పెడా ముద్దులు కుమ్మరిస్తూ , అటూ ఇటూ కదులుతూ , ప్రేయసిని ఉసి కొలుపుతూ , కసి గా ప్రవర్తించే వారు , వడి వడి గా నడిచే వారి తో సమానం గా క్యాలరీలు ఖర్చు చేస్తారని శాస్త్రజ్ఞుల ఉవాచ !  ఇక్కడ చుంబన సూత్రం ఏమిటంటే : ఆవురావురు మంటూ మధువు గ్రోలుతూ, మధువు ( ముద్దు రూపం లో )  ఇస్తూ ఉంటే , మధువు ( షుగరు ) కూడా వినియోగం అవుతుందని ! ఫ్రెంచి ముద్దులు  పరస్పరం సమర్పించుకునే ప్రేయసీ ప్రియుల లో మంచి రోగ నిరోధక శక్తి పెంపొందు తుందని కూడా విశదం అయింది ! ఫ్రెంచి ముద్దులు,  కేవలం ఫ్రెంచి వారి హక్కు కాదని ఇతర దేశాల వారంతా గమనించాలి ! ( ఈ ఫ్రెంచి ముద్దుల కదా కమామీషూ ముందు ముందు టపాలలో తెలుసుకుందాం ! ) మెత్తగా , ‘పుత్తడి బొమ్మకు’ పెట్టే ముద్దు , మానసిక వత్తిడి ని కూడా తగ్గించి కోరికలను ఎక్కడికో తీసుకు పోతుందని స్టాన్ఫర్డ్  లో వత్తిడి మేనేజ్ మెంట్ నిపుణుడు రాడ్నీ డేంజర్ ఫీల్డ్ గారి అభిప్రాయం ! 
కామ వాంఛా , కామ పూరితమైన స్పర్శా ,  కామానుభూతీ , ఈ మూడు లక్షణాలూ , మానవుల ఆరోగ్యాన్ని ఎంతగానో ప్రభావితం చేస్తాయని, సియాటిల్ సెక్సాలజిస్ట్ జాయ్ డేవిడ్సన్ గారి  ఒపీనియన్ !  ఆమె ఇంకా ‘ చుంబనం  తో ఒక  అత్భుతమైన కామ యాత్ర మొదలవుతుంది ! ప్రత్యేకించి , మనసు పడిన వారితో జరిపే ఈ కామ యాత్ర లో , శరీరమంతా ఆనంద డోలి కల్లో తేలుతుంది ‘ అని అన్నారు ! వీరి మాటల్లోనే ‘  తదేకం గా , ఏకాగ్రత తో చేసే చుంబనాన్ని ‘ కామ ధ్యానం ‘ అని చెప్పుకోవచ్చు !  సామాన్యం గా యోగ  ధ్యానం లో పొందే  ఆందోళనా రహితమైన , మానసిక ప్రశాంత స్థితి ని  ఈ కామ ధ్యానం ( చుంబన ధ్యానం అనవచ్చేమో ! ) లో పొందవచ్చు !  యోగ ధ్యానం లో జరిగే జీవ రసాయన చర్యల లాగే , చుంబన ధ్యానం లో కూడా కలుగుతాయి’ ! 
 
వచ్చే టపాలో ఇంకొన్ని సంగతులు !