కలలు నిజమేనా?.1.

కలలు నిజమో కాదో తెలుసుకునే ముందు మనం అసలు కలలు ఏమిటో చూద్దాం!
కలలు శాస్త్రీయం గా, మన అనుభూతులు, ఆలోచనలల ప్రవాహాలు. ఈ ప్రవాహాలలో అత్భుత చిత్రాలు అంటే ఇమేజెస్ ఉండవచ్చు , లేదా మనసుకు నచ్చే ( లేదా భరించ లేని ) శబ్దాలు కానీ సంగీతం గానీ ఉండవచ్చు!
ఈ వివిధ భావోద్వేగాల ప్రవాహాలు అప్రయత్నం గా అంటే మన ప్రమేయం లేకుండా నే నిద్రలో నిద్రలో ఉన్నప్పుడు వస్తుంటాయి. వీటినే మనం కలలు అంటాము !
ఈ  అనుభూతులు, అనుభవాలు కలలో ఎందుకు వస్తాయీ అన్న ప్రశ్నకు ఇంత వరకు ఖచ్చితమైన సమాధానం దొరకలేదు !
మన నిద్ర సహజం గా కొన్ని దశలలో ఉంటుంది , ఒక కారు కనక వివిధ వేగాలతో రోడ్డు మీద ప్రయాణం చేసినట్టు ! ఆ వివిధ దశలలో మన మెదడు లో కూడా తదనుగుణం గా మార్పులు వస్తూ ఉంటాయి. నిద్రలో ఒక దశను రెమ్ స్లీప్ అంటారు అంటే REM sleep or Rapid Eye Movement sleep అని. ఈ దశ మనకు ఎందుకు ముఖ్యం అంటే కలలు సామాన్యం గా ఈ దశలో నే వస్తూ ఉంటాయి. ఈ దశలో మన కళ్ళు తదేకం గా కదులుతూ ఉంటాయి మనకు తెలియ కుండానే ! నిద్రలో మిగతా దశలలో కూడా కలలు వచ్చినా అవి అస్పష్టం గా ఉండి మనం తేలిక గా మర్చిపోయే లా ఉంటాయి. అంటే ఆ కలలను మనం అంత సులువు గా స్పష్టం గా గుర్తు కు తెచ్చుకోలేము !
మరి మన కలలు ఎంత సేపు వస్తాయి ?: సామాన్యం గా కొన్ని క్షణాలు మాత్రమె ఉంటాయి ఈ స్వప్నాలు. కానీ అధికం గా ఇరవై నిమిషాల వరకూ ఉండవచ్చు కొన్ని సమయాలలో !
మనకు వచ్చే ఈ కలలు రెమ్ స్లీప్ లో కనక మనం ఆ నిద్ర నుంచి లేస్తే కానీ లేదా ఎవరైనా మనలను నిద్ర నుంచి లేపితే కానీ , ఆ సమయం లో వచ్చిన కలను మనం చాలా వరకు గుర్తు కు తెచ్చుకో గలము !
ఒక నిద్రలో ఎన్ని కలలు వస్తాయి ?: సామాన్యం గా మనం మూడు నుంచి అయిదు కలలు కంటాము ఒక నిద్ర లో కానీ కొందరు డ్రీ మర్స్ ఏడు కలలు కూడా కనగలరు !
మనం రమారమి ఎనిమిది గంటలు కనక నిద్ర పొతే , ఆ నిద్రలో కనీసం రెండు గంటలు కలల ప్రపంచం లో విహరిస్తూ ఉంటాం!

కలలు మన నిజ జీవితానికీ , మన అంతర్ముఖానికీ అంటే మన మనసులలో ( అంటే మస్తిష్కాలలో ) దాగిన అనుభూతుల, లేదా ఆలోచనల పరంపర లకు ఒక వారధి గా భావించ బడుతుంది. ఈ కలలు అనేక విధాలు గా ఉండవచ్చు. ఏవిధం గా ఉన్నా మన కలలను మనం నియంత్రించ లేము ! అంటే ఆ కలలు మన స్వాధీనం లో ఉండవు ! కేవలం ఆ కలల అనుభూతులు మాత్రమె మనకు మిగులుతాయి !
కొన్ని సమయాలలో ఆనూహ్యం గా మన కలలు, మన జీవితాలలో స్ఫూర్తి ని కలిగించి మనకు ఒక మంచి ఆలోచనను కలిగించడమో లేదా ఒక ఉన్నత భవిష్య మార్గ నిర్దేశనం చేయడమో చేస్తాయి !
ఉదా : కేకులె అనే ఒక జర్మన్ రసాయన శాస్త్రజ్ఞుడు బెంజీన్ అనే ఒక రసాయన నిర్మాణం తనకు కలలో కనిపించిన్దన్నాడు. ఆ నిర్మాణం శాస్త్రీయం గా రుజువు అవడమే కాకుండా , ఆర్గానిక్ కెమిస్ట్రీ లేదా సేంద్రియ రసాయన శాస్త్రం లో జరిగిన అత్యత్భుత ఆవిష్కారం గా ఇప్పటికీ పరిగణింప బడుతుంది !

మరి ఈ కలల శాస్త్రాన్ని ఏమంటారో చెప్పలేదు కదూ , దానిని ఒనీరాలజీ అంటారు( Oneirology ) ( కంగారు పడకండి పదం చూసి , గ్రీకు బాష లో ఒనీరోస్ అంటే నిద్ర , లజీ అంటే శాస్త్రం )

ఇంకొన్ని వివరాలు వచ్చే టపాలో తెలుసుకుందాం !