ఉద్యమ కారులూ, మీ ఆరోగ్యం జాగ్రత్త !
అన్యాయాలూ, అవినీతుల ‘సంతానమే’ ఉద్యమం !
ప్రతి ఉద్యమానికీ ‘తాతలే’, స్వార్ధం నిండిన నేతలు !
‘తాత’ మాట మీకు బంగారు బాటా ? !
‘తాతలు’ కోట్లకు పడ గెత్తి తే ,
మీరు, నిండా మునగడమా ? !
మీ మనుగడ ఆగడమా ???
నడుస్తారు మీరు, అనేక మైళ్ళ దూరం !
వేస్తారు, మానవ హారాలు
మానుతారు, నిద్రాహారాలు !
పట్టించుకోరు, మీ రోగాలు !
మీ మందులు మానేస్తారు !
మీ బీపీ పెరిగినా ,
మీ షుగరు తగ్గినా,
మీరు మాత్రం హుషారు !
గుండె ఆగి, కుప్ప కూలినా
ఉద్యమం ఆపరు మీరు !
మీ తల్లి, తండ్రి ,
మీ కొడుకూ, కూతురూ !
మీ తోబుట్టువులూ !
అందరికీ మీరు కావాలి
వారందరికీ మీరొక్కరే !
ప్రతి జీవితం విలువైనది,
మీ జీవితం కూడా !
తాత లెవరూ చావలేదు !
తాతల ‘సంతానం’ చావదు !
ఉద్యమం పొందు లో, తాతలు సుఖం !
లేదు, వారి నిఘంటువులో,
‘త్యాగం ‘ !
మరి మీకెందుకు ???
మీ స్వేదం, రక్తం ,
మీ జీవితాలూ , ఉదాత్తం !
చేయకండి, నేతలకు ధారాదత్తం !
‘తాతల’ ననుసరించండి !
‘సమిధల’వ్వకండి !
మీ ఆరోగ్యం జాగ్రత్త !
బాగు www. baagu.net 
బాగా చెప్పేరు, కాని ఇప్పుడు రుచించదు. 😦