మునుపటి టపా లో మనం తెలుసుకున్నది, సర్వైకల్ క్యాన్సర్ చాలా ప్రారంభ దశలో ఉన్నప్పుడు సర్విక్స్ లో కలిగే మార్పులూ,  ఆ మార్పుల వల్ల కనిపించే లక్షణాలు. 

ఇప్పుడు  మిగతా లక్షణాలు కూడా చూద్దాము.

రతి క్రియ జరిగిన తరువాత  యోని అంటే వజైనా లోపల కానీ, వజైనా చుట్టూ కానీ నొప్పి గా ఉండవచ్చు. ఇలా ఎందుకు జరుగుతుందంటే, HPV వైరస్ ఇన్ఫెక్షన్ సర్విక్స్ మీద ఉండటం వల్ల,  సర్విక్స్ చుట్టూ ఉన్న నాడీ కణజాలం ఎక్కువ సెన్సిటివ్ గా అయి,  వజైనా లోనూ, చుట్టూ పక్కలా నొప్పి గా ఉంటుంది. అంతే కాక ,  వజైనా లేక యోని , సర్విక్స్ నుంచి నొప్పి ని తెలియ చేసే నాడి ఒకటే ( ఇది S – 2, 3, 4. నాడి ) .

సాధారణం గా వజైనా, సర్విక్స్ లో గ్రంధులు ఉంటాయి. ఈ గ్రంధులు స్రవించి, వజైనా నూ, సర్విక్స్ నూ తేమ గా ఉంచుతుంటాయి.

ఇలా గ్రంధులు స్రవించడం వల్ల, ఆ భాగాలు ఆరోగ్యం గా ఉండి, రతి క్రియకూ, అంటే పురుషాంగం యోనిలో సులభం గా నొప్పి లేకుండా  ప్రవేశించ డానికీ , అలాగే వీర్య కణాలు సులభంగానూ , సురక్షితం గా నూ గర్భాశయం లో కి ప్రవేశించాడానికీ, అనుకూలం గా ఉంటుంది.

ఆ భాగాలలో HPV ఇన్ఫెక్షన్ ఉన్నప్పుడు , ఆ మాటకొస్తే, ఏ రకమైన ఇన్ఫెక్షన్ అయినా ఉన్నప్పుడు, ఆ గ్రంధుల స్రావం తో పాటు ఇన్ఫెక్షన్, ఇతర కణాలూ కలిసి, చెడు వాసన తో కూడిన ద్రవం ఏర్పడుతుంది. దీనినే   ‘   అన్ ప్లెసెంట్ వజైనల్ డిశ్చార్జ్ ‘ అంటారు. 

ఈ రకమైన డిశ్చార్జ్  కు కారణం, చాలా రకాల ఇన్ఫెక్షన్ లు కావచ్చు.  కానీ ముఖ్యం గా గుర్తు ఉంచుకోవలసిన విషయం ఏమిటంటే, అన్ ప్లె సెంట్ వజైనల్ డిశ్చార్జ్  ఎప్పుడూ అసాధారణమైన లక్షణం.  అది సహజం కాదు. 

అలా జరిగినప్పుడు, వెంటనే గైనకాలజిస్ట్ సలహా తీసుకోవాలి. 

సాధారణం గా మూత్ర విసర్జన చేసే సమయం లో నొప్పి,  యూరిన్ ఇన్ఫెక్షన్ వల్ల వస్తూంది.  కానీ కొన్ని సమయాలలో ఈ లక్షణానికి కారణం సర్వైకల్ క్యాన్సర్ కావచ్చు. 

 

 

వచ్చే టపాలో ఇంకొన్ని విషయాలు తెలుసుకుందాము!