Our Health

ఆకర్షణ,ప్రేమ,కామ వాంఛ – శాస్త్రీయ విశ్లేషణ.13

In Our Health on మార్చి 13, 2012 at 10:47 సా.

ఆకర్షణ,ప్రేమ,కామ వాంఛ – శాస్త్రీయ విశ్లేషణ.13.

 
సంస్కృతి, జీవ శక్తుల కలగలుపు:
లెక్కకు మించిన ఆచార వ్యవహారాలూ, అలవాట్లూ, సాంఘిక కట్టుబాట్లూ, నాగరికతలూ, ఈ మూడు  జీవ శక్తులు అంటే ఆకర్షణ, ప్రేమ , కామ వాంఛ ల నుంచి పరిణామం చెందినవే !!
అవి ఒక కుటుంబం గానే కావచ్చు,  అతడు, ఆమె సంగమించే ఆచారాలే  కావచ్చు, లేక పిల్లల పెంపకమే కావచ్చు, లేక మనం అభిమానించి పెంచే  కళలే కావచ్చు.
ఈ మూడు జీవ శక్తులు ( అంటే  ఈ ఆకర్షణ, ప్రేమ, కామ వాంఛ అనే అనుభూతులు ) కొన్ని విపరీత పరిణామాలకు కూడా దారి తీయవచ్చు. అవే : డిప్రెషన్, స్త్రీలపైన అత్యాచారాలు చేయటము, సంబంధాలు  తెగి పోవటము, కుల టత్వము ( అంటే adultery )  విడాకులు, హింస, ఆత్మ హత్య లేక హత్య.
మనము కేవలం ఈ జీవ శక్తులకు బానిసలమా ? మనం మనలో ఈ జీవ శక్తులకు కారణమైన డీ ఎన్యే అంటే ‘ DNA ‘ నే మన పొరపాట్లకూ, మన విపరీత ప్రవృత్తికీ, కామ విశృంఖలతకూ బాధ్యులను చేస్తూ ఉందామా?   వీటన్నిటికీ సమాధానం ఒకే ఒక్క పదం లో చెప్పవచ్చు: కాదు !

మానవుడు పరిణామం చెందుతున్న కొద్దీ అతడి లో ఉన్న మెదడు కూడా పరిణామం చెందుతూ ఉన్నది.
ప్రీ ఫ్రాన్టాల్ కార్టెక్స్  లేక ( pre frontal cortex ) కూడా పరిణామం చెంది అది మానవులు చేసే వివిధ  క్రియలను  హేతువాద బద్ధంగా చేయటానికీ ముఖ్య కారణం అవుతుంది. 
ప్రీ ఫ్రాన్ టాల్ కార్టెక్స్ , మెదడు లో ఒక ముఖ్యమైన భాగం. ఈ భాగం మన నుదిటి వెనుకనున్న మెదడు భాగం.  ఈ భాగం కంప్యుటర్ లోని ప్రాసెసర్ లాగా మనలో పని చేస్తుంది. ఈ భాగం మన మెదడు లోని మిగతా భాగాలతో అనుసంధానమై ఉంటుంది.  మెదడు లో ఉన్న లేక వస్తున్న సమాచారాన్నంతా  ఈ ప్రీ ఫ్రాన్ టాల్ కార్టెక్స్ , 
విచారించి,  మంచీ, చెడూ విచక్షణ చూపి, హేతు వాద బద్ధం గా ఒక నిర్ణయం  తీసుకునేట్లు చేస్తుంది. అలాగే భవిష్యత్తు కు సంబంధించిన పధకాలు వేసుకోవడం , వాటిని అమలు పరచడం లో కూడా ఈ ప్రీ ఫ్రాన్ టాల్ కార్టెక్స్ కీలక పాత్ర వహిస్తూంది.
ఈ ప్రీ ఫ్రాన్ టాల్ కార్టెక్స్ ప్రస్తావన ఇప్పుడు ఎందుకు వచ్చింది అంటే, ఈ భాగమే మానవులను కేవలం జీవ ప్రవ్రుత్తి తోనే ప్రేరేపింప పడకుండా, తమ  విచక్షణా జ్ఞానాన్ని కూడా ఉపయోగించి  తదనుగుణంగా కీలకమైన విషయాలలో సరి అయిన నిర్ణయాలు తీసుకునేట్లు చేస్తుంది. 
అందు వల్లనే, ఆకర్షణ కు లోనైన వారందరూ  విపరీతం గా ప్రవర్తించరు ! . ప్రేమించే వారందరూ కామ విశృంఖలత చూపరు !!.  కామ వాంఛ ఉన్న వారందరూ హింసకు, అత్యాచారాలకూ పాల్పడరు !!. వివాహం చేసుకున్న  వారందరూ విడిపోరు !! 
ఇంకో విధం గా చెప్పాలంటే   ‘  most humans are not just driven by their basic instincts, but by their intellect  too !! 

జీవ శక్తులు, సంస్కృతి- ఈ రెండూ  ‘ nature and nurture ‘ గా  మానవ ప్రవర్తనను ప్రభావితం చేస్తాయి.  మన హేతు వాద ఆలోచనా ధోరణి – ఈ మూడూ కూడా  ఒకదాని మీద ఇంకొకటి ముడి పడి ఉంటాయి మనలో ! ఈ మూడు శక్తుల కలగలుపుల పరిణామమే మన నడవడిక, ప్రవర్తన.
అందు వల్లనే విపరీతమైన కోరికల అలలు చెలరేగినా, ప్రణయాకర్షణ, ప్రేమ, లేక అంతులేని కామవాంఛ లు ఉత్పన్నమైనా , వాటిని  మనలో మనమే కనిపెట్టి , తగు నిర్ణయాలు హేతు బద్ధంగా తీసుకోగాలుగుతున్నాము .  

అందు కే వివాహ వ్యవస్థ ఇంకా వర్దిల్లుతూంది ప్రపంచం లో !!!

తరువాతి టపాలో కామ వాంఛ గురించి తెలుసుకుందాము !!


స్పందించండి

Fill in your details below or click an icon to log in:

వర్డ్‌ప్రెస్.కామ్ లోగో

You are commenting using your WordPress.com account. నిష్క్రమించు / మార్చు )

ట్విటర్ చిత్రం

You are commenting using your Twitter account. నిష్క్రమించు / మార్చు )

ఫేస్‌బుక్ చిత్రం

You are commenting using your Facebook account. నిష్క్రమించు / మార్చు )

గూగుల్+ చిత్రం

You are commenting using your Google+ account. నిష్క్రమించు / మార్చు )

Connecting to %s

%d bloggers like this: