బయటి తిండి తో అనర్ధాలు వివరం గా తెలుసుకుందాం , ఎందుకంటే మన ఆరోగ్యం మీద శ్రద్ధ మనకు కాకపొతే , అమ్మేవాడికి ఉండదు కదా !

ఆహారం తయారు చేయడానికి ఉపయోగించే పదార్ధాలు : ఇవి నాసి రకం గానూ , తాజావి కాకుండానూ ఉంటాయి ! ఎందుకంటే , అవి చౌక కనుక !

తక్కువ నూనె తో వండే , ఇగురు కూరలూ , వంటలూ , ఆరోగ్యానికి మంచివి !  ఎక్కువ నూనె వేయడమే కాకుండా , బయటి తిండి లో ఆ నూనె కల్తీ ది గా ఉండడం  అతి సాధారణం గా జరుగుతుంది !

బాగా వేయించిన వంటకాలు ఆరోగ్యానికి మంచిది కాదు !

మనం ఎప్పుడైనా , బయటి తిండి  వండే  రెస్టారెంట్ వారు కానీ , తోపుడు బండి వారు కానీ ,    ఉపయోగించిన వంట నూనె ను  బయట పారబోయడం చూశామా ? ఎందుకు చూడ లేదంటే ,  వాళ్ళు , ఒక సారి ఉపయోగించిన నూనె ను , అనేక డజన్ల సార్లు ఉపయోగించి , ఆ నూనె బాండీ లోనే ‘ ఇగిరిపోయే ‘ దాకా వాడుతారు ! 

నాసి రకమైన పదార్ధాలను వాడుతున్నప్పుడు , వాటి ( తక్కువ ) రుచి ని కప్పి పుచ్చడానికి , అనేక రకాల స్పైసెస్ వేస్తారు అంటే మసాలాలు !  ఆ మసాలా మజాలో పడి , మనం ఆ పదార్ధాలను ‘ ఆహా ‘ ‘ ఓహో ‘ అనుకుంటూ , లొట్టలు వేసుకుంటూ తింటాం !

తరచు గా ఇట్లా మసాలా లు దట్టించిన ఆహారం తినడం వల్ల , కడుపులో మంట  మొదలవుతుంది !  ఇంకా మసాలా లు ఉన్న ఆహారం తింటూ ఉంటే , ఆ మంట ను , మనకు తెలియకుండానే మనం ‘ పోషించుకుంటాం ‘ !

గంజాయి పీల్చి డ్రైవింగ్ చేసే వారు,  విచక్షణ, సమయ స్ఫూర్తి  లోపించి , ప్రమాదాలకు లోనవడమే కాకుండా , ఇతర వాహన చోదకుల , పాద చారుల ప్రాణాలకు కూడా హాని కలిగిస్తారు ! ఈ విషయం

అనేక పరిశోధనల ఫలితం !

బాగా పట్టు బిగించి గంజాయి దమ్ము లాగే వారి ఊపిరితిత్తులను , వారి జీవితాలనూ కూడా ఆ గంజాయి లాక్కెళుతుంది !

పొగాకు లో ఉన్న విషపదార్ధాల లాంటి విషాలే , గంజాయి లో కూడా ఉన్నాయని పరిశోధనల ద్వారా తెలిసింది !

గంజాయి పీల్చే వారి మానసిక స్థితి క్రమేణా అధ్వాన్నం అవుతుంది !

వారు తరచూ ,  మనుషులు లేని చోట మనుషులను చూడడం , లేదా మనుషుల మాటలను లేదా ఇతర శబ్దాలను , ఎవరూ లేని చోట వినడం అంటే శూన్యం లో శబ్దాలను వినడం జరుగుతుంది !

అంటే వారు హాలూసినేషన్స్  అనే  విచిత్ర అనుభూతి చెందుతూ ఉంటారు !

ఈ హాలూసినేషన్స్ తరచూ వస్తూ ఉంటే , వారు క్రమేణా విపరీతమైన భయం చెందుతూ , ఇతర వ్యక్తులు కొందరు కానీ , లేక అందరూ కానీ , వారి కి ఎప్పుడూ హాని తలపెట్టే ఉద్దేశం లో ఉన్నారని భావిస్తూ ఉంటారు !  ఈ భ్రమ నే ‘ పారనోయియా ‘ అంటారు !

ఈ పారనోయియా తీవ్రం గా ఉన్న వారు , వారి పక్కన ఉన్న వారి మీద అకారణంగా దాడికి దిగడమూ , వారిని  కొట్టడం లేదా ఇతర రకాలు గా గాయ పరచడం కూడా చేస్తూ ఉంటారు !

