Our Health

బాల బాలికలలో ఊబకాయం.

In ప్ర.జ.లు., Our Health on జనవరి 21, 2013 at 12:56 సా.

బాల బాలికలలో ఊబకాయం :

 
పల్లవి ఒక చక్కటి అమ్మాయి. ఒక్కగానొక్క కూతురు , గారాబాల పట్టి. లేక లేక కలిగిన సంతానం. తల్లిదండ్రులు అల్లారు ముద్దు గా పెంచుకుంటున్నారు.పల్లవి అమ్మ తల్లిదండ్రులు , నాన్న తల్లిదండ్రులు కూడా ! బాగా ధనవంతులు కాక పోయినా , స్తోమత కలిగినవారే !  అందుచేత , ఏలోపమూ  లేకుండా పెంచుతున్నారు పల్లవిని ! పల్లవి ఆటపాటల్లో నే కాకుండా తెలివితేటల్లో కూడా చురుకు తన క్లాసులో  మొదటి ముగ్గురిలో ఉంటుంది ఎప్పుడూ ! పల్లవి తల్లిదండ్రులు బహు ముచ్చట పడుతున్నారు, పల్లవి ప్రతిభ తో , తమ జీవిత సంగీతానికి , తమ పల్లవి, కేవలం ఒక పల్లవి మాత్రమె కాక  , ఒక ఆనందకరమైన శృతి అనుకుంటున్నారు ! పల్లవి కి  భోజ నం బహు  ఇష్టం. చిరుతిండ్లు సరే సరి. ఉదయం టిఫిన్ లో నాలుగు ఇడ్లీలు నెయ్యి వేసుకుని తింటుంది.పల్లవి తల్లి కూడా  స్కూల్ లో బాగా చదువుకోవాలి , ,ఆడు కోవాలి , పల్లవి అలసి పోతుంది , బలహీన పడుతుంది అనే ఆందోళనతో , టిఫిన్నది   బాక్స్ ను టిఫిన్ బాక్స్ లా కాకుండా , ఒక చిన్న సైజు క్యారేజీ  పెడుతుంది. ఆకుకూర పప్పు , బంగాళా దుంపల వేపుడు కూర , గడ్డ పెరుగు ఒక చిన్న బాక్స్ లో ఉంచి , అన్నం లో కలుపుకు తినమని చెపుతుంది. లంచ్ చేసిన తరువాత తినడానికి ఒక చాక్లెట్ బార్ ను కూడా ఇస్తుంది.  పల్లవి తనకు ఇచ్చిన క్యారేజీ ను ఎప్పుడూ అతి  జాగ్రత్త గా  స్కూల్ కు తీసుకు వెళ్లి , ఏవీ వదలి వేయకుండా , తింటుంది. ఇంటికి రాగానే  హార్లిక్స్ తాగుతుంది, రాత్రి భోజనం సమయం లో కూడా తనకు ఇష్టమైన బంగాళా దుంపల వేపుడు కూర ఉండాల్సిందే ! సాంబారు ఉంటే  అప్పడాలు కనీసం మూడు తినాల్సిందే !  భోజనం తరువాత , తన అమ్మమ్మ స్వహస్తాలతో చేసిన సున్ని ఉండలు కానీ , లడ్డూలు కానీ, పాల కోవా కానీ అతి ప్రేమ తో తింటుంది పల్లవి ! ఇక అమ్మా నాన్నలతో , కానీ అమ్మమ్మ తాత లతో కానీ బయటకు షాపింగుకు వెళ్లిందంటే , పిజ్జాలూ , బర్గర్ లో తప్పనిసరిగా తినాల్సిందే !  మరి షాపింగులు నెలకొక సారి కాదు కదా , కనీసం అయిదారు సార్లు వెళ్ళడం జరుగుతుంది ఏదో ఒక నెపం తో ! 
పల్లవి చాలా బొద్దుగా తయారవుతుంది , చూడడానికి అందరికీ ముచ్చటగా ఉంది , ప్రత్యేకించి పండగలకూ , పబ్బాలకూ అందరు బంధువులూ కలిసినప్పుడు కూడా , పల్లవి పట్టు లంగా  వేసుకుని , గంతులు వేస్తుంటే , అందరూ ” ముద్దు గా ” ఉంది అనుకుంటున్నారు ! పల్లవి తలిదండ్రులు కూడా చాలా ఆనంద పడుతున్నారు.  
ఇక్కడ పల్లవిని అత్యంత ప్రేమ, ఆప్యాయత లతో పెంచే పల్లవి తల్లిదండ్రులు అశ్రద్ధ చేస్తున్న విషయం , పల్లవి  ఊబకాయం గురించి ! అంటే ఒబీసిటీ  ! పల్లవి బాగా లావు అవుతుంటే , ” చిన్న పిల్ల , బొద్దు గా , బంగారు బొమ్మ లా ఉంది ” అనుకుని సంతోష పడుతున్నారు కానీ , అట్లా ఒళ్ళు రావడం అనారోగ్యం అనే వాస్తవం   గమనించ లేక పోతున్నారు ! 
 
ఈ చిన్న పిల్లలలో  వచ్చే ఊబకాయం గురించి వివరం గా , శాస్త్రీయం గా వచ్చే టపా నుంచి తెలుసుకుందాం ! 
  1. Elders are not aware, junk food is causing all troubles.

స్పందించండి

Fill in your details below or click an icon to log in:

వర్డ్‌ప్రెస్.కామ్ లోగో

You are commenting using your WordPress.com account. నిష్క్రమించు / మార్చు )

ట్విటర్ చిత్రం

You are commenting using your Twitter account. నిష్క్రమించు / మార్చు )

ఫేస్‌బుక్ చిత్రం

You are commenting using your Facebook account. నిష్క్రమించు / మార్చు )

గూగుల్+ చిత్రం

You are commenting using your Google+ account. నిష్క్రమించు / మార్చు )

Connecting to %s

%d bloggers like this: