ప్రేమించడం ఎట్లా? 5.
ఎంతో కొంత ఇవ్వడం: ప్రేమించడం ఎట్లాగో తెలుసుకునే ముందు , మన లక్షణాలు కొన్ని ఎట్లా ఉండాలో క్రితం టపాల లో తెలుసుకున్నాం కదా ! మరి ఎంతో కొంత ఇవ్వడం ఏమిటి ? ఒక సంబంధం ప్రేమ మయం గా చేసు కోవడం లో మీరు చేయవలసినది , మీరు ప్రేమించే వారికి ఎంతో కొంత ఇవ్వ గలగడం ! ఏ సంబంధం అయినా , మీరు కేవలం స్వీకరించే పరిస్థితి లోనే ఉంటే , అంటే , అది ప్రేమ కానీ , లేదా ఇతర వస్తు వాహనాలు కానీ , లేదా సేవలు కానీ , మీరు ఏమీ ఇవ్వకుండా ( ఇవ్వ గలిగే పరిస్థితి లో ఉండి కూడా ) ఎదుటి వ్యక్తి నుంచి వీలైనంత స్వీకరించాలనే అనుకుంటే , ఆ సంబంధం ఎక్కువ కాలం నిలువదు ! బీటలు బారుతుంది ! పెళు సవుతుంది ! ఏ క్షణాన్నైనా , తెగి పోయేంత సున్నితం అవుతుంది ! ఘర్షణలకు ఆలవాలం అవుతుంది ! స్పర్ధ లకు మూలం అవుతుంది ! ఇట్లా చేస్తూ ప్రేమిస్తున్నాం అనుకునే వ్యక్తులను , అవతలి వ్యక్తులు , జలగలు గా ముద్ర వేయడానికి అవకాశం హెచ్చుతుంది ! తీసుకునే దానికన్నా ఎక్కువ గా ఇవ్వగలిగే లక్షణం అలవరచు కుంటే , ఆ సంబంధం పలు శాఖలు గా పెనవేసుకుని , గట్టి పడుతుంది ! వృద్ధి చెందుతుంది !
మనసు విప్పడం : మీరు ప్రేమించే వ్యక్తి ప్రేమను పొందాలంటే , దాగుడు మూతలు తొలి నాళ్ళ లో సరదాగా ఉన్నా కూడా , మీ మనసు విప్పి సాధక బాధకాలు పరస్పరం తెలుసుకోక పొతే కూడా , మీ ప్రేమ లోతు లేకుండా ఉంటుంది ! పైపైనే తేలి పోతూ ఉంటుంది మీ జీవిత నావ ఆ ప్రేమ లో ! అదే ప్రేమ గాఢమైనది గా అవ్వాలంటే , మనసు విప్పి మాట్లాడుకోవడం ముఖ్యం !
ఓపిక తో వెలుగును, ప్రేమ దీపిక ! : మీరు ప్రేమను పరిగెత్తించ లేరు అంటే , తొందరపెడితే , ప్రేమ కంగారు పడుతుంది ! మీరు ఓపిక గా అంటే నిదానం గా ప్రేమ లతలను అల్లుకోనివ్వాలి ! అప్పుడే ప్రేమ దీపం వెలుగుతుంది ! మీరు మీ ప్రేమ ను ఎవరి మీదా కూడా బలవంతం గా రుద్ద లేరు కదా ! అట్లాంటి పరిస్థితి మీలో, భావోద్వేగ పరం గా చాలా అలసి పోయేట్టు చేసి , అసంతృప్తి కలిగిస్తుంది !
వచ్చే టపాలో ఇంకొన్ని సంగతులు !
బాగు www. baagu.net 
Very good post and b’ful pic
Thanks.
చాలా ప్రేమలు ఈ ఇచ్చిపుచ్చుకొవటాలతోనే అటకెక్కుతాయి.
ఇతరులనుండి పొందాలి అనుకోవటం వారికి దూరమవ్వటానికి తొలిమెట్టు.
అద్భుతమైన వివరణ అభినందనలు సుధాకర్జీ….