చాలా కాలం గంజాయి దమ్ము లాగే పురుషులలో శుక్ర కణాలు తగ్గి  అంటే స్పెర్మ్ కౌంట్ తగ్గి పోయి ,వారు  తండ్రులు కాలేక పోవడం , అట్లాగే స్త్రీలలో అండాలు  తగ్గి , వారు గర్భవతులు కాలేక పోవడం కూడా జరుగుతుంది !

బాగా గంజాయి పీల్చే స్త్రీలు గర్భవతులవుతే , వారికి కలగ బోయే శిశువులు అవయవ లోపాలతో పుట్టే ప్రమాదాలు  ఎక్కువ అవుతాయి !

పరీక్షలు జరిగాయి , చాలా పరీక్షల ఫలితాలూ తెలిశాయి !

చాలామంది విద్యార్థులు కృతార్ధు లయ్యారు , వారికి అభినందనలు !

ఎందుకంటే , ఫలితం ఎట్లా ఉన్నా కూడా , వారు కూడా కష్ట పడి  , పరీక్షలు రాశారు కాబట్టి !

మార్కులూ , ఫలితాలూ , కేవలం ఆ యా పరీక్షల కు సంబంధించినవే !

అవి జీవితం లో జయాప జయాలను నిర్ణయించే ఫలితాలు ఎంత మాత్రం కావు !

అంతే కాదు !  శ్రమ పడకుండా  విజయాన్ని పొందు దామనుకోవడం , కేవలం భూమిలో విత్తనం వేయకుండా , పండు కోసుకు ని తిందామనుకోవడం లాంటిదే !

వేయి మైళ్ళ దూర ప్రయాణం కూడా మనం వేసే ఒక్క చిన్న అడుగుతోనే మొదలవుతుంది ! కష్ట సమయం శాశ్వతం కాదు ! కానీ ఆ కష్ట సమయాలను ధైర్యం గా ఎదుర్కునే వారే  పురోగతి సాధిస్తారు !

అపజయాలు , మీ జీవితాలను తిప్పే మలుపులు గా భావించి , పట్టు వదలకుండా , శ్రమించి విజయం పొందండి !

ఈ బ్లాగులోనే , క్రితం పోస్టు చేసిన ‘ చదువుకోవడం ఎట్లా ? ‘ అనే వ్యాసాలను ఒకసారి చదవండి !

క్రితం టపాలో చదివినట్టు , ఈ రుగ్మత ఉన్న వారు , తమ భార్యల సాంఘిక పరిచయాలను కంట్రోల్ చేస్తూ ఉంటారు.

వారి భార్యలు , ఆ కంట్రోల్ ను తప్పించుకోవడానికి ప్రయత్నాలు చేస్తూ ఉంటే , అప్పుడు , వారి మీద లేని పోని అపనిందలూ , ఆపవాదులూ వేస్తూ ఉంటారు !

వారికి ఇతర పురుషులతో రహస్య సంబంధాలు ఉన్నాయంటూ , వారిని మానసిక హింసకు గురి చేస్తారు !

క్రమేణా , వారిని శారీరకం గా కూడా హింసించడం మొదలు పెడతారు !

వారి దాంపత్య జీవితాన్ని చిన్నా భిన్నం చేసుకుంటారు !

అంతే కాకుండా , ఎప్పుడూ , తమ భార్యలను విపరీతమైన మానసిక వత్తిడికి గురి చేస్తారు !

ఆ వత్తిడి తగ్గి పోతుంటే , తాము బతకలేమనీ ,  తమకు ఆత్మ హత్యే శరణ్యమనీ  , తమ భార్యలను బెదిరిస్తూ ఉంటారు , తరచూ ! 

కాలం బరువు గా గడుస్తూంది !

నవీన్  మనసు లో అనుమాన బీజం  వేళ్లూనుకుంటూ ఉంది  !

ఏదో  వెలితి , మనసులో !

వనిత కు ‘ దగ్గర ‘ కాలేక పోతున్నాడు !

‘ వనిత ఇంకొకడి తో సంబంధం పెట్టుకుంది ‘ ఇదే ఆలోచన పదే పదే  కాగుతుంది,  గుండెల్లో !

ఇంటికి రాగానే , ఎదో ఒక సమయం లో వనిత హ్యాండ్ బ్యాగ్ లో చేతులు పెట్టి , హడావిడి గా వెదుకు తున్నాడు , సెల్ ఫోన్ నంబర్ లు  నోట్ చేసుకుంటున్నాడు !

