ఒథెల్లో సిండ్రోమ్……. 2.
ఉదయం లేవ గానే , పరుగు మొదలు !
వనిత ముందే లేచి, బ్రెక్ ఫాస్ట్ తయారు చేసి , తను తిని , ఆఫీస్ కు బయలు దేరింది !
‘ టేబుల్ మీద బ్రెక్ ఫాస్ట్ ఉంది , ఇవాళ త్వరగా బయలు దేరుతాను ఆఫీస్ నుంచి , హోప్ ఫుల్లీ , త్వరగా ఇంటికి చేరుకుంటే , సినిమాకు వెళదాం సరేనా? ‘ అన్నది .
ముభావం గా తల ఊపాడు నవీన్, సరే నన్నట్టుగా !తరువాత , తనూ తయారై, తన కంపెనీకి వెళ్ళాడు !
లంచ్ టైం లో ఓ సారి కాల్ చేశాడు వనిత తో మాట్లాడదామని ! రెస్పాన్స్ రాలేదు ! మరో మూడు సార్లు వెంట వెంటనే కాల్ చేశాడు ! వనిత దగ్గర్నుచి ఎస్సెమ్మెస్ మెసేజ్ వచ్చింది , చాలా పని వత్తిడి గా ఉందని, త్వరగా ఇంటికి వచ్చే ప్రయత్నం చేస్తున్నానని !
వనిత అలా చేయదే ! ఇంకెవరితోనో ఫ్రెండ్లీ గా ఉంటుందేమో ఆఫీస్ లో !? తనతో మరి ఎందుకు ప్రేమ నటిస్తుంది ?! ‘ ఈ ఆలోచనలతో , ఎదో తిన్నాననిపించాడు లంచ్ , నవీన్ !
తన వర్క్ కూడా వేగం గా చేయలేక పోయాడు,హెడేక్ గా ఉందని, ముందుగానే బయలు దేరాడు, ఇంటికి !
వనిత ఇంట్లోకి అడుగు పెడుతూనే , ‘ వచ్చేశా ! ‘ అలసిపోయినా , ఉల్లాసం గా, నవ్వు ముఖం తో అంది , నవీన్ తో !
టీవీ చూస్తున్న నవీన్ , తన మొహం ఆమె వైపు కనీసం చూడకుండా , ‘ అన్ని సార్లు చేసినా , నా కాల్ రిటర్న్ చేయలేనంత బిజీ అయ్యావా నువ్వు ?!’ అని అడిగాడు ! ‘
‘ నీకు తెలుసు కదా నవీన్ ‘ ఎంత బిజీ గా ఉంటుందో మా ఆఫీస్ ‘?! అన్నది వనిత అనునయం గా.
సరే పద సినిమా కు ‘ అన్నాడు షూ లేసెస్ కట్టుకుంటూ , ఆమె దగ్గరకైనా వెళ్లకుండా !
బాక్స్ లో కూర్చుని సినిమా చూస్తున్నా , సినిమా మీదకు మనసు పొవట్లేదు ! నవీన్ కు !
వనిత , పక్కనే ఉన్నా , తనకు దూరమవుతూ ఉన్నట్టు అనిపిస్తుంది !
వనితకు , పరిస్థితి అర్ధం కావట్లేదు ! తాను చేసిన తప్పేంటో తెలియట్లేదు !
ఎదురుగా స్క్రీన్ మీద రొమాంటిక్ సినిమా ! హీరో , హీరోయిన్ తరచూ , చిలిపిగా దగ్గరికి చేరుకొని , ముద్దులు కుమ్మరించు కుంటున్నారు ఒకరి మీద ఒకరు !
నవీన్ లో ‘ చలనం ‘ కనబడటం లేదు వనితకు !
సినిమా అవగానే , కార్ స్టార్ట్ చేసి , దారిలో ఓ రెస్టారెంట్ ను బైపాస్ చేశాడు నవీన్ !
నిశ్శబ్దం గా ఇంటికి చేరుకున్నారు, ఇద్దరూ !
ఆకలి అవుతున్నా , ఫ్రిజ్ ఓపెన్ చేసి , వైన్ బాటిల్ ఓపెన్ చేసి , ఓ రెండు గ్లాసులు తాగాడు నవీన్ !
అమాయకం గా , చిన్న పిల్ల లా ఒక పక్కకు తిరిగి , ఒళ్ళు తెలియకుండా , నిద్రపోతున్న వనితను చూస్తూ , తనూ జారుకున్నాడు, నిద్ర లోకి !
వచ్చే టపాలో మరి కొంత !
బాగు www. baagu.net 
Nice,good example.Please ….post faster..
This subject is much useful and necessary for the young generation
Thank you ! I will try to post minimizing delays. Please bear with me !