మెసేజెస్ చెక్ చేస్తున్నాడు !

ఆఫీస్ నుంచి ఇంటికి రావడం ఆలస్యం అయినప్పుడల్లా , ఆవేశానికి లోనవుతున్నాడు !

దానితో, అనుమానం అలలు గా ఎగిసి పడుతుంది !

రాగానే వాదన మొదలవుతూ ఉంది , వనిత తో !

నవీన్ , తనలో ‘ ఏ లోపమూ లేదు , తప్పంతా వనితదే ‘  అని వాదిస్తున్నాడు , పదే పదే  !

వనిత కు నవీన్ ప్రవర్తన లో మార్పు ఎందుకు వచ్చిందో తెలియట్లేదు !

బ్రతుకు భారమవుతోంది  తనకు , డబ్బు  హోదా ఉన్నా, తన తప్పు లేకున్నా!

ఆలోచనలు సుడులు తిరుగుతున్నాయి !

నవీన్ అనుమానాలు అతనికి పెను భూతాలయి , పీడిస్తున్నాయి,  అహో రాత్రాలూ !

వనిత రూమ్ లో  ఆమె బట్టలూ , పుస్తకాలూ , చిందర వందర అవుతున్నాయి !

ఇట్లా నెలలు  గడిచాయి !

ఒక ఆది వారం ఉదయమే , ‘ అమ్మా వనితా ‘  అంటూ తలుపు తట్టాడు , ఆమె తండ్రి !

శని వారం రాత్రి త్వరగానే పడుకున్నా , నిద్రలేమి తో , నిరాశతో , తలుపు తెరిచింది , వనిత !

ఒక్కసారిగా  తండ్రిని చూడగానే బావురుమని ఏడిచింది , గుండెలకు హత్తుకుని , చిన్న పాపాయి లా !

విషయమంతా , బాగా అర్ధమయింది  తండ్రికి , ఆమె ఇమెయిల్స్ తో పాటుగా ,ప్రత్యక్షం గా వనితను కూడా చూశాక ! అక్కడక్కడా మచ్చలూ ,మానిన గాయాలూ కూడా కనిపించాయి, తన ‘ బంగారు తల్లి ‘ ఒంటి మీద !

ప్రమాద వశాత్తూ అయ్యాయని తండ్రికి  చెప్పడానికి  వనితకు ఎన్ని వంకలు దొరుకుతాయి కనక !

నవీన్  చీకటి గది లో, గాఢ నిద్రలో ‘  పడి ‘ ఉన్నాడు ,  జీవితాన్ని అంధకారం చేసుకుంటూ !

అతి కష్టం మీద తండ్రి ఉద్రేకాన్ని నివారించి , సూట్ కేస్ ను రోల్ చేసుకుంటూ , తండ్రితో కూడా బయటకు వచ్చింది వనిత !

బయట ఎంతో వెలుతురు గా ఉంది , ఆ ఉదయం ! ప్రత్యేకించి వనిత కు !

సూపర్ డీలక్స్ బస్ ఎక్కబోతూ ఒక్క ఫోన్ చేసింది, సంతోషం గా  తన తల్లికి ‘ అమ్మా నేనూ, నాన్నా మధ్యాహ్నం కల్లా ఇంటికి చేరుకుంటాం ‘ అని !

వెంటనే , సెల్ ఫోన్  ను బస్ ముందు టైర్ కింద టక్ చేసింది ఎవరి కంటా పడకుండా !

వచ్చే టపాలో ఇంకొన్ని సంగతులు !

ఉదయం లేవ గానే , పరుగు మొదలు !

వనిత  ముందే లేచి,  బ్రెక్ ఫాస్ట్ తయారు చేసి , తను తిని , ఆఫీస్ కు బయలు దేరింది !

‘ టేబుల్ మీద బ్రెక్ ఫాస్ట్ ఉంది , ఇవాళ త్వరగా బయలు దేరుతాను ఆఫీస్ నుంచి , హోప్ ఫుల్లీ , త్వరగా ఇంటికి చేరుకుంటే , సినిమాకు వెళదాం సరేనా? ‘ అన్నది .

ముభావం గా తల ఊపాడు  నవీన్, సరే నన్నట్టుగా !తరువాత ,  తనూ తయారై, తన కంపెనీకి వెళ్ళాడు !

లంచ్ టైం లో ఓ సారి కాల్ చేశాడు వనిత తో మాట్లాడదామని ! రెస్పాన్స్ రాలేదు ! మరో మూడు సార్లు వెంట వెంటనే కాల్ చేశాడు ! వనిత దగ్గర్నుచి ఎస్సెమ్మెస్ మెసేజ్ వచ్చింది , చాలా పని వత్తిడి గా ఉందని, త్వరగా ఇంటికి వచ్చే ప్రయత్నం చేస్తున్నానని  !

వనిత అలా చేయదే ! ఇంకెవరితోనో ఫ్రెండ్లీ గా ఉంటుందేమో ఆఫీస్ లో !? తనతో మరి ఎందుకు ప్రేమ నటిస్తుంది ?! ‘ ఈ ఆలోచనలతో , ఎదో తిన్నాననిపించాడు లంచ్ , నవీన్ !

తన వర్క్ కూడా వేగం గా చేయలేక పోయాడు,హెడేక్ గా ఉందని, ముందుగానే బయలు దేరాడు, ఇంటికి !

వనిత ఇంట్లోకి అడుగు పెడుతూనే , ‘ వచ్చేశా ! ‘  అలసిపోయినా , ఉల్లాసం గా, నవ్వు ముఖం తో అంది , నవీన్ తో !

టీవీ  చూస్తున్న నవీన్ , తన మొహం ఆమె వైపు కనీసం చూడకుండా , ‘ అన్ని సార్లు చేసినా , నా కాల్  రిటర్న్ చేయలేనంత బిజీ అయ్యావా నువ్వు ?!’  అని అడిగాడు ! ‘

‘ నీకు తెలుసు కదా నవీన్ ‘ ఎంత బిజీ గా ఉంటుందో మా ఆఫీస్ ‘?! అన్నది వనిత అనునయం గా.

సరే పద సినిమా కు ‘ అన్నాడు షూ లేసెస్ కట్టుకుంటూ , ఆమె దగ్గరకైనా వెళ్లకుండా !

బాక్స్ లో కూర్చుని సినిమా చూస్తున్నా , సినిమా మీదకు మనసు పొవట్లేదు ! నవీన్ కు !

వనిత , పక్కనే ఉన్నా , తనకు దూరమవుతూ  ఉన్నట్టు అనిపిస్తుంది !

వనితకు , పరిస్థితి అర్ధం కావట్లేదు ! తాను చేసిన తప్పేంటో తెలియట్లేదు !

ఎదురుగా  స్క్రీన్ మీద రొమాంటిక్ సినిమా ! హీరో , హీరోయిన్  తరచూ , చిలిపిగా దగ్గరికి చేరుకొని , ముద్దులు కుమ్మరించు కుంటున్నారు ఒకరి మీద ఒకరు !

నవీన్ లో ‘ చలనం ‘ కనబడటం లేదు వనితకు !

సినిమా అవగానే , కార్ స్టార్ట్ చేసి , దారిలో ఓ రెస్టారెంట్ ను బైపాస్ చేశాడు నవీన్ !

నిశ్శబ్దం గా ఇంటికి చేరుకున్నారు,  ఇద్దరూ !

ఆకలి అవుతున్నా , ఫ్రిజ్ ఓపెన్ చేసి , వైన్ బాటిల్ ఓపెన్ చేసి , ఓ రెండు గ్లాసులు  తాగాడు నవీన్  !

అమాయకం గా , చిన్న పిల్ల లా ఒక పక్కకు తిరిగి , ఒళ్ళు తెలియకుండా , నిద్రపోతున్న  వనితను చూస్తూ , తనూ జారుకున్నాడు, నిద్ర లోకి !

నవీన్ ఓ ఐటీ  కంపెనీ లో పని చేస్తున్నాడు !  చాలినంత జీతం. ముందే  మనసులు కలిసిన మగువతో పెళ్లయింది కూడా !  వనిత  కూడా ఇంకో ఐటీ  కంపెనీలో సాఫ్ట్ వేర్ ఇంజినీర్ !

కొంత కాలానికి  సంతానం మాట దాటవేస్తూ , తమ పొందు లో అంతులేని  ఆనందం అనుభవిస్తూ ఉన్నారు, పగలూ రాత్రీ కూడా !

వనిత , అధునాతన మైన హేర్ స్టైల్  తో ,  పిచ్చెత్తించే తన అందాలను కూడా,  తీరిక గా చూసుకోవడం, వాటి పై  శ్రద్ధ తీసుకోవడం  నేర్చుకుంటూ  ఉంది  ! ఇతర కొలీగ్స్ కూడా అసూయ పడే అందం ఆమెది ! ఆ వయసులో కనిపించే  ఆమె  ముక్కు సూటి గా పోయే స్వభావం , కొంత చిలిపితనం , చుట్టూ ఉన్న అందరినీ ‘ కట్టి పడేస్తాయి’  ! దానికి తోడు , వర్క్ కూడా అంకిత భావం తో చేస్తూ ఉండడం తో  ప్రమోషన్ కూడా వచ్చింది,  ఈ మధ్యనే !

గత కొన్ని నెలలు గా నవీన్ , వనితను ‘ ఇంకోలా ‘ చూడడం మొదలెట్టాడు ! ఇంటికి రావడం కాస్త ఆలస్యం అయినా, ఆరాలు తీస్తున్నాడు ! వనిత , అది విరహం అనుకుంది !

ట్రాఫిక్ ను దాటుకుంటూ , ఇంటికి  రావడం ఆలస్యం అయినా కూడా , ఆ అలసట కనబడ నీయక , ప్రేమ భావనతో , చక చకా వంట చేసి , ఇద్దరూ తిన్నాక  ,ఎర్ర బడుతున్న బుగ్గలతో , నవీన్ తో  సరసాల కు సమయం కేటాయించింది !

నవీన్ మాత్రం , ముభావం గా ఉంటున్నాడు !

‘ ఏంటి,  నవీన్ గారు ఈ రోజు అంత ఫ్రిజిడ్ గా ఉన్నారు ?! ‘ అంది !

‘ ఎందుకు ఇంత ఆలస్యం అయింది ?’

‘ నీకు తెలుసు కదా ,నా రూట్ లో  వెధవ ట్రాఫిక్  సంగతి ? డ్రైవింగ్ నత్త నడక అయింది ! ‘

కొంత వర్క్ ఉంది చేయాల్సి ఉంది  ‘ అని ల్యాప్ టాప్ ఆన్ చేసి , అందులో మునిగి పోయాడు నవీన్ !

తన అందాలను అతి సున్నితం గా ‘ స్పృశించే ‘ నవీన్ ‘ మడి ‘ కట్టుకోవడం అసాధారణం గా అనిపించింది వనితకు !

నిరాశ కు అలసట  కూడా తోడై , బెడ్ మీద వాలి కళ్ళు మూసుకుంది , ఎప్పుడు నిద్ర వచ్చిందో తెలియ లేదు !

ఫెటిషిజం ఒక జిడ్డు లాంటి మానసిక రుగ్మత ! ఈ సమస్య ఉన్న వారికి చికిత్స చేయ వచ్చు ! కానీ ఒక రోజో , రెండు రోజులో చికిత్స చేయించుకుంటే సరిపోదు ! దీర్ఘకాలికం గా , అంటే , కొన్ని నెలలూ , సంవత్సరాల తరబడీ చేయించుకుంటే , ఆ చికిత్స కు ఫలితం ఉంటుంది !

సాధారణం గా చికిత్స , మానసిక చికిత్స అంటే సైకోథెరపీ , మంచి ఫలితాలను ఇస్తుంది !

కొన్ని రకాలైన మందులు కూడా , కొంత వరకూ , పదే  పదే వచ్చే , చెడు ఆలోచనలను తగ్గిస్తాయి !

ఈ  సైకో థెరపీ కానీ మందులు కానీ , క్షుద్ర విద్యలు చేసే వారూ , చేత బడులు చేసే వారూ కాకుండా ,

అనుభవజ్ఞులైన  , స్పెషలిస్ట్ డాక్టర్ ల వద్ద తీసుకుంటే బాగుంటుంది !

ఈ కండిషన్ , ప్రధానం గా యువకులలో ఉంటుంది కాబట్టి , కొన్ని , కొన్ని ప్రత్యేకమైన కేసులలో

పురుష హార్మోను లను తగ్గించే మందులు కూడా పైన చెప్పిన చికిత్సా పద్ధతు లల్లో కలపడం జరుగుంది !

కొన్ని ప్రత్యేక మైన , మొండి కేసుల్లో ,  కామ పరమైన ఆలోచనలు ఎక్కువ అవుతూ ఉన్నప్పుడు , వాటిని వెంటనే ‘ చల్లార్చడానికి ‘ ఒక దుర్గంధమైన వాసన ను  పేషేంట్ ఉన్న గది లో ప్రవేశ పెట్టడం లాంటి చికిత్సలు కూడా చేస్తూ ఉంటారు !

వచ్చే టపాలో ఇంకొన్ని సంగతులు !